പൊതു ആവശ്യത്തിന്റെ ഭാഗമായി കുടിവെള്ളം വിതരണം ചെയ്യുന്ന ടാങ്കര്‍ ലോറികളും വെള്ളം എടക്കുന്ന സ്രോതസ്സുകളും റജിസ്റ്റര്‍ ചെയ്യണം. കുടിവെള്ള ഉറവിടങ്ങള്‍ ബന്ധപ്പെട്ട വിവരങ്ങള്‍ പി.എച്ച്.സി.കളിലാണ് റജിസ്റ്റര്‍ ചെയ്യേണ്ടത്. ഇതിനു പുറമെ വാഹനങ്ങള്‍ പഞ്ചായത്തുകളിലുമാണ് റജിസ്റ്റര്‍ ചെയ്യേണ്ടത്. കുടിവെള്ള വിതരണം രാവിലെ ആറുമണി മുതല്‍ വൈകിട്ട് ആറുമണി വരെയുള്ള സമയങ്ങളില്‍ മാത്രമെ അനുവദിക്കു എന്നും ജില്ലാ കലക്ടര്‍ അറിയിച്ചു.  

കനത്ത വരള്‍ച്ച നേരിടുന്നതിന് വിവിധ വകുപ്പുകളെ ഏകോപിപ്പിച്ച്  കര്‍മപദ്ദതികള്‍ തയ്യാറാക്കി  വരുന്നതായി ജില്ലാകലക്ടര്‍ അമിത് മീണ അറിയിച്ചു. വരള്‍ച്ച പ്രതിരോധ പ്രവര്‍ത്തനങ്ങള്‍ക്ക് രൂപം നല്‍കുന്നതിന് വിവിധ വകുപ്പുകളുടെ ജില്ലാതല ഉദ്യോഗസ്ഥരുടെ യോഗം കലക്ടറേറ്റില്‍ ചേര്‍ന്നു.  കൊണ്ടോട്ടി പാണ്ടിക്കാട്,കുറ്റിപ്പുറം എന്നിവടങ്ങളിലാണ് വരള്‍ച്ചക്ക് സാധ്യത കൂടുതലായി കാണുന്നത് ഇവിടങ്ങളില്‍ കൂടുതല്‍ ശ്രദ്ധ കാണിക്കുന്നതിനും വരള്‍ച്ചാ നിവാരണ പ്രവര്‍ത്തനങ്ങള്‍ ഊര്‍ജ്ജിതമാക്കുന്നതിനും യോഗം തീരുമാനിച്ചു.

 ഉഷ്ണ തരംഗം ഉണ്ടാകുമെന്ന മുന്നറിയിപ്പിനെ തുടര്‍ന്ന് കോഴിക്കോട് ജില്ലയില്‍ അതീവ ജാഗ്രത തുടരുന്ന സാഹചര്യത്തില്‍ രാവിലെ 11 മണി മുതല്‍ വൈകിട്ട് മൂന്ന് മണി വരെ ഡ്രൈവിംഗ് ടെസ്റ്റ് നടത്തരുതെന്ന് ഗതാഗത വകുപ്പ് മന്ത്രി എ.കെ ശശീന്ദ്രന്‍. രാവിലെ 11ന് മുന്‍പും വൈകിട്ട് മൂന്ന് മണിക്ക് ശേഷവുമായി സമയം പുന ക്രമീകരിച്ച് ടെസ്റ്റ് നടത്താം. ഇന്ന് (മാര്‍ച്ച് 6) മുതല്‍ സമയക്രമം പ്രാബല്യത്തില്‍ വരുമെന്നും മന്ത്രി അറിയിച്ചു.

കനത്ത ചൂടുമൂലം സൂര്യാഘാത സാധ്യത പരിഗണിച്ച് മഹാത്മാഗാന്ധി തൊഴിലുറപ്പ് പദ്ധതിയില്‍ പണിയെടുക്കുന്ന തൊഴിലാളികളുടെ സുരക്ഷ ഉറപ്പുവരുത്തുന്നതിനായി ജീവഹാനി ഉള്‍പ്പെടെയുള്ള അത്യാഹിതം ഒഴിവാക്കുന്നതിന്  പ്രവൃത്തി സമയങ്ങളില്‍ ആവശ്യമായ മുന്‍കരുതല്‍ എടുക്കേണ്ടതാണെന്ന് മിഷന്‍ ഡയറക്ടര്‍ അറിയിച്ചു. ഏപ്രില്‍ 30 വരെ കാലയളവില്‍ ഉച്ചയ്ക്ക് 12 മണി മുതല്‍ വൈകീട്ട് മൂന്ന് വരെ വിശ്രമം അനുവദിക്കണം. പ്രവൃത്തി സമയം രാവിലെ ഏഴ് മുതല്‍ രാത്രി ഏഴ് വരെ സമയങ്ങളില്‍ പുന ക്രമീകരിക്കണം. തൊഴിലാളികള്‍ക്ക് ആവശ്യമായ കുടിവെള്ളം, പ്രഥമ ശുശ്രൂഷാ ഉപകരണങ്ങള്‍ എന്നിവ ഉറപ്പുവരുത്തണമെന്നും നിര്‍ദേശമുണ്ട്. 

  സംസ്ഥാനത്ത് കുടിവെള്ള ക്ഷാമം രൂക്ഷമായ പ്രദേശങ്ങളില്‍ കുടിവെള്ളം വിതരണം ചെയ്യുന്നതിനാാവശ്യമായ നിര്‍ദേശങ്ങളുമായി  തദ്ദേശ സ്വയംഭരണ വകുപ്പ്. ഗ്രാമ പഞ്ചായത്തുകള്‍ക്കും  നഗര സഭകള്‍ക്കും മുന്‍സിപ്പല്‍  കോര്‍പറേഷനുകള്‍ക്കും നിര്‍ദേശം ബാധകമാണ്.

പുതുതലമുറയെ ആകര്‍ഷിക്കുന്ന തരത്തിലുള്ള പരിഷ്‌കരങ്ങള്‍ വരുത്തി ഭാവിയിലെ വസ്ത്രമായി ഖാദിയെ തെരഞ്ഞെടുക്കണമെന്ന് ഗതാഗത മന്ത്രി എ.കെ. ശശീന്ദ്രന്‍. മിഠായിത്തെരുവിലെ നവീകരിച്ച ഖാദി ഗ്രാമോദ്യോഗ് എംമ്പോറിയം കെട്ടിടം ഉദ്ഘാടനം ചെയ്തു സംസാരിക്കുകയായരിന്നു മന്ത്രി. ആകര്‍ഷകമായ വിലയില്‍ കേരളത്തിന്റെയോ ഇന്ത്യയുടേയോ ബ്രാന്‍ഡ് ആക്കി ഖാദി ഉല്‍പ്പന്നങ്ങളെ മാറ്റാനുള്ള ശ്രമം നടത്തി ജനങ്ങളുടെ മനസിലേക്ക് ഖാദിയെ എത്തിക്കണ മെന്നും മന്ത്രി കൂട്ടി ചേര്‍ത്തു.

കായലം ലിഫ്റ്റ് ഇറിഗേഷന്‍ പദ്ധതിക്ക് 75 ലക്ഷം രൂപയുടെ ഭരണാനുമതി ലഭിച്ചു. മഴക്കാലത്ത് വെള്ളക്കെട്ടും വേനല്‍ക്കാലത്ത് കടുത്ത വരള്‍ച്ചയും  അനുഭവപ്പെടുന്ന പ്രദേശത്തുകാരുടെ പ്രശ്നം  ജലവിഭവ വകുപ്പ് മന്ത്രി കെ.കൃഷ്ണന്‍കുട്ടിയുടെ  ശ്രദ്ധയില്‍പെടുത്തിയതിനെ തുടര്‍ന്നാണ് 75 ലക്ഷം രൂപ പദ്ധതിക്കായി അനുവദിച്ചത്.