നെടുമങ്ങാട് മഞ്ച ടെക്‌നിക്കല്‍ ഹൈസ്‌കൂളില്‍ 2019 - 2020 അധ്യയന വര്‍ഷത്തേക്കുള്ള എട്ടാം ക്ലാസ് പ്രവേശനത്തിന് അപേക്ഷ ക്ഷണിച്ചു. ഏഴാം ക്ലാസ് പാസായ വിദ്യാര്‍ഥികള്‍ക്ക് അപേക്ഷിക്കാം. മേയ് രണ്ടാണ് അപേക്ഷ സമര്‍പ്പിക്കാനുള്ള അവസാന തീയതി. അപേക്ഷാ ഫോം സ്‌കൂളില്‍ ലഭിക്കും. മേയ് മൂന്നിനാണ് പ്രവേശന പരീക്ഷ.

60 കംപ്യൂട്ടറുകളുള്ള ഐ.ടി. ലാബ്, കായിക ക്ഷമത വര്‍ധിപ്പിക്കാന്‍ മള്‍ട്ടി ജിം സൗകര്യത്തോടെ ഫിസിക്കല്‍ എഡ്യൂക്കേഷന്‍ ലാബ് എന്നിവ സ്‌കൂളില്‍ ലഭ്യമാണ്.  കൂടുതല്‍ വിവരങ്ങള്‍ക്ക് 8606251157, 9400006460.
(പി.ആര്‍.പി. 525/2019)

കേരള ക്ലിനിക്കല്‍ സ്ഥാപനങ്ങളുടെ രജിസ്‌ട്രേഷന്‍ നിയമ പ്രകാരം തിരുവനന്തപുരം ജില്ലയിലെ സര്‍ക്കാര്‍, സ്വകാര്യ മെഡിക്കല്‍ ലബോറട്ടറികളുടെ രജിസ്‌ട്രേഷന്‍ നടപടികള്‍ തുടങ്ങുന്നതിന്റെ ഭാഗമായി ഇതേക്കുറിച്ച് അവബോധം നല്‍കുന്നതിനുള്ള യോഗം 29 ന് ഉച്ചകഴിഞ്ഞ് 2.30ന് ജില്ലാ മെഡിക്കല്‍ ഓഫിസ് കോമ്പൗണ്ടിലെ സ്റ്റേറ്റ് ന്യൂട്രീഷ്യന്‍ ഹാളില്‍ ചേരുമെന്ന് ജില്ലാ മെഡിക്കല്‍ ഓഫിസര്‍ അറിയിച്ചു. ജില്ലയിലെ സ്വകാര്യ ലബോറട്ടറി സംഘടനകളുടെ പ്രതിനിധികള്‍ യോഗത്തില്‍ പങ്കെടുക്കണമെന്നും അറിയിപ്പില്‍ പറയുന്നു.
(പി.ആര്‍.പി. 524/2019)

* മത്സ്യബന്ധനത്തിനു പോയിട്ടുള്ളവര്‍ 28നു മുന്‍പ് തിരിച്ചെത്താന്‍ നിര്‍ദേശം

ഇന്ത്യന്‍ മഹാ സമുദ്രത്തിന്റെ ഭൂമധ്യരേഖാ പ്രദേശത്ത് രൂപംകൊണ്ട ന്യൂനമര്‍ദം ചുഴലിക്കാറ്റായി രൂപപ്പെട്ട് ഏപ്രില്‍ 30ന് തമിഴ്‌നാട്, ആന്ധ്ര തീരത്തെത്താന്‍ സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രം. ന്യൂനമര്‍ദത്തിന്റെ പ്രഭാവത്തെത്തുടര്‍ന്ന് കേരള തീരത്ത് ശക്തമായ കാറ്റ് വീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി.

സാങ്കേതിക വിദ്യാഭ്യാസവകുപ്പിന്റെ സ്ഥാപനമായ നെടുമങ്ങാട് മഞ്ച സർക്കാർ ടെക്‌നിക്കൽ ഹൈസ്‌കൂളിൽ എട്ടാം ക്ലാസ് പ്രവേശനത്തിന് അപേക്ഷ ക്ഷണിച്ചു. ഏഴാം ക്ലാസ് പാസ്സായവർക്ക് അപേക്ഷിക്കാം. അപേക്ഷഫോറം സ്‌കൂളിൽ ലഭിക്കും. മേയ് രണ്ടിനകം അപേക്ഷ നൽകണം. പ്രവേശന പരീക്ഷ മേയ് മൂന്നിന് നടക്കും. കമ്പ്യൂട്ടറുകൾ ഉള്ള ഐടിലാബ്, കായികക്ഷമത വർദ്ധിപ്പിക്കാൻ മൾട്ടി ജിം സൗകര്യമുള്ള ഫിസിക്കൽ എഡ്യൂക്കേഷൻ ലാബ് എന്നിവ സ്‌കൂളിലുണ്ട്. കൂടാതെ പത്താം ക്ലാസ് വിജയിക്കുന്നവർക്ക് രണ്ട് സാങ്കേതിക വിദ്യാഭ്യാസ സർട്ടിഫിക്കറ്റുകൾ ലഭിക്കും. വിശദവിവരങ്ങൾക്ക് 8606251157, 9400006460. 

പി.എൻ.എക്സ്. 1172/19

കേരള സംസ്ഥാന കാർഷിക യന്ത്രവൽക്കരണ മിഷന്റെ നേതൃത്വത്തിൽ സംസ്ഥാനത്തുടനീളമുള്ള കാർഷികയന്ത്രങ്ങളുടെ കണക്കെടുപ്പും രജിസ്‌ട്രേഷനും നടത്തുന്നു.  എല്ലാ കാർഷികയന്ത്ര ഉടമകളും മറ്റ് ഇതര ഏജൻസികളും അവരുടെ പരിധിയിലുള്ള കൃഷിഭവനുകളിൽ മേയ് 31ന് മുമ്പായി യന്ത്രങ്ങളുടെ വിവരങ്ങൾ നിശ്ചിത രജിസ്‌ട്രേഷൻ ഫോറത്തിൽ രേഖപ്പെടുത്തി നൽകണമെന്ന് കാർഷികവികസന കർഷകക്ഷേമ ഡയറക്ടർ അറിയിച്ചു.  മാതൃകാഫോറം കൃഷിഭവനുകളിൽ ലഭ്യമാണ്.

പി.എൻ.എക്സ്. 1171/19

ആലപ്പുഴ: ആലപ്പുഴ ജനറൽ ആശുപത്രി കോൺഫറൻസ് ഹാളിൽ ഏപ്രിൽ 30ന്  ചൊവ്വാഴ്ച രാവിലെ 10.30 ന് 'രക്ഷാകർതൃത്വം' എന്ന വിഷയത്തെ ആസ്പദമാക്കി മാതാപിതാക്കൾക്ക്  വിദഗ്ദ്ധർ ക്ലാസ്സ് എടുക്കും. ജില്ലയിൽ നിന്ന്   താല്പര്യമുള്ള എല്ലാ മാതാപിതാക്കളും പങ്കെടുക്കണമെന്ന്  സൂപ്രണ്ട് അറിയിച്ചു.

ആലപ്പുഴ: എടത്വ സെന്റ് ജോർജ് ഫൊറോനാ പള്ളിയിലെ  ഈ വർഷത്തെ പെരുന്നാളിനോടനുബന്ധിച്ച് സുരക്ഷാ ക്രമീകരണങ്ങളുമായി ബന്ധപ്പെട്ട് ഏപ്രിൽ 27ന് വൈകുന്നേരം മൂന്നുമണിക്ക് എടത്വ സെന്റ് ജോർജ് ഫൊറോനാ പള്ളി കോൺഫ്രൻസ് ഹാളിൽ ആലോചനാ യോഗം എ.ഡി.എമ്മിന്റെ അധ്യക്ഷതയിൽ ചേരും.  

ആലപ്പുഴ: സാമൂഹ്യനീതി ഓഫീസിൽ 2019  മെയ് 15 മുതൽ 2020 മാർച്ച് 31 വരെയുള്ള കാലയളവിലേക്ക് ഓഫീസ് ആവശ്യത്തിനായി ടാക്‌സി പെർമിറ്റുള്ള കാർ /ജീപ്പ് വാടകയ്ക്ക് നൽകാൻ സന്നദ്ധരായ സ്വന്തമായി വാഹനമുള്ള വ്യക്തികൾ/സ്ഥാപനങ്ങൾ എന്നിവരിൽ നിന്ന് മുദ്രവെച്ച് ടെണ്ടർ ക്ഷണിച്ചു. ഏഴു വർഷത്തിൽ കുറഞ്ഞ പഴക്കമുള്ള വാഹന ഉടമകളിൽ നിന്നും ലഭിക്കുന്ന ടെണ്ടറുകളാണ് പരിഗണിക്കുന്നത്. മെയ് രണ്ട് രാവിലെ 11 വരെ ടെണ്ടർ സ്വീകരിക്കും. കൂടുതൽ വിവരത്തിന് ഫോൺ -0477 2253870.

ആലപ്പുഴ: പൊള്ളേത്തൈ ഗവൺമെന്റ് ഹൈസ്‌കൂളിന്റെ പഴയ കെട്ടിടം പൊളിച്ചുനീക്കുന്നതിന് ഏപ്രിൽ 30ന് ഉച്ചകഴിഞ്ഞ് രണ്ടുമണിക്ക് ലേല നടപടികൾ നടക്കും. ലേലം കൊള്ളുന്നവർ മുഴുവൻ തുകയും അടച്ച് അഞ്ചു ദിവസത്തിനകം കെട്ടിടം പൊളിച്ചുമാറ്റണം. വിശദവിവരത്തിന് ഫോൺ:04782861501.