വെച്ചൂച്ചിറ ഗവണ്‍മെന്റ് പോളിടെക്‌നിക്ക് കോളജില്‍ ദിവസ വേതനാടിസ്ഥാനത്തില്‍  അധ്യാപകരെയും ലബോറട്ടറി ജീവനക്കാരെയും നിയമിക്കുന്നു. 

എസ്.സി.ഇ.ആർ.ടി 2018 നവംബറിൽ നടത്തിയ നാഷണൽ മീൻസ് കം-മെറിറ്റ് സ്‌കോളർഷിപ്പിനുളള യോഗ്യതാ പരീക്ഷയുടെ ഫലം പൊതുവിദ്യാഭ്യാസ വകുപ്പിന്റെ വെബ് സൈറ്റിൽ പ്രസിദ്ധീകരിച്ചു. ഓരോ ജില്ലയിലും സ്‌കോളർഷിപ്പിന് അർഹത നേടിയ കുട്ടികളുടെ പേരുവിവരങ്ങൾ റാങ്ക് അടിസ്ഥാനത്തിലാണ് ഉൾപ്പെടുത്തിയിരിക്കുന്നത്. അർഹരായ എല്ലാ കുട്ടികളും സ്‌കോളർഷിപ്പിനുവേണ്ടി നാഷണൽ സ്‌കോളർഷിപ്പ് പോർട്ടൽ വഴി ഓൺലൈൻ അപേക്ഷ രജിസ്റ്റർ ചെയ്യണം. അപേക്ഷ രജിസ്റ്റർ ചെയ്യുന്നത് സംബന്ധിച്ച വിവരങ്ങൾ പിന്നീട് അറിയിക്കും.
പി.എൻ.എക്സ്. 1607/19

തിരുവനന്തപുരം സഹകരണ ട്രൈബ്യൂണൽ എം.ജി പത്മിനി ജൂൺ ആറിനും 18നും ആസ്ഥാനത്തും 14ന് തൃശൂർ ജില്ലാ സഹകരണ ബാങ്കിലും 21ന് കണ്ണൂർ ജില്ലാ സഹകരണ ബാങ്കിലും 27ന് ആലപ്പുഴ പോലീസ് ക്രെഡിറ്റ് സഹകരണ സൊസൈറ്റി എന്നിടങ്ങളിൽ ക്യാമ്പ് സിറ്റിംഗ് നടത്തും.
പി.എൻ.എക്സ്. 1606/19

കേരള സർക്കാർ സ്ഥാപനമായ ഐ.എച്ച്.ആർ.ഡിയുടെ കീഴിൽ പ്രവർത്തിക്കുന്ന ധനുവച്ചപുരം കോളേജ് ഓഫ് അപ്ലൈഡ് സയൻസിൽ ഒന്നാംസെമസ്റ്റർ എം.എസ്.സി കമ്പ്യൂട്ടർ സയൻസ്, ഇലക്‌ട്രോണിക്‌സ് ക്ലാസുകളിൽ പ്രവേശനത്തിന് അപേക്ഷ ക്ഷണിച്ചു. അപേക്ഷാഫോം കോളേജ് ഓഫീസിൽ ലഭ്യമാണ്. അപേക്ഷാഫോമും പ്രോസ്‌പെക്ടസും www.ihrd.ac.in ൽ നിന്നും ഡൗൺലോഡ് ചെയ്യാം. അപേക്ഷാഫീസ് 500 രൂപ. കൂടുതൽ വിവരങ്ങൾക്ക് ഫോൺ:0471 2234374, 8547005065.
പി.എൻ.എക്സ്. 1604/19

തിരുവനന്തപുരം തൈക്കാട് സ്ത്രീകളുടെയും കുട്ടികളുടെയും ആശുപത്രിയിൽ മിതമായ നിരക്കിൽ ആംബുലൻസ് സർവീസ് നടത്താൻ താത്പര്യമുള്ള വ്യക്തികളിൽ/ സംഘടനകളിൽ നിന്നും അപേക്ഷ ക്ഷണിച്ചു. താത്പര്യമുള്ളവർ സൂപ്രണ്ട്, സ്ത്രീകളുടെയും കുട്ടികളുടെയും ആശുപത്രി, തൈക്കാട്, തിരുവനന്തപുരം - 695014 എന്ന വിലാസത്തിൽ അപേക്ഷ സമർപ്പിക്കണം.  കൂടുതൽ വിവരങ്ങൾക്ക് ആശുപത്രി ഓഫീസുമായി ബന്ധപ്പെടണം.
പി.എൻ.എക്സ്. 1602/19

മേപ്പയൂര്‍ പുലപ്രക്കുന്ന് സാംബവകോളനിയില്‍ 10 കുടുംബങ്ങള്‍ക്ക് വീട് നിര്‍മിച്ചു നല്‍കും.  മന്ത്രി ടി.പി രാമകൃഷ്ണന്റെ സാന്നിധ്യത്തില്‍ പുലപ്രക്കുന്ന് സാംബവകോളനിയുടെ സമഗ്രവികസനം ചര്‍ച്ച ചെയ്യുന്നതിനായി കലക്്‌ട്രേറ്റ് ചേമ്പറില്‍ നടന്ന ഉദ്യോഗസ്ഥരുടെ യോഗത്തിലാണ് തീരുമാനം. റോഡ്, കുടിവെള്ളം തുടങ്ങി കോളനിയുടെ അടിസ്ഥാന സൗകര്യങ്ങള്‍ ഉറപ്പാക്കുന്ന പദ്ധതികളുടെ പ്രവൃത്തി ആറ് മാസത്തിനകം പൂര്‍ത്തിയാക്കണമെന്നും  പ്രവൃത്തി വേഗത്തില്‍ നടത്തുന്നതിന് ബന്ധപ്പെട്ട ഉദ്യോഗസ്ഥര്‍ കൂടിയാലോചിച്ച് പദ്ധതികള്‍ ആവിഷ്‌ക്കകരിക്കണമെന്നും മന്ത്രി നിര്‍ദേശിച്ചു.