എല്‍ഡിഎഫ് സര്‍ക്കാരിന്റെ കാലാവധി തീരും മുന്‍പ് ഭവനരഹിതര്‍ക്കും ഭൂമി ഇല്ലാത്തവര്‍ക്കും വീട് എന്ന സ്വപ്‌നം യാഥാര്‍ഥ്യമാക്കുമെന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. സീതത്തോട് ഗ്രാമപഞ്ചായത്തിന്റെ പുതിയ ഓഫീസ് മന്ദിരത്തിന്റെ ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു മന്ത്രി. 

സാമൂഹ്യനീതി വകുപ്പ് സി-സ്റ്റെഡിന്റെ സഹകരണത്തോടെ മാര്‍ച്ച് രണ്ടാം വാരം തൃശൂരില്‍ നടത്തുന്ന തൊഴില്‍ പരിശീലന പരിപാടിയിലേക്ക് ജയിലില്‍ നിന്നും മോചിപ്പിക്കപ്പെട്ടവര്‍, നല്ല നടപ്പിലുള്ളവര്‍, കുട്ടികളുടെ സ്ഥാപനങ്ങളില്‍ നിന്നും പുറത്തിറങ്ങിയവര്‍ തുടങ്ങിയവര്‍ക്ക് അപേക്ഷിക്കാം. താത്പര്യമുള്ളവര്‍ പത്തനംതിട്ട മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ പ്രൊബേഷന്‍ ഓഫീസുമായി ബന്ധപ്പെടണം. ഫോണ്‍: 0468 2325242.           (പിഎന്‍പി 774/19)

ജില്ലയിലെ എല്ലാ താലൂക്കുകളിലും ഫെബ്രുവരി മാസം വിതരണത്തിനായി അനുവദിച്ച റേഷന്‍ സാധനങ്ങള്‍ മാര്‍ച്ച് രണ്ട് വരെ റേഷന്‍ കടകളില്‍ ലഭിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.            (പിഎന്‍പി 773/19)

തുമ്പമണ്‍ ഗ്രാമപഞ്ചായത്തില്‍ നാളിതുവരെയും ഇ-ഹെല്‍ത്ത് പദ്ധതിയുടെ ഭാഗമായി ആധാര്‍ രജിസ്‌ട്രേഷന്‍ നടത്തിയിട്ടില്ലാത്തവര്‍ക്കായി ഈ മാസം ആറിനും ഏഴിനും രാവിലെ 10.30 മുതല്‍ വൈകിട്ട് മൂന്ന് വരെ തുമ്പമണ്‍ സാമൂഹ്യാരോഗ്യ കേന്ദ്രത്തില്‍  പ്രതേ്യക ക്യാമ്പ് നടത്തും. ക്യാമ്പില്‍ എത്തുന്നവര്‍ വീട്ടുനമ്പര്‍, ആധാര്‍ കാര്‍ഡ് എന്നിവ കരുതണമെന്ന് മെഡിക്കല്‍ ഓഫീസര്‍ അറിയിച്ചു.            (പിഎന്‍പി 771/19)

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി പൊതു വിദ്യാലയങ്ങളില്‍ നടന്നുവരുന്ന നൂതന പഠന രീതികള്‍ വിശദീകരിക്കുകയാണ് നിറവ് മേളയിലെ വിദ്യാഭ്യാസ വകുപ്പിന്റെ മൂന്ന് സ്റ്റാളുകള്‍.

അന്ധവിദ്യാലയത്തിലെ പഠനോപകരണങ്ങളായ

  മൃഗപരിപാലനം ഇഷ്ടപ്പെടുന്നവര്‍ക്ക് കോഴി, പശു, ആട്, പന്നി തുടങ്ങിയവ വളര്‍ത്താന്‍ ഏറ്റവും അനുയോജ്യമായ കൂടിന്റെ മാതൃകകള്‍ പ്രദര്‍ശിപ്പിക്കുകയാണ് മൃഗ സംരക്ഷണ വകുപ്പ്.