ആരോഗ്യ വകുപ്പിന്റെ നേതൃത്വത്തില്‍ ലോക മലമ്പനി ദിനാചരണത്തിന്റെ  ജില്ലാതല ഉദ്ഘാടനവും ബോധവല്‍ക്കരണ സെമിനാറും സംഘടിപ്പിച്ചു.  കണ്ണൂര്‍ ജില്ലാ ആസൂത്രണ സമിതി മിനി കോണ്‍ഫറന്‍സ് ഹാളില്‍ നടന്ന പരിപാടി ഡെപ്യൂട്ടി ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. എം. കെ. ഷാജ് ഉദ്ഘാടനം ചെയ്തു. ജില്ലാ ആര്‍ സി. എച്ച് ഓഫീസര്‍ ഡോ.പി എം ജ്യോതി അദ്ധ്യക്ഷത വഹിച്ചു. 

ലോക രോഗപ്രതിരോധ വാരാചരണം ഏപ്രിൽ 30ന് സമാപിക്കും.  ലോകാരോഗ്യ സംഘടനയുടെ ആഹ്വാനമനുസരിച്ചാണ് വാരാചരണം.  'വാക്‌സിനുകൾ ഫലപ്രദം, നമ്മൾ സുരക്ഷിതരാണ്' എന്നതാണ് ഈ വർഷത്തെ സന്ദേശം.

വാക്‌സിനുകളെക്കുറിച്ചുള്ള അവബോധം ഉയർത്തുക, ആഗോള വ്യാപകമായും പ്രാദേശികമായും കുട്ടികളുടെ ആരോഗ്യത്തിൽ വാക്‌സിനുകൾ വഹിക്കുന്ന പങ്കിനെക്കുറിച്ച് വിദ്യാഭ്യാസം നൽകുക, രോഗ പ്രതിരോധ രംഗത്തുള്ള പുരോഗതിക്ക് പ്രാമുഖ്യം നൽകുക, ആരോഗ്യ സംരക്ഷണത്തിന് യഥാസമയത്തുള്ള രോഗപ്രതിരോധമാണ് ശക്തമായ അടിത്തറയെന്ന് ബോധവൽക്കരണം നൽകുക എന്നിവയാണ് ഉദ്ദേശലക്ഷ്യങ്ങൾ.

പി.എൻ.എക്സ്. 1169/19

* രാത്രിയിൽ മലയോര മേഖലയിലേക്കുള്ള യാത്ര ഒഴിവാക്കണം

കനത്ത മഴയും കാറ്റുമുണ്ടാകാനുള്ള സാഹചര്യത്തിൽ സംസ്ഥാന ദുരന്ത നിവാരണ അതോറിറ്റി പൊതുജനങ്ങൾക്കായി മുന്നറിയിപ്പ് പുറപ്പെടുവിച്ചു. എറണാകുളം, ഇടുക്കി, തൃശ്ശൂർ, മലപ്പുറം, പത്തനംതിട്ട, കോട്ടയം, വയനാട്, കോഴിക്കോട്, പാലക്കാട്  ജില്ലകളിൽ ഉരുൾപൊട്ടൽ സാധ്യതയുള്ളതിനാൽ രാത്രി ഏഴു മുതൽ രാവിലെ ഏഴു വരെ മലയോര മേഖലയിലേക്കുള്ള യാത്ര പരമാവധി ഒഴിവാക്കണമെന്ന് അറിയിച്ചു. മലയോര മേഖലയിലെ റോഡുകൾക്ക് കുറുകെയുള്ള ചെറിയ ചാലുകളിലൂടെ മലവെള്ളപ്പാച്ചിലും ഉരുൾപൊട്ടലും ഉണ്ടാകാൻ സാധ്യതയുള്ളതിനാൽ ഇത്തരം ചാലുകളുടെ അരികിൽ വാഹനങ്ങൾ നിർത്തരുത്.

*ഉരുൾപൊട്ടൽ, മണ്ണിടിച്ചിൽ സാധ്യതാ പ്രദേശങ്ങളിൽ ക്യാമ്പുകൾ ഒരുക്കും

*നാലു ജില്ലകളിൽ യെല്ലോ അലർട്ട്

*മത്‌സ്യത്തൊഴിലാളികൾ 26ന് പുലർച്ചെ 12നകം തീരത്തെത്തണം

ഇന്ത്യൻ മഹാസമുദ്രത്തിന്റെ ഭൂമധ്യരേഖാ പ്രദേശത്ത് ദക്ഷിണ ബംഗാൾ ഉൾക്കടലിൽ തെക്ക് കിഴക്കൻ ശ്രീലങ്കയോട് ചേർന്നുള്ള സമുദ്ര ഭാഗത്ത് 26ന് ന്യൂനമർദം രൂപപ്പെടുകയും അടുത്ത 36 മണിക്കൂറിൽ തീവ്ര ന്യൂനമർദമായി പരിണമിക്കാനും സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.

കൊടങ്ങാവിള - അവണാകുഴി റോഡില്‍ നിര്‍മാണ ജോലികള്‍ നടക്കുന്നതിനാല്‍ മേയ് 23 വരെ ഇതുവഴിയുള്ള ഗതാഗതത്തിന് നിയന്ത്രണം ഏര്‍പ്പെടുത്തി. കൊടങ്ങാവിളയില്‍നിന്ന് അവണാകുഴിയിലേക്കു പോകേണ്ട വാഹനങ്ങള്‍ ഊരൂട്ടുകാല - അരങ്കമുഗള്‍ - രാമപുരം വഴി പോകണം. കൊടങ്ങാവിളയിലേക്കുള്ള വാഹനങ്ങള്‍ രാമപുരം - അരങ്കമുഗള്‍ - ഊരൂട്ടുകാല റോഡ് വഴിയോ കമുകിന്‍കോട് - വെണ്‍പകല്‍ - ഇരുവൈക്കോണം - ഓലത്താന്നി റോഡിലൂടെയോ പോകണമെന്നും പൊതുമരാമത്ത് വകുപ്പ് നിരത്ത് വിഭാഗം എക്‌സിക്യൂട്ടിവ് എന്‍ജിനീയര്‍ അറിയിച്ചു.  
(പി.ആര്‍.പി. 522/2019)

ശ്രീലങ്കന്‍ തീരത്ത് ന്യൂനമര്‍ദം രൂപപ്പെടാന്‍ സാധ്യതയുണ്ടെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിന്റെ അടിസ്ഥാനത്തില്‍ കേരളത്തില്‍ എല്ലാ സുരക്ഷാ മുന്‍കരുതലുകളും സ്വീകരിച്ചിട്ടുണ്ടെന്ന് റവന്യൂ മന്ത്രി ഇ. ചന്ദ്രശേഖരന്‍ പറഞ്ഞു. കടല്‍ക്ഷോഭം രൂക്ഷമായ വലിയതുറ തീരം സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

ദുരന്ത നിവാരണ അതോറിറ്റി അടിയന്തരമായി ചെയ്യേണ്ട നടപടികള്‍ സ്വീകരിച്ചിട്ടുണ്ട്. ജില്ലാ കളക്ടര്‍മാര്‍ക്കും വേണ്ട നിര്‍ദേശങ്ങള്‍ നല്‍കിയിട്ടുണ്ടെന്നും മന്ത്രി പറഞ്ഞു.
(പി.ആര്‍.പി. 521/2019)

* 69 പേര്‍ ദുരിതാശ്വാസ ക്യാംപില്‍
* ഒമ്പതു വീടുകള്‍ പൂര്‍ണമായി തകര്‍ന്നു
* മത്സ്യത്തൊഴിലാളികള്‍ കടലില്‍ പോകരുത്

ശക്തമായ കടല്‍ക്ഷോഭത്തെത്തുടര്‍ന്ന് ജില്ലയുടെ തീരമേഖലകളില്‍നിന്ന് 19 കുടുംബങ്ങളെ സുരക്ഷിത കേന്ദ്രങ്ങളിലേക്കു മാറ്റിപ്പാര്‍പ്പിച്ചു. വലിയതുറ മേഖലയിലാണ് കടല്‍ക്ഷോഭം രൂക്ഷം. ഇവിടെ ഒമ്പതു വീടുകള്‍ പൂര്‍ണമായി തകര്‍ന്നു.