ജില്ലയിലെ തടമ്പാട്ടുതാഴം - പറമ്പില്‍ക്കടവ്- പുല്ലാളൂര്‍ റോഡില്‍ കണ്ണാടിക്കല്‍ മുതല്‍ തടമ്പാട്ടുതാഴം വരെയുള്ള ഭാഗത്ത് ഡ്രെയിനേജിന്റെയും റോഡിന്റെയും നിര്‍മാണം നടക്കുന്നതിനാല്‍ ഇന്ന് മുതല്‍ (07/03/19) പ്രവൃത്തി തീരുന്നതു വരെ ഇതുവഴിയുള്ള വാഹനഗതാഗതം നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു. കണ്ണാടിക്കല്‍ ഭാഗത്ത് നിന്നും തടമ്പാട്ടുതാഴം ഭാഗത്തേക്ക് പോകേണ്ട വാഹനങ്ങള്‍ കണ്ണാടിക്കലില്‍ നിന്നു തിരിഞ്ഞ് പാറോപ്പടി-മലാപ്പറമ്പ-വേങ്ങേരി വഴി തടമ്പാട്ടു താഴത്തേക്കും തിരിച്ചും പോകേണ്ടതാണ്.

ഒ.ആര്‍.കേളു എം.എല്‍.എ.യുടെ പ്രതേ്യക വികസന നിധിയില്‍ ഉള്‍പ്പെടുത്തി പനമരം ഗ്രാമപഞ്ചായത്തിലെ നീര്‍വാരം അഞ്ഞണിക്കുന്ന് കുടിവെള്ള ടാങ്ക് നിര്‍മ്മാണത്തിന് മൂന്ന് ലക്ഷം രൂപ അനുവദിച്ചു.

     കേന്ദ്ര നൈപുണ്യ വികസന വകുപ്പിന്റെ കമ്മ്യൂണിറ്റി ഡവലപ്മെന്റ് ത്രൂ പോളിടെക്നിക്സ് പദ്ധതിയുടെ ഭാഗമായി മലാപ്പറമ്പ് ഗവ. വനിതാ പോളിടെക്നിക് കോളേജില്‍ നടത്തുന്ന സോപ്പ് നിര്‍മ്മാണം, ചേളന്നൂര്‍ പഞ്ചായത്തില്‍ നടത്തുന്ന ഫുഡ് പ്രൊസസിംഗ് ആന്‍ഡ് ഫ്രൂട്ട് പ്രിസര്‍വേഷന്‍, കുറ്റിക്കാട്ടൂര്‍ (കെ.എം.ഒ) സെന്ററില്‍ നടത്തുന്ന ഡി.ടി.പി, മാവൂര്‍ പഞ്ചായത്തില്‍ നടത്തുന്ന ഫാബ്രിക് പ്രിന്റിംഗ് എന്നീ കോഴ്സുകള്‍ക്ക് അപേക്ഷ ക്ഷണിച്ചു. അവസാന തീയ്യതി ഈ മാസം 11. ഫോണ്‍: 8113060138, 0495 2370714.

വനിതാ ശിശുവികസന വകുപ്പിന്റെ മോഡല്‍ ചില്‍ഡ്രന്‍സ് ഹോമില്‍ ഒഴിവുള്ള ഹൗസ്മദര്‍( ഏതെങ്കിലും വിഷയത്തില്‍ ബിരുദം), സെക്യൂരിറ്റി കം മള്‍ട്ടിപര്‍പ്പസ് വര്‍ക്കര്‍(എസ്.എസ്.എല്‍.സി) തസ്തികകളില്‍ കരാര്‍ നിയമനത്തിന് അപേക്ഷ ക്ഷണിച്ചു. പ്രതിമാസ വേതനം യഥാക്രമം 15,000, 10,000 രൂപ ലഭിക്കും. പ്രായം 25 നും 50 നും മധ്യേ. താല്‍പ്പര്യമുള്ളവര്‍  ബയോഡാറ്റയും യോഗ്യത സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകളും സഹിതം മാര്‍ച്ച് 18 ന് വൈകീട്ട് അഞ്ചിനകം എത്തണം. ഫോണ്‍: 0495 2378920. 

പേരാമ്പ്ര ഐ.ടി.ഐയില്‍ മെക്കാനിക്ക്, അഗ്രിക്കള്‍ച്ചറല്‍ മെഷിനറി, എംപ്ലോയബിലിറ്റി സ്‌കില്‍ ട്രേഡുകളില്‍ താല്‍ക്കാലിക ഇന്‍സ്ട്രക്ടറെ നിയമിക്കും. താല്‍പ്പര്യമുള്ളവര്‍ യോഗ്യത സര്‍ട്ടിഫിക്കറ്റുമായി മാര്‍ച്ച് 13 ന് രാവിലെ 11 മണിക്ക് എത്തണം. ഫോണ്‍: 9447537993. 

കേരള മത്സ്യത്തൊഴിലാളി ക്ഷേമനിധി ബോര്‍ഡിന്റെ ആഭിമുഖ്യത്തില്‍ ജില്ലയില്‍ മത്സ്യത്തൊഴിലാളി സംഗമം നടത്തും. മാര്‍ച്ച് എട്ടിന്  ഉച്ചയ്ക്ക് 3.30 ന് വെസ്റ്റ്ഹില്‍ ഗവ. പോളിടെക്നിക്ക് ഹാളില്‍ നടക്കുന്ന പരിപാടി ഗതാഗത വകുപ്പുമന്ത്രി എ. കെ. ശശീന്ദ്രന്‍ ഉദ്ഘാടനം ചെയ്യും.  സംഗമത്തോടനുബന്ധിച്ച് ഉച്ചയ്ക്ക് രണ്ട് മണിക്ക് മത്സ്യബോര്‍ഡ് പദ്ധതികള്‍, ലഹരി നിര്‍മ്മാര്‍ജ്ജനം എന്നീ വിഷയങ്ങളില്‍ വിദഗ്ധര്‍ നയിക്കുന്ന ബോധവല്‍ക്കരണ സെമിനാറും വിവിധ ക്ഷേമധനസഹായ വിതരണവും നടത്തും.  

അരീക്കോട് ഗവ.ഐ.ടി.ഐയിലെ ടെക്‌നീഷ്യന്‍ പവര്‍ ഇലക്ട്രോണിക്‌സ് സിസ്റ്റം ട്രേഡില്‍ ഒരു ഗസ്റ്റ് ഇന്‍സ്ട്രക്ടറെ നിയമിക്കും. ബന്ധപ്പെട്ട ട്രേഡില്‍ എന്‍.ടി.സി/എന്‍.എ.സിയും മൂന്ന് വര്‍ഷത്തെ പ്രവൃത്തി പരിചയം അല്ലെങ്കില്‍ ഇലക്ട്രോണിക്‌സ്/ ഇലക്ട്രോണിക്‌സ് ആന്റ് ടെലികമ്മ്യൂണിക്കേഷന്‍/ ഇലക്ട്രോണിക്‌സ് ആന്റ് കമ്മ്യൂണിക്കേഷന്‍ ഡിപ്ലോമയും രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ ബി. ടെക് ബിരുദവും ഒരു വര്‍ഷത്തെ പ്രവ്യത്തിപരിചയവും ആണ് യോഗ്യത. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി മാര്‍ച്ച് എട്ടിന് രാവിലെ 10.30 ന് ഐ.ടി.ഐ. പ്രിന്‍സിപ്പാള്‍ മുമ്പാകെ ഇന്റര്‍വ്യൂവിന് എത്തണം. 

കെല്‍ട്രോണിന്റെ കോഴിക്കോടുള്ള നോളജ് സെന്ററില്‍ പ്രൊഫഷണല്‍ ഡിപ്ലോമ ഇന്‍ മൊബൈല്‍ ഫോണ്‍ ടെക്നോളജി കോഴ്സിന് അപേക്ഷ ക്ഷണിച്ചു. വിശദവിവരങ്ങള്‍ക്ക് ഫോണ്‍: 9847925335/9947495335.