എന്‍മകജെ ട്രൈബല്‍ എക്സ്റ്റന്‍ഷന്‍ ഓഫീസിനു കീഴിലുള്ള വാണിനഗര്‍ പ്രീമെട്രിക് (ബോയ്‌സ്) ഹോസ്റ്റലിലെ വിദ്യാര്‍ത്ഥികള്‍ക്ക് സയന്‍സ്, ഇംഗ്ലീഷ്, ഗണിതം എന്നീ വിഷയങ്ങളില്‍ ട്യൂഷന്‍ നല്‍കുന്നതിനായി ട്യൂട്ടര്‍മാരെ നിയമിക്കും. അപേക്ഷകര്‍ കൂടിക്കാഴ്ചയ്ക്കായി ബന്ധപ്പെട്ട വിഷയങ്ങളിലുള്ള വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ എന്നിവ സഹിതം ഈ മാസം 18 ന് രാവിലെ പത്തിന് പെര്‍ളയിലെ എന്‍മകജെ ട്രൈബല്‍ എക്സ്റ്റന്‍ഷന്‍ ഓഫീസില്‍ ഹാജരാകണം. ബന്ധപ്പെട്ട വിഷയങ്ങളില്‍ ബി.എഡ് ഉള്ളവര്‍ക്ക് മുന്‍ഗണന. തെരഞ്ഞെടുക്കപ്പെടുന്നവര്‍ക്ക് പ്രതിമാസം 5500 രൂപ ഹോണറേറിയം നല്‍കും.

 ജില്ലയിലെ വിവിധ വിദ്യാലയങ്ങളില്‍ ഒന്നു മുതല്‍ പത്തു വരെ പഠിക്കുന്ന പട്ടികവര്‍ഗ വിദ്യാര്‍ത്ഥികള്‍ക്ക് ലംപ്‌സം ഗ്രാന്റ,്  2019 ജൂണ്‍ മുതല്‍  ഒക്‌ടോബര്‍ വരെയുള്ള അഞ്ചു മാസത്തെ സ്റ്റൈപ്പന്റ് എന്നിവ വിതരണം ചെയ്യുന്നതിന് അര്‍ഹരായ പട്ടികവര്‍ഗ വിദ്യാര്‍ത്ഥികളുടെ വിവരങ്ങളുടെ പട്ടിക ഫോറം ഒന്നില്‍ കുട്ടികളുടെ ബാങ്ക് അക്കൗണ്ട് വിവരങ്ങള്‍ സഹിതം ഈ മാസം 25 നകം കാസര്‍കോട് ട്രൈബല്‍ ഡവലപ്‌മെന്റ് ഓഫീസില്‍  സമര്‍പ്പിക്കണം.

വനിതാശിശുവികസന വകുപ്പ് നടപ്പിലാക്കുന്ന ശരണബാല്യം പദ്ധതിയുടെ  ഭാഗമായി ലോക ബാലവേല വിരുദ്ധ ദിനാചരണം സംഘടിപ്പിക്കും. 2019 ലെ ബാലവേല വിരുദ്ധദിന  തീം  ആയ ' ഇവശഹറൃലി  Shouldn't  Work in  Field , But on dreams'(കുട്ടികള്‍ തൊഴിലെടുക്കേണ്ടവരല്ല, സ്വപ്നം കാണേണ്ടവരാണ്)  എന്ന സന്ദേശത്തെ ആസ്പദമാക്കി സംയോജിത ശിശുസംരക്ഷണ ശിശുസേവന പദ്ധതികളുടെയും ജില്ലാ ശിശുസംരക്ഷണ യൂണിറ്റിന്റെയും മറ്റ് വകുപ്പുകളുടെയും ശരണബാല്യം പദ്ധതിയുടെയും സംയുക്ത പങ്കാളിത്തത്തോടെ  ബാലവേലവിരുദ്ധ ബോധവല്‍ക്കരണ പരിപാടികള്‍ സംഘടിപ്പിക്കുന്നത്. 

 ഉപയോഗ ശൂന്യമായ പേനകള്‍ ശേഖരിച്ച് പുനചംക്രമണത്തിന് കൈമാറുന്ന പെന്‍ഫ്രണ്ട് പദ്ധതിക്ക് കളക്ടറേറ്റില്‍ തുടക്കമായി. ജില്ലാ ഹരിത കേരളം മിഷന്റെ ആഭിമുഖ്യത്തില്‍  നടത്തുന്ന പദ്ധതിയുടെ  ജില്ലാതല ഉദ്ഘാടനം ജില്ലാ കളക്ടര്‍ ഡോ.ഡി സജിത് ബാബു നിര്‍വഹിച്ചു. ഉപയോഗ ശൂന്യമായ പേനകള്‍ ശേഖരിക്കുന്നതിന്  ഇനി അഞ്ച് പെന്‍ ഡ്രോപ്പ് ബോക്‌സുകള്‍ കൂടി  സിവില്‍ സ്റ്റേഷനില്‍ സ്ഥാപിക്കും.

ജില്ലയിലെ മുഴുവന്‍ സ്‌കൂളുകളിലും സ്ഥാപനങ്ങളിലും വിദ്യാര്‍ത്ഥികളുടെയും അധ്യാപകരുടെയും ഉദ്യോഗസ്ഥരുടെയും നേതൃത്വത്തില്‍ ഉപയോഗ ശൂന്യമായ പേനകള്‍ ശേഖരിച്ച് പുനചംക്രമണത്തിന് കൈമാറുന്ന 'പെന്‍ഫ്രണ്ട്' പദ്ധതി ആവിഷ്‌കരിച്ച് നടപ്പിലാക്കുകയാണ് ജില്ലാ ഹരിത കേരളം മിഷന്‍. ഉപയോഗ ശൂന്യമായ പേനകള്‍ ശേഖരിച്ച് പുനചംക്രമണത്തിന് കൈമാറുക., സമൂഹത്തില്‍ മാലിന്യ സംസ്‌കരണവുമായി ബന്ധപ്പെട്ട അവബോധം വളര്‍ത്തുക, ഒറ്റത്തവണ മാത്രം ഉപയോഗിക്കാന്‍ കഴിയുന്ന പേനകളുടെ ഉപയോഗം കുറയ്ക്കുക എന്നീ ലക്ഷ്യങ്ങളോടെയാണ് ഹരിത കേരളം മിഷന്‍ 'പെന്‍ഫ്രണ്ട്'പദ്ധതി ആവിഷ്‌കരിച്ചത്. 

നിയമപരമായി തോക്കും തിരകളും കൈവശം വയ്ക്കുന്നവര്‍ തെരഞ്ഞെടുപ്പുകള്‍ നടക്കുമ്പോഴും ചില പ്രത്യേക സാഹചര്യങ്ങളിലും പോലീസ് സ്‌റ്റേഷനുകളില്‍ സറണ്ടര്‍ ചെയ്തശേഷം അവ തിരിച്ചെടുക്കുമ്പോള്‍ ഫീസ് നല്‍കണമെന്ന തീരുമാനം പിന്‍വലിച്ചു. തോക്കുകള്‍ സൂക്ഷിക്കുന്നതിന് 200 രൂപയും തിരകള്‍ സൂക്ഷിക്കുന്നതിന് 100 രൂപയുമാണ് ഈടാക്കുവാന്‍ തീരുമാനിച്ചിരുന്നത്.  എന്നാല്‍ ഈ ഫീസ് നല്‍കേണ്ടതില്ലെന്ന് ജില്ലാ പോലീസ് മേധാവി അറിയിച്ചു.

പിലിക്കോട് ഗ്രാമപഞ്ചായത്ത്, കൃഷി ഭവന്‍, പ്രാദേശിക കാര്‍ഷിക ഗവേഷണ കേന്ദ്രം, പിലിക്കോട് ബിഎംസി  എന്നിവയുടെ  ആഭിമുഖ്യത്തില്‍ നടത്തുന്ന  പൈതൃകം വിത്തുത്സവം ഇന്ന്(ജൂണ്‍ 12) രാവിലെ 9.30ന് ജില്ലാ കളക്ടര്‍ ഡോ.ഡി സജിത് ബാബു ഉദ്ഘാടനം ചെയ്യും. സ്വാതന്ത്ര്യ സമര സേനാനിയും കവിയുമായിരുന്ന ടി.എസ് തിരുമുമ്പിന്റെ 114-ാം ജന്മദിനമായ ഇന്ന് പിലിക്കോട് പ്രാദേശിക ഗവേഷണ കേന്ദ്രത്തിലെ സംരക്ഷിത തിരുമുമ്പ് ഭവനത്തില്‍ നടത്തുന്ന ചടങ്ങില്‍ പിലിക്കോട് ഗ്രാമ പഞ്ചായത്ത് പ്രസിഡന്റ് ടി വി ശ്രീധരന്‍ അധ്യക്ഷത വഹിക്കും.  

മധ്യ-കിഴക്കന്‍ അറബിക്കടലിലും അതിനോട് ചേര്‍ന്നുള്ള തെക്ക് കിഴക്കന്‍ അറബിക്കടലിലുമായി രൂപം കൊണ്ട 'വായു' ചുഴലിക്കാറ്റിന്റെ സഞ്ചാര പഥത്തില്‍ കേരളമില്ലെന്ന് കാലാവസ്ഥ വിഭാഗം അറിയിച്ചു. എന്നാല്‍ സംസ്ഥാനത്തെ ചില ജില്ലകളില്‍ ശക്തമായ കാറ്റും മഴയും ഉണ്ടായേക്കാം എന്ന്  മുന്നറിയിപ്പ് ഉണ്ട്. അറബിക്കടല്‍ പ്രക്ഷുബ്ധമാവാന്‍ സാധ്യതയുള്ളതിനാല്‍ മല്‍സ്യ തൊഴിലാളികള്‍ ജൂണ്‍ 13 വരെ കടലില്‍ പോകരുത്. തീരപ്രദേശങ്ങളില്‍ കടലാക്രമണം ശക്തമാക്കാനും സാധ്യതയുണ്ടെന്നും മുന്നറിയിപ്പില്‍ പറയുന്നു. 

സെസ് വിദഗ്ധ  പഠനം നടത്തും