വളപട്ടണം റോഡ് സെക്ഷന്റെ പരിധിയില്‍പ്പെടുന്ന പൂതപ്പാറ-പാലോട്ട് വയല്‍-വളപട്ടണം റോഡില്‍ പാലോട്ട് വയലില്‍ കലുങ്ക് നിര്‍മ്മാണവും ഓവുചാല്‍ നിര്‍മ്മാണവും നടക്കുന്നതിനാല്‍ നാളെ (നവംബര്‍ 21) മുതല്‍ ഒരു മാസത്തേക്ക്  പാലോട്ട്‌വയല്‍ ജംഗ്ഷന്‍ മുതല്‍ വളപട്ടണം വരെയുളള വാഹന ഗതാഗതം നിരോധിക്കുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.
പി എന്‍ സി/4373/2017
 

ക്ഷീരവികസന വകുപ്പിന്റെയും മനേക്കര ക്ഷീരോല്‍പ്പാദക സഹകരണ സംഘത്തിന്റെയും ആഭിമുഖ്യത്തില്‍ 23 ന് പന്ന്യന്നൂര്‍ ഗ്രാമപഞ്ചായത്ത്  ഹാളില്‍ പാല്‍ ഗുണനിലവാര ബോധവത്കരണ പരിപാടി സംഘടിപ്പിക്കുന്നു.  രാവിലെ 9.30 ന്  പന്ന്യന്നൂര്‍ ഗ്രാമപഞ്ചായത്ത് പ്രസിഡണ്ട്  എ ശൈലജ ഉദ്ഘാടനം ചെയ്യും.  ശുദ്ധമായ പാല്‍ ഉല്‍പാദനം എന്ന വിഷയത്തില്‍ ക്വാളിറ്റി കണ്‍ട്രോള്‍ ഓഫീസര്‍/അസി.ഡയറക്ടര്‍ എം വി രജീഷ് കുമാറും പാല്‍ പരിശോധനയുടെ പ്രാധാന്യം എന്ന വിഷയത്തില്‍ പാനൂര്‍ ക്ഷീര വികസന ഓഫീസര്‍  റിജുല എ എന്നിവരും ക്ലാസ് എടുക്കും.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ ക്ഷേമനിധി വിഹിതം അടക്കാന്‍  കുടിശ്ശിക വരുത്തിയ തുക വസൂല്‍ ചെയ്യുന്നതിന് റവന്യൂ റിക്കവറി നടപടികള്‍ സ്വീകരിച്ച വാഹന ഉടമകള്‍ക്ക് പലിശയും പിഴ പലിശയും ഒഴിവാക്കിക്കൊണ്ട് ക്ഷേമനിധി വിഹിതം അടച്ചുതീര്‍ക്കുന്നതിന് ഡിസംബര്‍ 31 വരെ സമയം അനുവദിച്ച് സര്‍ക്കാര്‍ ഉത്തരവായി.  കുടിശ്ശിക തുക ഒടുക്കുന്നതിന് 25 ന് തളിപ്പറമ്പ് താലൂക്ക് ഓഫീസില്‍ നടത്തുന്ന റവന്യൂ റിക്കവറി അദാലത്തില്‍ പങ്കെടുത്ത് കുടിശ്ശിക തുക അടച്ചുതീര്‍ത്ത് ജപ്തി നടപടികള്‍ ഒഴിവാക്കണമെന്ന് ജില്ലാ എക്‌സി.ഓഫീസര്‍ അറിയിച്ചു.
പി എന്‍ സി/4372/2017
 

  ഭക്ഷ്യഭദ്രതാ നിയമം-2013 പ്രകാരം പ്രസിദ്ധീകരിച്ച റേഷന്‍ കാര്‍ഡ് അന്തിമ മുന്‍ഗണന പട്ടികയില്‍ ഉള്‍പ്പെടാതെ പോയതിനാല്‍ തളിപ്പറമ്പ് താലൂക്ക് സപ്ലൈ ഓഫീസിലും കണ്ണൂര്‍ ജില്ലാ സപ്ലൈ ഓഫീസിലും, ജില്ലാ കലക്ടര്‍ക്കും പരാതികള്‍ സമര്‍പ്പിച്ചവരില്‍  കൂടിക്കാഴ്ചയ്ക്ക്  ഹാജരാകുവാന്‍ സാധിക്കാത്തവര്‍ക്കുളള ഹിയറിംഗ്  23, 24 തീയ്യതികളില്‍ രാവിലെ 10 മണി മുതല്‍ വൈകുന്നേരം 4 മണി വരെ  തളിപ്പറമ്പ് താലൂക്ക് സപ്ലൈ ഓഫീസില്‍  നടത്തും.

ജില്ലാ എംപ്ലോയ്‌മെന്റ്  എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററിന്റെ ആജീവനാന്ത  രജിസ്‌ട്രേഷന്‍  22  ന് രാവിലെ 10  മുതല്‍ ഉച്ചക്ക് 1 മണി വരെ  തലശ്ശേരി ടൗണ്‍ എംപ്ലോയ്‌മെന്റ്  എക്‌സ്‌ചേഞ്ചില്‍ നടത്തും.
    താല്പര്യമുള്ള യോഗ്യരായ 35 വയസ്സില്‍ കുറവ് പ്രായമുള്ള ഉദ്യോഗാര്‍ത്ഥികള്‍ക്ക് തിരിച്ചറിയല്‍ കാര്‍ഡിന്റെ  പകര്‍പ്പും 250 രൂപയും സഹിതം എംപ്ലോയബിലിറ്റി സെന്ററിന്റെ ആജീവനാന്ത  രജിസ്‌ട്രേഷന്‍ ചെയ്ത് തുടര്‍ന്ന് നടക്കുന്ന എല്ലാ ഇന്റര്‍വ്യൂവിനും  പങ്കെടുക്കാവുന്നതാണ്. ഫോണ്‍: 0497 2707610 , 8156955083.
പി എന്‍ സി/4370/2017
 

തളിപ്പറമ്പ് നഗരസഭയുടെ കീഴില്‍ പട്ടികജാതി വികസന വകുപ്പിന്റെ ആഭിമുഖ്യത്തില്‍ പ്രവര്‍ത്തിക്കുന്ന പ്രീമെട്രിക് ഹോസ്റ്റലില്‍ ഒഴിവുളള എച്ച് എസ് വിഭാഗം ഫിസിക്‌സ് ട്യൂഷന്‍ ടീച്ചറുടെ ഒഴിവിലേക്ക് പ്രസ്തുത വിഷയത്തില്‍ ബി എഡ് യോഗ്യതയുള്ളവരില്‍ നിന്ന് അപേക്ഷ ക്ഷണിച്ചു.  വെളളപേപ്പറില്‍ തയ്യാറാക്കിയ അപേക്ഷ യോഗ്യതാ സര്‍ട്ടിഫിക്കറ്റുകളുടെ പകര്‍പ്പ് സഹിതം 28 ന് വൈകിട്ട് 5 മണിക്കകം തളിപ്പറമ്പ് ബ്ലോക്ക് പട്ടികജാതി വികസന ഓഫീസില്‍ സമര്‍പ്പിക്കണം. 
പി എന്‍ സി/4370/2017
 

     സംസ്ഥാനത്തെ റബ്ബര്‍ ഉല്‍പന്ന വ്യവസായ മേഖലയിലെ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള ഉപസമിതിയുടെ തെളിവെടുപ്പ് തൈക്കാട് പി.ഡബ്ല്യു.ഡി റസ്റ്റ്ഹൗസില്‍ നവംബര്‍ 22 രാവിലെ 10 ന് നടക്കും.  തിരുവനന്തപുരം, കൊല്ലം, പത്തനംതിട്ട ജില്ലകളിലെ ബന്ധപ്പെട്ട തൊഴിലാളി, തൊഴിലുടമ പ്രതിനിധികള്‍ പങ്കെടുക്കണമെന്ന് സമിതി സെക്രട്ടറി അറിയിച്ചു.
(പി.ആര്‍.പി 1905/2017)
 

     സംസ്ഥാന ജന്തുരോഗ നിയന്ത്രണ പദ്ധതി കാര്യാലയം ഗോരക്ഷാ ഭവന്‍ കുടപ്പനക്കുന്നില്‍ ഇന്ന് (നവംബര്‍ 21) ഉദ്ഘാടനം ചെയ്യും.  വനം - മൃഗസംരക്ഷണ വകുപ്പ് മന്ത്രി കെ. രാജുവാണ് ഉദ്ഘാടകന്‍.
    കേന്ദ്ര - സംസ്ഥാന സര്‍ക്കാരുകള്‍ സംയുക്തമായി നടപ്പാക്കുന്ന വിവിധ പദ്ധതികള്‍ക്കും ചടങ്ങില്‍ തുടക്കമാകും.  ഉച്ചയ്ക്ക് രണ്ട് മണിക്ക് നടക്കുന്ന ചടങ്ങില്‍ കെ. മുരളീധരന്‍ എം.എല്‍.എ, മേയര്‍ വി.കെ. പ്രശാന്ത്, ശശിതരൂര്‍ എം.പി, വകുപ്പിലെ ഉദേ്യാഗസ്ഥര്‍ തുടങ്ങിയവരും സംബന്ധിക്കും.  
(പി.ആര്‍.പി 1904/2017)
 

     നിയമസഭയിലെ പരിസ്ഥിതി സംബന്ധിച്ച സമിതി നവംബര്‍ 23 രാവിലെ നിയമസഭയിലെ 5ഡി സമ്മേളന ഹാളില്‍ യോഗം ചേരും.  മൂക്കുന്നിമലയിലെ അനധികൃത ക്വാറി, ക്രഷര്‍ പ്രവര്‍ത്തനങ്ങള്‍ക്കെതിരെയും വെള്ളായണി കയലിന്റെ സംരക്ഷണ പ്രവര്‍ത്തനങ്ങള്‍ക്കായി സ്വീകരിക്കേണ്ട നടപടികള്‍ സംബന്ധിച്ചും സമിതിക്ക് ലഭിച്ചിട്ടുള്ള പരാതികളില്‍ ബന്ധപ്പെട്ട വകുപ്പുദേ്യാഗസ്ഥരില്‍ നിന്ന് തെളിവെടുക്കുന്നതിനാണ് യോഗം ചേരുന്നത്.  രാവിലെ 11 മണിക്ക് ചേരുന്ന യോഗത്തിനുശേഷം സമിതി ബന്ധപ്പെട്ട സ്ഥലങ്ങള്‍ സന്ദര്‍ശിക്കുകയും ചെയ്യും.
(പി.ആര്‍.പി 1903/2017)
 

‍