ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തിൽ ഉദ്യോഗാർത്ഥികൾക്കായി 2023 മാർച്ച്  22 ന് ആരംഭിക്കുന്ന സൗജന്യ സോഫ്റ്റ് സ്‌കിൽ പേഴ്‌സണാലിറ്റി സ്‌കിൽ ഡവലപ്‌മെന്റ് പരിശീലനത്തിന്  അപേക്ഷ ക്ഷണിച്ചു. ഇന്റർവ്യൂ അഭിമുഖീകരിക്കൽ, മോട്ടിവേഷൻ, ഇംഗ്ലീഷ് കമ്മ്യൂണിക്കേഷൻ , റെസ്യൂമെ പ്രിപ്പറേഷൻ എന്നിവയിൽ വിദഗ്ദരായ അധ്യാപകർ ക്ലാസ്സെടുക്കും. താത്പര്യമുള്ളവർ  രജിസ്റ്റർ ചെയ്യണം. ഫോൺ 04832734737, 8078428570.

മഞ്ചേരി ഗവ. യു.പി സ്‌കൂളില്‍ (ചുള്ളക്കാട്) പുതുതായി നിര്‍മിച്ച 'വര്‍ണ്ണക്കൂടാരം' പ്രീപ്രൈമറി സ്‌കൂളിന്റെ ഉദ്ഘാടനവും സ്‌കൂളില്‍ നിന്ന് വിരമിക്കുന്ന അധ്യാപകര്‍ക്കുള്ള യാത്രയയപ്പ് സമ്മേളനവും സ്‌കൂളിന്റെ നൂറാം വാര്‍ഷികാഘോഷവും ഇന്ന് നടക്കും. വൈകിട്ട് നാലിന് മന്ത്രി വി. അബ്ദുറഹിമാന്‍ ഉദ്ഘാടനം ചെയ്യും. ചടങ്ങില്‍ അഡ്വ. യു.എ ലത്തീഫ് എം.എല്‍.എ അദ്ധ്യക്ഷത വഹിക്കും. മഞ്ചേരി നഗരസഭാ ചെയര്‍പേഴ്‌സണ്‍ വി.കെ സുബൈദ, സംസ്ഥാന വഖഫ് ബോര്‍ഡ് ചെയര്‍മാന്‍ ടി.കെ ഹംസ, മലപ്പുറം ഡി.പി.സി ടി.രത്‌നാകരന്‍, മഞ്ചേരി ബി.ആര്‍.സി ബി.പി.സി സുധീര്‍ ബാബു തുടങ്ങിയവര്‍ പങ്കെടുക്കും.

ആയഞ്ചേരി ഗ്രാമപഞ്ചായത്ത് സി ഡി എസിന്റെ  ആഭിമുഖ്യത്തിൽ വിഷു ചന്തക്ക് കല്ലേരിയിൽ തുടക്കമായി. പഞ്ചായത്ത് പ്രസിഡന്റ് കാട്ടിൽ മൊയ്തു മാസ്റ്റർ ഉദ്ഘാടനം ചെയ്തു. സ്ഥിരം സമിതി ചെയർമാൻ അശ്റഫ് വെള്ളിലാട്ട് അധ്യക്ഷത വഹിച്ചു. ചടങ്ങിൽ സ്ഥിരം സമിതി ചെയർമാൻ ടി വി കുഞ്ഞിരാമൻ മാസ്റ്റർ, ഭരണ സമിതി അംഗങ്ങളായ ശ്രീലത, സജിത്ത്, സുധ സുരേഷ്, പ്രവിദ, പൊന്മേരി ബാങ്ക് സെക്രട്ടറി അനിൽ ആയഞ്ചേരി എന്നിവർ സംബന്ധിച്ചു.  സി ഡി എസ്  ചെയർപേഴ്സൺ ഷിജില സ്വാഗതവും വൈസ് ചെയർപേഴ്സൺ ഷീമ തറമൽ നന്ദിയും പറഞ്ഞു.

മൃഗസംരക്ഷണ വകുപ്പ് ജന്തുരോഗ നിയന്ത്രണ പദ്ധതി മലപ്പുറം ഓഫീസിന്റെ ആഭിമുഖ്യത്തില്‍ മലയാളഭാഷാ ദിനാചരണം നടത്തി. മലപ്പുറം ഡി.പി.സി ഹാളില്‍ ചേര്‍ന്ന സെമിനാര്‍ മലപ്പുറം ജില്ലാ മൃഗസംരക്ഷണ ഓഫീസര്‍ ഡോ.പി.യു.അബ്ദുള്‍ അസീസ് ഉദ്ഘാടനം ചെയ്തു. ചടങ്ങില്‍ ജന്തുരോഗ നിയന്ത്രണ പദ്ധതി മലപ്പുറം ജില്ലാ കോ-ഓര്‍ഡിനേറ്റര്‍ ഡോ.ജോയ് ജോര്‍ജ്ജ് അധ്യക്ഷത വഹിച്ചു. എല്‍.എം.ടി.സി, ഡി.ഡി ഇന്‍ചാര്‍ജ്ജ് ഡോ.മധു, പി.ആര്‍.ഒ ഡോ.ഹാറൂണ്‍ അബ്ദുള്‍ റഷീദ്, നിലമ്പൂര്‍ എ.പി ഡോ സക്കറിയ സാദിഖ്, ഫീല്‍ഡ് ഓഫീസര്‍ ഹസ്സന്‍കൂട്ടി എന്നിവര്‍ ആശംസകള്‍ അര്‍പ്പിച്ചു.

മലപ്പുറം ജില്ലാ പഞ്ചായത്ത് 2022-23 വാര്‍ഷിക പദ്ധതിയില്‍ ഉള്‍പ്പെടുത്തി ഭിന്ന ശേഷിക്കാര്‍ക്കായി പവര്‍ ഇലക്ട്രിക് വീല്‍ ചെയര്‍ വിതരണം ചെയ്തു. വീല്‍ ചെയര്‍ വിതരണോദ്ഘാടനം ജില്ലാ പഞ്ചായത്ത് ഓഫീസ് പരിസരത്തു വെച്ച്  പ്രസിഡന്റ് എം. കെ. റഫീഖ നിര്‍വഹിച്ചു. ചടങ്ങില്‍ വൈസ് പ്രസിഡന്റ് ഇസ്മായില്‍ മൂത്തേടം അധ്യക്ഷത വഹിച്ചു.