എംപ്ലോയ്‌മെന്റ് എക്‌സ്‌ചേഞ്ച് മുഖേന നടപ്പാക്കുന്ന ശരണ്യ സ്വയം തൊഴില്‍ പദ്ധതി ജില്ലാതല കമ്മറ്റി മാര്‍ച്ച് 14, 15 തീയതികളില്‍ യോഗം ചേരും. ജില്ലാ പഞ്ചായത്ത് ഹാളില്‍ രാവിലെ 10ന് ആരംഭിക്കുന്ന യോഗത്തില്‍ പദ്ധതി അവലോകനം, അപേക്ഷകരുമായുളള കൂടിക്കാഴ്ച എന്നിവ നടത്തും. 

മൈലപ്ര ഗ്രാമപഞ്ചായത്തിലെ 2018-19 വര്‍ഷത്തെ തൊഴില്‍ രഹിത വേതനം ഏഴിനും എട്ടിനും വിതരണം ചെയ്യും. ഗുണഭോക്താക്കള്‍ തിരിച്ചറിയല്‍ കാര്‍ഡ്, എംപ്ലോയ്‌മെന്റ് കാര്‍ഡ്, റേഷന്‍ കാര്‍ഡിന്റേയും ബാങ്ക് പാസ്ബുക്കിന്റെയും പകര്‍പ്പ് എന്നിവ സഹിതം ഹാജരാകണമെന്ന് സെക്രട്ടറി അറിയിച്ചു.                           (പിഎന്‍പി 823/19)

ഇടതു സര്‍ക്കാര്‍ 1000 ദിനം പൂര്‍ത്തീകരിച്ചപ്പോള്‍ അടൂര്‍ നിയമസഭാ മണ്ഡലത്തില്‍ 500 കോടി രൂപയുടെ വികസനം സാധ്യമാക്കിയെന്ന് ചിറ്റയം ഗോപകുമാര്‍ എം.എല്‍.എ പറഞ്ഞു.  പറക്കോട് ബ്ലോക്ക് പഞ്ചായത്തും, ഗ്രാമ വികസന വകുപ്പും, ഇന്‍ഫര്‍മേഷന്‍ ആന്‍ഡ് പബ്ലിക്ക് റിലേഷന്‍സ്  വകുപ്പും സംയുക്തമായി സംസ്ഥാനസര്‍ക്കാറിന്റെ 1000 ദിനാഘോഷത്തിന്റെ ഭാഗമായി  പറക്കോട് ബ്ലോക്ക് പഞ്ചായത്ത് ഹാളില്‍ സംഘടിപ്പിച്ച വികസന സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു. എം.എല്‍.എ. 

പത്തനംതിട്ട ജനറല്‍ ആശുപത്രിയിലേക്ക് എച്ച്എംസി/ആര്‍എസ്ബിവൈ കമ്മിറ്റിയുടെ അധീനതയില്‍ വിവിധ തസ്തികകളില്‍ താത്ക്കാലിക നിയമനം നടത്തുന്നു. കാത്ത്‌ലാബ് ടെക്‌നീഷ്യന്‍, കാത്ത്‌ലാബ് സ്‌ക്രബ് നഴ്‌സ്, ലാബ് ടെക്‌നീഷ്യന്‍, ഡേറ്റാ എന്‍ട്രി ഓപ്പറേറ്റര്‍ തസ്തികകളിലേക്കാണ് നിയമനം.  

കാത്ത്‌ലാബ് ടെക്‌നീഷ്യന്‍ തസ്തികയിലേക്ക് ഗവണ്‍മെന്റ് അംഗീകൃത ബിസിവിറ്റി കോഴ്‌സ് പാസായിരിക്കണം. കാത്ത്‌ലാബ് പ്രവൃത്തിപരിചയം ഉണ്ടായിരിക്കണം.