എന്റെ കേരളം പ്രദര്‍ശന വിപണന മേളയില്‍ ഇന്ന് (ഏപ്രില്‍ 13) പാലക്കാട് ജി.എം.എം.ജി.എച്ച്.എച്ച്.എസിലെ വിദ്യാര്‍ത്ഥികള്‍ അവതരിപ്പിക്കുന്ന വിവിധ കലാപരിപാടികള്‍ നടക്കും. ഉച്ചക്ക് 12 ന് പി. അമൃതയും സംഘവും വഞ്ചിപ്പാട്ട്, 12.15 ന് നിയ വിനോദന്‍ ഭരതനാട്യവും 12.30 ന് വി. അക്ഷര, വി. അമൃത എന്നിവര്‍ പൂതപ്പാട്ട് നൃത്താവിഷ്‌കാരവും അവതരിപ്പിക്കും. തുടര്‍ന്ന് 12.45 ന് കല്ലേപ്പുള്ളി പി.എ.എം.എം.യു.പി സ്‌കൂള്‍ വിദ്യാര്‍ത്ഥികളായ കെ. വിഷ്ണുവിന്റെയും സംഘത്തിന്റെയും ചെണ്ടമേളവും അരങ്ങേറും.

സെമിനാര്‍ ഇന്ന്

യുവജനങ്ങള്‍ക്കിടയില്‍ റോഡ് സുരക്ഷാ അവബോധം സൃഷ്ടിക്കുന്നതിനായി സംസ്ഥാന യുവജന കമ്മീഷന്റെ ആഭിമുഖ്യത്തില്‍ മംഗലം ചേന്നര മൗലാനാ ആര്‍ട്സ് ആന്‍ഡ് സയന്‍സ് കോളേജില്‍ റോഡ് സുരക്ഷാ ബോധവത്കരണ ക്ലാസ് സംഘടിപ്പിച്ചു. കോളേജ് പ്രിന്‍സിപ്പല്‍ ഡോ.സതീഷ്.കെ.പി ഉദ്ഘാടനം ചെയ്തു. യൂത്ത് കമ്മീഷന്‍ ജില്ലാ കോ ഓര്‍ഡിനേറ്റര്‍ എന്‍.എം സുഹൈല്‍ അധ്യക്ഷത വഹിച്ചു. തിരൂരങ്ങാടി അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്പെക്ടര്‍ കൂടമംഗലത്ത് സന്തോഷ് കുമാര്‍ റോഡ് സുരക്ഷാ ബോധവത്കരണ ക്ലാസിന് നേതൃത്വം നല്‍കി. കെ എം ഗഫൂര്‍, കോളേജ്  അഡ്മിനിസ്‌ട്രേറ്റര്‍ മുഹമ്മദ് റാഷി, അഫീദ സംബന്ധിച്ചു.

സംസ്ഥാന വനിതാ കമ്മീഷന്റെ അദാലത്ത് മാര്‍ച്ച് 20 ന് രാവിലെ 10 മുതല്‍ മലപ്പുറം ജില്ലാ പഞ്ചായത്ത് ഹാളില്‍ നടക്കും.

2014 മുതല്‍ എന്‍.സി.വി.ടി ട്രേഡുകളില്‍ അഡ്മിഷന്‍ എടുത്ത ട്രെയിനികളുടെ സര്‍ട്ടിഫിക്കറ്റുകളില്‍ തിരുത്തല്‍ വരുത്തുന്നതിന് ഗ്രീവന്‍സ് സംവിധാനം എന്‍.സി.വി.ടി എം.ഐ.എസ് പോര്‍ട്ടലില്‍ പുനഃസ്ഥാപിച്ചതായി അരീക്കോട് ഗവ. ഐ.ടി.ഐ പ്രിന്‍സിപ്പല്‍ അറിയിച്ചു. കൂടുതല്‍ വിവരങ്ങള്‍ 0483 2850238 എന്ന നമ്പറില്‍ ലഭിക്കും.

കോട്ടയം: സപ്ലൈകോ വിഷു - റംസാൻ ജില്ലാ ഫെയറിന് തുടക്കമായി. തിരുനക്കര സപ്ലൈകോ ഹൈപ്പർമാർക്കറ്റിൽ ആരംഭിച്ച ഫെയർ തിരുവഞ്ചൂർ രാധാകൃഷ്ണൻ എം.എൽ.എ ഉദ്ഘാടനം  ചെയ്തു. ഏപ്രിൽ 21വരെയാണു ഫെയർ. അരി, പഞ്ചസാര തുടങ്ങിയ ഉത്പന്നങ്ങൾ രണ്ട് മുതൽ 35 ശതമാനം വരെ വിലക്കിഴിവിൽ ഫെയറിൽ ലഭ്യമാകും.
അരി, ബിരിയാണി അരി, പഞ്ചസാര തുടങ്ങി ആറോളം ഉത്പന്നങ്ങൾ, എട്ടോളം എഫ്എംസിജി ഉത്പന്നങ്ങൾ, 24 ഇന ശബരി ഉത്പന്നങ്ങൾ എന്നിവയാണ് ഫെയറിൽ പ്രത്യേക വിലക്കിഴിവോടെ ലഭ്യമാക്കുക. ശബരി ഉത്പന്നങ്ങൾക്ക് 42 മുതൽ 54 ശതമാനം വരെ വിലക്കിഴിവാണുള്ളത്.

ഏപ്രില്‍ 11 ന് പാലക്കാട് കെ.എസ്.ആര്‍.ടി.സി ബസ് സ്റ്റാന്‍ഡ് പരിസരത്ത് കുഴഞ്ഞുവീണ് കിടക്കുന്ന നിലയില്‍ കണ്ടെത്തിയ അജ്ഞാതന്‍ ജില്ലാ ആശുപത്രിയില്‍ ചികിത്സയിലിരിക്കെ മരിച്ചു. ഇയാളുടെ പേരുവിവരങ്ങള്‍ ലഭ്യമല്ല. ഏകദേശം 50-60 പ്രായം തോന്നിക്കും. ഇയാളെ കുറിച്ച് എന്തെങ്കിലും വിവരം അറിയുന്നവര്‍ പാലക്കാട് സൗത്ത് പോലീസ് സ്റ്റേഷനില്‍ ബന്ധപ്പെടണം. മൃതദേഹം ജില്ലാ ആശുപത്രിയില്‍ സൂക്ഷിച്ചിട്ടുണ്ട്. ഫോണ്‍: എസ്.എച്ച്.ഒ ടൗണ്‍ സൗത്ത് പോലീസ് സ്‌റ്റേഷന്‍: 9497987146, പോലീസ് സ്റ്റേഷന്‍: 0491-2537368. ഇ-മെയില്‍-shotownnspspkd.pol@kerala.gov.in

കാഞ്ഞിരപ്പുഴ ജലസേചന വകുപ്പിന്റെ നിയന്ത്രണത്തിലുള്ള കംഫര്‍ട്ട് സ്റ്റേഷന്‍ കം ഫാന്‍സി ഷോപ്പിന്റെ നടത്തിപ്പിനായി ക്വട്ടേഷന്‍ ക്ഷണിച്ചു. ഇതോടൊപ്പം വിനോദസഞ്ചാരികള്‍ക്ക് ഭക്ഷണം കഴിക്കാന്‍ കഴിയുന്ന രീതിയില്‍ സ്റ്റാന്‍ഡേര്‍ഡ് ഷെഡ് (750 ചതുരശ്ര അടി) നിര്‍മ്മിച്ച് ഹോട്ടല്‍ രീതിയില്‍ ഭക്ഷണം വിതരണം നടത്താം. 10,000 രൂപയാണ് നിരതദ്രവ്യം. ക്വട്ടേഷനുകള്‍ ഏപ്രില്‍ 22 ന് ഉച്ചയ്ക്ക് 12 നകം 10,000 രൂപയുടെ ഡി,ഡി രജിസ്റ്റേഡ് തപാലില്‍ എക്‌സിക്യൂട്ടീവ് എന്‍ജിനീയര്‍, കെ.പി.ഐ.പി ഡിവിഷന്‍ നം.1 കാഞ്ഞിരപ്പുഴ എന്ന വിലാസത്തില്‍ ലഭിക്കണം. അന്നേദിവസം വൈകിട്ട് നാലിന് ക്വട്ടേഷനുകള്‍ തുറക്കും. ഫോണ്‍: 8547451363.