ഫയര്‍ ആന്‍ഡ്‌ റസ്‌ക്യൂ വകുപ്പ്‌ ഹോംഗാര്‍ഡ്‌ തസ്‌തികയില്‍ നിയമനം നടത്തുന്നു. താല്‍പര്യമുളളവര്‍ മാര്‍ച്ച്‌ 30 നകം എറണാകുളം ഫയര്‍ ആന്‍ഡ്‌ റസ്‌ക്യൂ സര്‍വീസസ്‌ ജില്ലാ ഓഫീസില്‍ അപേക്ഷ നല്‍കണം. അപേക്ഷഫോറത്തിന്റെ മാതൃകയും കൂടുതല്‍ വിവരങ്ങളും എറണാകുളം ഫയര്‍ ആന്‍ഡ്‌ റസ്‌ക്യൂ സര്‍വീസസ്‌ ജില്ലാ ഓഫീസില്‍ നിന്നും ലഭിക്കും. കൂടുതല്‍ വിവരങ്ങള്‍ക്ക്‌ ഫോണ്‍ 0484-2205550, 2207710, 9497920154.

തൃശൂര്‍-പാലക്കാട്‌ ദേശീയ പാതയിലെ മുളയം, മുടിക്കോട,്‌ പട്ടിക്കാട്‌ എന്നിവിടങ്ങളിലെ അറ്റകുറ്റപണികള്‍ വേഗത്തില്‍ പൂര്‍ത്തിയാക്കാന്‍ നിര്‍മ്മാണ ചുമതലയുളള കെഎംസി കമ്പനിക്ക്‌ മനുഷ്യാവകാശ കമ്മീഷന്റെ നിര്‍ദ്ദേശം. പൊതുമരാമത്ത്‌ വകുപ്പ്‌ റസ്റ്റ്‌ ഹൗസില്‍ നടന്ന സിറ്റിങ്ങിലാണ്‌ കമ്മീഷന്റെ നിര്‍ദ്ദേശം. ഇത്‌ സംബന്ധിച്ച ഷാജി കോടങ്കണ്ടത്ത്‌ സമര്‍പ്പിച്ച പരാതിയില്‍ കമ്മീഷന്‍ ദേശീയപാത അതോറിറ്റി, സംസ്ഥാന പൊതുമരാമത്ത്‌ റോഡ്‌ വിഭാഗം, നിര്‍മ്മാണ ചുമതലയുളള കമ്പനി എന്നിവരില്‍ നിന്നും വാദം കേട്ടു. പണി ഉടന്‍ ആരംഭിക്കണമെന്നാവശ്യപ്പെട്ട്‌ ഈ ആഴ്‌ച തന്നെ ഉത്തരവിറക്കും.

ചേലക്കര ഗവണ്‍മെന്റ്‌ ആര്‍ട്‌സ്‌ ആന്‍ഡ്‌ സയന്‍സ്‌ കോളേജില്‍ 2018-19 വര്‍ഷത്തെ കോളേജ്‌ മാഗസിന്‍ അച്ചടിച്ച്‌ വിതരണം ചെയ്യുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച്‌ 21. കൂടുതല്‍ വിവരങ്ങള്‍ക്ക്‌ ഫോണ്‍ : 04884-253090.
 

ജില്ലയില്‍ ജയില്‍ വകുപ്പില്‍ മെയില്‍ വാര്‍ഡന്‍ (എന്‍സിഎ-വിശ്വകര്‍മ്മ) (കാറ്റഗറി നമ്പര്‍ 206/16), അസിസ്റ്റന്റ്‌ പ്രിന്‍സണ്‍ ഓഫീസര്‍ (എന്‍സിഎ-ഒഎക്‌സ്‌) (കാറ്റഗറി നമ്പര്‍ 387/16) എന്നീ ചുരുക്കപ്പട്ടികളില്‍ ഉള്‍പ്പെട്ടവരുടെ ശാരീരിക അളവെടുപ്പും കായിക ക്ഷമതാ പരീക്ഷയും മാര്‍ച്ച്‌ 15 രാവിലെ 6 മുതല്‍ രാമവര്‍മ്മപുരം ഏ ആര്‍ പരേഡ്‌ ഗ്രൗണ്ടില്‍ നടക്കും. ഉദ്യോഗാര്‍ത്ഥികള്‍ പ്രൊഫൈലില്‍ നിന്ന്‌ ഡൗണ്‍ലോഡ്‌ ചെയ്‌ത അഡ്‌മിഷന്‍ ടിക്കറ്റ്‌, അസ്സല്‍ തിരിച്ചറിയല്‍ കാര്‍ഡ്‌ എന്നിവ സഹിതം രാവിലെ 6 മണിക്ക്‌്‌ മുന്‍പായി എത്തണം.

തൃശൂര്‍ റെയില്‍വേ സ്റ്റേഷന്റെ രണ്ടാം കവാടം കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ ഉദ്‌ഘാടനം ചെയ്‌തു. സൗന്ദര്യവല്‍ക്കരണത്തിന്റെ ഭാഗമായി നിര്‍മ്മിച്ച ശില്‍പവും അദ്ദേഹം അനാച്ഛാദനം നടത്തി. റെയില്‍വെ ഡെപ്യൂട്ടി കൊമേഴ്‌സ്യല്‍ മാനേജര്‍ ഡോ. രജീഷ്‌ ചന്ദ്രന്‍, സ്റ്റേഷന്‍ അഡ്‌മിനിസ്‌ട്രേറ്റര്‍ കെ എം ബാബു, സണ്‍ മെഡിക്കല്‍ ഇന്‍സ്റ്റിറ്റിയൂട്ട്‌ എം ഡി പ്രതാപ്‌ വര്‍ക്കി തുടങ്ങിയവര്‍ സംബന്ധിച്ചു.

തൃശൂര്‍ പൂരം എക്‌സിബിഷനോടനുബന്ധിച്ച്‌ ജില്ലാ പഞ്ചായത്ത്‌ നടത്തുന്ന വ്യവസായ പവലിയന്‍ റാക്കുകള്‍ നിര്‍മ്മിക്കുന്നതിനും കവാടം ഡിസൈന്‍ ചെയ്‌തുന്നതിനും ദര്‍ഘാസ്‌ ക്ഷണിച്ചു. ദര്‍ഘാസ്‌ സ്വീകരിക്കുന്ന അവസാന തീയതി മാര്‍ച്ച്‌ 14. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2361945.
 

അന്താരാഷ്ട്ര വനിതാ ദിനത്തിന്റെ ജില്ലാതല ഉദ്‌ഘാടനം ടൗണ്‍ഹാളില്‍ ജില്ലാ പഞ്ചായത്ത്‌ പ്രസിഡന്റ്‌ മേരി തോമസ്‌ നിര്‍വഹിച്ചു. ചിന്തിക്കാം സൃഷ്ടിക്കാം സമഭാവനയുടെ നവകേരളം എന്ന മുദ്ര വാക്യവുമായി സധൈര്യം മുന്നോട്ടു എന്ന കാമ്പയിനിന്റെ ഭാഗമായി വനിതകളുടെ വനിതാദിന സന്ദേശയാത്രയും സംഘടിപ്പിച്ചു. താലൂക്ക്‌ പരിസരത്തു നിന്ന്‌ തുടങ്ങിയ റാലി ചെമ്പുക്കാവ്‌ വഴി ടൗണ്‍ഹാളില്‍ സമാപിച്ചു. സ്‌ത്രീകളുടെയും കുട്ടികളുടെയും ഉന്നമനത്തിനും സംരക്ഷണത്തിനും വേണ്ടി വിവിധ പദ്ധതികള്‍ നടത്തുക എന്ന ലക്ഷ്യത്തോടെ ശിശു വികസന വകുപ്പാണ്‌ പരിപാടി സംഘടിപ്പിച്ചത്‌. ജില്ലാ പഞ്ചായത്ത്‌ വൈസ്‌ പ്രസിഡന്റ്‌ എന്‍ കെ ഉദയപ്രകാശ്‌ അധ്യക്ഷത വഹിച്ചു.

പഴയന്നൂര്‍ പോലീസ്‌ സ്റ്റേഷന്‍ പരിസരത്ത്‌ അപകടാവസ്ഥയില്‍ നില്‍ക്കുന്ന മരങ്ങള്‍ മാര്‍ച്ച്‌ 21 രാവിലെ 11 ന്‌ സ്റ്റേഷന്‍ പരിസരത്ത്‌ ലേലം ചെയ്യും. കൂടുതല്‍ വിവരങ്ങള്‍ക്ക്‌ തൃശൂര്‍ സിറ്റി പോലീസ്‌ മേധാവിയുടെ കാര്യാലയവുമായി ബന്ധപ്പെടണം. ഫോണ്‍ : 0487-2423511. 

ലോക വനിതാ ദിനാചരണത്തോടനുബന്ധിച്ചു സാന്ത്വനം സൗജന്യ വനിതാ വൈദ്യ പരിശോധന ക്യാമ്പ്‌ നടന്നു. തൃശൂര്‍ ചെമ്പുക്കാവിലെ മിനി സിവില്‍ സ്റ്റേഷനിലെ ജീവനക്കാര്‍ക്ക്‌ ജില്ലാ മണ്ണ്‌ പര്യവേക്ഷണ വകുപ്പിന്റെയും മണ്ണ്‌ കൂട്ടായ്‌മയുടെയും അയ്യന്തോള്‍ എ ആര്‍ എം സി യും സംയുക്തമായി നടത്തിയ സൗജന്യ പരിശോധന ക്യാമ്പ്‌ അസിസ്റ്റന്റ്‌ കളക്ടര്‍ എസ്‌ പ്രേംകൃഷ്‌ണന്‍ ഉദ്‌ഘാടനം ചെയ്‌തു. ഇതോടനുബന്ധിച്ച്‌ വ്യത്യസ്‌ത മേഖലകളിലെ മികവ്‌ പ്രകടിപ്പിച്ച വനിതകളെയും വനിതാ ശാക്തീകരണത്തിനായി പ്രവര്‍ത്തിക്കുന്ന വ്യക്തികളെയും ആദരിക്കലും വിത്തിന്റെയും തൈയുടെയും വിതരണവും നടന്നു. സൗജന്യ ചികിത്സ കൂപ്പണ്‍ വിതരണവുമുണ്ടായി.

സോളിഡ്‌ വേയ്‌സ്റ്റ്‌ ഇന്‍സിനറേറ്റിന്റെ ഉദ്‌ഘാടനവും പച്ചക്കറി വിളവെടുപ്പും ഇന്ന്‌ (മാര്‍ച്ച്‌ 9) ഉച്ചയ്‌ക്ക്‌ 12.30 ന്‌ ഒളരിക്കര ഇഎസ്‌ഐ ആശുപത്രി പരിസരത്ത്‌ കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിക്കും. ഇഎസ്‌ഐ ആശുപത്രി സൂപ്രണ്ട്‌ ഡോ. കെ കെ രാധാകൃഷ്‌ണന്‍ അദ്ധ്യക്ഷത വഹിക്കും. മണ്ണുത്തി കാര്‍ഷിക ഗവേഷണ കേന്ദ്രം മേധാവി പ്രൊഫ. എ ലത മുഖ്യാതിഥിയാകും. ഇഎസ്‌ഐ കോര്‍പ്പറേഷന്‍ ബോര്‍ഡംഗം വി രാധാകൃഷ്‌ണന്‍, ഇഎസ്‌ഐ ആശുപത്രി സെക്രട്ടറി ആന്റോ ജോണ്‍, കോര്‍പ്പറേഷന്‍ കൗണ്‍സിലര്‍ കെ മഹേഷ്‌ തുടങ്ങിയവര്‍ പങ്കെടുക്കും. സിഡ്‌കോ അംഗം അബ്‌ദുറഷീദ്‌ പദ്ധതി വിശദീകരിക്കും.