ലഹരിവസ്തുക്കളുടെ ഉപയോഗം കുറയ്ക്കുന്നതിന് പഞ്ചായത്തുതല  ലഹരിവിരുദ്ധ കമ്മിറ്റികളുടെ പ്രവര്‍ത്തനം ശക്തമാക്കണമെന്ന് ജില്ലാ കളക്ടര്‍ പി. കെ. സുധീര്‍ ബാബു പറഞ്ഞു. ജില്ലാതല ലഹരിവിരുദ്ധ ജനകീയ കമ്മിറ്റി യോഗത്തില്‍ സംസാരിക്കുകയായിരുന്നു അദ്ദേഹം. 

വാര്‍ഡ് തലത്തില്‍ ഉള്‍പ്പെടെ ബോധവല്‍ക്കരണ പ്രവര്‍ത്തനങ്ങള്‍ നടത്താന്‍ യുവജനങ്ങള്‍, കുടുംബശ്രീ അംഗങ്ങള്‍, സാമൂഹ്യ പ്രവര്‍ത്തകര്‍ തുടങ്ങിയവരുടെ  സേവനം ഉപയോഗപ്പെടുത്തണം. തദ്ദേശ ഭരണ സ്ഥാപനങ്ങളുടെ പ്രസിഡന്റുമാരുടെ ചുമതലയില്‍ ഒന്നിടവിട്ട മാസങ്ങളില്‍ അവലോകന യോഗം ചേരണം. 

അടൂര്‍ ഐ.എച്ച്.ആര്‍.ഡി എഞ്ചിനീയറിംഗ് കോളേജില്‍ ട്രേഡ്‌സ്മാന്‍ (ഇലക്ട്രിക്കല്‍) തസ്തികയിലേക്ക് താല്‍ക്കാലിക നിയമനം നടത്തുന്നു.  ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിങ്ങില്‍ നാഷണല്‍ ട്രേഡ് സര്‍ട്ടിഫിക്കറ്റ് ഉള്ളവര്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 13ന് രാവിലെ 10ന് കോളജില്‍ നടക്കുന്ന ഇന്റര്‍വ്യൂവില്‍ ബന്ധപ്പെട്ട രേഖകള്‍ സഹിതം  ഹാജരാകണം. കൂടുതല്‍ വിവരത്തിന് www.cea.ac.in എന്ന വെബ്‌സൈറ്റ് സന്ദര്‍ശിക്കുക. ഫോണ്‍: 04734 231995. 

          (പിഎന്‍പി 855/19)

ഐക്യരാഷ്ട്ര സംഘടനയുടെ ഉപവിഭാഗമായ ഫുഡ് ആന്‍ഡ് അഗ്രികള്‍ച്ചര്‍ ഓര്‍ഗനൈസേഷന്‍, കൃഷി വകുപ്പ്, കുടുംബശ്രീ എന്നിവയുടെ സഹകരണത്തോടെ നടത്തുന്ന പ്രളയാനന്തര കാര്‍ഷിക പരിശീലനം മാര്‍ച്ച് ഒമ്പതിന് ആരംഭിക്കും. ജില്ലയിലെ തെരഞ്ഞെടുത്ത 6600 കര്‍ഷകര്‍ക്ക് പരിശീലനം നല്‍കും. 65 പേരടങ്ങുന്ന 103 ബാച്ചുകളിലായി വിവിധ സി.ഡി.എസുകളിലായാണ് പരിശീലനം. 

                             (പിഎന്‍പി 852/19)

ആലപ്പുഴ:വിധവകളായ സ്ത്രീകളുടെ പ്രൊഫഷണൽ കോഴ്‌സുകൾക്ക് പഠിക്കുന്ന മക്കൾക്ക് ധനസഹായം നൽകുന്ന പടവുകൾ എന്ന ഉന്നത വിദ്യാഭ്യാസ ധനസഹായ പദ്ധതിയുടെ യോഗം വ്യാഴാഴ്ച നടക്കും. രാവിലെ 11.30ന് കളക്ടറുടെ അധ്യക്ഷതയിലാണ് യോഗം ചേരുക. .  ജില്ലയിൽ ലഭ്യമായിട്ടുള്ള അപേക്ഷകളിൽ നിന്നും അർഹരായ ഗുണഭോക്താക്കളെ തിരഞ്ഞെടുക്കുന്നതിനുള്ള യോഗമാണ് ചേരുന്നത്. 

ആലപ്പുഴ: വിവിധ അബ്കാരി കേസുകളിൽപ്പെട്ട്  സർക്കാരിലേക്ക് കണ്ടുകെട്ടി എക്‌സൈസ് ഓഫീസുകളിൽ സൂക്ഷിക്കുന്ന  വാഹനങ്ങൾ  മാർച്ച് 18ന് രാവിലെ 10.30ന് ലേലം ചെയ്യും. ആലപ്പുഴ എക്‌സൈസ്   ഡിവിഷൻ ഓഫീസിലാണ് ലേലം. വാഹനങ്ങൾ ഓഫീസ് അധികാരികളുടെ അനുവാദത്തോടെ പരിശോധിക്കാം.  കൂടുതൽ വിവരത്തിന്  ജില്ലയിലെ എക്‌സൈസ് ഓഫീസുകളിൽ  ബന്ധപ്പെടാം. ഫോൺ: 0477-2252049.

ആലപ്പുഴ: ആരോഗ്യകേരളം ജില്ല ഓഫീസിൽ വിവിധ തസ്തികയിലെ ഒഴിവിലേക്ക് ഫെബ്രുവരി 13 മുതൽ 19 വരെ പേർ രജിസ്റ്റർ ചെയ്ത ഉദ്യോഗാർഥികൾ  നാളെ (മാർച്ച് എട്ട്)  അഭിമുഖത്തിന് ഹാജരാകണം.രാവിലെ 9.30ന് നടക്കുന്ന അഭിമുഖത്തിൽ സർട്ടിഫിക്കറ്റുകളുടെ അസൽ പകർപ്പും ഹാജരാക്കണം. മെഡിക്കൽ ഓഫീസർ തസ്തികയിലേക്ക് അപേക്ഷ നൽകിയ ഉദ്യോഗാർഥികൾക്ക് എഴുത്തുപരീക്ഷ ഉണ്ടായിരിക്കുമെന്ന് ജില്ല പ്രോഗ്രാം മാനേജർ അറിയിച്ചു.

ആലപ്പുഴ:  ഭാഗ്യക്കുറി വകുപ്പിന്റെ കാരുണ്യ ബനവലന്റ് ഫണ്ടിൽ നിന്ന് ഫെബ്രുവരി മാസത്തിൽ  4.36 കോടി രൂപയുടെ ചികിത്സ സഹായം വിതരണം ചെയ്തു.

ആലപ്പുഴ:  ട്രഷറി/ബാങ്ക് മുഖേന സംസ്ഥാന, ഇതര സംസ്ഥാന പെൻഷൻ/കുടുംബ പെൻഷൻ വാങ്ങുന്ന പെൻഷൻകാരും ട്രഷറിയിൽ സ്ഥിരനിക്ഷേപം നടത്തിയിട്ടുള്ളവരും ആദായനികുതി ബാധ്യതയില്ലെങ്കിൽ മാർച്ച് 15നകം 15ജി/എച്ച് ഫാറം പൂരിപ്പിച്ച് നൽകണം. അല്ലാത്തപക്ഷം നിയമാനുസൃതമുള്ള ആദായനികുതി കിഴിവ് വരുത്തും. കൂടാതെ ട്രഷറി സേവിങ്സ് ബാങ്ക് അക്കൗണ്ട്/പി.ടി.എസ്.ബി അക്കൗണ്ട് മുതലയാവയ്ക്ക് കെ.വൈ.സി ഫാറം പൂരിപ്പിച്ച് നൽകിയിട്ടില്ലാത്തവർ എത്രയും വേഗം ട്രഷറികളിൽ നൽകണമെന്ന് ജില്ല ട്രഷറി ഓഫീസർ അറിയിച്ചു.

ചേർത്തല : നഗരവികസനം ദ്രുതഗതിയിൽ  പൂർത്തീകരിച്ചു വരികയാണെന്നും ചേർത്തല മണ്ഡലത്തിൽ ബഹുഭൂരിപക്ഷം റോഡുകളും ഇതോടെ പുനർനിർമ്മിക്കപ്പെട്ടുവെന്നും  ഭക്ഷ്യ-പൊതുവിതരണ വകുപ്പു മന്ത്രി പി തിമോത്തമൻ. ചേർത്തല എ എസ്സ് കനാൻ കിഴക്ക് ഭാഗം  ബാങ്ക് റോഡിന്റെ ഉദ്ഘാടനം കെ.എൻ.ജി.ജങ്ഷനിൽ  നിർവഹിച്ചു സംസാരിക്കുകയായിരുന്നു മന്ത്രി.