തിരുവനന്തപുരത്ത് സെക്രട്ടേറിയറ്റിനു സമീപം ആധുനിക സൗകര്യങ്ങളോടെ സംസ്ഥാന ഭവനനിർമ്മാണ ബോർഡിന്റെ നവീകരിച്ച ഗസ്റ്റ്ഹൗസ് പ്രവർത്തനമാരംഭിച്ചു.  ശീതീകരിച്ച മുറികൾ മിതമായ വാടകനിരക്കിൽ ലഭ്യമാണ്.  വിശദവിവരങ്ങൾക്കും ബുക്കിംഗിനും: 9447010133, 7909173212, 6282341957. ഇ-മെയിൽ: housingboardguesthouse@gmail.com.

പി.എൻ.എക്സ്. 830/19

കേരളാ സ്റ്റേറ്റ് ഇലക്ട്രിസിറ്റി ലൈസൻസിംഗ് ബോർഡ് കേരളത്തിലെ വിവിധ കേന്ദ്രങ്ങളിൽ മേയിൽ നടത്തുവാൻ തീരുമാനിച്ചിട്ടുള്ള ഇലക്ട്രിക്കൽ വയർമാൻ എഴുത്തുപരീക്ഷയ്ക്ക് നിശ്ചിത യോഗ്യതയുള്ളവരിൽ നിന്നും അപേക്ഷ ക്ഷണിച്ചു.  പരീക്ഷയ്ക്കുള്ള അപേക്ഷാഫോറവും വിശദവിവരങ്ങളും സിലബസും ജില്ലാ ഇലക്ട്രിക്കൽ ഇൻസ്‌പെക്ടറുടെ ഓഫീസിലും www.ceikerala.gov.in  വെബ്‌സൈറ്റിലും ലഭ്യമാണ്.

സംസ്ഥാന ഭവനനിർമ്മാണ ബോർഡിൽ നിന്നും വായ്പ എടുത്ത ഗുണഭോക്താക്കളുടെ വായ്പ തീർപ്പാക്കുന്നതിനായി തിരുവനന്തപുരം ജില്ലാതല അദാലത്ത് ഫെബ്രുവരി 28ന് തിരുവനന്തപുരം പഞ്ചായത്ത് ഭവനിൽ സംഘടിപ്പിച്ചു. മന്ത്രി ഇ. ചന്ദ്രശേഖരൻ അദാലത്തിന്റെ ഉദ്ഘാടനം നിർവഹിച്ചു. അദാലത്തിലൂടെ 9.36 കോടി രൂപ ഇളവ് നൽകി 221 ഗുണഭോക്താക്കളുടെ വായ്പകൾ തീർപ്പാക്കി. ഭവന നിർമ്മാണ ബോർഡ് ചെയർമാൻ പി. പ്രസാദ്, അഡീ. ചീഫ് സെക്രട്ടറി ഡോ. വിശ്വാസ്‌മേത്ത സെക്രട്ടറി ബി. അബ്ദുൾ നാസർ എന്നിവർ പങ്കെടുത്തു. 

പി.എൻ.എക്സ്. 828/19

സംസ്ഥാന ഭവന നിർമ്മാണ വകുപ്പ്, ലാറിബേക്കർ ഇന്റർ നാഷണൽ സ്‌കൂൾ  ഓഫ് ഹാബിറ്റാറ്റ് സ്റ്റഡീസ്, സംസ്ഥാന നിർമ്മിതി കേന്ദ്രം എന്നിവയുടെ ആഭിമുഖ്യത്തിൽ ഈ മാസം നാലിനും അഞ്ചിനും കനകക്കുന്ന് കൊട്ടാരത്തിൽ ലാറി ബേക്കർ സ്മൃതി സംഘടിപ്പിക്കുന്നു. നാലിന് രാവിലെ 9.30 ന് അനുസ്മരണ സമ്മേളനം ബിനോയ് വിശ്വം എം.പി ഉദ്ഘാടനം ചെയ്യും. അഞ്ചിന് വൈകിട്ട് നാലിന് നടക്കുന്ന സമാപന സമ്മേളനം റവന്യൂമന്ത്രി ഇ. ചന്ദ്രശേഖരൻ ഉദ്ഘാടനം ചെയ്യും. സെമിനാറുകൾ, പ്രോജക്ട് അവതരണം, പ്രദർശനം എന്നിവ നടക്കും.

പി.എൻ.എക്സ്. 827/19

സർക്കാർ സ്ഥാപനമായ ഐ.എച്ച്.ആർ.ഡി 2018 ഡിസംബറിൽ നടത്തിയ പി.ജി.ഡി.സി.എ/ പി.ജി.ഡി.എ.ഇ/ ഡി.സി.എ/ ഡി.ഡി.റ്റി.ഒ.എ/ സി.സി.എൽ.ഐ.എസ് കോഴ്‌സുകളുടെ റഗുലർ/ സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പരീക്ഷാ ഫലവും മാർക്കിന്റെ വിശദാംശങ്ങളും അതാത് പരീക്ഷാ കേന്ദ്രങ്ങളിലും ഐ.എച്ച്.ആർ.ഡിയുടെ വെബ്‌സൈറ്റായ www.ihrd.ac.in ലും ലഭ്യമാണ്. പുനർമൂല്യനിർണയത്തിനുള്ള അപേക്ഷകൾ മാർച്ച് 15 വരെ അതത് പരീക്ഷാ കേന്ദ്രങ്ങളിൽ സമർപ്പിക്കാം. ജൂൺ 2019 ലെ സപ്ലിമെന്ററി പരീക്ഷക്ക് പ്രത്യേകാനുമതി ആവശ്യമുള്ളവർ അപേക്ഷകൾ മാർച്ച് 30 ന് മുൻപ് സ്ഥാപനമേധാവികൾ മുഖേന സമർപ്പിക്കണം. 

കോഴിക്കോട് ഫോറസ്റ്റ് ട്രിബ്യൂണൽ മാർച്ച് അഞ്ച്, ആറ്, ഏഴ്, 21, 22, 23 തീയതികളിൽ പാലക്കാടും ബാക്കി പ്രവൃത്തി ദിനങ്ങളിൽ ആസ്ഥാനത്തും സിറ്റിംഗ് നടത്തും.

പി.എൻ.എക്സ്. 824/19

തിരുവനന്തപുരം കോളേജ് ഓഫ് എൻജിനീയറിംഗിൽ (സി.ഇ.ടി) ആർക്കിടെക്ചർ വിഭാഗത്തിൽ ദിവസവേതനാടിസ്ഥാനത്തിൽ ഗസ്റ്റ് ലക്ചററുടെ ഒഴിവുണ്ട്. എം.ആർ.ക്കിൽ ബിരുദം ഉള്ളവർക്ക് അപേക്ഷിക്കാം. മാസ്റ്റർ ഓഫ് പ്ലാനിംഗ് ഐച്ഛിക വിഷയമായി പോസ്റ്റ് ഗ്രാജുവേഷൻ എടുത്തവർക്ക് മുൻഗണന. താല്പര്യമുള്ളവർ ബയോഡേറ്റയും, അസൽ സർട്ടിഫിക്കറ്റിനോടൊപ്പം സ്വയം സാക്ഷ്യപ്പെടുത്തിയ പകർപ്പും സഹിതം മാർച്ച് ഏഴിന് രാവിലെ 10 മണിക്ക് ആർക്കിടെക്ചർ വിഭാഗം മേധാവിയുടെ ഓഫീസിൽ അഭിമുഖത്തിന് എത്തണം. വിശദവിവരങ്ങൾക്ക്: 9447893024 എന്ന നമ്പരിലോ  kl01arch@cet.ac.in എന്ന ഇ-മെയിലിലോ ബന്ധപ്പെടണം.

സംസ്ഥാന ശാസ്ത്രസാങ്കേതിക മ്യൂസിയത്തിൽ പൊതുജനങ്ങൾക്കായി മാർച്ച് നാലിന് പുലർച്ചെ നാല് മുതൽ ആറ് വരെ വാനനിരീക്ഷണത്തിന് അവസരമൊരുക്കുന്നു. 100 പേർക്കാണ് പ്രവേശനം അനുവദിക്കുക. ഇന്നുകൂടി (മാർച്ച് മൂന്ന്) ഓഫീസിൽ നിന്നും പ്രവേശനത്തിനുള്ള ടോക്കൺ വാങ്ങാം. വാനനിരീക്ഷണത്തിനു ശേഷം പ്ലാനറ്റോറിയം ഷോ ഒരുക്കിയിട്ടുണ്ട്. മുതിർന്നവർക്ക് 75 ഉം കുട്ടികൾക്ക് 40 രൂപയുമാണ് ഫീസ്. ഫോൺ: 0471-2306024.

പി.എൻ.എക്സ്. 822/19