അഴിയൂര്‍ ഗ്രാമപഞ്ചായത്തും അഴിയൂര്‍ ഫേസ്ബുക്ക് കൂട്ടായ്മയും ചേര്‍ന്ന് നടപ്പാക്കുന്ന ജീവതാളം പദ്ധതിയില്‍ പാലിയേറ്റീവ്, ട്രോമോ കെയര്‍, കാലാവസ്ഥ വ്യതിയാനം എന്നീ മേഖലകളില്‍ പരിശീലനം ലഭിക്കാന്‍ താല്‍പര്യമുള്ളവര്‍ 9544665599(രാഗേഷ്) എന്ന നമ്പറില്‍ പേര് രജിസ്റ്റര്‍ ചെയ്യണം. പാലിയേറ്റീവ് പരിചരണത്തില്‍ മൂന്ന് ദിവസത്തെ പരിശീലനമാണ്  നല്‍കുക.

ദേശീയ അന്ധത നിവാരണ പരിപാടിയുടെ ഭാഗമായി ജില്ലയിലെ വനിതാ ഡ്രൈവര്‍മാര്‍ക്കായി കാഴ്ച ശക്തി പരിശോധന നടത്തും. മാര്‍ച്ച് രണ്ടിന് രാവിലെ ഒമ്പത് മണി മുതല്‍ 12 വരെ താമരശ്ശേരി ടൗണ്‍, കൊയിലാണ്ടി ടൗണ്‍, കുറ്റ്യാടി എം.ഐ യു.പി സ്‌കൂളിന് സമീപം, കോഴിക്കോട് മുതലക്കുളം, അഴിയൂര്‍, പയ്യോളി ദേശീയപാതയോരം, പന്തീരാങ്കാവ് ബൈപ്പാസ് പരിസരം, കലക്ട്രേറ്റ് പരിസരം എന്നിവിടങ്ങളിലാണ് ക്യാമ്പ് നടത്തുക. ലോക വനിതാദിനത്തോടനുബന്ധിച്ചാണ് വനിതകള്‍ക്കായി മാത്രമായി ക്യാമ്പ് സംഘടിപ്പിക്കുന്നത്. 

ദേശീയ പിന്നോക്ക വിഭാഗ ധനകാര്യ വികസന കോര്‍പ്പറേഷന്‍ ഭാരത സര്‍ക്കാര്‍ വസ്ത്ര മന്ത്രാലയത്തിന്റെ സഹായത്തോടെ തളിപ്പറമ്പ് നാടുകാണിയിലെ അപ്പാരല്‍ ട്രെയിനിംഗ് ആന്‍ഡ് ഡിസൈന്‍ സെന്ററില്‍ സൗജന്യ താമസ ഭക്ഷണ സൗകര്യത്തോടെ മൂന്ന് മാസം ദൈര്‍ഘ്യമുളള സ്വീയിംഗ് മെഷീന്‍ ഓപ്പറേറ്റര്‍ (എസ്.എം.ഒ) എന്ന തൊഴിലധിഷ്ഠിത കോഴ്സിലേക്ക് പരിശീലനം ആരംഭിച്ചു. താല്‍പര്യമുളള 18 വയസ്സു പൂര്‍ത്തിയായ ഒ.ബി.സി, ഇ.ബി.സി, ഡി.എന്‍.ടി വിഭാഗത്തില്‍പ്പെട്ടവര്‍ മാര്‍ച്ച്  ഏഴിനകം  സെന്ററുമായി ബന്ധപ്പെടണം. വരുമാന പരിധി പിന്നോക്ക വിഭാഗം 300000 ന് താഴെ മറ്റ് സാമ്പത്തികമായി പിന്നോക്കം നില്‍ക്കുന്നവര്‍ക്ക് 1,00,000 ന് താഴെ .

ചാത്തമംഗളം ഗവ.ഐ.ടി.ഐ യില്‍ എംപ്ലോയബിലിറ്റി സ്‌കില്‍സ് വിഷയത്തിന് ഗസ്റ്റ് ഇന്‍സ്ട്രക്ടരുടെ (ഒരു ഒഴിവ്) ഒഴിവിലേക്ക് അപേക്ഷ ക്ഷണിച്ചു. യോഗ്യത - എം.ബി.എ/ബി.ബി.എ ബിരുദവും രണ്ട് വര്‍ഷത്തെ പ്രവര്‍ത്തി പരിചയവും അല്ലെങ്കില്‍ ഇക്കണോമിക്സ്/സോഷ്യോളജി/സോഷ്യല്‍ വെല്‍ഫെയര്‍ എന്നിവയില്‍ ബിരുദവും രണ്ട് വര്‍ഷത്തെ പ്രവര്‍ത്തി പരിചയവും അല്ലെങ്കില്‍ ബിരുദം/ഡിപ്ലോമയും ഡി.ജി.ഇ.ടി ഇന്‍സ്റ്റിറ്റ്യൂട്ടില്‍ നിന്നുളള എംപ്ലോയബിലിറ്റി സ്‌കില്‍സില്‍ ഉളള ട്രെയിനിംഗും രണ്ട് വര്‍ഷത്തെ പ്രവര്‍ത്തി പരിചയവും. 

പുതിയ റേഷന്‍കാര്‍ഡ്, ഡ്യൂപ്ലിക്കേറ്റ് റേഷന്‍കാര്‍ഡ്, കാര്‍ഡുടമയെ മാറ്റല്‍, മുതിര്‍ന്ന അംഗങ്ങളെ ചേര്‍ക്കല്‍ തുടങ്ങി അന്വേഷണ റിപ്പോര്‍ട്ട് ആവശ്യമായ എല്ലാ റേഷന്‍ കാര്‍ഡ് അപേക്ഷകളും ബുധനാഴ്ച ദിവസങ്ങളില്‍  ഓഫീസില്‍  
സ്വീകരിക്കുന്നതാണെന്ന് കൊയിലാണ്ടി താലൂക്ക് സപ്ലൈ ഓഫീസര്‍ അറിയിച്ചു. എല്ലാ റേഷന്‍കാര്‍ഡ് അപേക്ഷകളും ഓണ്‍ലൈനായി സമര്‍പ്പിക്കേണ്ടതാണ്.

             രക്തഘടകങ്ങള്‍ രോഗികള്‍ക്ക് ലഭ്യമാക്കുവാന്‍ കോഴിക്കോട് ജില്ലയിലെ സര്‍ക്കാര്‍ ആശുപത്രികള്‍ ആശ്രയിക്കുന്ന സ്ത്രീകളുടെയും കുട്ടികളുടെയും സര്‍ക്കാര്‍ ആശുപത്രിയുടെ ആഭിമുഖ്യത്തില്‍ രക്തദാന ക്യാമ്പുകള്‍ സംഘടിപ്പിക്കും.  രക്തദാനത്തില്‍ പ്രാധാന്യവും പ്രസക്തിയും പൊതുജനങ്ങളില്‍ എത്തിക്കുന്നതിന് വേണ്ടി ക്യാമ്പുകളോടനുബന്ധിച്ച് ബോധവത്കരണ ക്ലാസുകളും നടത്തും. താല്പര്യമുളള സന്നദ്ധസംഘടനകള്‍, സ്ഥാപനങ്ങള്‍ തുടങ്ങിയവര്‍ രക്തബാങ്കുമായി ബന്ധപ്പെടണം. ഫോണ്‍ - 0495 2722998. ഇ.മെയില്‍ - ംരയഹീീറയമിസരഹ@്യേമവീീ.രീാ

വിചാരണ മാറ്റി

കണ്ണൂര്‍ കലക്ടറേറ്റില്‍ മാര്‍ച്ച് ഒന്ന്, ആറ് തീയതികളില്‍ വിചാരണക്ക് വെച്ച ഇരിട്ടി, തലശ്ശേരി താലൂക്കുകളിലെ ദേവസ്വം പട്ടയ കേസുകള്‍ യഥാക്രമം മാര്‍ച്ച് 29, ഏപ്രില്‍ മൂന്ന് തീയതികളിലേക്ക് മാറ്റിയതായി ഡെപ്യൂട്ടി കലക്ടര്‍(ഡിഎം & എല്‍ടി) അറിയിച്ചു.

പി എസ് സി പരിശീലനം