തദ്ദേശ പൊതുതെരഞ്ഞെടുപ്പ് പ്രചാരണത്തില്‍ പ്ലാസ്റ്റിക്, ഫ്‌ളെക്‌സ് എന്നിവ ഉപയോഗിക്കുന്നതിനു നിരോധനമുണ്ട്. പരിസ്ഥിതി മലിനീകരണം കണക്കിലെടുത്ത് പ്ലാസ്റ്റിക്, ഫ്‌ളെക്‌സ് എന്നിവ ഒഴിവാക്കിയുള്ള പ്രചാരണ സാമഗ്രികള്‍ തയ്യാറാക്കാന്‍ രാഷ്ട്രീയ കക്ഷികളും സ്ഥാനാര്‍ത്ഥികളും ബാധ്യസ്ഥരാണ്.

  പ്രസാധകന്റേയും അച്ചടി സ്ഥാപനത്തിന്റേയും പേര്, വിലാസം, അച്ചടിക്കുന്ന കോപ്പികളുടെ എണ്ണം എന്നിവ ഉള്‍ക്കൊള്ളിച്ചേ പോസ്റ്ററുകളും ലഘുലേഖകളും അച്ചടിക്കാവൂ. ഇതിന്റെ പകര്‍പ്പ് ജില്ലാ തെരഞ്ഞെടുപ്പ് ഓഫീസര്‍ക്ക് സമര്‍പ്പിക്കണം.

  തെരഞ്ഞെടുപ്പ് വേളയില്‍ രാഷ്ട്രീയ കക്ഷികളും സ്ഥാനാര്‍ത്ഥികളും അനുവര്‍ത്തിക്കേണ്ട നടപടിക്രമങ്ങളും പാലിക്കേണ്ട നിയന്ത്രണങ്ങളും ഉള്‍പ്പെടുത്തി തയ്യാറാക്കിയിട്ടുള്ള മാര്‍ഗനിര്‍ദ്ദേശങ്ങളാണ് മാതൃകാ പെരുമാറ്റച്ചട്ടം. തെരഞ്ഞെടുപ്പിന്റെ സുഗമമായ നടത്തിപ്പ് ഉറപ്പുവരുത്താന്‍ രാഷ്ട്രീയ കക്ഷികളുമായി കൂടിയാലോചിച്ചാണ് ഈ പെരുമാറ്റ സംഹിത തയ്യാറാക്കിയിട്ടുള്ളത്.

പത്തനംതിട്ട ജില്ലയിലെ തദ്ദേശ പൊതുതെരഞ്ഞെടുപ്പ് പ്രവര്‍ത്തനങ്ങളുടെ സുഗമമായ നടത്തിപ്പുമായി ബന്ധപ്പെട്ട് ഓരോ വിഭാഗം പ്രവൃത്തികള്‍ ഏകോപിപ്പിക്കുന്നതിനായി നോഡല്‍ ഓഫീസര്‍മാരേയും സഹായിക്കുന്നതിനായി അസിസ്റ്റന്റ് നോഡല്‍ ഓഫീസര്‍, ജീവനക്കാര്‍ എന്നിവരേയും നിയോഗിച്ച് ജില്ലാ തെരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ പി.ബി നൂഹ് ഉത്തരവായി. 

തദ്ദേശസ്ഥാപന പൊതുതെരഞ്ഞെടുപ്പിനു മുന്നോടിയായി പത്തനംതിട്ട ജില്ലയില്‍ ആദ്യഘട്ട പരിശോധന പൂര്‍ത്തിയാക്കിയ ഇലക്‌ട്രോണിക് വോട്ടിംഗ് മെഷീനുകളുടെ മോക്ക് പോള്‍ ജില്ലാ തെരഞ്ഞെടുപ്പ് ഓഫീസറും, ജില്ലാ പഞ്ചായത്ത് മുഖ്യ വരണാധികാരിയുമായ ജില്ലാ കളക്ടര്‍ പി.ബി നൂഹിന്റെ നേതൃത്വത്തില്‍ നടത്തി. കളക്ടറേറ്റ് അങ്കണത്തില്‍ സംസ്ഥാന തെരഞ്ഞെടുപ്പ് കമ്മീഷന്റെ വെയര്‍ഹൗസിലാണ് മോക്ക് പോള്‍ നടന്നത്. 

ഏഴാമത് സാമ്പത്തിക സെന്‍സസ് നടപ്പിലാക്കുന്നതുമായി ബന്ധപ്പെട്ട് ജില്ലാതല ഏകോപനസമിതി യോഗം എഡിഎം അലക്സ് പി തോമസിന്റെ അധ്യക്ഷതയില്‍ ഓണ്‍ലൈനായി ചേര്‍ന്നു.

  കാര്‍ഷികേതര മേഖലയില്‍ ചരക്ക്, സേവന (സ്വന്തം ഉപയോഗം ഒഴികെയുള്ളത്) ഉല്‍പാദനത്തിലും വിതരണത്തിലും ഏര്‍പ്പെട്ടിരിക്കുന്ന ഗാര്‍ഹിക സംരംഭങ്ങള്‍ ഉള്‍പ്പെടെ എല്ലാ സ്ഥാപനങ്ങളെയും സാമ്പത്തിക സെന്‍സസില്‍ ഉള്‍പ്പെടുത്തും. 2019 ഡിസംബര്‍ 24ന് സംസ്ഥാനത്ത് സാമ്പത്തിക സെന്‍സസിന്റെ പ്രവര്‍ത്തനങ്ങള്‍ രാജ്ഭവനില്‍ ഗവര്‍ണറില്‍ നിന്ന് വിവരങ്ങള്‍ ശേഖരിച്ച് തുടക്കം കുറിച്ചിരുന്നു.

ആറന്മുള ഗ്രാമപഞ്ചായത്തിലെ വാര്‍ഡ് 3, 5 (കളരിക്കോട് ജംഗഷന്‍ മുതല്‍ കോട്ടയ്ക്കകം ജംഗ്ഷന്‍ വരെയും, മണക്കുപ്പി അംഗന്‍വാടി ഭാഗവും) എന്നീ പ്രദേശങ്ങളെ നവംബര്‍ 11 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

നിലവില്‍ പ്രഖ്യാപിച്ച കണ്ടെയന്‍മെന്റ് സോണ്‍ നിയന്ത്രണം അവസാനിക്കുന്ന സാഹചര്യത്തിലും കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിക്കണമെന്നുള്ള ജില്ലാ മെഡിക്കല്‍ ഓഫീസറുടെ(ആരോഗ്യം) ശുപാര്‍ശ ലഭ്യമാകാത്ത സാഹചര്യത്തിലുമാണ് ഉത്തരവായത്.

ഇന്ന് രോഗം സ്ഥിരീകരിച്ചവരില്‍ 6 പേര്‍ വിദേശ രാജ്യങ്ങളില്‍ നിന്ന് വന്നവരും, 10 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 218 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്കപശ്ചാത്തലം വ്യക്തമല്ലാത്ത 56 പേരുണ്ട്.

ഇന്ന് രോഗബാധിതരായവരുടെ തദ്ദേശസ്വയംഭരണ സ്ഥാപനങ്ങള്‍ തിരിച്ചുളള കണക്ക്

ക്രമ നമ്പര്‍, തദ്ദേശസ്വയംഭരണ സ്ഥാപനം, രോഗബാധിതരായവരുടെ എണ്ണം

1 അടൂര്‍

(കണ്ണംകോട്, പറക്കോട്, അടൂര്‍) 3

2 പന്തളം

(പൂഴിക്കാട്, പന്തളം, കുരമ്പാല, കടയ്ക്കാട്, മുടിയൂര്‍കോണം) 32

3 പത്തനംതിട്ട 

ഇരിങ്ങാലക്കുട ജനറല്‍ ആശുപത്രിയില്‍ കെട്ടിട നിര്‍മ്മാണവുമായി ബന്ധപ്പട്ട് കോമ്പൗണ്ടില്‍ കൂട്ടിയിട്ട മണ്ണ് നവംബര്‍ 23ന് രാവിലെ 11ന് ആശുപത്രി കോമ്പൗണ്ടില്‍ ലേലം ചെയ്യും. സര്‍ക്കാര്‍, പൊതുമേഖല, അര്‍ദ്ധ സര്‍ക്കാര്‍ വകുപ്പുകള്‍ക്കും വകുപ്പിലെ വര്‍ക്ക് ഏറ്റെടുത്തവര്‍ക്കും മുന്‍ഗണന. ഫോണ്‍: 0480-2833710. ഇ-മെയില്‍ thqhijk@gmail.com

ചാലക്കുടി ഗവ. വനിതാ ഐ.ടി.ഐയിൽ ഇലക്‌ട്രോണിക്‌സ് മെക്കാനിക്ക് ട്രേഡിൽ ഒഴിവുള്ള ഏതാനും സീറ്റുകളിലേക്ക് അപേക്ഷ ക്ഷണിച്ചു. അപേക്ഷയ്ക്കും വിശദ വിവരങ്ങൾക്കും ഓഫീസുമായി നേരിട്ട് ബന്ധപ്പെടണം. അപേക്ഷ ലഭിക്കേണ്ട അവസാന തീയതി നവംബർ 16. ഫോൺ: 0480-2700816. 

നാഷനൽ ആയുഷ് മിഷൻ പദ്ധതി പ്രകാരം തൃശൂർ പുത്തൂർ ഗവ. ഹോമിയോ ഡിസ്‌പെൻസറി ആയുഷ് ഹെൽത്ത് വെൽനെസ് സെന്ററിൽ യോഗ ഡെമോൺസ്‌ട്രേറ്റർ/ഇൻസ്ട്രക്ടർ തസ്തികയിൽ കരാർ നിയമനം നടത്തുന്നു. യോഗ്യത: ബിഎൻവൈഎസ്/എംഎസ്‌സി യോഗ/എംഫിൽ യോഗ/ഒരു വർഷത്തെ അംഗീകൃത സർട്ടിഫിക്കറ്റ് കോഴ്‌സ്/ഒരു വർഷത്തെ പി.ജി. ഡിപ്ലോമ യോഗ കോഴ്‌സ്. നവംബർ 19, 20 തീയതികളിൽ പൂത്തോൾ ജില്ലാ ഹോമിയോ ആശുപത്രിയിൽ കൂടിക്കാഴ്ച നടത്തും. യോഗ്യത, പ്രവൃത്തിപരിചയ സർട്ടിഫിക്കറ്റിന്റെ അസ്സലും പകർപ്പും സഹിതം ഹാജരാകണം. 0487-2366643, 9605111896 നമ്പരിൽ രജിസ്റ്റർ ചെയ്യുക. 

Reply all