കണ്ണൂര്‍ ജില്ലാപഞ്ചായത്തിന്റെ കഴിഞ്ഞ മൂന്ന് വര്‍ഷത്തെ വികസന പ്രവര്‍ത്തനങ്ങളും നേട്ടങ്ങളും  ഉള്‍പ്പെടുത്തി തയ്യാറാക്കിയ സുവനീര്‍ തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി പ്രകാശനം ചെയ്തു. 

ജില്ലാ ആശുപത്രിക്ക് എംഎൽഎ ഫണ്ട് ഉപയോഗിച്ച് വാങ്ങിയ 46 ലക്ഷം രൂപയുടെ താക്കോൽദ്വാര ശസ്ത്രക്രിയാ ഉപകരണങ്ങളുടെ പ്രവർത്തന ഉദ്ഘാടനം തുറമുഖ വകുപ്പ് മന്ത്രി രാമചന്ദ്രൻ കടന്നപ്പള്ളി നിർവഹിച്ചു. 

എരമം കുറ്റൂർ ഗ്രാമപഞ്ചായത്ത് സമ്പൂർണ ഗുണമേന്മ കാര്യക്ഷമത കൈവരിച്ചതിന്റെ ഭാഗമായി കരസ്ഥമാക്കിയ ഐ എസ് ഒ സർട്ടിഫിക്കേഷൻ പ്രഖ്യാപനവും സർട്ടിഫിക്കറ്റ് വിതരണവും തുറമുഖ വകുപ്പ് മന്ത്രി രാമചന്ദ്രൻ കടന്നപ്പള്ളി നിർവ്വഹിച്ചു. ഗ്രാമങ്ങളിൽ മാറ്റമുണ്ടായാൽ മാത്രമേ രാജ്യത്തിനും മാറ്റമുണ്ടാവൂ എന്നും നവകേരള നിർമ്മിതിക്ക് തദ്ദേശ സ്വയംഭരണ സ്ഥാപനങ്ങൾ വലിയ പങ്കാണ് വഹിച്ചതെന്നും മന്ത്രി പറഞ്ഞു. സി കൃഷ്ണൻ എം എൽ എ അധ്യക്ഷത വഹിച്ചു.

മന്ത്രിസഭയുടെ 1000 ദിനാഘോഷങ്ങളുടെ ഭാഗമായി സംഘടിപ്പിച്ച എക്‌സിബിഷനില്‍ എക്‌സൈസ് വകുപ്പ് ഒരുക്കിയ വിമുക്തി സ്റ്റാളില്‍ പൊതുജനങ്ങള്‍ക്കായി സംഘടിപ്പിച്ച പ്രശ്‌നോത്തരിയില്‍ ശരിയുത്തരങ്ങള്‍ രേഖപ്പെടുത്തിയ കൂപ്പണുകളുടെ മെഗാ നറുക്കെടുപ്പ് കണ്ണൂര്‍ ഡെപ്യൂട്ടി എക്‌സൈസ് കമ്മിഷണര്‍ പി കെ സുരേഷ് നിര്‍വ്വഹിച്ചു. അസി. എക്‌സൈസ് കമ്മിഷണര്‍ വിനോദ് ബി നായര്‍, ഡിവിഷന്‍ ഓഫീസ് മാനേജര്‍ രാഗേഷ്, വിമുക്തി മിഷന്‍ ജില്ലാ കോ-ഓഡിനേറ്റര്‍ വി വി ഷാജി എന്നിവര്‍ സന്നിഹിതരായിരുന്നു. 

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും തായംപൊയില്‍ സഫ്ദര്‍ ഹാശ്മി ഗ്രന്ഥാലയവും സംഘടിപ്പിക്കുന്ന 'അതിജീവനം' ത്രിദിന ഡോക്യുമെന്ററി ഫെസ്റ്റ് സംവിധായകന്‍ ടി ദീപേഷ് ഉദ്ഘാടനം ചെയ്തു. ശ്രീധരന്‍ സംഘമിത്ര അധ്യക്ഷനായി. എം ജിജേഷ് സ്വാഗതവും കെ സി ശ്രീനിവാസന്‍ നന്ദിയും പറഞ്ഞു. 

കോവളം ടൂറിസം വികസനം സംസ്ഥാന സർക്കാരിന്റെ അഭിമാന പദ്ധതിയാണെന്ന് സഹകരണ, ടൂറിസം വകുപ്പ് മന്ത്രി കടകംപള്ളി സുരേന്ദ്രൻ പറഞ്ഞു.  ടൂറിസം വകുപ്പ് കോവളം അന്താരാഷ്ട്ര ടൂറിസം കേന്ദ്രത്തിൽ നടപ്പിലാക്കുന്ന 20 കോടി രൂപ ചെലവ് വരുന്ന ടൂറിസം പദ്ധതികളുടെ നിർമാണോദ്ഘാടനം നിർവഹിക്കുകയായിരുന്നു അദ്ദേഹം.

പൈതൃക പദ്ധതികൾക്ക് പ്രാമുഖ്യം നൽകുന്ന സമീപനമാണ് വിനോദസഞ്ചാര വകുപ്പ് സ്വീകരിച്ചുവരുന്നതെന്ന് സഹകരണ, ടൂറിസം വകുപ്പ് മന്ത്രി കടകംപള്ളി സുരേന്ദ്രൻ പറഞ്ഞു.  ടൂറിസം വകുപ്പിന്റെ ആഭിമുഖ്യത്തിൽ കനകക്കുന്ന് കൊട്ടാരത്തിൽ 8.94 കോടി രൂപ ചെലവ് വരുന്ന ഡിജിറ്റൽ മ്യൂസിയത്തിന്റെയും പൈതൃകസംരക്ഷണ പദ്ധതികളുടെയും നിർമാണോദ്ഘാടനം നിർവഹിച്ചു പ്രസംഗിക്കുകയായിരുന്നു മന്ത്രി.

* 'എല്ലാവർക്കും ടൂറിസം' നടപ്പിലാക്കുന്ന ആദ്യ സംസ്ഥാനം കേരളം - മന്ത്രി കടകംപള്ളി സുരേന്ദ്രൻ

ഐക്യരാഷ്ട്രസഭയുടെ വേൾഡ് ടൂറിസം ഓർഗനൈസേഷൻ മുന്നോട്ട് വച്ച 'എല്ലാവർക്കും ടൂറിസം'  (Tourism for All)  എന്ന പ്രമേയം നടപ്പിലാക്കുന്ന ആദ്യ സംസ്ഥാനം കേരളമാണെന്ന് സഹകരണ, ടൂറിസം വകുപ്പ് മന്ത്രി കടകംപള്ളി സുരേന്ദ്രൻ പറഞ്ഞു.  ടൂറിസം വകുപ്പ് നടപ്പിലാക്കുന്ന 'ബാരിയർ ഫ്രീ കേരള ടൂറിസം' പദ്ധതിയുടെ ഭാഗമായി ഭിന്നശേഷി സൗഹൃദമാക്കുന്നതിന് ആദ്യ ഘട്ടത്തിൽ ഉൾപ്പെടുത്തിയ 126 വിനോദസഞ്ചാര കേന്ദ്രങ്ങളിൽ 70 എണ്ണം പൂർത്തീകരിച്ചതിന്റെ ഉദ്ഘാടനം നിർവഹിക്കുകയായിരുന്നു മന്ത്രി.