പത്തനംതിട്ട ജനറല്‍ ആശുപത്രിയിലേക്ക് എച്ച്എംസി/ആര്‍എസ്ബിവൈ കമ്മിറ്റിയുടെ അധീനതയില്‍ വിവിധ തസ്തികകളില്‍ താത്ക്കാലിക നിയമനം നടത്തുന്നു. കാത്ത്‌ലാബ് ടെക്‌നീഷ്യന്‍, കാത്ത്‌ലാബ് സ്‌ക്രബ് നഴ്‌സ്, ലാബ് ടെക്‌നീഷ്യന്‍, ഡേറ്റാ എന്‍ട്രി ഓപ്പറേറ്റര്‍ തസ്തികകളിലേക്കാണ് നിയമനം.  

കാത്ത്‌ലാബ് ടെക്‌നീഷ്യന്‍ തസ്തികയിലേക്ക് ഗവണ്‍മെന്റ് അംഗീകൃത ബിസിവിറ്റി കോഴ്‌സ് പാസായിരിക്കണം. കാത്ത്‌ലാബ് പ്രവൃത്തിപരിചയം ഉണ്ടായിരിക്കണം. 

ലോക്സഭാ തെരഞ്ഞെടുപ്പിന് മുന്നോടിയായി സമ്മതിദായകര്‍ക്ക് തങ്ങളുടെ പേര് വോട്ടര്‍പ്പട്ടികയിലുണ്ടോയെന്ന് പരിശോധിച്ച് ഉറപ്പാക്കാന്‍ ഇന്നും നാളെയും (മാര്‍ച്ച് രണ്ട്, മൂന്ന്)സംസ്ഥാനത്തെ എല്ലാ പോളിങ് ബൂത്തുകളിലും പ്രത്യേക കാംപ് നടത്തും. ഈ ദിവസങ്ങളില്‍ ബൂത്ത് ലെവല്‍ ഓഫീസര്‍മാര്‍ വോട്ടര്‍പ്പട്ടികയുടെ പകര്‍പ്പുകളുമായി സമ്മതിദായകരുടെ സംശയങ്ങള്‍ ദുരീകരിക്കാന്‍ രാവിലെ 10 മുതല്‍ വൈകീട്ട് അഞ്ച് വരെ ബന്ധപ്പെട്ട് പോളിങ് ബൂത്തുകളില്‍ പ്രവര്‍ത്തിക്കും.

    ജില്ലയിലെ റേഷന്‍ ഉപഭോക്താക്കള്‍ക്കുള്ള ഫെബ്രുവരി മാസത്തെ റേഷന്‍ വിതരണം ഇന്ന് (മാര്‍ച്ച് രണ്ട്) വരെ നീട്ടിയതായി ജില്ലാ സപ്ലൈ ഓഫീസര്‍ അറിയിച്ചു.

    ജില്ലയിലെ ആനക്കര ഗ്രാമപഞ്ചായത്തിലെ കൂട്ടക്കടവില്‍ ജില്ലാ നിര്‍മിതി കേന്ദ്രത്തിന്‍റെ  കലവറയിലൂടെ മണല്‍ നല്‍കുന്നതിന് 2000 സ്ക്വയര്‍ ഫീറ്റ് താഴെ വീട് നിര്‍മിക്കുന്നവരില്‍ നിന്നും അപേക്ഷ ക്ഷണിച്ചു. അപേക്ഷകള്‍ മാര്‍ച്ച് അഞ്ച്, ആറ് തിയതികളില്‍ വിതരണം ചെയ്യും. അപേക്ഷയോടൊപ്പം തിരിച്ചറിയല്‍ രേഖ, പ്ലാന്‍, ബില്‍ഡിങ് പെര്‍മിറ്റ് എന്നിവ നല്‍കണമെന്ന് ജില്ലാ നിര്‍മിതി കേന്ദ്രം എക്സികൂട്ടീവ് സെക്രട്ടറി  അറിയിച്ചു. ഫോണ്‍: 0491-2555971, 2552387.