ജാഥകളും പൊതുയോഗങ്ങളും സംഘടിപ്പിക്കുന്നത് നിലവിലുള്ള ബന്ധപ്പെട്ട നിയമവ്യവസ്ഥകളും ഹൈക്കോടതിയുടേയും സുപ്രീം കോടതിയുടേയും ഉത്തരവുകളും അനുസരിച്ചായിരിക്കണം

  ക്രമസമാധാനം പാലിക്കുന്നതിനും ഗതാഗതം നിയന്ത്രിക്കുന്നതിനും, ആവശ്യമായ ഏര്‍പ്പാടുകള്‍ ചെയ്യാന്‍ പോലീസിന് സാധ്യമാകത്തക്കവിധം യോഗം നടത്തുന്ന സ്ഥലവും സമയവും ബന്ധപ്പെട്ട പാര്‍ട്ടിയോ സ്ഥാനാര്‍ഥിയോ സ്ഥലത്തെ പോലീസ് അധികാരികളെ മുന്‍കൂട്ടി അറിയിക്കണം. 

     രണ്ട് സമുദായങ്ങള്‍ തമ്മിലോ, ജാതികള്‍ തമ്മിലോ, ഭാഷാ വിഭാഗങ്ങള്‍ തമ്മിലോ നിലനില്‍ക്കുന്ന സംഘര്‍ഷം മൂര്‍ച്ഛിക്കുന്നതിന് ഇടയാക്കുന്ന പ്രവര്‍ത്തനങ്ങള്‍ ഉണ്ടാകരുത്.  മറ്റ് പാര്‍ട്ടികളെക്കുറിച്ചുള്ള വിമര്‍ശനം അവരുടെ നയപരിപാടികളെക്കുറിച്ചു മാത്രമാകണം. എതിര്‍ രാഷ്ട്രീയ കക്ഷി നേതാക്കളെ വ്യക്തിപരമായി തേജോവധം ചെയ്യുന്നതും അവരുടെ സ്വകാര്യതയെ ഹനിക്കുന്നതുമായ പ്രചാരണം പാടില്ല. തെളിവില്ലാത്ത ആരോപണങ്ങള്‍ എതിര്‍കക്ഷിയെക്കുറിച്ചോ അവരുടെ പ്രവര്‍ത്തകരെപ്പറ്റിയോ ഉന്നയിക്കരുത്. 

മലയാള ദിനാചരണത്തിന്റെയും  ഭരണഭാഷാ വാരാഘോഷത്തിന്റെയും ഭാഗമായി ജില്ലാ ഇന്‍ഫര്‍മേഷന്‍ ഓഫീസ്, വിദ്യാഭ്യാസ വകുപ്പ്  എന്നിവയുടെ സംയുക്താഭിമുഖ്യത്തില്‍  സ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച റവന്യൂ ജില്ലാതല മത്സരവിജയികളെ  പ്രഖ്യാപിച്ചു. 

ഓണ്‍ലൈനായി നടത്തിയ  കവിതാലാപന മത്സരത്തില്‍ തിരുവല്ല വിദ്യാഭ്യാസ ജില്ലയിലെ വെണ്ണിക്കുളം  സെന്റ് ബെഹനാന്‍സ്  എച്ച്.എസിലെ പത്താംക്ലാസ് വിദ്യാര്‍ഥിനിയായ സാന്ദ്ര എസ് പിളള ഒന്നാം സ്ഥാനവും, തിരുവല്ല വിദ്യാഭ്യാസ ജില്ലയിലെ കുളത്തൂര്‍ സെന്റ്‌ജോസഫ് സ്  എച്ച്.എസിലെ ഒന്‍പതാം ക്ലാസ് വിദ്യാര്‍ഥിനിയായ നീതു എലിസബത്ത് ജോസഫ് രണ്ടാം സ്ഥാനവും നേടി. 

ദേശീയ പക്ഷി നിരീക്ഷണ ദിനത്തോടനുബന്ധിച്ച് പത്തനംതിട്ട ജില്ലാ ഭരണകൂടമൊരുക്കിയ 'കൂടൊരുക്കാം' പദ്ധതിയുടെ ഭാഗമായി പക്ഷികളുടെ ചിത്രങ്ങളുടെ പ്രദര്‍ശനോദ്ഘാടനം കളക്ടറേറ്റ് വിസിറ്റേഴ്‌സ് റൂമില്‍ നടന്ന ചടങ്ങില്‍ ജില്ലാ കളക്ടര്‍ പി.ബി നൂഹ് നിര്‍വഹിച്ചു. കളക്ടറേറ്റ് പരിസരത്ത് എത്തുന്ന  പക്ഷികളുടെ ചിത്രങ്ങളും അവയേക്കുറിച്ചുള്ള വിവരങ്ങളുമാണ് ക്യുആര്‍ കോഡ് സഹിതം കോണ്‍ഫറന്‍സ് ഹാളിലും വിസിറ്റേഴ്‌സ് റൂമിലും സ്ഥാപിച്ചത്. ക്യുആര്‍ കോഡ് സ്‌കാന്‍ ചെയ്താല്‍ പക്ഷികളുടെ ശബ്ദമുള്‍പ്പടെയുള്ള വിവരങ്ങള്‍ അറിയാം. 

 ഇടുക്കി എക്‌സൈസ് ഡിവിഷനില്‍ വിവിധ അബ്കാരി കേസുകളില്‍പ്പെട്ട് കണ്ടുകെട്ടിയ എട്ട് ഓട്ടോറിക്ഷകള്‍, ആറ് മോട്ടോര്‍സൈക്കിളുകള്‍, രണ്ടു കാറുകള്‍, ആറ സ്‌കൂട്ടറുകള്‍ എന്നിവ വ്യവസ്ഥകള്‍ക്കു വിധേയമായി നവംബര്‍ 24ന് രാവിലെ 11 ന് ഇടുക്കി എകസൈസ് ഡിവിഷന്‍ ഓഫീസില്‍ ലേലം ചെയ്യും. വാഹനങ്ങള്‍ പീരുമേട്, തൊടുപുഴ, ഉടുമ്പന്‍ചോല എന്നിവിടങ്ങളിലെ റേഞ്ച് ഓഫീസുകളിലും സര്‍ക്കിള്‍ ഓഫീസ് മൂന്നാര്‍, സെപെഷ്യല്‍ സ്‌ക്വാഡ് ഇടുക്കി എന്നിവിടങ്ങളിലും സൂക്ഷിച്ചിട്ടുണ്ട്. കൂടുതല്‍ വിവരങ്ങള്‍ക്ക് ഫോണ്‍: 04862 222493, 09447178058.

 കേരള ലോട്ടറി തൊഴിലാളി ബോര്‍ഡില്‍ അംഗങ്ങളായുള്ളവരുടെ മക്കള്‍ക്ക് വിദ്യാഭ്യാസ അവാര്‍ഡിനും സ്‌കോളര്‍ഷിപ്പിനും അപേക്ഷിക്കാന്‍ അവസരം.

കെ.എ.പി 5 ഇടുക്കി ആംഡ് ബറ്റാലിയന്റെ അധീനതയില്‍ ഉളളതും കാലഹരണപ്പെട്ടതുമായ 21 വാഹനങ്ങള്‍ വിവിധ ദിനങ്ങളിലായി ലേലം. ഇതിനായി ക്വട്ടേഷന്‍ ക്ഷണിച്ചു.