പത്തനംതിട്ട നഗരസഭ ജനകീയാസൂത്രണ പദ്ധതി പ്രകാരമുള്ള മുട്ടക്കോഴി കുഞ്ഞുങ്ങളുടെ വിതരണം ആറിന് രാവിലെ എട്ട് മുതല്‍ 11 വരെ നിശ്ചിത കേന്ദ്രങ്ങളില്‍ നടക്കും. 

         (പിഎന്‍പി 799/19)

പത്തനംതിട്ട ജനറല്‍ ആശുപത്രിയിലേക്ക് എച്ച്എംസി/ആര്‍എസ്ബിവൈ കമ്മിറ്റിയുടെ അധീനതയില്‍ വിവിധ തസ്തികകളില്‍ താത്ക്കാലിക നിയമനം നടത്തുന്നു. കാത്ത്‌ലാബ് ടെക്‌നീഷ്യന്‍, കാത്ത്‌ലാബ് സ്‌ക്രബ് നഴ്‌സ്, ലാബ് ടെക്‌നീഷ്യന്‍, ഡേറ്റാ എന്‍ട്രി ഓപ്പറേറ്റര്‍ തസ്തികകളിലേക്കാണ് നിയമനം.  

കാത്ത്‌ലാബ് ടെക്‌നീഷ്യന്‍ തസ്തികയിലേക്ക് ഗവണ്‍മെന്റ് അംഗീകൃത ബിസിവിറ്റി കോഴ്‌സ് പാസായിരിക്കണം. രണ്ട് വര്‍ഷത്തെ പ്രവൃത്തിപരിചയം ഉണ്ടായിരിക്കണം. 

ആലപ്പുഴ: ചമ്പക്കുളം കനാൽ ജെട്ടി പാലം പൊതുജനങ്ങൾക്കായി മന്ത്രി ജി. സുധാകരൻ തുറന്നു കൊടുത്തതോടെ യാഥാർത്ഥ്യമായത്് നെടുമുടി, ചമ്പക്കുളം ഗ്രാമപഞ്ചായത്തിലെ ജനങ്ങളുടെ വർഷങ്ങളായുള്ള ആവശ്യമാണ്. മന്ത്രി ചുമതലയേറ്റ ശേഷം വകുപ്പിൽ നടപ്പാക്കി വരുന്ന പുതിയകാലം, പുതിയ നിർമാണം എന്ന സങ്കൽപ്പത്തിലാണ് പാലം നിർമിച്ചത്. കോലഞ്ചേരി ആസ്ഥാനമായി പ്രവർത്തിക്കുന്ന ഹാർപ്പ് കൺസ്ട്രക്ഷൻ വർക്‌സാണു പാലത്തിന്റെ നിർമാണ കരാർ ഏറ്റെടുത്തത്. തുടർന്ന് കമ്പനിക്കുണ്ടായ സാമ്പത്തിക പ്രതിസന്ധിമൂലം പണികൾ പാതിവഴിയിൽ ഉപേക്ഷിക്കുകയും കമ്പനിയെ കരിമ്പട്ടികയിൽ ഉൾപ്പെടുത്തുകയും ചെയ്തു. പിന്നീട് തോമസ് ചാണ്ടി എം.എൽ.എ.

കലവൂർ: വരുന്ന അഞ്ചു വർഷത്തിനുള്ളിൽ ഭാരതത്തിലെ ഏറ്റവും മികച്ച കായിക സൗകര്യമുള്ള സംസ്ഥാനമായി കേരളം മാറുമെന്ന് ധനമന്ത്രി റ്റി. എം.തോമസ് ഐസക്ക്.

കായിക ലോകത്തിന് മഹത്തായ സംഭാവനകൾ നൽകിയ കലവൂർ എൻ.ഗോപിനാഥന്റെ സ്മരണയിൽ പ്രീതികുളങ്ങരയിൽ നിർമ്മിക്കുന്ന സ്റ്റേഡിയത്തിന്റെ ശിലാ സ്ഥാപനം നിർവഹിച്ചു സംസാരിക്കുകയായിരുന്നു അദ്ദേഹം.

ആലപ്പുഴ: കേരളത്തിലെ ഏറ്റവും വലിയ മത്സ്യത്തൊഴിലാളി ഫ്‌ലാറ്റ് സമുച്ചയം ആലപ്പുഴയിൽ തോട്ടപ്പള്ളിക്കടുത്ത് മണ്ണുംപുറത്ത് നിർമ്മിക്കുന്നതായിരിക്കുമെന്നും ഇതിന്റെ പണി ഒരുവർഷത്തിനകം പൂർത്തിയാക്കുമെന്നും മത്സ്യ ബന്ധന, ഹാർബർ എഞ്ചിനീയറിംഗ് വകുപ്പ്  മന്ത്രി ജെ മേഴ്സികുട്ടി അമ്മ പറഞ്ഞു. പൊതുമരാമത്തു രജിസ്ട്രേഷൻ വകുപ്പ് മന്ത്രി ജി സുധാകരന്റെ അധ്യക്ഷതയിൽ തോട്ടപ്പള്ളി ജംഗ്ഷനിൽ വെച്ച് നടന്ന പുറക്കാട് ഫ്‌ലാറ്റ് സമുച്ചയത്തിന്റെ നിർമാണ പ്രവർത്തനങ്ങൾ ഉദ്ഘടനം ചെയ്ത് സംസാരിക്കുകയായിരുന്നു മന്ത്രി. 3.58 ഏക്കർ ഭൂമിയിൽ 2.40  കോടി രൂപയിൽ 204 വീടുകൾ ഉൾക്കൊള്ളുന്ന ഫ്‌ലാറ്റ് സമുച്ചയമാണ് ഇവിടെ നിർമ്മിക്കുക.

     അറ്റകുറ്റപ്പണികള്‍ നടക്കുന്നതിനാല്‍ പൂജപ്പുര ഇലക്ട്രിക്കല്‍ സെക്ഷന്‍ പരിധിയിലെ പൂജപ്പുര ജംഗ്ഷന്‍, കാട്ടുറോഡ്, കേശവന്‍നായര്‍ റോഡ് എന്നീ പ്രദേശങ്ങളിലും     പേയാട്    ഇലക്ട്രിക്കല്‍ സെക്ഷന്‍ പരിധിയിലെ പേയാട്, അലകുന്നം എന്നീ പ്രദേശങ്ങളിലും ഇന്ന് (മാര്‍ച്ച് 2) രാവിലെ ഒന്‍പത് മുതല്‍ വൈകുന്നേരം അഞ്ചു വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
      (പി.ആര്‍.പി. 337/2019)
 

    17 ഇനം ഔഷധസസ്യങ്ങള്‍ ചേര്‍ന്ന കാപ്പി കുടിച്ചിട്ടുണ്ടോ?, വനത്തിലെ സെപ്ഷ്യല്‍ കിഴങ്ങ് വിഭവങ്ങള്‍ രുചിക്കാന്‍  ആഗ്രഹമുണ്ടോ? ആറ്റിങ്ങലില്‍ മാമം മൈതാനത്ത് നടക്കുന്ന 'ഗദ്ദിക' യില്‍ വന്നാല്‍ മതി. പട്ടികജാതി - പട്ടികവര്‍ഗ വകുപ്പും കിര്‍ത്താഡ്സും ചേര്‍ന്നാണ് ഗദ്ദിക എന്ന പേരില്‍ നാടന്‍ കലാമേളയും  ഉത്പന്ന പ്രദര്‍ശന വിപണന മേളയും  സംഘടിപ്പിച്ചിരിക്കുന്നത്.
     മലവേടര്‍, കുറുമ്പര്‍, കാണി എന്നീ മൂന്ന് ഗോത്ര വിഭാഗങ്ങളുടെ വംശീയ ഭക്ഷണമാണ് ഇത്തവണ ഗദ്ദികയില്‍ ഒരുക്കിയിരിക്കുന്നത്. ഓരോ വിഭാഗത്തിലെയും അഞ്ചുപേര്‍ വീതമുള്ള സംഘം രുചിവൈവിധ്യങ്ങളൊരുക്കാന്‍ സദാ സന്നദ്ധരായുണ്ട്.

     അമ്പൂരി ഗ്രാമ പഞ്ചായത്തിലെ മായം പ്രാഥമികാരോഗ്യ കേന്ദ്രത്തില്‍ നിര്‍മിച്ച പുതിയ ഒ.പി. ബ്ലോക്കിന്റെ ഉദ്ഘാടനം റവന്യു വകുപ്പുമന്ത്രി ഇ. ചന്ദ്രശേഖരന്‍ നിര്‍വഹിച്ചു. അവശത അനുഭവിക്കുന്ന ജനവിഭാഗത്തിനു ചികിത്സ നല്‍കുകയെന്നത് സര്‍ക്കാരിന്റെ പ്രധാന ലക്ഷ്യമാണെന്ന് മന്ത്രി പറഞ്ഞു.  ഇതിന്റെ ഭാഗമായി ആരോഗ്യ രംഗത്ത് കാലോചിതമായ മാറ്റം വരുത്തി പ്രാഥമികാരോഗ്യ കേന്ദ്രങ്ങളെ  കുടുംബാരോഗ്യ കേന്ദ്രങ്ങളാക്കി ഉയര്‍ത്തുകയാണ്. അമ്പൂരിയിലെ പട്ടയ രഹിതരായ കര്‍ഷകരില്‍ അര്‍ഹരായവര്‍ക്ക് പട്ടയം ലഭ്യമാക്കാനുള്ള നടപടികള്‍ നടന്നു വരികയാണെന്നും അദ്ദേഹം പറഞ്ഞു.

     തിരുവനന്തപുരത്തെ സംസ്ഥാന തെരഞ്ഞെടുപ്പ് കമ്മീഷന്‍ ആസ്ഥാനത്ത് കേണ്‍ഫിഡന്‍ഷ്യല്‍ അസിസ്റ്റന്റ് തസ്തികയില്‍ അന്യത്രസേവന നിയമനത്തിന് അപേക്ഷ ക്ഷണിച്ചു. ഒരു ഒഴിവാണുള്ളത്. സെക്രട്ടേറിയേറ്റിലും മറ്റ് സര്‍ക്കാര്‍ വകുപ്പുകളിലും കോണ്‍ഫിഡന്‍ഷ്യല്‍ അസിസ്റ്റന്റ്/ടൈപ്പിസ്റ്റ് തസ്തികയില്‍ ജോലി നോക്കുന്നവര്‍ക്ക് അപേക്ഷിക്കാം. അവസാന തീയതി മാര്‍ച്ച് 25. താത്പര്യമുള്ളവര്‍ സെക്രട്ടറി, സംസ്ഥാന തെരഞ്ഞെടുപ്പ് കമ്മീഷന്‍, കോര്‍പ്പറേഷന്‍ ഓഫീസ് സമുച്ചയം, എല്‍.എം.എസ് ജംഗ്ഷന്‍, തിരുവനന്തപുരം-695633 എന്ന വിലാസത്തില്‍ അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0471-2321233, 8281000127.

     പാറശ്ശാല ബ്ലോക്ക് പഞ്ചായത്തില്‍ 2019-20 സാമ്പത്തിക വര്‍ഷത്തെ ബജറ്റ് അവതരിപ്പിച്ചു. പ്രസിഡന്റ്  വി.ആര്‍. സലൂജയുടെ അധ്യക്ഷതയില്‍ ചേര്‍ന്ന യോഗത്തില്‍ ബ്ലോക്ക് പഞ്ചായത്ത് വൈസ് പ്രസിഡന്റ് എസ്. ആര്യദേവനാണ് ബജറ്റ് അവതരിപ്പിച്ചത്.  എല്ലാ വിഭാഗം ജനങ്ങളുടെയും ക്ഷേമം മുന്‍നിര്‍ത്തിയുള്ള പദ്ധതികള്‍ക്കാണ് ബഡ്ജറ്റില്‍ പ്രാധാന്യം നല്‍കിയിരിക്കുന്നതെന്ന് വൈസ് പ്രസിഡന്റ് പറഞ്ഞു.