കെട്ടിട നിര്‍മ്മാണതൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ ലഭിക്കുന്നവര്‍ മാര്‍ച്ച് അഞ്ചിനകം ലൈഫ്സര്‍ട്ടിഫിക്കറ്റ് നല്‍കണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

     
    പാലക്കാട് ഗവ.ടെക്നിക്കല്‍ ഹൈസ്ക്കൂളില്‍ പ്രവര്‍ത്തിക്കുന്ന ഗവണ്‍മെന്‍റ് ഇന്‍സ്റ്റിറ്റൂട്ട് ഓഫ് ഫാഷന്‍ ഡിസൈനിങ്(ജി.ഐ.ഫ്.ഡി) വിദ്യാര്‍ഥികളുടെ നേതൃത്വത്തില്‍ വസ്ത്ര-കരകൗശല പ്രദര്‍ശനം, വിപണനം എന്നിവ മാര്‍ച്ച് അഞ്ചിന് രാവിലെ 10 മുതല്‍ ഉച്ചയ്ക്ക് രണ്ട് വരെ നടക്കും. പരിപാടിയോടനുബന്ധിച്ച് വിദ്യാര്‍ത്ഥിനികളുടെ ഫാഷന്‍ ഷോയും നടക്കുമെന്ന് ഗവ.ടെക്നിക്കല്‍ ഹൈസ്കൂള്‍ സൂപ്രണ്ട് അറിയിച്ചു. 

    മണ്ണാര്‍ക്കാട് താലൂക്കിലെ അട്ടപ്പാടി ശ്രീ മല്ലീശ്വര ക്ഷേത്രത്തില്‍ മഹാ ശിവരാത്രി ഉത്സവം നടക്കുന്നതിനാല്‍ അട്ടപ്പാടി ബ്ലോക്കില്‍ ഇന്ന് (മാര്‍ച്ച് മൂന്ന്) മുതല്‍ അഞ്ച് വരെ ഡ്രൈ ഡേ ആചരിക്കുമെന്ന് ജില്ലാ കലക്ടര്‍ ഡി. ബാലമുരളി അറിയിച്ചു.

    പൊതു വിദ്യാഭ്യാസ വകുപ്പിലെ സര്‍ക്കാര്‍ ഹൈസ്കൂള്‍ അധ്യാപകര്‍, പ്രൈമറി വിഭാഗം പ്രധാനാധ്യാപകര്‍, പ്രൈമറി അധ്യാപകര്‍ക്ക് 2019-2020 അധ്യായന വര്‍ഷത്തെ റവന്യൂ -ജില്ലാതല സ്ഥമാറ്റത്തിന് അപേക്ഷിക്കാം. അപേക്ഷ നല്‍കണം. അപേക്ഷ ഓണ്‍ലൈനായി മാര്‍ച്ച് 12 വരെ സമര്‍പ്പിക്കാം.

    മെഡികെയേഴ്സ്, നെഹ്റു യുവകേന്ദ്ര, സേവക് സൊസൈറ്റി എന്നിവയുടെ ആഭിമുഖ്യത്തില്‍ മാര്‍ച്ച് അഞ്ചിന് രാവിലെ 10 മുതല്‍ ഒന്ന് വരെ കൊല്ലങ്കോട് പഞ്ചായത്തിലെ നെന്മേനി, കൊടുക്കപ്പാറ കുടുംബാരോഗ്യ കേന്ദ്രത്തില്‍ സൗജന്യ മെഡിക്കല്‍ ക്യാമ്പ് നടത്തുന്നു. ക്യാമ്പില്‍ വിദഗ്ധ ഡോക്ടര്‍മാരുടെ സേവനവും ആവശ്യമായ മരുന്നുകളും സൗജന്യമായി ലഭിക്കുമെന്ന് സേവക് മാനേജര്‍ അറിയിച്ചു. ഫോണ്‍: 7559075414