മുട്ടില്‍ ഗ്രാമപഞ്ചായത്തിലെ മാണ്ടാട് ശുദ്ധജല വിതരണ പദ്ധതിയിലെ കിണര്‍ വൃത്തിയാക്കുന്നതിനാല്‍ മാണ്ടാട്, മുട്ടില്‍ ടൗണ്‍, ആനപ്പാറവയല്‍, കെ.കെ.ജംഗ്ഷന്‍, ക്വാറി റോഡ്, കനാല്‍ പരിസരം, വെള്ളിത്തോട്, കരിങ്കണ്ണികുന്ന്, കുഞ്ഞുണ്ണിപ്പടി, ജിദ്ദ ഹോസ്റ്റല്‍, തൃക്കൈപ്പറ്റ എന്നിവിടങ്ങളില്‍ ജൂണ്‍ 17 മുതല്‍ 19 വരെ ശുദ്ധജല വിതരണം തടസപ്പെടും.
 

     സാക്ഷരതാമിഷന്റെ നേതൃത്വത്തില്‍ ജില്ലയില്‍ നടക്കുന്ന വിവിധ സാക്ഷരതാ പ്രവര്‍ത്തനങ്ങളായ വയനാട് ആദിവാസി സാക്ഷരതാ പദ്ധതി, ആദിവാസി വിഭാഗത്തിനായുള്ള സമഗ്ര പദ്ധതി, പട്ടിക ജാതി വിഭാഗക്കാര്‍ക്കായുള്ള നവചേതന പദ്ധതി, ഇതര സംസ്ഥാന തൊഴിലാളികള്‍ക്കുള്ള ചങ്ങാതി പദ്ധതി, വിവിധ ഭാഷാ പഠന സര്‍ട്ടിഫിക്കറ്റ് കോഴ്‌സുകള്‍, സാമൂഹ്യ സാക്ഷരതാ പരിപാടികള്‍, നാല്,. ഏഴ്, പത്ത്, ഹയര്‍ സെക്കണ്ടറി തുല്യതാ പദ്ധതികള്‍ തുടങ്ങിയവയുടെ അവലോകനം ജില്ലാ പഞ്ചായത്ത് പ്രസിഡണ്ട് കെ.ബി.നസീമയുടെ അധ്യക്ഷതയില്‍ നടന്നു.

മഴക്കാലത്ത് വൈദ്യുതി അപകടങ്ങള്‍ കുറക്കാന്‍ പൊതുജനങ്ങള്‍ക്ക് കെ.എസ്.ഇ.ബി മുന്‍കരുതല്‍ നിര്‍ദ്ദേശങ്ങള്‍ പുറപ്പെടുവിച്ചു. പൊട്ടിവീണ വൈദ്യുതി ലൈനില്‍ നിന്നും ഷോക്കേറ്റുളള അപകടങ്ങള്‍ ഒഴിവാക്കുകയെന്നതാണ് ലക്ഷ്യം. പൊതുജനങ്ങള്‍ നിര്‍ദ്ദേശങ്ങള്‍ പാലിക്കണമെന്ന് ബോര്‍ഡ് അധികൃതര്‍ അറിയിച്ചു. ബോധവല്‍ക്കരണത്തിന്റെ ഭാഗമായി ലഘുലേഖകളും വിതരണം ചെയ്യുന്നുണ്ട്.കര്‍ശനമായി പാലിക്കേണ്ട പത്തോളം നിര്‍ദ്ദേശങ്ങള്‍ അടങ്ങിയതാണ് ലഘുലേഖ.
· വൈദ്യുതി ലൈന്‍/ സര്‍വ്വീസ് വയര്‍ പൊട്ടിവീണ് കിടക്കുന്നത് കണ്ടാല്‍ യാതൊരു കാരണവശാലും അവയില്‍ സ്പര്‍ശിക്കരുത്.  ബന്ധപ്പെട്ട കെ.എസ്.ഇ.ബി ഓഫീസില്‍ ഉടനടി വിവരം അറിയിക്കുക.

കേരള സർക്കാരിന്റെ നിയന്ത്രണത്തിലുള്ള എൽ.ബി.എസ് സെന്റർ ഫോർ സയൻസ് ആൻഡ് ടെക്‌നോളജിയുടെ തിരുവനന്തപുരം കേന്ദ്രത്തിൽ ഉടൻ ആരംഭിക്കുന്ന തൊഴിലധിഷ്ഠിത കോഴ്‌സുകളായ ഡി.ഇ ആന്റ് ഒ.എ (പത്താം ക്ലാസ് പാസും മുകളിലും), ടാലി (പ്ലസ്ടു കൊമേഴ്‌സ്/ ബി.കോമോ അതിനു മുകളിലോ), ഹാർഡ്‌വെയർ (പത്താംക്ലാസ് പാസും മുകളിലും) കോഴ്‌സുകളിലേക്ക് അപേക്ഷ ക്ഷണിച്ചു.  കൂടുതൽ വിവരങ്ങൾക്ക്: 0471-2560332, 8547141406.
പി.എൻ.എക്സ്.1818/19

കേരള സംസ്ഥാന ഭവന നിർമ്മാണ ബോർഡിന് ഐഎസ്ഒ സർട്ടിഫിക്കേഷൻ ലഭിച്ചതിന്റെയും ബോർഡിന്റെ സ്വപ്നപദ്ധതിയായ എക്‌സിബിഷൻ സോൺ, ടൂറിസം സോൺ, ഈവന്റ്‌സ് & ഫംഗ്ഷൻ സോൺ, കൺവെൻഷൻ സോൺ, ഹോട്ടൽ സോൺ എന്നിവ ഉൾപ്പെടുന്ന കേരള ഇന്റർനാഷണൽ എക്‌സിബിഷൻ സിറ്റി മറൈൻ ഡ്രൈവ് പ്രോജക്ടിന്റെ പ്രഖ്യാപനവും ജൂൺ 20 ന് വൈകിട്ട് നാലിന് മുഖ്യമന്ത്രി പിണറായി വിജയൻ നിർവഹിക്കും. കനകക്കുന്ന് കൊട്ടാരത്തിൽ നടക്കുന്ന ചടങ്ങിൽ റവന്യൂ, ഭവന നിർമ്മാണ മന്ത്രി ഇ.ചന്ദ്രശേഖരൻ അദ്ധ്യക്ഷത വഹിക്കും.
പി.എൻ.എക്സ്.1816/19

കിറ്റ്‌സിൽ റിസർച്ച് മെത്തഡോളജി ആൻഡ് മാനേജീരിയൽ എക്കണോമിക്‌സ്/ബിസിനസ്സ് ലാ, ഫിനാൻഷ്യൽ മാനേജ്‌മെന്റ് ആൻഡ് അക്കൗണ്ടിംഗ്, ജനറൽ മാനേജ്‌മെന്റ് ആൻഡ് ടൂറിസം, ഇംഗ്ലീഷ് വിഷയങ്ങളിൽ ഗസ്റ്റ് അധ്യാപക ഒഴിവുകളുൺണ്ട്. വിശദവിവരങ്ങൾക്ക് www.kittsedu.org സന്ദർശിക്കുക. ഫോൺ:0471-2327707, 2329468.
പി.എൻ.എക്സ്.1815/19

തിരുവനന്തപുരം സർക്കാർ സംസ്‌കൃത കോളേജിൽ വ്യാകരണ വിഭാഗത്തിൽ (സംസ്‌കൃതം സ്‌പെഷ്യൽ) ഗസ്റ്റ് ലക്ചറർ ഒഴിവിലേക്കുള്ള അഭിമുഖം ജൂൺ 17 ന് രാവിലെ 11 ന് പ്രിൻസിപ്പാലിന്റെ ഓഫീസിൽ നടക്കും. കോളേജ് വിദ്യാഭ്യാസ വകുപ്പിന്റെ കൊല്ലം മേഖലാ ഓഫീസിൽ ഗസ്റ്റ് അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ യോഗ്യത, ജനന തീയതി, മുൻപരിചയം എന്നിവ തെളിയിക്കുന്നതിനുള്ള അസ്സൽ സർട്ടിഫിക്കറ്റുകൾ സഹിതം ഹാജരാകണം.
പി.എൻ.എക്സ്.1814/19