ജനാഭിമുഖ്യത്തോടെയുള്ള സര്‍ക്കാരിന്റെ ഇടപെടല്‍ പൊതുജനാരോഗ്യരംഗത്ത് വലിയ മാറ്റങ്ങള്‍ക്ക് കാരണമായതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ പറഞ്ഞു. മാതൃ-ശിശു മരണ നിരക്ക് വളരെ കുറവാണ്. പകര്‍ച്ചവ്യാധി പ്രതിരോധ പ്രവര്‍ത്തനങ്ങള്‍ പ്രധാന വെല്ലുവിളിയായി തുടരുകയാണെന്നും മന്ത്രി അറിയിച്ചു. കാമാക്ഷി പ്രാഥമികാരോഗ്യ കേന്ദ്രത്തെ കുടുംബാരോഗ്യകേന്ദ്രമായി ഉയര്‍ത്തിയ പ്രവര്‍ത്തനങ്ങള്‍ ഉദ്ഘാടനം ചെയ്യുകയായിരുന്നു മന്ത്രി. 

ആലപ്പുഴ:ജില്ലയിൽ പ്രളയംമൂലം പൂർണ്ണമായി വീടു നശിച്ച് റീബിൽഡ് അപ്പിൽ ഉൾപ്പെട്ട ഗുണഭോക്താക്കളിൽ 834 പേർക്ക് ധനസഹായം വിതരണം ചെയ്തു. സഹകരണ വകുപ്പിന്റെ കെയർഹോം പദ്ധതിപ്രകാരം 114 പേർക്കും ധനസഹായം നൽകി. വീടുകളുടെ നിർമ്മാണം പുരോഗമിച്ചു വരുന്നു. 

കോട്ടയം ജില്ലാ എംപ്ലോയ്‌മെന്റ് എക്‌സ്‌ചേഞ്ച് വൊക്കേഷണല്‍ ഗൈഡന്‍സ് വിഭാഗത്തിന്റെ ആഭിമുഖ്യത്തില്‍ വിവിധ പരീക്ഷകള്‍ക്കുളള പരിശീലന പരിപാടിയുമായി ബന്ധപ്പെട്ട് മാര്‍ച്ച് 14ന് സെമിനാര്‍ സംഘടിപ്പിക്കും. വിഎച്ച്എസ്ഇ, ഐറ്റിഐ, ഡിപ്ലോമ, ബി.ടെക്, എം.ടെക് കോഴ്‌സ് വിജയിച്ചവര്‍ക്ക് പിഎസ്‌സി, യുപിഎസ്‌സി, ആര്‍ആര്‍ബി  തുടങ്ങിയ പരീക്ഷകളിലാണ് പരിശീലനം. കളക്ടറേറ്റ് കോമ്പൗണ്ടില്‍ ദേശീയ സമ്പാദ്യ പദ്ധതി (നാഷണല്‍ സേവിംഗ്‌സ്) ഹാളില്‍ നടക്കുന്ന സെമിനാറില്‍ പങ്കെടുക്കാന്‍ താല്‍പ്പര്യമുള്ളവര്‍ 9495426167, 04812560413 എന്നീ നമ്പരുകളില്‍              ബന്ധപ്പെടണം. 

(കെ.ഐ.ഒ.പി.ആര്‍ 438/19)

    ജില്ലാ സഹകരണ മില്‍ക്ക് സപ്ലൈസ് യൂണിയന്‍ പാര്‍ട്ട് ടൈം അഡ്മിനിസ്‌ട്രേറ്ററായി ക്ഷീര വികസന വകുപ്പ് അസിസ്റ്റന്റ് ഡയറക്ടര്‍ മിനി ജോസഫ് ചുമതലയേറ്റു. 

ആലപ്പുഴ: കേരളത്തിലെ വിവിധ ജില്ലകളിലായി രണ്ടായിരത്തിലധികം ചില്ലറ വിൽപ്പന കേന്ദ്രങ്ങൾ തുടങ്ങുന്നത് വിഭാവനം ചെയ്ത് കയർ കോർപ്പറേഷന്റെ 2019-20 വർഷത്തേക്കുള്ള പ്രവർത്തന പദ്ധതികളും, വിറ്റുവരവ് 300 കോടി രൂപയാക്കുന്നതിനുള്ള ബജറ്റും ഡയറക്ടർ ബോർഡ് അംഗീകരിച്ചു. കഴിഞ്ഞ 10 വർഷമായി ലാഭത്തിൽ പ്രവർത്തിക്കുന്ന കേരള സ്റ്റേറ്റ് കയർ കോർപ്പറേഷൻ, പുതുവർഷത്തിൽ വിറ്റുവരവിലും ലാഭത്തിലും പുതിയ ഉയരങ്ങൾ കീഴടക്കുന്നതിനുള്ള ശ്രമത്തിലാണ്. തനത് സാമ്പത്തിക വർഷം ഇതുവരെ 160 കോടി രൂപ വിറ്റുവരവ് നേടിയ കമ്പനി വർഷാവസാനത്തോടെ വിറ്റുവരവ് 170 കോടിയിൽ എത്തിക്കുവാനുള്ള തീവ്രശ്രമത്തിലാണ്.

      അടിയന്തിര അറ്റകുറ്റപണികള്‍ക്കായി നാലുകോടി റെയില്‍വേ ഗേറ്റ്  നാളെ (മാര്‍ച്ച് ഏഴ്) രാവിലെ എട്ടു മുതല്‍ വൈകിട്ട് അഞ്ചു വരെ അടച്ചിടുമെന്ന് എഡിഎം   സി. അജിത് കുമാര്‍ അറിയിച്ചു. 

(കെ.ഐ.ഒ.പി.ആര്‍ 436/19)

     ചൂടു കൂടിയ കാലാവസ്ഥയില്‍ സൂര്യാഘാതത്തിന് സാധ്യതയുള്ളതിനാല്‍ മുന്‍കരുതല്‍ നിര്‍ദേശങ്ങള്‍ പാലിക്കാന്‍ പൊതുജനങ്ങള്‍ തയ്യാറാകണമെന്ന് ജില്ലാ മെഡിക്കല്‍ ഓഫീസര്‍ ഡോ.ജേക്കബ് വര്‍ഗീസ് അറിയിച്ചു. 

 കുട്ടികള്‍ക്കും മുതിര്‍ന്ന പൗര•ാര്‍ക്കും വെയിലത്ത് ജോലിചെയ്യുന്ന തൊഴിലാളികള്‍ക്കും അമിത വണ്ണമുള്ളവര്‍ക്കും പ്രമേഹം, ഹൃദ്രോഗം, വൃക്കരോഗം എന്നിവയുള്ളവര്‍ക്കുമാണ് സൂര്യാഘാതമേല്‍ക്കാന്‍ സാധ്യത കൂടുതല്‍.

ആലപ്പുഴ: തോട്ടപ്പള്ളി നിവാസികളുടെ ചിരകാല സ്വപ്നം തോട്ടപ്പള്ളി നാലുചിറപാലം നിർമ്മാണോദ്ഘാടനം പൊതുമരാമത്തു വകുപ്പ്  മന്ത്രി ജി സുധാകരൻ നിർവഹിച്ചു. പാലം വികസനത്തിന്റെ ആദ്യപടിയാണെന്ന് മന്ത്രി പറഞ്ഞു. വികസനത്തിന്റെ ഭാഗമായി കരുമാടി വരെ റോഡ് നിർമാണവും ഉടൻ ഉണ്ടാകുമെന്ന്ും  മന്ത്രി കൂട്ടിച്ചേർത്തു. എന്നാൽ വികസനത്തിന്റെ ആവശ്യകത മനസിലാകാത്ത ഒരു പ്രതിപക്ഷം ആണ് ജില്ലയിൽ ഉള്ളതെന്നും വികസനങ്ങൾ നടത്താൻ ശ്രമിക്കുമ്പോൾ അത് തടസപ്പെടുത്താൻ ഉള്ള ശ്രമങ്ങൾ ആണ് നടന്നു വരുന്നതെന്നും മന്ത്രി പറഞ്ഞു. 

തകഴി : മൂന്ന് പ്രളയത്തെ അതിജീവിച്ച കുട്ടനാടിന്റെ വികസനത്തിനാണ് സർക്കാരും പൊതുമരാമത്തു വകുപ്പും പ്രഥമ പരിഗണന നൽകുന്നതെന്ന് പൊതുമരാമത്തു -രജിസ്‌ട്രേഷൻ വകുപ്പ് മന്ത്രി ജി. സുധാകരൻ 

പറഞ്ഞു.   നെടുമുടി -തകഴി നിവാസികളുടെ ദീർഘ നാളുകളായുള്ള സ്വപ്നമായിരുന്ന പടഹാരം പാലത്തിന്റെ നിർമ്മാണ ഉദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.  പ്രളയത്തിൽ പാടെ തകർന്നു പോയ ആലപ്പുഴ -ചങ്ങനാശ്ശേരി റോഡടക്കം നൂതനമായ സാങ്കേതിക വിദ്യകളുടെ സഹായത്തോടെ ലോകോത്തര നിലവാരത്തിലാണ് പുനർ നിർമ്മിക്കുന്നതെന്നും അദ്ദേഹം കൂട്ടിച്ചേർത്തു.