കണ്ണൂര്‍ കൃഷ്ണമേനോന്‍ മെമ്മോറിയല്‍ ഗവണ്‍മെന്റ് വിമന്‍സ് കോളജില്‍ ഇക്കണോമിക്‌സ് വിഷയത്തില്‍ എഫ്.ഡി.പി. സബ്സ്റ്റിറ്റിയൂട്ട് അസിസ്റ്റന്റ് പ്രൊഫസര്‍ നിയമനം നടത്തുന്നു.  കോളജ് വിദ്യാഭ്യാസ ഡയര്‍ക്ടറുടെ കോഴിക്കോട് ഓഫീസില്‍ രജിസ്റ്റര്‍ ചെയ്ത ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം ജൂണ്‍ 25 ന് രാവിലെ 11 മണിക്ക് പ്രിന്‍സിപ്പല്‍ മുമ്പാകെ കൂടിക്കാഴ്ചയ്ക്ക് എത്തിച്ചേരണമെന്ന് പ്രിന്‍സിപ്പല്‍ അറിയിച്ചു.
(പി.ആര്‍.പി. 635/2019)

    നടപ്പു സാമ്പത്തിക വര്‍ഷം എസ്.എസ്.എല്‍.സി, പ്ലസ്ടു, ബിരുദം, ബിരുദാനന്തര ബിരുദം, പ്രൊഫഷണല്‍ ഡിഗ്രി പരീക്ഷകളില്‍ ഉന്നത വിജയം കരസ്ഥമാക്കിയ പട്ടിക വര്‍ഗ വിദ്യാര്‍ഥികള്‍ക്ക് പ്രത്യേക പ്രോത്സാഹനം നല്‍കുന്നതിനുള്ള തുക അനുവദിച്ചതായി ഐ.ടി.ഡി.പി. പ്രൊജക്ട് ഓഫിസര്‍ അറിയിച്ചു.  അര്‍ഹരായവര്‍ ജാതി സര്‍ട്ടിഫിക്കറ്റ്, മാര്‍ക്ക് ലിസ്റ്റിന്റെ പകര്‍പ്പ്, ബാങ്ക് പാസ്ബുക്കിന്റെ പകര്‍പ്പ് എന്നിവ സഹിതം ട്രൈബല്‍ എക്സ്റ്റന്‍ഷന്‍ ഓഫിസിലോ നെടുമങ്ങാട് ഐ.ടി.ഡി.പി. ഓഫിസിലോ ബന്ധപ്പെടണമെന്ന് ഐ.ടി.ഡി.പി. പ്രൊജക്ട് ഓഫിസര്‍ അറിയിച്ചു.
(പി.ആര്‍.പി. 634/2019)

    തിരുവനന്തപുരം ജില്ലയില്‍ ഉപതെരഞ്ഞെടുപ്പ് നടക്കുന്ന പഞ്ചായത്ത് വാര്‍ഡുകളിലെ വിദ്യാലയങ്ങള്‍ക്കും സര്‍ക്കാര്‍, അര്‍ധ സര്‍ക്കാര്‍, പൊതുമേഖലാ സ്ഥാപനങ്ങള്‍ക്കും വോട്ടെടുപ്പ് ദിവസമായ ജൂണ്‍ 27നും, പോളിങ് സ്‌റ്റേഷന്‍ പ്രവര്‍ത്തിക്കുന്ന സ്ഥാപനങ്ങള്‍ക്ക് ജൂണ്‍ 26, 27 തീയതികളിലും ജില്ലാ കളക്ടര്‍ അവധി പ്രഖ്യാപിച്ചു.

കാസര്‍കോട് ഗവണ്‍മെന്റ് കോളേജില്‍ സുവോളജി  വിഷയത്തില്‍   ഗസ്റ്റ് അധ്യാപകരെ ആവശ്യമുണ്ട്.  55 ശതമാനം മാര്‍ക്കോടുകൂടിയ ബിരുദാനന്തര ബിരുദവും നെറ്റും പാസായവര്‍ക്ക് അപേക്ഷിക്കാം. നെറ്റ് യോഗ്യരായവരുടെ അഭാവത്തില്‍ ബിരുദാനന്തര ബിരുദക്കാരേയും പരിഗണിക്കും. കോഴിക്കോട് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം ഈ മാസം 14 ന് രാവിലെ 10.30 ന്  പ്രിന്‍സിപ്പാള്‍    മുന്‍പാകെ  അഭിമുഖത്തിന് ഹാജരാകണം .ഫോണ്‍ നമ്പര്‍. 04994 256027

എസ് എസ് എല്‍ സി പരീക്ഷയില്‍ കാസര്‍കോട് ബ്ലോക്ക് പഞ്ചായത്തിനു  കീഴിലുള്ള പട്ടികജാതി വികസന വകുപ്പിന്റെ  ബദിയടുക്ക  പ്രീമെട്രിക്  ഹോസ്റ്റലില്‍ നിന്ന് മികച്ച വിജയം നേടിയ വിദ്യാര്‍ത്ഥികളെയും സഹായികളായ വാര്‍ഡന്മാരെയും ആദരിച്ചു. കാസര്‍കോട് ബ്ലോക്ക് പഞ്ചായത്ത് പ്രസിഡന്റ് മുഹമ്മദ് ചായിന്റടി വിജയികള്‍ക്ക് അവാര്‍ഡ് സമ്മാനിച്ചു. ഹോസ്റ്റലുകളുടെ ഉപദേശക സമിതി യോഗവും  ഇതിനോടനുബന്ധിച്ച് നടന്നു. ആരോഗ്യ- വിദ്യാഭ്യാസ സ്റ്റാന്റിങ് കമ്മറ്റി ചെയര്‍മാന്‍ എ എസ് അഹ്മദ് , എസ് സി ഡി ഒ ബഷീര്‍ പി ബി ,വാര്‍ഡന്‍ വിനീഷ് വി നായര്‍, രാജേഷ് മാഷ്  എന്നിവര്‍  സംസാരിച്ചു.

 മഴവെള്ളസംരക്ഷണത്തിലും കൃഷിപരിപാലനത്തിലും വിദ്യാര്‍ത്ഥികളെയും അധ്യാപകരെയും കര്‍മ്മനിരതരാക്കാന്‍ മഴവെള്ള സംരക്ഷണവും കൃഷിപരിപാലനവും എന്ന വിഷയത്തില്‍ ജലജാഗ്രതാ സദസും ലഘുലേഖാ വിതരണവും കാസര്‍കോട്് ഗവണ്‍മെന്റ് കോളെജ് സെമിനാര്‍ ഹാളില്‍ ഇന്ന് (12)  ഉച്ചയ്ക്ക് രണ്ടിന് കൃഷിഭവന്റെ ആഭിമുഖ്യത്തില്‍ നടത്തും. പൊതുജനങ്ങള്‍ക്കും പങ്കെടുക്കാം. ഫോണ്‍- 9495827783, 7902589254 

സ്വിച്ച് ഓണ്‍ കര്‍മ്മം കളക്ടര്‍ നിര്‍വഹിച്ചു

സംസ്ഥാന വനിതാ കമ്മീഷന്‍ സിറ്റിംഗ് ഇന്ന്(ജൂണ്‍ 12) രാവിലെ 10.30 മുതല്‍ കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. 

 വൈദ്യുതി ലൈന്‍, സര്‍വീസ് വയര്‍ പൊട്ടി വീണു കിടക്കുന്നതു കണ്ടാല്‍ യാതൊരു കാരണവശാലും സ്പര്‍ശിക്കരുത്. ബന്ധപ്പെട്ട കെ.എസ്.ഇ.ബി.ഓഫീസില്‍ അറിയിച്ച് ഈ ലൈന്‍, സര്‍വീസ് വയര്‍ ഓഫ് ചെയ്തു എന്ന് ഉറപ്പുവരുത്താതെ അതിനടുത്തേക്ക് പോവുകയോ സ്പര്‍ശിക്കുകയോ ചെയ്യരുത്.