കണിച്ചുകുളങ്ങര : നാട്ടിൽ റോഡുകളും പാലങ്ങളും കെട്ടിടങ്ങളും നിർമ്മിക്കുമ്പോൾ സൗന്ദര്യം കൂടി നോക്കിത്തുടങ്ങിയെന്നും ഇപ്പോൾ പൊതുമരാമത്ത് വകുപ്പ്  നിർമിക്കുന്ന പാലങ്ങളും കെട്ടിടങ്ങളും റോഡുകളും അതിന് ഉത്തമ ഉദാഹരണമാണെന്നും   പൊതുമരാമത്ത്-രജിസട്രേഷൻ വകുപ്പ് മന്ത്രി ജി സുധാകരൻ. 2016 - 17 കാലയളവിൽ  കിഫ്ബിയിലുൾപ്പെടുത്തി  നവീകരിച്ച കണിച്ചുകുളങ്ങര ബീച്ച്-  എൻഎച്ച് 66 റോഡ്,  കഞ്ഞിക്കുഴി മുഹമ്മ റോഡിന്റെയും നവീകരിച്ച തിരുവിഴ  ക്രോസ് റോഡിന്റെയും ഉദ്ഘാടനം നിർവഹിച്ച് കണിച്ചുകുളങ്ങരയിൽ സംസാരിക്കുകയായിരുന്നു മന്ത്രി.

ജില്ലാപഞ്ചായത്ത് നടപ്പ് സാമ്പത്തിക വര്‍ഷത്തില്‍ പട്ടികജാതി വിഭാഗക്കാര്‍ക്ക് വേണ്ടി തയ്യാറാക്കിയ വിവിധ പദ്ധതികളുടെ ഉദ്ഘാടനം ജില്ലാപഞ്ചായത്ത് പ്രസിഡന്റ് ബാബു പറശ്ശേരി നിര്‍വ്വഹിച്ചു. 13 കോടി രൂപയുടെ വികസന പ്രവര്‍ത്തനങ്ങളാണ് ഈ മേഖലക്കായി  ജില്ലാപഞ്ചായത്ത്  നീക്കി വച്ചത്. യുവജനങ്ങള്‍ക്ക്് പരിശീലനം നല്‍കി തൊഴില്‍ ലഭ്യമാക്കുന്ന വിധത്തില്‍  രണ്ട് കോടി 15 ലക്ഷം രൂപ ചെലവഴിച്ച് നടപ്പിലാക്കുന്ന എട്ടോളം പദ്ധതികളുടെ ഉദ്ഘാടനമാണ് നിര്‍വ്വഹിച്ചത്. 

കുന്ദമംഗലം വില്ലേജ് ഓഫീസ് നവീകരണ പ്രവൃത്തിയുടെ ഉദ്ഘാടനം പി.ടി.എ റഹീം എം.എല്‍.എ നിര്‍വ്വഹിച്ചു. എം.എല്‍.എയുടെ നിയോജക മണ്ഡലം ആസ്തി വികസന ഫണ്ടില്‍ നിന്ന് 15 ലക്ഷം രൂപയാണ് നവീകരണത്തിനായി അനുവദിച്ചിട്ടുള്ളത്. ജില്ലയിലെ എല്ലാ നിയോജക മണ്ഡലങ്ങളിലെയും രണ്ട് വീതം വില്ലേജ് ഓഫീസുകള്‍ നവീകരിക്കുന്നതിന് എം.എല്‍.എമാരുടെ ആസ്തി വികസന ഫണ്ടില്‍ നിന്ന് തുക അനുവദിക്കുന്നതിന് ജില്ലാ വികസന സമിതി യോഗത്തില്‍ തീരുമാനിച്ചിരുന്നു. ഇതിന്റെ അടിസ്ഥാനത്തില്‍ ജില്ലയില്‍ പ്രവൃത്തി ആരംഭിക്കുന്ന ആദ്യത്തെ വില്ലേജ് ഓഫീസാണ് കുന്ദമംഗലം.

2019 ലോക്സഭാ തെരഞ്ഞെടുപ്പിന് മുന്നോടിയായി ജില്ലയിലെ മുഴുവന്‍ ഭിന്നശേഷിക്കാരായ വോട്ടര്‍മാരുടെയും വീടുകള്‍ സന്ദര്‍ശിച്ച് വോട്ടര്‍ പട്ടികയില്‍ പേര് ചേര്‍ക്കുന്നതിന് സ്പെഷ്യല്‍ ഡ്രൈവ് നടത്തും. ഓരോ പോളിംഗ് ബൂത്ത് കേന്ദ്രീകരിച്ചും മാര്‍ച്ച് 8,9,10 തീയ്യതികളില്‍ ബൂത്ത് ലെവല്‍ ഓഫീസര്‍മാരുടെയും അങ്കണവാടി വര്‍ക്കര്‍മാരുടെയും നേതൃത്വത്തിലായിരിക്കും സ്പെഷ്യല്‍ ഡ്രൈവ് നടത്തുക.

 കേരളസംസ്ഥാന ഭാഗ്യക്കുറി ഏജന്റുമാരുടെയും വില്‍പ്പനക്കാരുടെയും ക്ഷേമനിധി ബോര്‍ഡ് നല്‍കുന്ന സൗജന്യ ബീച്ച് അംബ്രല്ല വിതരണത്തിന്റെ ജില്ലാ തല ഉദ്ഘാടനം ഗതാഗത വകുപ്പ് മന്ത്രി എ.കെ ശശീന്ദ്രന്‍ നിര്‍വഹിക്കും.  മാര്‍ച്ച് ഒമ്പതിന് ഉച്ചയ്ക്ക് രണ്ട് മണിക്ക് സിവില്‍ സ്റ്റേഷന്‍ പ്ലാനിംഗ് ഓഫീസ് കോണ്‍ഫറന്‍സ് ഹാളില്‍ നടക്കുന്ന ചടങ്ങില്‍ ഭാഗ്യക്കുറി ക്ഷേമനിധി ബോര്‍ഡ് മെമ്പര്‍ പി എം ജമാല്‍ അധ്യക്ഷത വഹിക്കും.

     തലക്കുളത്തൂര്‍ സാമൂഹികാരോഗ്യ കേന്ദ്രത്തില്‍ ഒ.പി സമയം വൈകുന്നേരം ആറ് മണി വരെയായി വര്‍ദ്ധിപ്പിക്കുന്നതിന് ഒരു ഡോക്ടറെയും രണ്ട് ഹോസ്പിറ്റല്‍ അറ്റന്‍ഡര്‍മാരെയും തെരഞ്ഞെടുക്കുന്നതിനുള്ള കൂടിക്കാഴ്ച്ച 13 ന് രാവിലെ 10.30 ന് ആശുപത്രി കോണ്‍ഫറന്‍സ് ഹാളില്‍ നടക്കും. ഫോണ്‍ 0495-2853005. 

     കോഴിക്കോട് മാളിക്കടവിലെ ഗവ. വനിത ഐ.ടി.ഐയിലെ ഐ.ഡി.ഡി ട്രേഡിലെ ഒരു ജൂനിയര്‍ ഇന്‍സ്ട്രക്ടര്‍ ഒഴിവില്‍ ഇന്‍സ്ട്രക്ടറെ നിയമിക്കുന്നു. ഇന്റര്‍വ്യൂ മാര്‍ച്ച് ഏഴിന് രാവിലെ 11 മണിക്ക്.