സമ്മതിദായകര്‍, പോളിങ് ഉദ്യോഗസ്ഥര്‍, സ്ഥാനാര്‍ത്ഥി, സ്ഥാനാര്‍ത്ഥിയുടെ ഏജന്റ്, പോളിങ് ഏജന്റ്, തെരഞ്ഞെടുപ്പ് കമ്മീഷന്‍ നിയോഗിച്ച ഉദ്യോഗസ്ഥര്‍, തെരഞ്ഞെടുപ്പ് ജോലിയില്‍ ഏര്‍പ്പെട്ടിട്ടുള്ള ജീവനക്കാര്‍, കൈക്കുഞ്ഞ്, കാഴ്ചയില്ലാത്തതോ പരസഹായം ആവശ്യമുള്ളതോ ആയ സമ്മതിദായകരുടെ സഹായികള്‍ എന്നിവര്‍ക്ക് മാത്രമാണ് തെരഞ്ഞെടുപ്പ് ദിവസം പോളിങ്  ബൂത്തിലേക്കുള്ള പ്രവേശനം.

1. പോളിങ് ബൂത്തില്‍ പ്രവേശിക്കുക
വോട്ട് ചെയ്യുന്നതിനായി സജ്ജീകരിച്ച കാംപാര്‍ട്ട്‌മെന്റിനുള്ളില്‍ വോട്ടര്‍ പ്രവേശിക്കുമ്പോള്‍ പ്രിസൈഡിങ് ഓഫീസര്‍ ബാലറ്റ് യൂനിറ്റ് വോട്ട് ചെയ്യുന്നതിനായി സജ്ജമാക്കും.
2.വോട്ട് രേഖപ്പെടുത്തുക
ബാലറ്റ് യൂനിറ്റില്‍ വോട്ട് ചെയ്യാനുദ്ദേശിക്കുന്ന സ്ഥാനാര്‍ത്ഥിയുടെ പേരിന് /ചിഹ്നത്തിന് നേരെയുള്ള നീല ബട്ടണ്‍ അമര്‍ത്തുക.
3.ലൈറ്റ് ശ്രദ്ധിക്കുക
വോട്ട് ചെയ്ത സ്ഥാനാര്‍ത്ഥിയുടെ പേര്/ ചിഹ്നത്തിന് നേരെയുള്ള ചുവന്ന ലൈറ്റ് പ്രകാശിക്കുന്നതായി കാണാം.
4.പ്രിന്റ് ശ്രദ്ധിക്കുക

അന്ധനോ അവശനോ ആയ ആളിന് സ്വന്തമായി വോട്ടുചെയ്യാന്‍ കഴിയില്ലായെന്ന് പ്രിസൈഡിങ് ഓഫീസര്‍ക്ക് ബോധ്യപ്പെടുകയാണെങ്കില്‍ വോട്ടര്‍ കൊണ്ടു വരുന്ന സഹായിയെ  അനുവദിക്കും. ഇതിനായി സഹായിയുടെ ഡിക്ലറഷന്‍ എഴുതി വാങ്ങും.

ലോക്‌സഭ തെരഞ്ഞെടുപ്പില്‍ വോട്ടു രേഖപ്പെടുത്താന്‍ വോട്ടര്‍  പോളിങ്ങ് ബൂത്തിലെത്തി വോട്ടു രേഖപ്പെടുത്തും വരെ അയാള്‍ എല്ലാം ക്രമത്തിലാണോ ചെയ്യുന്നതെന്ന് പോളിങ് ഉദ്യോഗസ്ഥര്‍ ഉറപ്പുവരുത്തും. ഒന്നാം പോളിങ് ഉദ്യോഗസ്ഥനാണ് വോട്ടറെ തിരിച്ചറിയുന്ന വോട്ടര്‍ പട്ടിക കൈവശം വെക്കുന്നത്. പോളിങ്  ബൂത്തിലെത്തുന്ന സമ്മതിദായകന്‍ ആദ്യമെത്തുന്നത് ഒന്നാം പോളിങ് ഉദ്യോഗസ്ഥന്റെ മുന്നിലേക്കാണ്. ഇദ്ദേഹം വോട്ടറെ തിരിച്ചറിഞ്ഞതിനു ശേഷമാണ് വോട്ടിങിന്റെ നടപടിക്രമങ്ങള്‍ ആരംഭിക്കുക.

ലോക്സഭാ തെരഞ്ഞെടുപ്പിനോടനുബന്ധിച്ച് കലക്ടറേറ്റ് കോണ്‍ഫറന്‍സ് ഹാളില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം പ്രവര്‍ത്തനം തുടങ്ങി. ഡിസ്ട്രിക് ഇലക്ഷന്‍ കണ്‍ട്രോള്‍ റൂം, വെബ്കാസ്റ്റിങ് കണ്‍ട്രോള്‍ റൂം, പോള്‍ മാനേജര്‍ കണ്‍ട്രോള്‍ റൂം എന്നീ വിഭാഗങ്ങളിലായാണ് പ്രവര്‍ത്തനം.