അടിയന്തരഘട്ടത്തില്‍ 9496011431 നമ്പറില്‍ വിളിക്കാം

*സ്പീക്കറും മുഖ്യമന്ത്രിയുമായി കൂടിക്കാഴ്ച നടത്തി

കാഞ്ഞിരംകുളം കെ.എൻ.എം ഗവൺമെന്റ് ആർട്‌സ് ആന്റ് സയൻസ് കോളേജിന് 3.5 ഏക്കർ സ്ഥലം ഒരുമിച്ച് ലഭ്യമാക്കുവാൻ കോളേജിന്റെ പരിസരത്തുള്ള വസ്തു വില്പനക്ക് താല്പര്യമുള്ള വ്യക്തികൾ ജൂൺ 25 വൈകിട്ട് നാലിനകം നിബന്ധനകൾക്ക് അനുസൃതമായി സമ്മതപത്രം ലഭ്യമാക്കണം.

സർവെയും ഭൂരേഖയും വകുപ്പിനു കീഴിൽ കണ്ണൂർ ജില്ലയിൽ തളിപ്പറമ്പ് താലൂക്കിൽ പ്രവർത്തിക്കുന്ന ആധുനിക സർവെ സ്‌കൂളിൽ ജൂലൈയിൽ ആരംഭിക്കുന്ന 52 ദിവസം പ്രവൃത്തി ദിനങ്ങളുള്ള ആധുനിക സർവെ പരിശീലന കോഴ്‌സിലേക്ക് അപേക്ഷ ക്ഷണിച്ചു.  ഇ.ടി.എസ്, ജി.പി.എസ്, ഓട്ടോലെവൽ, തിയോഡലൈറ്റ്, ലിസ്‌കാഡ്, ഓട്ടോകാഡ് എന്നിവയിലും ജി.ഐ.എസ് ൽ മാപ്പ് തയാറാക്കുന്നതടക്കമുള്ള ജോലികൾക്കുള്‌ള വിദഗ്ധ പരിശീലനവും നൽകും.
എസ്.എസ്.എൽ.സിയും ഐ.ടി.ഐ സർവെയർ/ ഡ്രാഫ്റ്റ്‌സ്മാൻ സിവിൽ/ വി.എച്ച്.സി സർവെ/ ചെയിൻ സർവെ ഇവയിലേതെങ്കിലും യോഗ്യതയുള്ളവർക്ക് അപേക്ഷിക്കാം.  പ്രായപരിധി: ജനറൽ - 35, ഒ.ബി.സി - 38, എസ്.സി/എസ്.ടി - 40.

കോഴിക്കോട് ഗവൺമെന്റ് ലോ കോളേജ് സെന്ററിൽ കാലിക്കറ്റ് യൂണിവേഴ്‌സിറ്റിയുടെ വിവിധ എൽ.എൽ.ബി (റഗുലർ/ സപ്ലിമെന്ററി) പരീക്ഷകളെഴുതിയ വിദ്യാർത്ഥികൾ അവരുടെ മാർക്ക് ലിസ്റ്റ് ജൂൺ 15 നകം ബന്ധപ്പെട്ട ഹാൾടിക്കറ്റ് സഹിതം കോളേജിലെത്തി കൈപ്പറ്റണം.  ഈ തിയതിക്കകം കൈപ്പറ്റാത്തവ യൂണിവേഴ്‌സിറ്റിയിലേക്ക് തിരിച്ചയക്കുമെന്ന് പ്രിൻസിപ്പൽ അറിയിച്ചു.
പി.എൻ.എക്സ്.1729/19

കോഴിക്കോട് ജില്ലയിലെ സംസ്ഥാന സർക്കാർ സ്ഥാപനത്തിൽ ഓപ്പൺ/ ഈഴവ/ ബില്ലവ/ തീയ്യ വിഭാഗത്തിൽപ്പെട്ട 
വിമുക്തഭടൻമാർക്ക് സംവരണം ചെയ്ത ലൈവ്‌സ്റ്റോക്ക് ഇൻസ്‌പെക്ടർ തസ്തികയിൽ 20000-45800 രൂപ ശമ്പള നിരക്കിൽ രണ്ട് താത്കാലിക ഒഴിവുണ്ട്.  ലൈവ്‌സ്റ്റോക്ക് മാനേജ്‌മെന്റ് മുഖ്യവിഷയമായി വി.എച്ച്.എസ്.ഇ ആണ് യോഗ്യത.  ഉദ്യോഗാർത്ഥികൾ 01.01.2019ന് 18-41 പ്രായപരിധിയിലുള്ളവരായിരിക്കണം (നിയമാനുസൃത വയസിളവ് ബാധകം).  നിശ്ചിത യോഗ്യതയുള്ളവർ എല്ലാ അസ്സൽ സർട്ടിഫിക്കറ്റുകളുമായി ജൂൺ 17നകം ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്യണം.
പി.എൻ.എക്സ്.1728/19

കോഴിക്കോട് ജില്ലയിലെ സംസ്ഥാന അർദ്ധസർക്കാർ സ്ഥാപനത്തിൽ ഓഡിയോ-വിഷ്വൽ എക്വിപ്‌മെന്റ് ഓപ്പറേറ്റർ കം ഇലക്ട്രീഷ്യൻ തസ്തികയിൽ എസ്.സി വിഭാഗത്തിന് സംവരണം ചെയ്ത 17500-39500 ശമ്പള നിരക്കിൽ ഒരു താത്കാലിക ഒഴിവുണ്ട്.  എസ്.എസ്.എൽ.സിയും എൻറ്റിസി ഇലക്ട്രീഷ്യൻ/ തത്തുല്യയോഗ്യതയും പ്രൊജക്ടർ/ ഓഡിയോ വിഷ്വൽ ഉപകരണങ്ങളിൽ മൂന്ന് വർഷത്തെ പ്രവൃത്തിപരിചയവുമാണ് യോഗ്യത.  ഉദ്യോഗാർത്ഥികൾ 01.01.2019ന് 18-41 പ്രായപരിധിയിലുള്ളവരായിരിക്കണം (നിയമാനുസൃത വയസ്സിളവ് ബാധകം).  നിശ്ചിത യോഗ്യതയുള്ളവർ എല്ലാ അസ്സൽ സർട്ടിഫിക്കറ്റുകളുമായി ജൂലൈ രണ്ടിനകം ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്യണം.