കുട്ടികളുടെ സംരക്ഷണം ഉറപ്പാക്കുന്നതിന് പ്രാദേശിക കൂട്ടായ്മകള്‍ ശക്തിപ്പെടണമെന്ന് വീണാജോര്‍ജ് എംഎല്‍എ പറഞ്ഞു. കോഴഞ്ചേരി സെന്‍റ് തോമസ് കോളേജില്‍ ബാലാവകാശ വാരാചരണത്തിന്‍റെ സമാപനം ഉദ്ഘാടനം ചെയ്യുകയായിരുന്നു എംഎല്‍എ. കുട്ടികളുടെ സംരക്ഷണം  ഉറപ്പാക്കുന്നതിന് ഏറ്റവും പ്രധാനം പ്രാദേശികമായ കൂട്ടായ്മകളുടെ രൂപീകരണമാണ്. മുന്‍കാലങ്ങളില്‍ നമ്മുടെ സാമൂഹ്യ വ്യവസ്ഥയില്‍ ഇത്തരം കൂട്ടായ്മകള്‍ ഉണ്ടായിരുന്നു. എന്നാല്‍ ഇപ്പോള്‍ പൊതുസമൂഹത്തിന്‍റെ ഇടപെടലുകള്‍ പല  കാര്യങ്ങളിലും കുറഞ്ഞതാണ് ബാലാവകാശ ലംഘനങ്ങള്‍ ഉണ്ടാകാന്‍ പ്രധാന കാരണം. 

കൊച്ചി: സംസ്ഥാനത്തെ ഏറ്റവും തിരക്കേറിയ ജംഗ്ഷനായ വൈറ്റിലയില്‍ മേല്‍പ്പാലം നിര്‍മാണത്തിന് മുന്നോടിയായി ഗതാഗത ക്രമീകരണത്തിന് പൊലീസും പൊതുമരാമത്ത് വകുപ്പും ചേര്‍ന്ന് പ്രാഥമിക രൂപം നല്‍കി. പാലം നിര്‍മാണം പുരോഗമിക്കുന്നതനുസരിച്ച് ഘട്ടം ഘട്ടമായി ഗതാഗതം ക്രമീകരിക്കാനാണ് തീരുമാനം. അപ്രോച്ച് റോഡുകള്‍ കഴിയുന്നത്ര പ്രയോജനപ്പെടുത്തിയും ക്രോസിങുകള്‍ ഒഴിവാക്കിയും ഗതാഗതം സുഗമമാക്കും. ഗതാഗത ക്രമീകരണം നടപ്പില്‍ വരുത്തുന്നതിന് മുമ്പ് ഇതു സംബന്ധിച്ച അഭിപ്രായങ്ങള്‍ പരിഗണിക്കുമെന്ന് ജില്ലാ കളക്ടര്‍ മുഹമ്മദ് വൈ സഫിറുള്ള അറിയിച്ചു.

2017 ഡിസംബര്‍ എട്ടു മുതല്‍ 15 വരെ തിരുവനന്തപുരത്ത് നടക്കുന്ന 22-ാമത് അന്താരാഷ്ട്ര ചലച്ചിത്രമേളയുടെ മീഡിയ രജിസ്‌ട്രേഷന്‍  22 മുതല്‍ 24 വരെ നടക്കും.  റിപ്പോര്‍ട്ടു ചെയ്യാനെത്തുന്ന മാധ്യമപ്രതിനിധികള്‍ നിശ്ചയിച്ച തീയതിക്കുള്ളില്‍ ഓണ്‍ലൈനായി രജിസ്‌ട്രേഷന്‍ പൂര്‍ത്തിയാക്കണം.  ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കിയവരുടെ പേരു വിവരം അടങ്ങിയ ലിസ്റ്റ് സ്ഥാപനത്തിന്റെ തിരുവനന്തപുരം ബ്യൂറോ ചീഫ് സാക്ഷ്യപ്പെടുത്തി നവംബര്‍ 28 ന് വൈകുന്നേരം അഞ്ചു മണിക്കു മുമ്പ് പി.ആര്‍.ഡി പ്രസ് റിലീസില്‍ എത്തിക്കണം.  ഫ്രീലാന്‍സ് പത്രപ്രവര്‍ത്തകര്‍ ഓണ്‍ലൈനായി രജിസ്റ്റര്‍ ചെയ്ത ശേഷം വാര്‍ത്തകള്‍ നല്‍കുന്ന മാധ്യമ സ്ഥാപനത്തിന

സംസ്ഥാനത്ത് പട്ടികജാതി വികസന വകുപ്പിന് കീഴിലുള്ള 44 ഐ.ടി.ഐകളില്‍ പരിശീലനം പൂര്‍ത്തിയാക്കിയ വിദ്യാര്‍ത്ഥികള്‍ക്ക് തൊഴില്‍ ലഭ്യമാക്കുന്നതിനായി തൊഴില്‍മേള സംഘടിപ്പിക്കും.  മണ്ണന്തല അംബേദ്കര്‍ ഭവനില്‍ നടക്കുന്ന സംസ്ഥാനതല തൊഴില്‍മേള പട്ടികജാതി പട്ടികവര്‍ഗ പിന്നാക്കക്ഷേമ മന്ത്രി എ.കെ. ബാലന്‍ ഇന്ന് (നവംബര്‍21) രാവിലെ 10 ന് ഉദ്ഘാടനം ചെയ്യും.  സഹകരണ ടൂറിസം മന്ത്രി കടകംപള്ളി സുരേന്ദ്രന്‍ അധ്യക്ഷത വഹിക്കും.

പൊന്നാനി നഗരസഭയിലെ അഴീക്കല്‍ വാര്‍ഡില്‍ ഉപതെരഞ്ഞെടുപ്പിന് മുന്നോടിയായി പ്രസിദ്ധീകരിച്ച അന്തിമ വോട്ടര്‍പട്ടിക സംസ്ഥാന തെരഞ്ഞെടുപ്പു കമ്മീഷണര്‍ വി.ഭാസ്‌കരന്‍ റദ്ദാക്കി. വോട്ടര്‍ രജിസ്‌ട്രേഷന്‍ ചട്ടങ്ങളിലെ നടപടിക്രമങ്ങള്‍ പാലിക്കാതെ ഇലക്ടറല്‍ രജിസ്‌ട്രേഷന്‍ ആഫീസറായ പൊന്നാനി നഗരസഭാ സെക്രട്ടറി പട്ടികയില്‍ സമ്മതിദായകരുടെ പേര് ഉള്‍പ്പെടുത്തുകയും ഒഴിവാക്കുകയും ചെയ്ത സാഹചര്യത്തിലാണ് നടപടി. 

നോര്‍ക്ക തിരുവനന്തപുരത്തെ ഓതന്റിക്കേഷന്‍ സെന്ററില്‍ 24 ന് ഓതന്റിക്കേഷന്‍ ഉണ്ടായിരിക്കില്ല.  പത്തനംതിട്ട കളക്ടറേറ്റിലെ കോണ്‍ഫറന്‍സ് ഹാളില്‍ 24 ന് രാവലെ 9.30 മുതല്‍ ഒരു മണി വരെ സര്‍ക്കട്ടിഫിക്കറ്റ് ഓതന്റിക്കേഷന്‍ നടക്കും. അപേക്ഷകര്‍ www.norkaroots.net എന്ന വെബ്‌സൈറ്റ് വഴി രജിസ്റ്റര്‍ ചെയ്യണം. 

പി.എന്‍.എക്‌സ്.4939/17

മെഡിക്കല്‍ വിദ്യാഭ്യാസ വകുപ്പ് നടത്തുന്ന പാര്‍ട്ട് -2 (സപ്ലിമെന്ററി) പരീക്ഷയെഴുതുന്നവര്‍ നിശ്ചിത തുകയ്ക്കുളള ഫീസ് അടച്ച് പൂരിപ്പിച്ച അപേക്ഷകള്‍ 28ന് മുമ്പ് ബന്ധപ്പെട്ട കോളേജുകളില്‍ നല്‍കണം.  കോളേജുകളില്‍ നിന്നുളള അപേക്ഷകള്‍ ഡിസംബര്‍ ഒന്നിന് മുമ്പ് ചെയര്‍പേഴ്‌സണ്‍, ബോര്‍ഡ് ഓഫ് ഡി.ഫാം എക്‌സാമിനേഷന്‍സ്, തിരുവനന്തപുരം -11 എന്ന വിലാസത്തില്‍ അയയ്ക്കണം.  വിശദവിവരങ്ങള്‍ www.dme.kerala.gov.in ല്‍ ലഭിക്കും.

പി.എന്‍.എക്‌സ്.4938/17

പരീക്ഷാഭവന്‍ നവംബര്‍ 27 മുതല്‍ ഡിസംബര്‍ അഞ്ച് വരെ നടത്തുന്ന സംസ്‌കൃതം/അറബിക്/ഉര്‍ദു അധ്യാപക പരീക്ഷയുടെ ടൈം ടേബിളും പരീക്ഷാ കേന്ദ്രങ്ങളുടെ വിവരവും, പരീക്ഷാര്‍ത്ഥികളുടെ ഫൈനല്‍ പട്ടികയും www.keralapareeskshabhavan.in ല്‍ ലഭിക്കും.

പി.എന്‍.എക്‌സ്.4937/17

റീജിയണല്‍ കാന്‍സല്‍ സെന്ററില്‍ കേരള സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റിയുടെ കീഴില്‍ ലാബ് ടെക്‌നീഷ്യന്റെ ഒരു ഒഴിവില്‍ ഒരു വര്‍ഷത്തെ കരാര്‍ നിയമനത്തിന് 25ന് വാക്ക് -ഇന്‍ ഇന്റര്‍വ്യൂ നടത്തുന്നു.  വിശദവിവരങ്ങള്‍ www.rcctvm.org യില്‍ ലഭ്യമാണ്.

പി.എന്‍.എക്‌സ്.4936/17