മാനന്തവാടി പി.കെ.കാളന്‍ മെമ്മോറിയല്‍ കോളേജില്‍ പുതിയതായി ആരംഭിക്കുന്ന ബി.കോം. കോ-ഓപറേഷന്‍, എം.കോം ഫിനാന്‍സ് കോഴ്സുകളിലേക്ക്  അപേക്ഷ ക്ഷണിച്ചു. യോഗ്യരായവര്‍ അസ്സല്‍ സര്‍ട്ടിഫിക്കറ്റുകളുമായി നവംബര്‍ 9 ന് 3 നകം കോളേജില്‍ ഹാജരാകണം. ഫോണ്‍ 04935245484, 8547005060.

ജില്ലാഭരണകുടവും ജില്ലാ ശിശുസംരക്ഷ യൂണിറ്റും സംയുക്തമായി തയ്യാറാക്കിയ ടേക്ക് ഓഫ് സംവാദ പരിപാടിയില്‍  ജില്ലാ പഞ്ചായത്ത് പ്രസിഡന്റ് കെ.ബി നസീമ കുട്ടികളുമായി സംവദിച്ചു. ജില്ലാ പഞ്ചായത്തില്‍ നടന്ന ചടങ്ങില്‍ ജില്ലാ ശിശു സംരക്ഷണ ഓഫീസര്‍ ടി.യു സ്മിത തുടങ്ങിയവര്‍ സന്നിഹിതരായിരുന്നു.

ഹരിത  കേരളം മിഷന്റെ തരിശു രഹിത ഗ്രാമം, ഹരിത സമൃദ്ധി എന്നീ ക്യാമ്പയിനുകള്‍ ഏറ്റെടുത്ത് ലക്ഷ്യം പൂര്‍ത്തീകരിച്ച 9 ഗ്രാമപഞ്ചായത്തുകള്‍ക്ക്  അനുമോദന പത്രം നല്‍കി. തരിശു രഹിത ഗ്രാമം പദ്ധതിയില്‍ എടവക, പൂതാടി, മീനങ്ങാടി, വെങ്ങപ്പള്ളി ഗ്രാമപഞ്ചായത്തുകളും ഹരിത സമൃദ്ധി പദ്ധതിയില്‍ പൂതാടി, മീനങ്ങാടി, കോട്ടത്തറ, നെന്‍മേനി, പടിഞ്ഞാറത്തറ എന്നീ ഗ്രാമപഞ്ചായത്തുകളുമാണ് ലക്ഷ്യം കൈവരിച്ചത്.

നേരിട്ടുള്ള സമ്പര്‍ക്കത്തിലൂടെ 489 പേര്‍ക്ക് വൈറസ്ബാധ
35 പേര്‍ക്ക് ഉറവിടമറിയാതെ രോഗബാധ
അഞ്ച് ആരോഗ്യ പ്രവര്‍ത്തകര്‍ക്കും വൈറസ്ബാധ
രോഗബാധിതരായി ചികിത്സയില്‍ 6,593 പേര്‍
ആകെ നിരീക്ഷണത്തിലുള്ളത് 71,115 പേര്‍

01.01.1999 മുതല്‍ 31.12.2019 വരെയുള്ള കാലയളവില്‍ വിവിധ കാരണങ്ങളാല്‍ എംപ്ലോയ്മെന്റ് രജിസ്ട്രേഷന്‍ പുതുക്കാന്‍ കഴിയാതെ സീനിയോരിറ്റി നഷ്ടപ്പെട്ട ഉദ്യോഗാര്‍ഥികള്‍ക്ക് അവരുടെ തനതു സീനിയോരിറ്റി നിലനിര്‍ത്തിക്കൊണ്ട്  രജിസ്ട്രേഷന്‍ പുതുക്കുന്നതിന് സമയം നീട്ടി നല്‍കി തൊഴിലും നൈപുണ്യവും വകുപ്പ് ഉത്തരവായി. രജിസ്ട്രേഷന്‍ പുതുക്കുന്നതിന് 2021 ഫെബ്രുവരി 28 വരെയാണ് സമയം ദീര്‍ഘിപ്പിച്ചിരിക്കുന്നത്. (സ.ഉ.നം.1179/2020/തൊഴില്‍, തീയതി 05.11.2020)
 

കോവിഡ് ആശങ്ക നിലനില്‍ക്കെ ജില്ലയില്‍ നടന്ന യു.പി.എസ്.എ പരീക്ഷയ്‌ക്കെത്തിയ ഉദ്യോഗാര്‍ഥികള്‍ക്ക് യാത്രാ സൗകര്യമൊരുക്കി കെ.എസ്.ആര്‍.ടി.സി. ജില്ലയില്‍ ഉദ്യോഗാര്‍ഥികളുടെ ബാഹുല്യം കണക്കിലെടുത്ത് എട്ട് സര്‍വീസുകളാണ് കെ.എസ്.ആര്‍.ടി.സി അധികമായി നടത്തിയത്. മലപ്പുറം, നിലമ്പൂര്‍, പെരിന്തല്‍മണ്ണ, പൊന്നാനി ഡിപ്പോകള്‍ കേന്ദ്രീകരിച്ച് നടത്തുന്ന സ്ഥിരം സര്‍വീസുകള്‍ക്ക് പുറമേയാണിത്. ഈ നാല് ഡിപ്പോകളില്‍ നിന്നായി 83 സര്‍വീസുകളാണ് നിലവില്‍ നടത്തി വരുന്നത്.

വയനാട് ജില്ലാ എംപ്ലോയ്മെന്റ് എക്സ്ചേഞ്ച് വൊക്കേഷണല്‍ ഗൈഡന്‍സ് യൂണിറ്റിന്റെ, ആഭിമുഖ്യത്തില്‍ എല്‍.ഡി.സി/ഓഫീസ് അറ്റന്‍ഡന്റ്   പരീക്ഷകള്‍ക്ക് തയ്യാറെടുക്കുന്ന ഉദ്യോഗാര്‍ത്ഥികള്‍ക്കായി  നടത്തുന്ന  ഓണ്‍ലൈന്‍ മത്സര പരീക്ഷാ പരിശീലനത്തിന്റെ ആദ്യ ബാച്ച്  ഉദ്ഘാടനം  കോഴിക്കോട് പ്രൊഫഷണല്‍ & എക്സിക്യൂട്ടീവ് എംപ്ലോയ്മെന്റ് ഡിവിഷണല്‍  എംപ്ലോയ്മെന്റ് ഓഫീസര്‍ എം.ആര്‍.രവികുമാര്‍ നിര്‍വ്വഹിച്ചു. ചടങ്ങില്‍  വയനാട് ജില്ലാ എംപ്ലോയ്മെന്റ് ഓഫീസര്‍ ഡി.എസ്. ഉണ്ണികൃഷ്ണന്‍ അദ്ധ്യക്ഷത വഹിച്ചു. രണ്ടാം ബാച്ച് ഡിസംബര്‍ മാസം രണ്ടാം വാരം ആരംഭിക്കുമെന്ന് ജില്ലാ എംപ്ലോയ്മെന്റ് ഓഫീസര്‍ അറിയിച്ചു.

നേരിട്ടുള്ള സമ്പര്‍ക്കത്തിലൂടെ 606 പേര്‍ക്ക് വൈറസ്ബാധ
26 പേര്‍ക്ക് ഉറവിടമറിയാതെ രോഗബാധ
ആറ് ആരോഗ്യ പ്രവര്‍ത്തകര്‍ക്കും വൈറസ്ബാധ
രോഗബാധിതരായി ചികിത്സയില്‍ 6,987 പേര്‍
ആകെ നിരീക്ഷണത്തിലുള്ളത് 69,525 പേര്‍