ജില്ലയിലെ പ്രളയബാധിത പ്രദേശങ്ങളില്‍ വേനല്‍കാലമായതോടെ രൂക്ഷമായ കുടിവെള്ള പ്രതിസന്ധി പരിഹരിക്കാനും അവിടങ്ങളില്‍ കാര്‍ഷികാവശ്യങ്ങള്‍ക്കുമുളള ജലവിതരണം സുഗമമാക്കാനും നടപടികളെടുക്കാന്‍ കളക്ടറേറ്റില്‍ നടന്ന വരള്‍ച്ച അവലോകനയോഗത്തില്‍ തീരുമാനമായി. പ്രളയം ബാധിച്ച പ്രദേശങ്ങളിലെല്ലാം മാര്‍ച്ച്‌ ആദ്യവാരം തന്നെ ജലക്ഷാമം രൂക്ഷമായതിനെ തുടര്‍ന്നാണ്‌ ജില്ലാകളക്ടര്‍ ടി.വി. അനുപമയുടെ അധ്യക്ഷതയില്‍ കളക്‌ടറേറ്റില്‍ യോഗം ചേര്‍ന്നത്‌. ജില്ലയിലെ ജലക്ഷാമം രൂക്ഷമായ പ്രദേശങ്ങളില്‍ നിന്ന്‌ വിവരങ്ങള്‍ ശേഖരിച്ച്‌ സര്‍ക്കാരിന്‌ അടിയന്തിരമായി റിപ്പോര്‍ട്ട്‌ സമര്‍പ്പിക്കാനും യോഗം തീരുമാനിച്ചു.

     നെയ്യാറ്റിന്‍കര സര്‍ക്കാര്‍ പോളടെക്‌നിക് കോളേജില്‍ പുതുതായി പണികഴിപ്പിച്ച ഓഡിറ്റോറിയത്തിന്റെ ഉദ്ഘാടനം ഇന്നു (മാര്‍ച്ച് 6) വൈകിട്ട് അഞ്ചിന് ഉന്നതവിദ്യാഭ്യാസ വകുപ്പു മന്ത്രി ഡോ. കെ.റ്റി. ജലീല്‍ നിര്‍വഹിക്കും. പൊതുമരാമത്ത് വകുപ്പു മന്ത്രി ജി. സുധാകരന്‍ അദ്ധ്യക്ഷത വഹിക്കുന്ന ചടങ്ങില്‍ ഡോ. ശശി തരൂര്‍ എം.പി, കെ. ആന്‍സലന്‍ എം.എല്‍.എ, നെയ്യാറ്റിന്‍കര മുന്‍സിപ്പാലിറ്റി അംഗങ്ങള്‍, സാങ്കേതിക വിദ്യാഭ്യാസ കാര്യാലയം ഡയറക്ടര്‍ ഡോ. കെ.പി. ഇന്ദിരാദേവി, ഉദ്യോഗസ്ഥര്‍ തുടങ്ങിയവര്‍ സംബന്ധിക്കും.
(പി.ആര്‍.പി. 347/2019)

വാമനപുരം നിയോജക മണ്ഡലത്തിലെ നന്ദിയോട് ഗ്രാമപഞ്ചായത്തിലൂടെ കടന്നു പോകുന്ന നന്ദിയോട് - ചെറ്റച്ചല്‍ റോഡിന്റെ നവീകരണ ഉദ്ഘാടനം പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വ്വഹിക്കും. ഇന്ന് (മാര്‍ച്ച് 6) വൈകിട്ട് അഞ്ചിന് നന്ദിയോട് നടക്കുന്ന ചടങ്ങില്‍ ഡി.കെ. മുരളി എം.എല്‍.എ. അധ്യക്ഷത വഹിക്കും. 9.68 കോടി രൂപ ചെലവിട്ടാണ് റോഡ് നിര്‍മിക്കുന്നത്. നന്ദിയോട് നിന്നും ചെറ്റച്ചല്‍ വരെയുള്ള ആറു കിലോമീറ്റര്‍ ദൂരം ഏഴു മീറ്റര്‍ വീതിയില്‍ BM&BC സ്റ്റാന്‍ഡേര്‍ഡില്‍ ആവശ്യമായ ഇടങ്ങളില്‍ സംരക്ഷണഭിത്തി, കലുങ്ക്, ഓട,നടപ്പാത എന്നിവയോടു കൂടി ആധുനിക രീതിയിലായിരിക്കും നിര്‍മ്മിക്കുക.

* നവീകരിച്ച ലോവര്‍ മീന്‍മുട്ടി ഹൈഡല്‍ ടൂറിസം പദ്ധതി ഉദ്ഘാടനം ചെയ്തു

ആനാട് ഗ്രാമപഞ്ചായത്തില്‍ കന്നുകാലി സെന്‍സസ് ആരംഭിച്ചു. ജില്ലാ പഞ്ചായത്ത് അംഗം ആനാട് ജയന്റെ വീട്ടിലെ വളര്‍ത്തുമൃഗത്തിന്റെ വിവരശേഖരണം  നടത്തിയാണ് സെന്‍സസിന്റെ ഉദ്ഘാടനം നടന്നത്. ആനാട് ഗ്രാമപഞ്ചായത്ത് പ്രസിഡന്റ് ആനാട് സുരേഷിന്റെ സാന്നിധ്യത്തിലായിരുന്നു ചടങ്ങ്. ആനാട്  വെറ്ററിനറി സര്‍ജന്‍ ഡോ: അഖിലയുടെ നേതൃത്വത്തില്‍ ലൈവ്‌സ്റ്റോക് ഇന്‍സ്‌പെക്ടര്‍മാരായ പ്രിയങ്ക, നിഷ, സുമേഷ് എന്നിവര്‍ വിവരങ്ങള്‍ ശേഖരിച്ചു.

      ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ അസിസ്റ്റന്റ് റിട്ടേണിങ് ഓഫിസര്‍മാര്‍, ഇലക്ടറല്‍ രജിസ്‌ട്രേഷന്‍ ഓഫിസര്‍മാര്‍, വില്ലേജ് ഓഫിസര്‍മാര്‍ എന്നിവരുടെ സംയുക്ത യോഗം കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു.

എക്‌സൈസ് വകുപ്പിന്റെ ആധുനീകരണവുമായി ബന്ധപ്പെട്ട് നവീകരിച്ച വെബ്‌സൈറ്റിന്റെ ഔദ്യോഗിക ഉദ്ഘാടനം തൊഴിൽ, എക്‌സൈസ് മന്ത്രി ടി.പി രാമകൃഷ്ണൻ നിർവഹിച്ചു.  എക്‌സൈസ് കമ്മീഷണർ ഋഷിരാജ്‌സിംഗ്, അഡീഷണൽ എക്‌സൈസ് കമ്മീഷണർമാരായ എ. വിജയൻ, ഡി. രാജീവ് തുടങ്ങിയവർ സന്നിഹിതരായി.  വെബ്‌സൈറ്റ് വിലാസം:  excise.kerala.gov.in.     

പി.എൻ.എക്സ്. 845/19

സംസ്ഥാന സ്‌പോർട്‌സ് കൗൺസിൽ തിരഞ്ഞെടുപ്പിനുള്ള നാമനിർദ്ദേശ പത്രിക മാർച്ച് 11 ന് ഉച്ചയ്ക്ക് രണ്ട് മണി വരെ സ്വീകരിക്കും.  വൈകിട്ട് അഞ്ചിനകം സ്ഥാനാർത്ഥി പട്ടിക പ്രസിദ്ധീകരിക്കും.

14 ന് ഉച്ചയ്ക്ക് രണ്ടുവരെ പിൻവലിക്കാം.  അന്തിമപട്ടിക 14 ന് വൈകിട്ട് അഞ്ചിന് പ്രസിദ്ധീകരിക്കും.  ബാലറ്റ് പേപ്പർ 15 ന് അയയ്ക്കും.  വോട്ട് രേഖപ്പെടുത്തി 25 ന് ഉച്ചയ്ക്ക് രണ്ടിനകം ബാലറ്റ് വരണാധികാരിക്ക് ലഭിക്കണം.  രണ്ടു മണിക്ക് ശേഷം വോട്ടെണ്ണും.

പി.എൻ.എക്സ്. 844/19

*തിരുവനന്തപുരം സ്മാർട്ട് സിറ്റി പദ്ധതി പ്രവൃത്തികളുടെ ഉദ്ഘാടനം നിർവഹിച്ചു

കുടിവെള്ളക്ഷാമവും വരൾച്ചയും നേരിടാൻ മുൻകരുതൽ സ്വീകരിക്കണമെന്ന് മുഖ്യമന്ത്രി പിണറായി വിജയൻ ജില്ലാ കളക്ടർമാർക്ക് നിർദ്ദേശം നൽകി. കടുത്ത വരൾച്ചയെ നേരിടുന്നതിനും വേനൽക്കാല ജലവിനിയോഗവും വിതരണവുമായി ബന്ധപ്പെട്ടും ജില്ലാ കളക്ടർമാരുമായി വീഡിയോ കോൺഫറൻസിലൂടെ സംസാരിക്കുകയായിരുന്നു മുഖ്യമന്ത്രി.