ജില്ലാ പഞ്ചായത്തും മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും ഐ.സി.ഡി.എസുംസംയുക്തമായി നിര്‍മ്മിച്ച വെട്ടം ഗ്രാമ പഞ്ചായത്തിലെഇരുപതാംവാര്‍ഡിലെ അങ്കണവാടി കെട്ടിടത്തിന്റെ ഉദ്ഘാടനം   സി. മമ്മൂട്ടി എം.എല്‍.എ നിര്‍വഹിച്ചു. ജില്ലാ പഞ്ചായത്തിന്റെയും മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെയും അഞ്ച്‌ലക്ഷവും ഐ.സി.ഡി.എസിന്റെ ലക്ഷവു മുള്‍പ്പടെ 12 ലക്ഷംരൂപയാണ് നിര്‍മ്മാണത്തിനായി ചിലവഴിച്ചത്. വെട്ടം ഗ്രാമ പഞ്ചായത് പ്രസിഡന്റ് പി.പിമെഹ്റുനിസ അധ്യക്ഷതവഹിച്ച ചടങ്ങില്‍ജില്ലാ പഞ്ചായത്ത് സ്ഥിരസമിതി ചെയര്‍പേഴ്സണ്‍ അനിത കിഷോര്‍ മുഖ്യാതിഥിയായി.

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വേട്ടേക്കോട് ജി.യുപിസ്‌കൂളില്‍ നിര്‍മിച്ച പുതിയകെട്ടിടത്തിന്റെശിലാസ്ഥാപനം എം. ഉമ്മര്‍ എം.എല്‍.എ നിര്‍വഹിച്ചു. വിദ്യാഭ്യാസ രംഗത്ത് കേരളം മുന്നോട്ട് വരുന്നുണ്ടെന്ന് എം.എല്‍.എ പറഞ്ഞു. എല്ലാവരെയും ഉള്‍കൊള്ളാന്‍ കഴിയുന്നതാണ് കേരളത്തിന്റെ വിദ്യാഭ്യാസ രീതിയെന്നും അദ്ദേഹം അഭിപ്രായപ്പെട്ടു.  

ജില്ലാ പഞ്ചായത്തും അരീക്കോട് ബ്ലോക്ക് പഞ്ചായത്തും ചീക്കോട് ഗ്രാമ പഞ്ചായത്തും സംയുക്തമായി പൊന്നാട്ഗവ. ആശുപത്രിക്ക് നിര്‍മിക്കുന്ന ഒ.പി.ബ്ലോക്കിന്റെശിലാസ്ഥാപനം  പി.കെ. കുഞ്ഞാലിക്കുട്ടി. എം.പി. നിര്‍വ്വഹിച്ചു. പൊന്നാട് വാര്‍ഡില്‍ നടപ്പിലാക്കുന്ന വിവിധ വികസന പദ്ധതികളുടെ ഉദ്ഘാടനവും ഇതോടൊന്നിച്ച് നടന്നു.

പുനരുദ്ധാരണം  നടത്തിയകൊണ്ടോട്ടിഎടവണ്ണപ്പാറ   റോഡ്  ടി.വി ഇബ്രാഹിംഎം.എല്‍.എഉദ്ഘാടനം ചെയ്തു. 2.64 കോടിരൂപ ചെലവിലാണ്‌റോഡ് പുനരുദ്ധാരണം നടത്തിയത്.  ചടങ്ങില്‍ചീക്കോട് ഗ്രാമപഞ്ചായത്ത് പ്രസിഡന്റ്‌കെ.പിസഈദ് അധ്യക്ഷതവഹിച്ചു. കൊണ്ടോട്ടിബ്ലോക്ക് പഞ്ചായത്ത് പ്രസിഡന്റ്മണ്ണറോട്ട് ഫാത്തിമ, അരീക്കോട്‌ബ്ലോക്ക് പഞ്ചായത്ത്‌വൈസ് പ്രസിഡന്റ്‌ഷെരീഫ, ബ്ലോക്ക് പഞ്ചായത്ത് മെമ്പര്‍ സാജിദടീച്ചര്‍, പഞ്ചായത്ത് മെമ്പര്‍മാരായ സമദ് പൊന്നാട്, താഹിറതുടങ്ങിയവര്‍ പങ്കെടുത്തു.

ലോകസഭാ തെരഞ്ഞെടുപ്പുമായി ബന്ധപ്പെട്ട്  ഇന്ന് (മാര്‍ച്ച് ആറ്) വൈകീട്ട് അഞ്ചിന് കോട്ടക്കുന്നില്‍ സിക്‌നേച്ചര്‍ ആന്‍ഡ് വാള്‍ കാമ്പയിന്‍ ജില്ലാ കലക്ടര്‍ അമിത് മീണ ഉദ്ഘാടനം ചെയ്യും.   പരിപാടിയിലേക്ക് ജില്ലാ കലക്ടര്‍ എല്ലാവരെയും സ്വാഗതം ചെയ്തു. 

കാലവര്‍ഷത്തില്‍ തകര്‍ന്ന വിവിധ റോഡുകള്‍ നന്നാക്കാന്‍ വെള്ളപ്പൊക്ക ദുരിതാശ്വാസ ഫണ്ടില്‍ ഉള്‍പ്പെടുത്തി 70 ലക്ഷം രൂപ അനുവദിച്ചു. ഇത് സംബന്ധിച്ച ഉത്തരവ് റവന്യൂ വകുപ്പ് പുറത്തിറക്കി. വാവൂര്‍ ചെറിയപറബ് റോഡ് (10 ലക്ഷം),കാരാട് തിരുത്തിയാട് റോഡ് (10 ലക്ഷം ),തിരുത്തിയാട് ചണ്ണയില്‍ പള്ളിയാളി റോഡ് (10 ലക്ഷം ), ഓമാനൂര്‍ പോത്തുവെട്ടിപ്പാറ ചെറിയപറബ് റോഡ് (10 ലക്ഷം). ആലക്കാപ്പറമ്പ് തുറക്കല്‍ റോഡ് (10 ലക്ഷം ).പൂവാടിയില്‍ താഴം കാവുങ്ങല്‍ റോഡ് (10 ലക്ഷം ),ചൂരപ്പട്ട അനന്തായൂര്‍ റോഡ് (10 ലക്ഷം ) എന്നി റോഡുകള്‍ക്കാണ് തുക അനുവദിച്ചത് എന്ന് ടി.വി.ഇബ്രാഹിം എം. എല്‍.എ അറിയിച്ചു.

അസംഘടിത മേഖലയില്‍ ജോലി ചെയ്യുന്ന ചുമട്ടുതൊഴിലാളികള്‍, കാര്‍ഷിക മേഖലയില്‍ ജോലി ചെയ്യുന്നവര്‍, നിര്‍മാണ മേഖലയിലെ തൊഴിലാളികള്‍, ബീഡിതൊഴിലാളികള്‍, കൈത്തറി തൊഴിലാളികള്‍,മോട്ടോര്‍ വെഹിക്കില്‍ ജീവനക്കാര്‍ തുടങ്ങിയവര്‍ക്ക് പദ്ധതി പ്രകാരം അപേക്ഷിക്കാം. 18 വയസ്സ് മുതല്‍ 40 വയസ്സ് വരെയുള്ള 15000 രൂപക്ക് താഴെ വരുമാനമുള്ളവര്‍ക്കാണ് പ്രയോജനം ലഭിക്കുന്നത്. മാസംതോറം 3000 രൂപയാണ് പെന്‍ഷന്‍ ലഭിക്കുന്നത്.  പദ്ധതിയില്‍ അംഗമാവുന്ന അന്നുമുതല്‍ 60 വയസ്സ് പൂര്‍ത്തിയാകുന്നതുവരെ പ്രതിമാസ വിഹിതം അടക്കണം.  60 വയസ്സ് മുതലാണ് ഗുണഭോക്താക്കള്‍ക്ക് പ്രതിമാസ പെന്‍ഷന്‍ ലഭിക്കുക.