കൊണ്ടോട്ടി ബ്ലോക്കിലെ ചേലേമ്പ്ര ഗ്രാമ പഞ്ചായത്തിലെ പള്ളിക്കുളങ്ങര - ചാലിപ്പറമ്പ് റോഡ് റീടാറിങിന് ഏഴ് ലക്ഷം രൂപയും കൊണ്ടോട്ടി നഗരസഭയിലെ കിഴക്കേ ചുങ്കം - പോത്തുവെട്ടിപ്പള്ളി റോഡ് റീ ടാറിങിന് ആറ് ലക്ഷം രൂപയും  മങ്കട ബ്ലോക്ക് മക്കരപ്പറമ്പ് ഗ്രാമ പഞ്ചായത്തിലെ കാളാവ് - പള്ളിപ്പടി - രാമപുരം റോഡ് റീടാറിങിന് അഞ്ച് ലക്ഷം രൂപയും അനുവദിച്ചു.

കേരള ഖാദി ആന്‍ഡ് വില്ലേജ് ഇന്‍ഡസ്ട്രീസ് ബോര്‍ഡിലേക്കുള്ള എല്‍.ഡി ക്ലാര്‍ക്ക് / 11 ഗ്രേഡ് അസിസ്റ്റന്റ്, ലോവര്‍ ഡിവിഷന്‍ ക്ലാര്‍ക്ക് (എസ്.ടി മാത്രം) തുടങ്ങിയ തസ്തികയുടെ തെരഞ്ഞെടുപ്പിനായുള്ള ഒ.എം.ആര്‍ പരീക്ഷ മാര്‍ച്ച് രണ്ടിന് ഉച്ചക്ക് 1.30 മുതല്‍ 3.15 വരെ ജില്ലയിലെ വിവിധ കേന്ദ്രങ്ങളില്‍ നടക്കും.

ജില്ലാതല ബാങ്കിങ് അവലോകനയോഗം ഇന്ന് (ഫെബ്രുവരി 27) രാവിലെ 10ന് മലപ്പുറം ഹോട്ടല്‍ മഹേന്ദ്രപുരിയില്‍ നടക്കും.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയില്‍ ഇന്ന് (ഫെബ്രുവരി 27) രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി വിതരണം തടസ്സപ്പെടും.

എംപ്ലോയബിലിറ്റി സെന്റര്‍ മുഖേന പ്രമുഖ സ്വകാര്യ വിദ്യാഭ്യാസ സ്ഥാപനത്തിലേക്ക്  എല്‍.പി.എസ്.എ, യു.പി.എസ്.എ, എച്ച്.എസ്.എ എന്നീ വിഭാഗങ്ങളില്‍ മുഴുവന്‍ തസ്തികകളിലേക്കും ടീച്ചേഴ്‌സിനെ നിയമിക്കുന്നു. താത്പര്യമുള്ളവര്‍ എംപ്ലോയബിലിറ്റി സെന്ററില്‍ മാര്‍ച്ച് രണ്ടിന് രാവിലെ 10 ന് നടക്കുന്ന അഭിമുഖത്തില്‍ ടി.ടി.സി, ഡിഗ്രി (ബി.എഡ്) യോഗ്യതയുള്ളവര്‍ ബയോഡാറ്റയുമായി എത്തണം. ഫോണ്‍ : 04832 734 737

പെരിന്തല്‍മണ്ണ എം. ഇ. എസ് മെഡിക്കല്‍ കോളേജ്, മലപ്പുറം ഗവ. കോളേജ് എന്‍.എസ്.എസ് യൂനിറ്റുമായി സഹകരിച്ച്  ബേസിക് ലൈഫ് സപ്പോര്‍ട്ട് ട്രെയിനിങ് എന്ന വിഷയത്തില്‍ ശില്‍പ ശാല സംഘടിപ്പിച്ചു. പെട്ടെന്നുണ്ടാകുന്ന ഹൃദയ സ്തംഭനം, വൈദ്യുതാഘാതം, അപകടങ്ങള്‍ എന്നീ സന്ദര്‍ഭങ്ങളില്‍ ലളിതമായ മാര്‍ഗ്ഗങ്ങളിലൂടെ ജീവന്‍ രക്ഷിക്കാനുള്ള മാര്‍ഗ്ഗങ്ങളെക്കുറിച്ചാണ് വളണ്ടിയര്‍മാര്‍ക്ക് പരിശീലനം നല്‍കിയത്.

സൗദിഅറേബ്യ ആരോഗ്യമന്ത്രാലയത്തിന്റെ കീഴിലുള്ള വിവിധ ആശുപത്രികളിലേക്ക് നിയമനത്തിനായ് കണ്‍സള്‍ട്ടന്റ്‌സ്, സ്‌പെഷ്യലിസ്റ്റ് ഡോക്ടര്‍മാരില്‍ നിന്നും അപേക്ഷ ക്ഷണിക്കുന്നു. രണ്ട് വര്‍ഷം പ്രവൃത്തി പരിചയം ഉള്ളവര്‍ക്ക് അപേക്ഷിക്കാം. മാര്‍ച്ച് നാല്, അഞ്ച്, ആറ് തീയതികളില്‍ ഡല്‍ഹിയിലും ഏഴ്, എട്ട്, ഒമ്പത് തീയതികളില്‍ ബാംഗ്ലൂരിലുമാണ് അഭിമുഖം. താത്പര്യമുള്ളവര്‍ അപേക്ഷ മാര്‍ച്ച് രണ്ടിനകം  gcc@odepc.inഎന്ന മെയിലില്‍ അയക്കണം. കൂടുതല്‍ വിശദവിവരങ്ങള്‍ക്ക് www.odepc.kerala.gov.in ല്‍ ലഭിക്കും. ഫോണ്‍  +91  471  2329440/41/42/43/45 .

ജില്ലാ പഞ്ചായത്തിന്റെ 2019-20 സാമ്പത്തിക വര്ഷത്തെ ബഡ്ജറ്റ് അവതരിപ്പിക്കുന്നതിനായുള്ള പ്രത്യേക ബഡ്ജറ്റ് സമ്മേളനം ഇന്ന് (ബുധന്) രാവിലെ 11 ന് മലപ്പുറം ജില്ലാ പഞ്ചായത്ത് മീറ്റിങ് ഹാളില്‍ നടക്കും.