തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശ്ശൂർ, മലപ്പുറം, കോഴിക്കോട് ജില്ലകളിൽ ചിക്കൻപോക്‌സ് റിപ്പോർട്ട് ചെയ്ത സാഹചര്യത്തിൽ ജനങ്ങൾ ശ്രദ്ധിക്കണമെന്ന് ആരോഗ്യവകുപ്പ് അറിയിച്ചു.

വായു വഴിയാണ് ചിക്കൻപോക്‌സ് വൈറസ് പകരുന്നത്. അസൈക്ലോവീർ എന്ന ആന്റിവൈറൽ മരുന്ന് രോഗാരംഭം മുതൽ ഉപയോഗിക്കുന്നത് രോഗം വേഗത്തിൽ ഭേദമാകാനും രോഗതീവ്രതയും സങ്കീർണ്ണതകളും കുറയ്ക്കാനും സഹായിക്കും.

രോഗാണുക്കൾ ശരീരത്തിൽ പ്രവേശിച്ചു കഴിഞ്ഞാൽ രണ്ടുമുതൽ മൂന്നാഴ്ചയ്ക്കുള്ളിൽ രോഗലക്ഷണം കാണും.

ഇൻഫർമേഷൻ പബ്‌ളിക് റിലേഷൻസ് വകുപ്പിൽ ഇൻഫർമേഷൻ ഓഫീസറായ എൻ.പി.സന്തോഷിനെ ഡെപ്യൂട്ടി ഡയറക്ടറായി സ്ഥാനക്കയറ്റം നൽകി ന്യൂഡൽഹി കേരളഹൗസിലും വി.പി. സുലഭകുമാരിയെ തൃശ്ശൂർ മേഖലാ ഡെപ്യൂട്ടി ഡയറക്ടറായും നിയമിച്ച് ഉത്തരവായി. തൃശ്ശൂർ മേഖലാ ഡെപ്യൂട്ടി ഡയറക്ടറായിരുന്ന കെ.മോഹനനെ മീഡിയാ അക്കാദമി സെക്രട്ടറിയായി സ്ഥലംമാറ്റി നിയമിച്ചും ഉത്തരവായി.  

താഴെപ്പറയുന്ന ഇൻഫർമേഷൻ ഓഫീസർമാരെ പേരിനൊപ്പമുള്ള തസ്തികകളിലേക്ക് സ്ഥലംമാറ്റി നിയമിച്ചു.

കേരള നിയമ പരിഷ്‌കരണ കമ്മീഷൻ ചർച്ച് പ്രോപ്പർട്ടി ബിൽ സർക്കാരിന് സമർപ്പിച്ചിട്ടില്ലെന്ന് കമ്മീഷൻ വൈസ് ചെയർമാൻ കെ. ശശിധരൻ നായർ അറിയിച്ചു. കൂടാതെ മാർച്ച് ഏഴിനും എട്ടിനും ഇതു സംബന്ധിച്ച് പൊതുജനങ്ങളിൽ നിന്ന് അഭിപ്രായം സ്വീകരിക്കുമെന്ന മാധ്യമവാർത്തകളും തെറ്റാണ്. 

കരട് ബിൽ കമ്മീഷന്റെ വെബ്‌സൈറ്റിൽ പ്രസിദ്ധീകരിച്ച് ഓൺലൈനായി പൊതുജനാഭിപ്രായം സ്വീകരിക്കാൻ മാത്രമാണ് കമ്മീഷൻ തീരുമാനിച്ചതെന്നും അദ്ദേഹം വ്യക്തമാക്കി.

പി.എൻ.എക്സ്. 801/19

തിരുവനന്തപുരം സർക്കാർ ആയുർവേദ കോളേജ് ശല്യതന്ത്ര വകുപ്പിൽ ഓണറേറിയം അടിസ്ഥാനത്തിൽ റിസർച്ച് അസിസ്റ്റന്റിനെ നിയമിക്കുന്നതിന് മാർച്ച് ആറിന് രാവിലെ 11.30 ന് ആയുർവേദ കോളേജ് പ്രിൻസിപ്പാളിന്റെ ഓഫീസിൽ വാക്ക് ഇൻ ഇന്റർവ്യൂ നടക്കും. ബന്ധപ്പെട്ട വിഷയത്തിൽ ബിരുദാനന്തര ബിരുദവും ഡാറ്റാ പ്രോസസിംഗിൽ പരിചയവുമുള്ളവർ ബയോഡേറ്റയും സർട്ടിഫിക്കറ്റുകളുടെ ഒറിജിനലും സാക്ഷ്യപ്പെടുത്തിയ പകർപ്പുകളും സഹിതം രാവിലെ 11 ന് പ്രിൻസിപ്പാളിന്റെ ഓഫീസിൽ എത്തണം.

പി.എൻ.എക്സ്. 800/19

അങ്കണവാടി ക്ഷേമനിധി ബോർഡിൽ നിന്ന് പെൻഷൻ വാങ്ങുന്ന ഗുണഭോക്താക്കൾ ലൈഫ് സർട്ടിഫിക്കറ്റുകൾ ബന്ധപ്പെട്ട ശിശുവികസന പദ്ധതി ഓഫീസിൽ നൽകണമെന്ന് ബോർഡ് ചീഫ് എക്‌സിക്യൂട്ടീവ് ഓഫീസർ അറിയിച്ചു.  ജില്ലാ സാമൂഹ്യനീതി ഓഫീസർ ഇത് ക്രോഡീകരിച്ച് മാർച്ച് 15നകം ചീഫ് എക്‌സിക്യൂട്ടീവ് ഓഫീസർ, അങ്കണവാടി ക്ഷേമനിധി ബോർഡ,് പൂജപ്പുര എന്ന വിലാസത്തിൽ അയക്കണം.

പി.എൻ.എക്സ്. 799/19

സംസ്ഥാന തിരഞ്ഞെടുപ്പ് കമ്മീഷൻ ആസ്ഥാനത്ത് കോൺഫിഡൻഷ്യൽ അസിസ്റ്റന്റിന്റെ ഒരു ഒഴിവിലേക്ക് ഡെപ്യൂട്ടേഷൻ വ്യവസ്ഥയിൽ നിയമനം നടത്തുന്നു. സെക്രട്ടേറിയറ്റിലും മറ്റ് സർക്കാർ വകുപ്പുകളിലും കോൺഫിഡൻഷ്യൽ അസിസ്റ്റന്റ്/ ടൈപ്പിസ്റ്റ് തസ്തികകളിൽ ജോലി നോക്കുന്നവർ ഉചിത മാർഗേണ 25 നകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ് സമുച്ചയം, എൽ.എം.എസ്. ജംഗ്ഷൻ, തിരുവനന്തപുരം-695633 എന്ന വിലാസത്തിൽ അപേക്ഷിക്കണം.

പി.എൻ.എക്സ്. 798/19

തിരുവനന്തപുരത്തെ സംസ്ഥാന തിരഞ്ഞെടുപ്പ് കമ്മീഷൻ ആസ്ഥാനത്ത് ഓഫീസ് അറ്റൻഡന്റിന്റെ ഒരു ഒഴിവിലേക്ക് ഡെപ്യൂട്ടേഷൻ വ്യവസ്ഥയിൽ നിയമിക്കുന്നതിന് അപേക്ഷിക്കാം. സെക്രട്ടേറിയറ്റിലും മറ്റ് സർക്കാർ വകുപ്പുകളിലും സമാനതസ്തികകളിൽ ജോലി ചെയ്യുന്നവർ മാർച്ച് 20 നകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ് സമുച്ചയം, എൽ.എം.എസ്.ജംഗ്ഷൻ, തിരുവനന്തപുരം-695633 എന്ന വിലാസത്തിൽ അപേക്ഷിക്കണം.

പി.എൻ.എക്സ്. 797/19

കേരള സംസ്ഥാന സാംസ്‌കാരിക പ്രവർത്തക ക്ഷേമനിധി ബോർഡ് പെൻഷൻ വാങ്ങുന്ന കലാകാര•ാർ തുടർന്ന് പെൻഷൻ ലഭിക്കുന്നതിന് ഗസറ്റഡ് ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ് മാർച്ച് 31 ന് മുൻപ് ഹാജരാക്കണമെന്ന് ക്ഷേമനിധി ബോർഡ് സെക്രട്ടറി അറിയിച്ചു. യഥാസമയം ലൈഫ് സർട്ടിഫിക്കറ്റ് ഹാജരാക്കാത്തവരുടെ പെൻഷൻ മറ്റൊരു അറിയിപ്പ് കൂടാതെ തന്നെ തടഞ്ഞുവയ്ക്കും. ഇതുവരെ ആധാർ കോപ്പി നൽകാത്തവർ ആധാറിന്റെ പകർപ്പും ഹാജരാക്കണം. സർട്ടിഫിക്കറ്റിന്റെ മാതൃക  www.cwb.kerala.gov.in  എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 796/19

ആരോഗ്യ വകുപ്പിൽ ഇ ഓഫീസ് സംവിധാനം ഫയൽ നീക്കം കാര്യക്ഷമമാക്കിയതായും ഇ ഓഫീസ് സൂപ്പർ യൂസർ പദവിക്ക് വകുപ്പ് അർഹമാണെന്നും ആരോഗ്യ മന്ത്രി കെ. കെ. ശൈലജ ടീച്ചർ പറഞ്ഞു. മെഡിക്കൽ വിദ്യാഭ്യാസ വകുപ്പിന്റെ പുതിയ അനക്‌സ് ബ്‌ളോക്ക്, ഗസ്റ്റ് ഹൗസ് കോംപ്ലക്‌സ്, ഇ ഓഫീസ് എന്നിവയുടെ ഉദ്ഘാടനം മെഡിക്കൽ വിദ്യാഭ്യാസ കാര്യാലയത്തിൽ നിർവഹിക്കുകയായിരുന്നു.