ദേശീയ പ്രസ്ഥാനത്തില്‍ നായകത്വം വഹിച്ച് കേരളത്തിന്റെ വീരപുത്രന്‍ എന്നറിയപ്പെട്ട മുഹമ്മദ് അബ്ദുള്‍ റഹ്മാന്‍ സാഹിബിനെക്കുറിച്ച് സി-ഡിറ്റ് തയ്യാറാക്കിയ 'ഞാന്‍ മുഹമ്മദ് അബ്ദുള്‍ റഹ്മാന്‍' എന്ന ഡോക്യുമെന്ററിയുടെ പ്രകാശനം നവംബര്‍ 21 ചൊവ്വാഴ്ച നാല് മണിക്ക് സെക്രട്ടേറിയറ്റിലെ മുഖ്യമന്ത്രിയുടെ കോണ്‍ഫറന്‍സ് ഹാളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. ടൂറിസം വകുപ്പിനു കീഴിലുള്ള മുസിരിസ് പദ്ധതിയുടെ ആഭിമുഖ്യത്തില്‍ സാഹിബിന്റെ ജന്മഗൃഹമായ കൊടുങ്ങല്ലൂര്‍ കറുകപ്പാടത്ത് സജ്ജീകരിക്കുന്ന മ്യൂസിയത്തില്‍ പ്രദര്‍ശിപ്പിക്കുന്നതിനായി തയ്യാറാക്കിയതാണ് ഡോക്യുമെന്ററി. സംവിധായകന്‍ കെ. മോഹന്‍കുമാറാണ്.

തിരുവിതാംകൂര്‍ ദേവസ്വം ബോര്‍ഡിലെ പാര്‍ട്ട് ടൈം ശാന്തി തസ്തികയിലേയ്ക്ക് ആഗസ്റ്റ് 23 ന് നിലവില്‍ വന്ന റാങ്ക് ലിസ്റ്റില്‍ നിന്നും 80 ഉദ്യോഗാര്‍ത്ഥികളെ കൂടി നിയമനത്തിനായി ശുപാര്‍ശ ചെയ്തു. നിലവിലുള്ള സംവരണ വ്യവസ്ഥയനുസരിച്ച് നിയമനത്തിനായി ശുപാര്‍ശ ചെയ്തതില്‍ 54 പേര്‍ മെറിറ്റടിസ്ഥാനത്തിലും 26 പേര്‍ സംവരണാടിസ്ഥാനത്തിലും ഉള്‍പ്പെട്ടിട്ടുണ്ട്. ഈഴവ വിഭാഗത്തില്‍ നിന്നും ഒമ്പത് പേരും, പട്ടികജാതിക്കാരില്‍ നിന്നും ആറു പേരും മറ്റു പിന്നാക്ക വിഭാഗങ്ങളില്‍ നിന്ന് അഞ്ച് പേരും വിശ്വകര്‍മ്മ, ധീവര വിഭാഗങ്ങളില്‍ നിന്നും രണ്ടുപേര്‍ വീതവും സംവരണാടിസ്ഥാനത്തില്‍ നിയമനത്തിന് ശുപാര്‍ശ ചെയ്യപ്പെട്ടിട്ടുണ്ട്.

ലോവര്‍ പ്രൈമറി വിഭാഗം, അപ്പര്‍ പ്രൈമറി വിഭാഗം, ഹൈസ്‌കൂള്‍ വിഭാഗം, (ഭാഷാ-യു.പി തലം വരെ/സ്‌പെഷ്യല്‍ വിഷയങ്ങള്‍ - ഹൈസ്‌കൂള്‍ തലം വരെ) അധ്യാപക യോഗ്യതാ പരീക്ഷ (കെ-ടെറ്റ്) ന് വേണ്ടിയുള്ള വിജ്ഞാപനം പ്രസിദ്ധീകരിച്ചു. കാറ്റഗറി I & II പരീക്ഷകള്‍ ഡിസംബര്‍ 28 നും കാറ്റഗറി III & IV പരീക്ഷകള്‍ ഡിസംബര്‍ 30 നും കേരളത്തിലെ വിവിധ സെന്ററുകളില്‍ നടക്കും. കെ-ടെറ്റ് ഡിസംബര്‍ 2017 ല്‍ പങ്കെടുക്കുന്നതിനുള്ള ഓണ്‍ലൈന്‍ അപേക്ഷയും, ഫീസും www.keralapareekshabhavan.in വെബ്‌സൈറ്റ് / ktet.kerala.gov.in വെബ്‌പോര്‍ട്ടല്‍ എന്നിവ വഴി നവംബര്‍ 20 മുതല്‍ ഡിസംബര്‍ മൂന്ന് വരെ സമര്‍പ്പിക്കാം.

പ്രവേശന പരീക്ഷാ കമ്മീഷണറുടെ കാര്യാലയത്തില്‍ വിവിധ തസ്തികകളില്‍ ഡെപ്യൂട്ടേഷന്‍ നിയമനം നടത്തുന്നതിന് അപേക്ഷ ക്ഷണിച്ചു.  സംസ്ഥാന സര്‍ക്കാര്‍ സര്‍വീസിലോ, സര്‍ക്കാര്‍ സ്വയംഭരണ സ്ഥാപനങ്ങളിലോ, കേന്ദ്രസര്‍ക്കാര്‍ സ്ഥാപനങ്ങളിലോ തത്തുല്യ തസ്തികകളില്‍ ജോലി ചെയ്യുന്നവര്‍ക്ക് അപേക്ഷിക്കാം.  പ്രവേശന പരീക്ഷാ കമ്മീഷണര്‍ നേരിട്ട് കൂടിക്കാഴ്ച നടത്തിയ ശേഷം ഡെപ്യൂട്ടേഷന്‍ വ്യവസ്ഥയില്‍ നിയമനം നല്‍കുന്നതിന് നടപടി സ്വീകരിക്കും.  സിസ്റ്റം മാനേജര്‍, പ്രോഗ്രാമിംഗ് ഓഫീസര്‍, ഇന്‍ഫര്‍മേഷന്‍ ഓഫീസര്‍, ടെക്‌നിക്കല്‍ അസിസ്റ്റന്റ്, കോണ്‍ഫിഡന്‍ഷ്യല്‍ അസിസ്റ്റന്റ്, അറ്റന്‍ഡര്‍ തസ്തികകളിലാണ് നിയമനം.

ആഗസ്റ്റ് 2016, 2017 കാലയളവുകളില്‍ എന്‍.സി.വി.ടി  അഫിലിയേഷന്‍ ഉളള ട്രേഡുകളില്‍ അഡ്മിഷന്‍ ലഭിച്ച റഗുലര്‍ ട്രെയിനികളുടെ ജനുവരി 2018 ല്‍ നടക്കുന്ന ഒന്നും മൂന്നും സെമസ്റ്റര്‍ അഖിലേന്ത്യാ ട്രേഡ് ടെസ്റ്റിന് അപേക്ഷ ക്ഷണിച്ചു.  വിശദവിവരങ്ങള്‍ www.det.kerala.gov.in എന്ന വെബ്‌സൈറ്റില്‍ ലഭിക്കും.

പി.എന്‍.എക്‌സ്.4912/17

ആഗസ്റ്റ് 2014, 2015 വര്‍ഷങ്ങളില്‍ അഡ്മിഷനായതും എം.ഐ.എസ് പോര്‍ട്ടല്‍ മുഖേന അഡ്മിഷന്‍ നേടിയതുമായ ട്രെയിനികള്‍ (2014, 2015 വര്‍ഷങ്ങളില്‍ അഡ്മിഷന്‍ നേടിയവര്‍ക്കുളള I, II, III, IV സെമസ്റ്റര്‍ സപ്ലിമെന്ററി) ആഗസ്റ്റ് 2013 ല്‍ അഡ്മിഷന്‍ നേടിയ ട്രെയിനികള്‍ ( I, II, III, IVസെമസ്റ്റര്‍ സപ്ലിമെന്ററി) എന്നിവരില്‍ നിന്നും ജനുവരി 2018 ലെ പരീക്ഷകള്‍ക്ക് അപേക്ഷ ക്ഷണിച്ചു. വെബ്‌സൈറ്റ്  www.det.kerala.gov.in 

പി.എന്‍.എക്‌സ്.4911/17

കേരള രാജ്ഭവനിലെ ഓഫീസ് അറ്റന്‍ഡന്റ് ഒഴിവുകള്‍ അന്യത്ര സേവന വ്യവസ്ഥയില്‍ നികത്തുന്നതിന് പാനല്‍ തയ്യാറാക്കുന്നതിന് ഗവണ്‍മെന്റ് സെക്രട്ടേറിയറ്റിലെയും സര്‍ക്കാര്‍ വകുപ്പുകളിലെയും സമാന തസ്തികയിലുള്ള ഉദ്യോഗസ്ഥരില്‍ നിന്നും അപേക്ഷകള്‍ ക്ഷണിച്ചു. നിയമനത്തിനു പരിഗണിക്കപ്പെടാന്‍ താത്പര്യമുള്ളവര്‍ 25 ന് മുമ്പ് അപേക്ഷകള്‍ പൊതുഭരണ (പൊളിറ്റിക്കല്‍) വകുപ്പില്‍ നല്‍കണം.

പി.എന്‍.എക്‌സ്.4910/17

മത്സ്യത്തൊഴിലാളികളുടെ അടിസ്ഥാന സൗകര്യ വികസനവും മാനവശേഷി വികസനവും ലക്ഷ്യമിട്ട് നടപ്പിലാക്കുന്ന സോഷ്യല്‍ മൊബിലൈസേഷന്‍ പദ്ധതിയുടെ ഭാഗമായി ഫിഷറീസ് ഡയറക്ടറേറ്റില്‍ ഒരു പ്രോജക്ട് കോ-ഓര്‍ഡിനേറ്ററെ കരാര്‍ അടിസ്ഥാനത്തില്‍ നിയമിക്കും.  2018 സെപ്റ്റംബര്‍ 30 ന് കാലാവധി അവസാനിക്കും വിധമാണ് നിയമനം.  പ്രതിമാസം 25,000 രൂപ സഞ്ചിത ശമ്പളമായി നല്‍കും.  ഫിഷറീസ് വകുപ്പിന്റെ www.fisheries.kerala.gov.in ല്‍ കരിയര്‍ എന്ന ലിങ്കിലൂടെ 30ന് മുമ്പ് അപേക്ഷിക്കണം.  22 നും 45 നും മദ്ധ്യേയായിരിക്കണം പ്രായം.  അംഗീകൃത യൂണിവേഴ്‌സിറ്റിയില്‍ നിന്നും സോഷ്യല്‍ വര്‍ക്ക്/സോഷ്യോളജി/സൈക്കോളജി എന്നിവയിലൊന്നില്‍ ബിരുദാനന്തര ബിരുദമാണ്

കൊല്ലം ജുഡീഷ്യല്‍ ജില്ലയിലെ താഴെപ്പറയുന്ന ജുഡീഷ്യല്‍ ഓഫീസര്‍മാര്‍ക്ക് പേരിനൊപ്പമുള്ള പദവിയില്‍ പൂര്‍ണ അധിക ചുമതല നല്‍കി ഉത്തരവായി.

    പുനലൂര്‍ മുന്‍സിഫ് ഹരീഷ് ജി.- പുനലൂര്‍ ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ്-III, പുനലൂര്‍  ഫസ്റ്റ്ക്ലാസ് ജുഡീഷ്യല്‍ മജിസ്‌ട്രേറ്റ്-I ലക്ഷ്മി തമ്പി- പുനലൂര്‍ (വനം കേസുകള്‍) ഫസ്റ്റ്ക്ലാസ് ജുഡീഷ്യല്‍  മജിസ്‌ട്രേറ്റ്-II, കടയ്ക്കല്‍ ഫസ്റ്റ്ക്ലാസ് ജുഡീഷ്യല്‍  മജിസ്‌ട്രേറ്റ് (താത്കാലികം) തോമസ് വര്‍ഗീസ്- ചടയമംഗലം ന്യായാധികാരി.

പി.എന്‍.എക്‌സ്.4908/17

കൊച്ചി: തുറമുഖത്തെ കണ്ടെയ്‌നര്‍ ട്രെയ്‌ലര്‍ ലോറി പാര്‍ക്കിങ് പ്രശ്‌നത്തിന് പരിഹാരം കാണാന്‍ മൊബൈല്‍ ആപ്ലിക്കേഷനുമായി ജില്ലാ ഭരണകൂടം. അര്‍പ്പിത, ബി.പി.സി.എല്‍, വെല്ലിങ്ടണ്‍ ഐലന്‍ഡ് എന്നീ പാര്‍ക്കിങ് യാര്‍ഡുകളില്‍ പാര്‍ക്കിങിനുള്ള സ്ഥലം എളുപ്പത്തില്‍ കണ്ടെത്തി ബുക്ക് ചെയ്യാന്‍ അവസരമൊരുക്കുന്നതമാണ് കൊച്ചി ഗിയര്‍ എന്ന് പേരിട്ടിരിക്കുന്ന മൊബൈല്‍ ആപ്ലിക്കേഷന്‍. കളക്ടര്‍ മുഹമ്മദ് വൈ സഫിറുള്ളയുടെ നിര്‍ദേശപ്രകാരം കേരള സ്റ്റാര്‍ട്ടപ്പ് മിഷന് കീഴിലുള്ള സ്റ്റാര്‍ട്ടപ്പ് കമ്പനിയായ ജീനിയോകോഡ് ഇന്നവേഷന്‍സ് പ്രൈവറ്റ് ലിമിറ്റഡാണ് ആപ്ലിക്കേഷന് രൂപം നല്‍കിയത്.