രാജ്യമൊട്ടാകെ ബിസിനസ്സ് വിപുലീകരിക്കുന്നതിന്റെ ഭാഗമായി കെൽട്രോൺ ഇതര സംസ്ഥാനങ്ങളിൽ മികച്ച പദ്ധതികൾ നടപ്പിലാക്കാൻ തയ്യാറെടുക്കുന്നു. അരുണാചൽപ്രദേശ് നിയമസഭയിൽ 'ഇ-വിധാൻ' പദ്ധതിയിൽപ്പെട്ട ഓഫീസ് ആട്ടോമേഷൻ സംവിധാനം നടപ്പിലാക്കുന്നതിന് 20.10 കോടി രൂപയുടെ ഓർഡർ കെൽട്രോണിനു ലഭിച്ചു. നിയമസഭയിലുള്ള വീഡിയോ കോൺഫറൻസിംഗ്, ഗേറ്റ് പാസ്സ്, പേയ്‌മെന്റ് തുടങ്ങിയ ഓഫീസ് നടപടികൾ ഈ പദ്ധതിയിലൂടെ സുഗമമായി നടത്താനാകും. 

ഗ്രാമവികസന വകുപ്പിൽ 2019 വർഷത്തെ പൊതു സ്ഥലംമാറ്റത്തിനുളള അപേക്ഷ പ്രോജക്ട് ഡയറക്ടർ/അസിസ്റ്റന്റ് ഡവലപ്പ്‌മെന്റ് കമ്മീഷണർ (ജനറൽ) മാരിൽ നിന്നുളള ശുപാർശ സഹിതം ഗ്രാമവികസന കമ്മീഷണറേറ്റിൽ മാർച്ച് 15ന് വൈകിട്ട് 5നകം ലഭിക്കണം. വിശദവിവരങ്ങൾ www.rdd.kerala.gov.in  ൽ ലഭ്യമാണ്.

പി.എൻ.എക്സ്. 813/19

വോട്ടർ പട്ടിക ശുദ്ധീകരണ യജ്ഞത്തിന്റെ ഭാഗമായി ജോലി ചെയ്യുന്ന ബൂത്ത് ലെവൽ ഓഫീസർമാർക്ക് ഇന്ന് (മാർച്ച് 2) ഇലക്ടറൽ രജിസ്‌ട്രേഷൻ ഓഫീസറുടെ ഡ്യൂട്ടി സർട്ടിഫിക്കറ്റിന്റെ അടിസ്ഥാനത്തിൽ ഡ്യൂട്ടി ലീവ് അനുവദിക്കാൻ വകുപ്പ് മേധാവികൾക്ക് അനുമതി നൽകി ഉത്തരവായി.

പി.എൻ.എക്സ്. 812/19

തിരുവനന്തപുരം സർക്കാർ സംസ്‌കൃത കോളേജിൽ സാഹിത്യവിഭാഗത്തിൽ (സംസ്‌കൃതം സ്‌പെഷ്യൽ) ഗസ്റ്റ് ലക്ചററിന്റെ ഒരു ഒഴിവിലേക്ക് ആറിന് രാവിലെ 11 ന് പ്രിൻസിപ്പലിന്റെ ഓഫീസിൽ ഇന്റർവ്യൂ നടത്തും. കോളേജ് വിദ്യാഭ്യാസ വകുപ്പിന്റെ കൊല്ലം മേഖലാ ഓഫീസിൽ ഗസ്റ്റ് അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ യോഗ്യത, ജനന തിയതി, മുൻ പരിചയം എന്നിവ തെളിയിക്കുന്നതിനുള്ള അസൽ സർട്ടിഫിക്കറ്റുകൾ സഹിതം അഭിമുഖത്തിനെത്തണം.

പി.എൻ.എക്സ്. 811/19

റീജിയണൽ ക്യാൻസർ സെന്ററിൽ കരാറടിസ്ഥാനത്തിൽ അസിസ്റ്റന്റ് എഞ്ചിനീയറെ(സിവിൽ)നിയമിക്കുന്നതിന് ഒൻപതിന് വാക്ക്-ഇൻ-ഇന്റർവ്യൂ നടത്തും. വിശദവിവരങ്ങൾ  www.rcctvm.gov.in ൽ ലഭ്യമാണ്.

പി.എൻ.എക്സ്. 810/19

പാലക്കട് നെന്മാറ സാമൂഹ്യ ആരോഗ്യ കേന്ദ്രത്തിൽ എച്ച്.എം.സി മുഖേന ദിവസ വേതനാടിസ്ഥാനത്തിൽ ആറ് മാസത്തേക്ക് വിവിധ തസ്തികകളിൽ നിയമനം നടത്തും. ഉദ്യോഗാർത്ഥികൾ ബയോഡാറ്റയും സർട്ടിഫിക്കറ്റിന്റെ പകർപ്പുകളും സഹിതം 8ന് രാവിലെ 10 മണിക്ക് നെന്മാറ സാമൂഹ്യ ആരോഗ്യ കേന്ദ്രത്തിൽ നടക്കുന്ന കൂടിക്കാഴ്ചയിൽ പങ്കെടുക്കണം. ഫാർമസിസ്റ്റ് തസ്തികയിൽ എസ്.എസ്.എൽ.സി വിജയവും, ഗവ. അംഗീകൃത സ്ഥാപനത്തിൽ നിന്നും ഡിപ്ലോമ ഇൻ ഫാർമസി കോഴ്‌സുമാണ് യോഗ്യത. ഡ്രൈവർ തസ്തികയിൽ എസ്.എസ്.എൽ.സി പാസ്സ്, ഹെവി ലൈസൻസ്, പാസഞ്ചേഴ്‌സ് ബാഡ്ജും വേണം. സെക്യൂരിറ്റി തസ്തികയിൽ എസ്.എസ്.എൽ.സി പാസായിരിക്കണം.

തിരുവനന്തപുരം ഗവ. ആയുർവേദകോളേജ് ആശുപത്രിയിലെ ആയുർവേദ തെറാപ്പിസ്റ്റ് തസ്തികയിൽ താല്ക്കാലികമായി ദിവസവേതനം/കരാർ അടിസ്ഥാനത്തിൽ ഉദ്യോഗാർത്ഥികളെ നിയമിക്കുന്നതിന് ഇൻർവ്യു നടത്തും. എസ്.എസ്.എൽ.സിയോ തത്തുല്യമായ പരീക്ഷയോ പാസ്സായിരിക്കണം, ആയുർവേദ മെഡിക്കൽ വിദ്യാഭ്യാസ ഡയറക്ടർക്ക് കീഴിൽ നടത്തുന്ന ഒരു വർഷ ആയുർവേദ തെറാപ്പിസ്റ്റ് കോഴ്‌സ് സർട്ടിഫിക്കറ്റ് ഉണ്ടാവണം. ഉദ്യോഗാർത്ഥികൾ വിദ്യാഭ്യാസയോഗ്യത, പ്രവൃത്തിപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും പകർപ്പുകളും ബയോഡേറ്റ സഹിതം 15ന് രാവിലെ 10.30ന് തിരുവനന്തപുരം ഗവ: ആയുർവേദ കോളേജ് പ്രിൻസിപ്പാളിന്റെ ഓഫീസിൽ ഹാജരാകണം.

പി.എൻ.എക്സ്. 808/19

അന്തരീക്ഷതാപം വര്‍ദ്ധിച്ച സാഹചര്യത്തില്‍ സൂര്യാഘാതത്തിനെതിരെ മുന്‍കരുതല്‍ എടുക്കണമെന്ന്‌ ജില്ലാ മെഡിക്കല്‍ ഓഫീസര്‍ അറിയിച്ചു. അന്തരീക്ഷതാപം ഒരു പരിധിക്കപ്പുറം ഉയരുന്നത്‌ മനുഷ്യ ശരീരത്തിലെ താപ നിയന്ത്രണ സംവിധാനങ്ങള്‍ തകരാറിലാകുകയും ശരീരത്തിലുണ്ടാകുന്ന താപം പുറത്തേക്ക്‌ കളയുന്നതിന്‌ തടസ്സം നേരിടുകയും ചെയ്യും. ഇത്തരമൊരു അവസ്ഥയെ ആണ്‌ സൂര്യാഘാതം അല്ലെങ്കില്‍ ഹീറ്റ്‌ സ്‌ട്രോക്ക്‌ എന്ന്‌ പറയുന്നത്‌.

ഉന്നത വിദ്യാഭ്യാസ വകുപ്പിലെ ജീവനക്കാരുടെയും അധ്യാപകരുടെയും സര്‍വീസ്‌ സംബന്ധമായ എല്ലാ പരാതികളും പരിഹരിക്കുന്നതിനുള്ള ഫയല്‍ അദാലത്ത്‌ തൃശൂര്‍ സെന്റ്‌ മേരീസ്‌ കോളേജ്‌ ഓഡിറ്റോറിയത്തില്‍ നടത്തി. അദാലത്തില്‍ തൃശൂര്‍, പാലക്കാട്‌ ജില്ലകളില്‍ നിന്നുള്ള 40 കേസുകളാണ്‌ പരിഗണിച്ചു. 26 ആര്‍ട്‌സ്‌ ആന്‍ഡ്‌ സയന്‍സ്‌ കോളേജുകളിലെ കെട്ടികിടക്കുന്ന പരാതികളാണ്‌ തീര്‍പ്പു കല്‍പ്പിക്കാന്‍ എത്തിയത്‌. ഗസ്റ്റ്‌ ലെക്‌ചര്‍മരുടെ വേതന ചട്ടങ്ങള്‍ സംബന്ധിച്ച പരാതികളും നിയമാനുസൃതമല്ലാത്ത നിയമനങ്ങളും ആണ്‌ പ്രധാനമായും പരിഗണനയ്‌ക്ക്‌ വന്നത്‌. ഉന്നത വിദ്യാഭ്യാസ തലത്തിലെ മെഗാ അദാലത്ത്‌ മാര്‍ച്ച്‌ 8 ന്‌ തിരുവനന്തപുരത്തു നടക്കും.

പൊയ്യ ഗ്രാമ പഞ്ചായത്ത്‌ മടത്തുംപടി സ്‌മാര്‍ട്ട്‌ വില്ലേജ്‌ ഓഫീസ്‌ കെട്ടിട നിര്‍മ്മാണോദ്‌ഘാടനം വി. ആര്‍. സുനില്‍കുമാര്‍ എംഎല്‍എ മാര്‍ച്ച്‌ 3 ന്‌ നിര്‍വഹിക്കും. പഞ്ചായത്ത്‌ പ്രസിഡന്റ്‌ ടി. എം. രാധാകൃഷ്‌ണന്‍ അധ്യക്ഷത വഹിക്കും. മാള ബ്ലോക്ക്‌ പഞ്ചായത്ത്‌ പ്രസിഡന്റ്‌ ഇ. കേശവന്‍കുട്ടി മുഖ്യാതിഥിയാകും. കേരള സംസ്ഥാന നിര്‍മ്മിതി കേന്ദ്രം റീജിണല്‍ എന്‍ജിനിയര്‍ എ. എം. സതിദേവി റിപ്പോര്‍ട്ട്‌ അവതരിപ്പിക്കും. ജില്ലാ പഞ്ചായത്ത്‌ അംഗം നിര്‍മ്മല്‍ സി പാത്താടന്‍, പഞ്ചായത്ത്‌ വൈസ്‌ പ്രസിഡന്റ്‌ സിബി ഫ്രാന്‍സിസ്‌ തുടങ്ങിയവര്‍ ആശംസ നേരും. ഇരിങ്ങാലക്കുട ആര്‍ഡിഒ ഡോ.