വി.എച്ച്.എസ്.ഇ. വിദ്യാർത്ഥികൾക്ക് കേരള ഫിഷറീസ് സമുദ്ര പഠന സർവകലാശാലയുടെ സഹായത്തോടെ സർട്ടിഫിക്കേഷനോടെ അലങ്കാര മത്സ്യ കൃഷിയിൽ സൗജന്യ ഓൺലൈൻ പരിശീലനം നൽകുന്നു. ഇന്ന് (നവംബർ 18) മുതൽ 21 വരെ നീണ്ടു നിൽക്കുന്ന പരിശീലനത്തിൽ വിദ്യാർത്ഥികൾക്ക് വീടുകളിലിരുന്ന് പങ്കെടുക്കാം. 4500 ഓളം വിദ്യാർഥികൾക്കായി എൻ.എസ്.എസിന്റെയും വി.എച്ച്.എസ്.ഇയുടെയും നേതൃത്വത്തിൽ നടക്കുന്ന പരിപാടിയിൽ റിസോഴ്സ് പേഴ്സണലുകളായ ഡോ.റ്റി.വി.അന്ന മേഴ്സി, ജൂഡിൻ ജോൺ ചാക്കോ, വേണുഗോപാൽ എന്നിവർ പങ്കെടുക്കും.
പി.എൻ.എക്‌സ്. 4046/2020

പട്ടികജാതി - പട്ടികവർഗ്ഗ ക്ഷേമ പ്രവർത്തനങ്ങൾ സംബന്ധിച്ച മികച്ച റിപ്പോർട്ടിനുള്ള ഡോ. ബി. ആർ. അംബേദ്കർ മാധ്യമ അവാർഡിന് അപേക്ഷ ക്ഷണിച്ചു. പട്ടികജാതി വികസന വകുപ്പാണ് അവാർഡ് നൽകുന്നത്. അച്ചടി, ദൃശ്യ, ശ്രവ്യ മാധ്യമങ്ങളിലെ മികച്ച റിപ്പോർട്ടുകൾക്കാണ് അവാർഡ്.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിലേക്ക് ജില്ലയില്‍ ഇതുവരെ 1242 പത്രികകള്‍ ലഭിച്ചു. ജില്ലാ പഞ്ചായത്തിലേക്ക് 40 സ്ഥാനാര്‍ത്ഥികള്‍ക്കായി 64 പത്രികകളാണ് ലഭിച്ചത്.  വരണാധികാരിയായ ജില്ലാ കലക്ടര്‍ സാംബശിവറാവുവാണ് ജില്ലാ പഞ്ചായത്തിലേക്കുള്ള പത്രികകള്‍ സ്വീകരിച്ചത്. 

കോഴിക്കോട് കോര്‍പ്പറേഷനില്‍ 54 നാമനിര്‍ദ്ദേശ പത്രികകളും ജില്ലയിലെ 12 ബ്ലോക്ക് പഞ്ചായത്തുകളിലായി 56 പത്രികകളുമാണ് ലഭിച്ചത്. ഏഴ് മുന്‍സിപ്പാലിറ്റികളിലേക്ക് 122 പത്രികകളും ഗ്രാമപഞ്ചായത്തുകളിലേക്ക് 946 പത്രികളുമാണ് തിങ്കളാഴ്ച വരെ ലഭിച്ചത്. 

രോഗമുക്തി 556

കോവിഡ് പ്രതിരോധ പ്രവര്‍ത്തനത്തിന്റെ ഭാഗമായി സമ്പര്‍ക്കത്തിലൂടെയുള്ള വൈറസ് വ്യാപനത്തിന് തടയിടാനായി നടത്തുന്ന പരിശോധന കോഴിക്കോട് ജില്ലയില്‍ ഏഴുലക്ഷം പിന്നിട്ടു. കര്‍ശനമായ പരിശോധനകളാണ് ജില്ലാ ഭരണകൂടത്തിന്റെ നേതൃത്വത്തില്‍ ദിവസവും നടത്തിവരുന്നത്. കോര്‍പറേഷന്‍ പരിധിയിലാണ് കൂടുതല്‍ പരിശോധനകള്‍ നടക്കുന്നത്. എല്ലാ തദ്ദേശസ്ഥാപനങ്ങള്‍ക്ക് കീഴില്‍ ആഴ്ചയില്‍ രണ്ട് തവണ പരിശോധനാ ക്യാംപുകള്‍ സംഘടിപ്പിക്കുന്നുണ്ട്. 

 കോഴിക്കോട്  മാളിക്കടവ്  ജനറല്‍ ഐ.ടി.ഐ യില്‍ വനിതകള്‍ക്കായി സംവരണം ചെയ്തിട്ടുള്ള മെട്രിക്, നോണ്‍ മെട്രിക് ട്രേഡുകളില്‍ ഏതാനും സീറ്റുകളില്‍ ഒഴിവുണ്ട്. താല്‍പര്യമുള്ള വനിതാ അപേക്ഷകര്‍ സര്‍ട്ടിഫിക്കറ്റ്, ടിസി, ഫോട്ടോ, ഫീസ്, ആധാര്‍ കാര്‍ഡ് എന്നിവ സഹിതം രക്ഷിതാവിനോടൊപ്പം നവംബര്‍ 18ന്  രാവിലെ ഒന്‍പത്  മണിക്ക് ഐ.ടിഐയില്‍ ഹാജരാകണമെന്ന് പ്രിന്‍സിപ്പാള്‍ അറിയിച്ചു. ഫോണ്‍. 9995161525, 9496409107.

കോഴിക്കോട് റൂറല്‍ ഡിസ്ട്രിക്റ്റിന്റെ വിവിധ പോലീസ് ഓഫീസുകളിലും സ്റ്റേഷനുകളിലും 1 കെവിഎ യുപിഎസ് ബാറ്ററികളോടൂകൂടിയത് 13 എണ്ണം വാങ്ങുന്നതിന് ടെണ്ടര്‍ ക്ഷണിച്ചു. ടെണ്ടര്‍ നവംബര്‍ 24 ന് തുറക്കും. വിശദ വിവരങ്ങള്‍ക്ക് : 0496 2523031.
 

ഓണ്‍ലൈനായി ലഭിച്ച അപേക്ഷകള്‍ അപ്രൂവ് ചെയ്യേണ്ടതിനാല്‍ നവംബര്‍ 18ന് റേഷന്‍ കാര്‍ഡ് സംബന്ധമായ അപേക്ഷകള്‍ സ്വീകരിക്കില്ലെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.