കൊറിയൻ യോഗ ഫെഡറേഷൻ അംഗങ്ങൾ മുഖ്യമന്ത്രി പിണറായി വിജയനെ ക്ലിഫ് ഹൗസിൽ സന്ദർശിച്ചു.  കൊറിയയിൽ യോഗയും ആയുർവേദവും മെഡിറ്റേഷനും ആരംഭിക്കുന്നതിനെക്കുറിച്ച് ചർച്ച ചെയ്തു. കൊറിയൻ യോഗ ഫെഡറേഷൻ പ്രസിഡണ്ട് സ്വീഗ് വാൻ ലീ, സെക്രട്ടറി ജി ഹി കിം, ഹീലിങ് ഇൻഡസ്ട്രീസ് അസോസിയേഷൻ എക്‌സിക്യൂട്ടീവ് ഡയറക്ടർ ക്വാങ്മാൻ ഗ്യാങ്, ഹീലിംങ് ഇൻഡസ്ട്രീസ് അസോസിയേഷൻ വൈസ് പ്രസിഡന്റ് സാങ് ജിൻ ബൈക്ക്, വിദേശകാര്യ സഹകരണ ഡയറക്ടർ ഉൻജിയോങ് കിം എന്നിവരും ഏഷ്യൻ ഫെഡറേഷൻ പ്രസിഡണ്ട് പി അശോക് കുമാർ അഗർവാൾ, യോഗ അസോസിയേഷൻ ഓഫ് കേരളയുടെ പ്രസിഡണ്ട് ബി. ബാലചന്ദ്രൻ എന്നിവരാണ് മുഖ്യമന്ത്രിയെ സന്ദർശിച്ച് ചർച്ച നടത്തിയത്.

2019 മാർച്ചിൽ നടക്കുന്ന എസ്.എസ്.എൽ.സി. പരീക്ഷയുടെ ഉത്തരക്കടലാസുകൾ മൂല്യനിർണ്ണയം ചെയ്യുന്നതിന് എച്ച്.എസ്.എമാർക്ക് അപേക്ഷിക്കാം. പ്രഥമാദ്ധ്യാപകർക്ക് ഐഎക്‌സാംസിൽ എച്ച്.എം ലോഗിൻ വഴി അപേക്ഷകളുടെ വിവരങ്ങൾ ഓൺലൈനായി സമർപ്പിച്ച ശേഷം കൺഫേം ചെയ്ത് അപേക്ഷ സമർപ്പണം പൂർത്തിയാക്കേണ്ട അവസാന ദിവസം മാർച്ച് ഏഴുവരെ നീട്ടി. തങ്ങളുടെ സ്‌കൂളുകളിലെ എല്ലാ അദ്ധ്യാപകരും അപേക്ഷ സമർപ്പിച്ചിട്ടുണ്ടെന്ന വിവരം പ്രഥമാദ്ധ്യാപകൻ ഉറപ്പ് വരുത്തണം.

പി.എൻ.എക്സ്. 881/19

കായികയുവജനകാര്യാലയത്തിന്റെ കീഴിലുള്ള കുമാരപുരം ടെന്നിസ് അക്കാദമിയിൽ ദിവസ വേതനാടിസ്ഥാനത്തിൽ ഒരു മെയിൻ ട്രയിനർ, ഒരു അസിസ്റ്റന്റ് ട്രയിനർ എന്നിവരെ തെരഞ്ഞെടുക്കുന്നതിനുള്ള ഇന്റർവ്യൂ ഏഴിന് വൈകിട്ട് മൂന്നിന് രാജീവ് ഗാന്ധി മെഡിസിൻ സെന്ററിൽ പ്രവർത്തിക്കുന്ന ഹൈ ആൾറ്റിറ്റിയൂഡ് ട്രെയിനിംഗ് സെന്ററിൽ നടത്തും. മെയിൻ ട്രയിനർമാർ എൻ.ഐ.എസ്. യോഗ്യതയുള്ളവരും അസിസ്റ്റന്റ് ട്രയിനർമാർ എ.ഐ.ടി.എ., സ്റ്റേറ്റ്/നാഷണൽ ലവൽ ചാമ്പ്യൻമാരുമായിരിക്കണം. ഇന്റർവ്യൂവിൽ പങ്കെടുക്കുന്ന ഉദ്യോഗാർത്ഥികൾ സർട്ടിഫിക്കറ്റുകളുടെ അസൽ ഹാജരാക്കണം.

പി.എൻ.എക്സ്. 880/19

അന്താരാഷ്ട്ര വനിതാദിനം സംസ്ഥാനതല ഉദ്ഘാടനവും ഐ.സി.ഡി.എസ്. പുരസ്‌കാര വിതരണവും 8ന് വൈകിട്ട് മൂന്നിന് നിശാഗന്ധിയിൽ മുഖ്യമന്ത്രി പിണറായി വിജയൻ നിർവഹിക്കും. ആരോഗ്യ മന്ത്രി കെ.കെ. ശൈലജ അധ്യക്ഷത വഹിക്കും. വി.എസ്. ശിവകുമാർ എം.എൽ.എ, മേയർ വി.കെ. പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ. മധു തുടങ്ങിയവർ സംബന്ധിക്കും.

പി.എൻ.എക്സ്. 879/19

നോർക്ക റൂട്ട്സിന്റെ കീഴിൽ നോർക്ക ബിസിനസ് ഫെസിലിറ്റേഷൻ സെന്ററിന്റെ ഉദ്ഘാടനം മുഖ്യമന്ത്രി പിണറായി വിജയൻ ഇന്ന് (മാർച്ച് ഏഴ്) വൈകിട്ട് മൂന്ന് മണിക്ക് നോർക്ക റൂട്ട്സ് ആസ്ഥാനത്ത് നിർവ്വഹിക്കും.

മുഖ്യമന്ത്രിയെ അവഹേളിച്ച് വാട്‌സ് ആപ്പിലൂടെ പോസ്റ്റ് പ്രചരിപ്പിച്ച എക്‌സൈസ് സർക്കിൾ ഇൻസ്‌പെക്ടർക്ക് സസ്‌പെൻഷൻ. സുൽത്താൻബത്തേരി എക്‌സൈസ് സർക്കിൾ ഇൻസ്‌പെക്ടർ വി. രാജേന്ദ്രനെയാണ് സസ്‌പെൻഡ് ചെയ്തത്.

ഭരണഘടനാസ്ഥാപനങ്ങളിലുള്ളവരെ സർക്കാർ ഉദ്യോഗസ്ഥൻ നവമാധ്യമങ്ങളിലൂടെയും അല്ലാതെയും വിമർശിക്കുന്നതും അവഹേളിക്കുന്നതും കുറ്റകരമായതിനാലാണ് അച്ചടക്കനടപടിയെന്ന് എക്‌സൈസ് കമ്മീഷണർ അറിയിച്ചു. 

പി.എൻ.എക്സ്. 877/19

അടുത്ത പത്ത് വർഷത്തിനകം രണ്ടു കോടി തെങ്ങുകൾ കേരളത്തിൽ നട്ടു വളർത്തുമെന്ന് കൃഷി മന്ത്രി വി. എസ്. സുനിൽകുമാർ പറഞ്ഞു. വെള്ളായണി കായൽ പാടശേഖരം വികസന പ്രവൃത്തികളുടെ ശിലാസ്ഥാപനം നിർവഹിക്കുകയായിരുന്നു അദ്ദേഹം. 

തിരുവനന്തപുരം കാൻസർ സെന്ററിൽ നഴ്‌സിംഗ് അസിസ്റ്റന്റ് ട്രെയിനിംഗ് കോഴ്‌സിലേക്ക് അപേക്ഷ ക്ഷണിച്ചു. അപേക്ഷകൾ സ്വീകരിക്കുന്ന അവസാന തിയതി മാർച്ച് 25 വൈകിട്ട് നാല് മണി. വിശദ വിവരങ്ങൾക്കും അപേക്ഷാ ഫോറത്തിനും www.rcctvm.org, www.rcctvm.gov.in   സന്ദർശിക്കുക.

പി.എൻ.എക്സ്. 875/19

സംസ്ഥാന സാസ്‌കാരിക പ്രവർത്തക ക്ഷേമനിധി ബോർഡിൽ നിന്നും പെൻഷൻ വാങ്ങുന്നവർ മാർച്ച് 31 നകം ഗസറ്റഡ് ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ് ഹാജരാക്കണം. അല്ലാത്തപക്ഷം തുടർ പെൻഷൻ ലഭിക്കില്ല. ലൈഫ് സർട്ടിഫിക്കറ്റിന്റെ മാതൃക www.cwb.kerala.gov.in  എന്ന വെബ്‌സൈറ്റിൽ ലഭ്യമാണ്. അംശാദായ കുടിശിക തീർപ്പാക്കിയില്ലെങ്കിൽ ക്ഷേമനിധി പദ്ധതി 909/11 പ്രകാരം അംഗത്വം റദ്ദാക്കും. 

പി.എൻ.എക്സ്. 874/19

25 നും 50 നും ഇടയിൽ പ്രായമുള്ള പുരുഷൻമാരിലെ വന്ധ്യതയ്ക്ക് ഗവേഷണാടിസ്ഥാ നത്തിലുള്ള സൗജന്യ ചികിത്സ പൂജപ്പുര ഗവ: പഞ്ചകർമ്മ ആശുപത്രി പഞ്ചകർമ്മ ഒന്നാം നമ്പർ ഒ.പി. വിഭാഗത്തിൽ തിങ്കൾ മുതൽ ശനി വരെ രാവിലെ എട്ട് മുതൽ ഉച്ചയ്ക്ക് ഒരു മണിവരെ ലഭ്യമാണ്. രജിസ്‌ട്രേഷനും ചികിത്സയും സംബന്ധിച്ച വിവരങ്ങൾക്ക് 9496409945.

പി.എൻ.എക്സ്. 873/19