സംസ്ഥാനത്ത് ജൂണ്‍ ആറ്, ഏഴ് തീയതികളില്‍ ഒറ്റപ്പെട്ട സ്ഥലങ്ങളില്‍   ഇടിയോടുകൂടിയ ശക്തമായ  മഴയും മണിക്കൂറില്‍ 30 - 40  കി.മീ  വേഗതയില്‍ കാറ്റ് വീശാനും സാധ്യതയുള്ളതായി   കാലാവസ്ഥ  നിരീക്ഷണ കേന്ദ്രം അറിയിച്ചു.  ജൂണ്‍ ഏഴ്, എട്ട് തീയതികളില്‍ ഒറ്റപ്പെട്ട സ്ഥലങ്ങളില്‍   ഇടിയോടുകൂടിയ ശക്തമായ  മഴയും മണിക്കൂറില്‍ 40 - 50 കി.മീ  വേഗതയില്‍ കാറ്റ്  ഉണ്ടാകാനും സാധ്യതയുണ്ട്. ഈ സാഹചര്യത്തില്‍ ജാഗ്രത നിര്‍ദ്ദേശങ്ങള്‍ പാലിക്കണമെന്ന് സംസ്ഥാന  ദുരന്ത നിവാരണ അതോറിറ്റി നിര്‍ദ്ദേശിച്ചു.

കെല്‍ടോണിന്റെ എടപ്പാള്‍ സെന്ററില്‍ നടത്തുന്ന ഒരു വര്‍ഷത്തെ പ്രീ പ്രൈമറി ടീച്ചേഴ്‌സ് ട്രെയിനിങ് കോഴ്‌സിന് അപേക്ഷ ക്ഷണിച്ചു. എസ് എസ് എല്‍ സി / പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. ഫോണ്‍: 9895355155

മലമ്പുഴ മൃഗസംരക്ഷണ   പരിശീലനകേന്ദ്രത്തില്‍  ജൂണ്‍ 13, 14 തിയ്യതികളില്‍ എരുമ/പോത്ത്  വളര്‍ത്തലില്‍ സൗജന്യ പരിശീലനം  സംഘടിപ്പിക്കുന്നു.   പങ്കെടുക്കുവാന്‍  താല്‍പര്യമുളളവര്‍  നേരിട്ടോ ഫോണ്‍ മുഖേനയോ മുന്‍കൂട്ടി പേര് രജിസ്റ്റര്‍ ചെയ്യണം. രജിസ്റ്റര്‍  ചെയ്തവര്‍ ആധാര്‍നമ്പറുമായി  13 ന്  രാവിലെ 10 നകം  പരിശീലന കേന്ദ്രത്തില്‍ എത്തണം. ഫോണ്‍ നമ്പര്‍   04912815454  

ബേപ്പൂര്‍ സര്‍ക്കാര്‍ ക്ഷീര പരിശീലന കേന്ദ്രത്തില്‍ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ കര്‍ഷകര്‍ക്ക് ആറുദിവസത്തെ പശു വളര്‍ത്തല്‍ പരിശീലനം നടത്തന്നു.  ഡയറി ഫാം     ആസൂത്രണം,  ലാഭകരമായ ഡയറിഫാം നടത്തിപ്പ്, വൈവിധ്യവല്‍ക്കരണം എന്ന വിഷയങ്ങളിലാണ് പരിശീലനം. താത്പര്യമുളളവര്‍ ജൂണ്‍ 10 രാവിലെ 10 നകം ബാങ്ക് പാസ്സ് ബുക്കിന്റെ  ഫോട്ടോസ്റ്റാറ്റ്  കോപ്പിയും ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പും, 20/- രൂപ രജിസ്‌ട്രേഷന്‍ ഫീസും സഹിതം പരിശീലന കേന്ദ്രത്തില്‍ എത്തണം. കൂടുതല്‍ ഫോണ്‍ : 0495 2414579

    ബി.ഇ/ബി.ടെക് പൂര്‍ത്തിയായവര്‍ക്കും ഫലം പ്രതീക്ഷിക്കുന്ന വിദ്യാര്‍ത്ഥി കള്‍ക്കുമായി കെല്‍ട്രോണിന്റെ കോഴിക്കോട് നോളജ് സെന്ററില്‍ ഐ.ടി. ഇന്റേണ്‍ഷിപ്പ് ഇന്‍ ലിനക്‌സ്, അപ്പാച്ചെ, ങ്യടൂഹ&ജഒജ ട്രെയിനിംങ് പ്രോഗ്രാമിലേക്ക് അഡ്മിഷന്‍ ആരംഭിച്ചു.  വിവരങ്ങള്‍ക്ക് കെല്‍ട്രോണ്‍ നോളജ് സെന്റര്‍, അംബേദ്ക്കര്‍ ബില്‍ഡിങ്, റെയില്‍വെ ലിങ്ക് റോഡ്, കോഴിക്കോട് വിലാസത്തില്‍ ബന്ധപ്പെടാം.  ഫോണ്‍ 8089245760

പരിസ്ഥി ദിനാചരണത്തിന്റെ ഭാഗമായി സഹകരണ വകുപ്പിന്റെ ആഭിമുഖ്യത്തില്‍ നടക്കുന്ന ഹരിതം-സഹകരണം പദ്ധതിയുടെ ജില്ലാതല ഉദ്ഘടാനം ഇന്ന് (ജൂണ്‍ ഏഴ്) രാവിലെ 11ന് സെന്റ് ജെമ്മാസ് സ്‌കൂളില്‍ ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിക്കും. മലപ്പുറം സര്‍വീസ്  സഹകരണ ബാങ്കിന്റെ സഹകരണത്തോടെയാണ് ജില്ലാതല ഉദ്ഘാടനം സംഘടിപ്പിക്കുന്നത്. സഹകരണസ്ഥാപനങ്ങളുടെ നേതൃത്വത്തില്‍ പൊതുജനങ്ങള്‍ക്ക് പരിസ്ഥിതി വിഷയങ്ങളില്‍ അവബോധമുണ്ടാക്കുന്നതിനാണ് പരിപാടി സംഘടിപ്പിക്കുന്നത്. പദ്ധതിയുടെ ഭാഗമായി ജൂണ്‍ 30 വരെ ജില്ലയുടെ വിവിധ ഭാഗങ്ങളില്‍ പരിപാടികള്‍ നടക്കും.

    കരിപ്പൂര്‍ ഹജ്ജ് ഹൗസില്‍ ജൂലൈ ആറു മുതല്‍ ആരംഭിക്കുന്ന ഹജ്ജ് ക്യാമ്പ് വിജയകരമായി നടത്തുന്നതിനെ കുറിച്ച് ആലോചിക്കുന്നതിനായി ജില്ലാ കലക്ടറുടെ ചേമ്പറില്‍ ഇന്ന് (ജൂണ്‍ ഏഴ്) രാവിലെ 10.30ന് യോഗം ചേരും.   ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി, ജില്ലാതല ഉദ്യോഗസ്ഥര്‍, വിവിധ ഹജ്ജ് കമ്മിറ്റി അംഗങ്ങള്‍ തുടങ്ങിയവര്‍ യോഗത്തില്‍ പങ്കെടുക്കും.