ആലപ്പുഴ: ശിശുക്ഷേമസമിതിയുടെ ശിശു പരിചരണ കേന്ദ്രത്തിലെ 16 വിദ്യാത്ഥികള്‍ ഇന്നത്തെ പ്രവേശനോത്സവത്തില്‍ പങ്കെടുത്തു. മൂന്നര വയസ് മുതല്‍ അഞ്ച് വയസു വരെയുള്ള 16 വിദ്യാത്ഥികളാണ് എല്‍.കെ.ജി., യു.കെ.ജി, ഒന്നാം ക്ലാസിലേക്ക് പ്രവേശനം തേടിയത്. സര്‍ക്കാര്‍ എയിഡഡ് വിദ്യാലയമായ വൈ.എം.എം.എ.എല്‍.പി സ്‌കൂളിലാണ് പ്രവേശനം നേടിയത്. അതിരാവിലെ തന്നെ ഉണര്‍ന്ന കുട്ടികള്‍ പുതിയ ബാഗും കുടകളുമൊക്കെയായി സ്‌കൂളില്‍ പോകുവാനുള്ള ആവേശത്തിലായിരുന്നെന്ന് അഡോപ്ഷന്‍ ഓഫീസര്‍ നിര്‍മ്മല്‍ ലേഖ പറഞ്ഞു. സ്റ്റാഫ് നേഴ്‌സ് രേവതി മണിയപ്പന്‍, ആയ എല്‍. സുലേഖ എന്നിവര്‍ ചേര്‍ന്ന് കുട്ടികളെ ഒരുക്കി നിര്‍ത്തിയിരുന്നു.

ആലപ്പുഴ: തദ്ദേശ സ്വയംഭരണ സ്ഥാപനങ്ങളുടെ 2019-20 വാർഷിക പദ്ധതി സ്പിൽ ഓവർ ഉൾപ്പെടുത്തി പരിഷ്‌കരിച്ചതിന് അംഗീകാരം നൽകുന്നതിനായി ജില്ല ആസൂത്രണ സമിതിയുടെ യോഗങ്ങൾ ജൂൺ 13,15 തീയതികളിൽ  ഉച്ചയ്ക്ക്‌ശേഷം 2.30ന്  ജില്ല ആസൂത്രണ സമിതി കോൺഫറൻസ് ഹാളിൽ ചേരും. തദ്ദേശ സ്വയംഭരണ സ്ഥാപനങ്ങൾ ജൂൺ 12 നകം ഓൺലൈനായി പരിഷ്‌കരിച്ച വാർഷിക പദ്ധതി ജില്ലാ ആസൂത്രണ സമിതിക്ക് സമർപ്പിക്കേതാണ്.   

    ഐ.സി.ഡി.എസ് വേങ്ങര അഡീഷണല്‍ ഓഫീസ് ആവശ്യത്തിന് കരാറടിസ്ഥാനത്തില്‍ വാഹനം വാടകയ്ക്ക് എടുക്കുന്നതിന് ടെണ്ടര്‍ ക്ഷണിച്ചു. ടെണ്ടര്‍ ജൂണ്‍ 21ന് ഉച്ചക്ക് 2.30നകം ഐ.എസി.ഡിഎസ് വേങ്ങര അഡീഷണല്‍ ഓഫീസില്‍ ലഭിക്കണം.

ചെങ്ങന്നൂർ : നാടും, നാട്ടുകാരും  കക്ഷി, രാഷട്രീയത്തിന് അതീതമായി  നാടിന്റെ പച്ചപ്പ് വീണ്ടെടുക്കാനും, ജലസംരക്ഷണത്തിനുമായി ഒത്തു കൂടിയപ്പോൾ അവർക്കൊപ്പം സംസ്ഥാന സർക്കാർ പ്രതിനിധിയായി ധനമന്ത്രി ഡോ. ടി എം തോമസ് ഐസക്കും. പ്രധാന നദികളായ അച്ചൻകോവിലാറിനേയും, പമ്പയാറിനേയും ബന്ധിപ്പിക്കുന്ന കുട്ടമ്പേരൂർ ആറിന്റെ രണ്ടാം ഘട്ട നവീകരണ പ്രവർത്തനങ്ങളുടെ ഭാഗമായി പരിസ്ഥതി ദിനത്തിൽ ആറിന്റെ ഇരുവശങ്ങളിലുമായി ബണ്ടുകളിൽ അയ്യായിരത്തോളം ഔഷധച്ചെടികളും, ഫലവൃക്ഷതൈകളുമാണ് നട്ടുപിടിപ്പിച്ചത്. 

        ജില്ലയില്‍ നടപ്പിലാക്കുന്ന  വിവിധ  പ്ലാന്‍ പ്രൊജക്ടുകളുടെ നടത്തിപ്പിലേക്കായി ആയുര്‍വേദ തെറാപ്പിസ്റ്റ്മാരെ  ദിവസ വേതനാടിസ്ഥാനത്തില്‍ നിയമിക്കുന്നു.  യോഗ്യത  - ഒരു വര്‍ഷത്തെ ആയുര്‍വേദ തെറാപ്പിസ്റ്റ്  കോഴ്‌സ് ജയം.  താല്‍പര്യമുള്ളവര്‍   ഒറിജിനല്‍ സര്‍ട്ടിഫിക്കറ്റുകള്‍ സഹിതം ജൂണ്‍ 10ന് രാവിലെ 11 ന് മലപ്പുറം സിവില്‍സ്റ്റേഷനിലെ ജില്ലാ ആയുര്‍വ്വേദ മെഡിക്കലാഫീസില്‍ ഹാജരാകണം. ഫോണ്‍ -0483 2734852

ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റില്‍ ലീഗല്‍ കം പ്രൊബേഷന്‍ ഓഫീസര്‍ തസ്തികയില്‍ ദിവസ വേതന അടിസ്ഥാനത്തില്‍ നിയമനം നടത്തുന്നു. അംഗികൃത സര്‍വ്വകലാശാലയില്‍ നിന്നുമുള്ള നിയമ ബിരുദം നേടിയവര്‍ക്ക് അപേക്ഷിക്കാം. താത്പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളും ഇവയുടെ സ്വയം സാക്ഷ്യപ്പെടുത്തിയ പകര്‍പ്പുകളും സഹിതം ജൂണ്‍ 18 രാവിലെ 10നു മുമ്പായി  മഞ്ചേരി മിനി സിവില്‍ സ്റ്റേഷനില്‍, മൂന്നാം നിലയില്‍ പ്രവര്‍ത്തിക്കുന്ന ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റില്‍  കൂടിക്കാഴ്ചയ്ക്ക് ഹാജരാകണം. ഫോണ്‍ - 0483-2978888, 9847995559

ജില്ലയില്‍ പൊലീസ് വകുപ്പില്‍ പോലീസ് കോണ്‍സ്റ്റബിള്‍ (എ.പി.ബി - എം.എസ്.പി) തസ്തികയുടെ (കാറ്റഗറി 657/2017) പ്രസിദ്ധീകരിച്ച ചുരുക്കപ്പട്ടികയില്‍ പ്പെട്ടവരില്‍ കായികക്ഷമതാ പരീക്ഷ വിജയിച്ചവരുടെ ഒറ്റത്തവണ പ്രമാണ പരിശോധന ജൂണ്‍ ഏഴ്, 10, 11, 12, 13, 14, 17 തിയ്യതികളില്‍ രാവിലെ ഒമ്പത് മുതല്‍ മലപ്പുറം സിവില്‍ സ്റ്റേഷനിലെ ജില്ലാ പി.എസ്.സി ഓഫീസില്‍ നടത്തും.

ജില്ലയില്‍ എക്‌സൈസ് വകുപ്പില്‍ ഡ്രൈവര്‍ (കാറ്റഗറി 659/17) തസ്തികയുടെ ചുരുക്കപ്പട്ടികയില്‍പ്പെട്ട ഉദ്യോഗാര്‍ത്ഥികളുടെ പ്രായോഗിക പരീക്ഷ ജൂണ്‍ 11, 12, 13 തീയ്യതികളിലും  പൊലീസ് വകുപ്പില്‍ പോലീസ് കോണ്‍സ്റ്റബിള്‍ ഡ്രൈവര്‍ എന്‍.സി.എ - എസ്.സി.സി.സി (കാറ്റഗറി 456/17) തസ്തികയുടെ ചുരുക്കപ്പട്ടികയില്‍പ്പെട്ടവരുടെ പ്രായോഗിക പരീക്ഷ ജൂണ്‍ 14നും രാവിലെ ആറ് മുതല്‍ മലപ്പുറം എം.എസ്.പി പരേഡ് ഗ്രൗണ്ടില്‍ നടത്തുമെന്ന് ജില്ലാ പി.എസ്.സി ഓഫീസര്‍ അറിയിച്ചു.    

കെല്‍ട്രോണിന്റെ നേതൃത്വത്തില്‍ ജൂണ്‍ 10 ന് രാവിലെ 10 മുതല്‍ ഉച്ചക്ക് ഒന്നു വരെ പെരിന്തല്‍മണ്ണയില്‍ ഉപരിപഠന സാധ്യതയുള്ള  നൂതന സാങ്കേതിക മേഖലയിലുള്ളതും മറ്റു തൊഴില്‍ രംഗത്തുള്ളതും  പി.എസ.്‌സി നിയമനങ്ങള്‍ക്ക് യോഗ്യവുമായ കോഴ്‌സുകളെ കുറിച്ച് സെമിനാര്‍ സംഘടിപ്പിക്കുന്നു. സൗജന്യ പ്രവേശനത്തിന് കെല്‍ട്രോണ്‍ പെരിന്തല്‍മണ്ണ ഓഫീസുമായി ബന്ധപ്പെടാം. ഫോണ്‍ : 04933 225 133, 9847925335, 9947495335.

ആലപ്പുഴ:  അവധിദിനമായിട്ടും  ജില്ലയിലെ നിരവധി സ്‌കൂളുകളിൽ ജനപ്രതിനിധികളുടെയും വിദ്യാർഥികളുടെയും പങ്കാളിത്തോടെ ജൂൺ അഞ്ചിന്  പരിസ്ഥിതി ദിന0 ആഘോഷിച്ചു. മുൻകാലങ്ങളെ അപേക്ഷിച്ചു  കൂടുതൽ പേർ മരം നടുന്നതിനായെത്തി. സംസഥാന സർക്കാരിന്റെ നിർദ്ദേശം അനുസരിച്ച് പൊതു വിദ്യാലയങ്ങളിലെ കുട്ടികളുടെ എണ്ണത്തിനു അനുസരിച്ച് കൃഷിവകുപ്പിന്റെ ആഭിമുഖ്യത്തിൽ വൃക്ഷതൈകൾ വിദ്യാലയങ്ങളിൾ നാലിനു തന്നെ എത്തിച്ചിരുന്നു. ജില്ലയിലെ ഭൂരിഭാഗം  സ്‌കൂളുകളിലു0 പരിസ്ഥിതി ദിനാചരണം വിവിധ പരിപാടികളോടു ആചരിച്ചു.  പ്രവേശനോത്സവത്തിനു ശേഷം മുഴുവൻ സ്‌കൂളുകളിലു0,വൃക്ഷതൈകൾ നട്ട് പരിസ്ഥിതി ദിനം ആഘോഷിക്കും.