സർവ്വകലാശാലകളിലെയോ ഉന്നതവിദ്യാഭ്യാസവകുപ്പിലെ മറ്റു സ്ഥാപനങ്ങളുടെയോ പരീക്ഷകൾ ഞായറാഴ്ച നടത്തുന്നതിന് തീരുമാനിച്ചിട്ടില്ലെന്ന് ഉന്നത വിദ്യാഭ്യാസ മന്ത്രി ഡോ. കെ.ടി. ജലീൽ അറിയിച്ചു. ബന്ദ്, ഹർത്താൽ എന്നിവ മൂലം അവിചാരിതമായി മാറ്റിവച്ച പരീക്ഷകൾ അവധി ദിവസങ്ങളിൽ ഉൾപ്പെടെ നടത്തി അദ്ധ്യയനദിവസങ്ങൾ നഷ്ടപ്പെടുന്നത് ഒഴിവാക്കി സമയബന്ധിതമായി കോഴ്‌സുകൾ പൂർത്തിയാക്കുന്നതിന് ഞായറാഴ്ചകളിൽ പരീക്ഷ നടത്താൻ തീരുമാനിച്ചുവെന്ന രീതിയിലുള്ള പ്രചരണങ്ങൾ അടിസ്ഥാനരഹിതമാണെന്നും മന്ത്രി അറിയിച്ചു.

പി.എൻ.എക്സ്. 792/19

സംസ്ഥാന യുവജനക്ഷമ ബോർഡിന്റെ ആഭിമുഖ്യത്തിൽ സംഘടിപ്പിക്കുന്ന ഇന്റർനാഷണൽ ഡാൻസ് & മ്യൂസിക് ഫെസ്റ്റിവലിന് ഇന്ന് (മാർച്ച് 1) തുടക്കമാവും. നിശാഗന്ധി ഓഡിറ്റോറിയത്തിൽ വൈകിട്ട് അഞ്ചിന് സ്പീക്കർ പി.ശ്രീരാമകൃഷ്ണൻ മേള ഉദ്ഘാടനം ചെയ്യും. മേളയിൽ കേരളത്തിലും മറ്റു സംസ്ഥാനങ്ങളിലും വിദേശത്തുമുളള മുന്നൂറോളം കലാകാരൻമാർ വിവിധ നൃത്ത-സംഗീത രൂപങ്ങൾ കാണികൾക്കായി അവതരിപ്പിക്കും.

സാങ്കേതിക വിദ്യാഭ്യാസ മേഖലയുമായി ബന്ധപ്പെട്ട പരാതികൾ പരിഹരിക്കുന്നതിന് ഉന്നത വിദ്യാഭ്യാസ മന്ത്രി ഡോ. കെ.ടി.ജലീൽ ഫയൽ അദാലത്ത് നടത്തും. സാങ്കേതിക വിദ്യാഭ്യാസ വകുപ്പ് മേധാവിയുടെ കാര്യലയത്തിൽ 5ന് രാവിലെ 10 മുതലാണ് അദാലത്ത്. ലഭിച്ച പരാതികൾ തരം തിരിച്ച് അദാലത്തിലൂടെ പരിഹരിക്കും. പരാതിക്കാർ 5ന് തിരുവനന്തപുരം പദ്മവിലാസം റോഡിലുളള സാങ്കേതിക വിദ്യാഭ്യാസ വകുപ്പ് മേധാവിയുടെ കാര്യാലയത്തിലെത്തണം. സാങ്കേതിക വിദ്യാഭ്യാസ വകുപ്പ് മേധാവിയുടെ കീഴിലുളള രണ്ട് റീജിയണൽ ഡയറക്ടറേറ്റുകളിലും ഫയൽ അദാലത്ത് പൂർത്തിയായിരുന്നു. 

പി.എൻ.എക്സ്. 790/19

വ്യവസായ വകുപ്പില്‍ നിന്നും ചെറുകിട വ്യവസായ സ്ഥാപനങ്ങള്‍ക്ക്‌ അനുവദിച്ചിട്ടുളള മാര്‍ജിന്‍മണി വായ്‌പ കുടിശ്ശിക തീര്‍ത്ത്‌ വായ്‌പ തീര്‍പ്പാക്കുന്നതിനായി സര്‍ക്കാര്‍ ഉത്തരവായി. ഈ ആനുകൂല്യത്തിനായി അപേക്ഷകര്‍ ജില്ലാ വ്യവസായ കേന്ദ്രം ജനറല്‍ മാനേജരെയോ അല്ലെങ്കില്‍ താലൂക്ക്‌ വ്യവസായ ഓഫീസര്‍മാരെയോ സമീപിക്കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2361945, 2360847. 
 

കയര്‍ ക്ഷേമനിധി വിഹിതം കുടിശ്ശികയുള്ളവരില്‍ നിന്നും കുടിശ്ശികയും കാലയളവും പരിഗണിക്കാതെ വിഹിതം ഒറ്റ തവണയായി സ്വീകരിക്കുന്നതിനുള്ള സമയപരിധി മാര്‍ച്ച്‌ 31 വരെ ദീര്‍ഘിപ്പിച്ചു. 60 വയസ്സ്‌ പൂര്‍ത്തികരിക്കാത്ത തൊഴിലാളികള്‍ ഈ അവസരം പരമാവധി പ്രയോജനപ്പെടുത്തണമെന്ന്‌ റീജിയണല്‍ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക്‌ ഫോണ്‍ : 0484-2441945.
 

തൃശൂര്‍ ഡയറ്റിലേക്ക്‌ ലാപ്‌ടോപ്പ്‌, ഡെസ്‌ക്‌ടോപ്പ്‌, യുപിഎസ്‌, സ്‌കാനര്‍, പ്രിന്റര്‍, എല്‍സിഡി പ്രൊജക്‌ടര്‍ എന്നിവ വിതരണം ചെയ്യുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച്‌ 6. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2332070.
 

കാര്‍ഷിക വികസന കര്‍ഷക ക്ഷേമവകുപ്പിന്റെയും അളഗപ്പനഗര്‍ ഗ്രാമപഞ്ചായത്ത്‌ കൃഷിഭവന്റെയും ആഭിമുഖ്യത്തില്‍ ജൈവ കാര്‍ഷക സമിതി ഇക്കോഷോപ്പ്‌്‌ ഉദ്‌ഘാടനവും കര്‍ഷകരെ ആദരിക്കല്‍ ചടങ്ങും സംഘടിപ്പിച്ചു. ആമ്പല്ലൂര്‍ സെന്ററിലെ പഞ്ചായത്ത്‌ ഷോപ്പിംഗ്‌ കോംപ്ലകസില്‍ പൊതു വിദ്യാഭ്യാസ വകുപ്പ്‌ മന്ത്രി പ്രൊഫ. സി രവിന്ദ്രനാഥ്‌ ഉദ്‌ഘാടനം ചെയ്‌തു. അളഗപ്പനഗര്‍ പഞ്ചായത്ത്‌ പ്രസിഡണ്ട്‌ കെ. രാജേശ്വരി അദ്ധ്യക്ഷത വഹിച്ചു. കൃഷി ഓഫിസര്‍ ആര്‍ ഷേര്‍ളി, കെ പരമേശ്വരന്‍ മാസ്‌റ്റര്‍, സൗമ്യ ബിജു എന്നിവര്‍ പങ്കെടുത്തു.

ഹൈസ്‌കൂള്‍ വിദ്യാര്‍ത്ഥികളുടെ ഇടയില്‍ ശാസ്‌ത്രാവബോധം വളര്‍ത്താനും അവരിലെ ശാസ്‌ത്ര ഗവേഷണ കഴിവുകള്‍ വികസിപ്പിക്കാനും പൊതുവിദ്യാഭ്യാസ വകുപ്പിന്റെ നേതൃത്വത്തില്‍ ആവിഷ്‌കരിച്ച ശാസ്‌ത്രായനം പദ്ധതിയുടെ ഉദ്‌ഘാടനം ഇരിഞ്ഞാലക്കുട വിദ്യാഭ്യാസ ജില്ലയിലെ നന്തിക്കര ഗവ. ഹൈസ്‌ക്കൂളില്‍ പൊതുവിദ്യാഭ്യാസവകുപ്പ്‌ മന്ത്രി പ്രൊഫ. സി. രവീന്ദ്രനാഥ്‌ നിര്‍വഹിച്ചു. ദേശീയ ശാസ്‌ത്ര ദിനത്തിന്റെ ഭാഗമായി വിദ്യാഭ്യാസ ജില്ലാതലത്തില്‍ നടത്തുന്ന ശാസ്‌ത്രദിന പരിപാടിയില്‍ ശാസ്‌ത്ര സെമിനാര്‍, ശാസ്‌ത്രമേഖലയിലെ പ്രമുഖ വ്യക്തികളുമായുള്ള വിദ്യാര്‍ത്ഥി സംവാദം എന്നിവയും സംഘടിപ്പിച്ചു.

പ്രളയം മൂലം തകര്‍ന്ന ആറാട്ടുപുഴ ബണ്ട്‌ റോഡ്‌ നിര്‍മ്മാണം പൂര്‍ത്തികരിച്ച്‌ തുറന്ന്‌ കൊടുത്തു. 35 ലക്ഷം രുപ ചെലവഴിച്ച്‌ വളരെ ത്വരിതഗതിയിലാണ്‌ പുതിയ ബണ്ട്‌ നിര്‍മ്മിച്ചത്‌. പൊതുവിദ്യാഭ്യാസ വകുപ്പ്‌മന്ത്രി പ്രൊഫ. സി. രവീന്ദ്രനാഥ്‌ പുതിയ ബണ്ട്‌ റോഡിന്റെ ഉദ്‌ഘാടനം ചെയ്‌തു. ബണ്ടിനോട്‌ ചേര്‍ന്ന ഇടറോഡിന്റെ നിര്‍മാണത്തിനായി 10 ലക്ഷം രൂപ അനുവദിക്കുമെന്നും ബണ്ട്‌ റോഡില്‍ മെക്കാഡം ടാറിങ്‌ നടത്തുമെന്നും മന്ത്രി പറഞ്ഞു. പഞ്ചായത്ത്‌ പ്രസിഡണ്ട്‌ സോഫി ഫ്രാന്‍സിസ്‌ അധ്യക്ഷത വഹിച്ചു. ജനപ്രതിനിധികളായ തിലകന്‍ മാലിപറമ്പില്‍, എന്‍.