തൃപ്പൂണിത്തുറ സർക്കാർ ആയുർവേദ കേളേജിലെ പഞ്ചകർമ്മ, അഗദതന്ത്ര വകുപ്പുകളിൽ ഓരോ അധ്യാപകരുടെ താല്കാലിക ഒഴിവിൽ വാക്ക്-ഇൻ-ഇന്റർവ്യൂ നടത്തും. കരാർ വ്യവസ്ഥയിൽ നിയമനത്തിന് ബന്ധപ്പെട്ട വിഷയങ്ങളിൽ ബിരുദാനന്തര ബിരുദ യോഗ്യത ഉള്ളവർക്ക് അപേക്ഷിക്കാം. കരാർ കാലാവധി ഒരു വർഷം. ആയുർവേദത്തിലെ പഞ്ചകർമ്മ & അഗദതന്ത്ര ഇവയിൽ ബിരുദാനന്തര ബിരുദം. എ ക്ലാസ്സ് മെഡിക്കൽ കൗൺസിൽ രജിസ്‌ട്രേഷൻ പ്രവൃത്തി പരിചയം അഭിലഷണീയം.

സംസ്ഥാനത്തെ ഒരു അർദ്ധസർക്കാർ സ്ഥാപനത്തിൽ 19000-43600 ശമ്പള നിരക്കിൽ ഇലക്ട്രീഷ്യന്റെ (ഓപ്പൺ വിഭാഗം) ഒരു താത്കാലിക ഒഴിവുണ്ട്. ഇലക്ട്രിക്കൽ എൻജിനിയറിങ് ത്രിവത്സര ഡിപ്ലോമ അല്ലെങ്കിൽ അംഗീകൃത ഐ.റ്റി.ഐ നൽകുന്ന 18 മാസത്തെ ഇലക്ട്രീഷ്യൻ യോഗ്യതയും വിജയകരമായി പൂർത്തിയാക്കിയ അപ്രന്റീസ് സർട്ടിഫിക്കറ്റും ഫിലിം സ്റ്റുഡിയോയിൽ രണ്ട് വർഷത്തെ പ്രവൃത്തി പരിചയവുമാണ് യോഗ്യത. പ്രായപരിധി: 01.01.2019ന് 18-41 വയസ് (നിയമാനുസൃത വയസ്സിളവ് ബാധകം) ഉദ്യോഗാർത്ഥികൾ അസൽ സർട്ടിഫിക്കറ്റുകളുമായി ജൂൺ 22നകം ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചുകളിലെത്തണം.
പി.എൻ.എക്സ്. 1587/19

കേരള വനിതാ കമ്മീഷനിൽ ഒരു റിസർച്ച് ഓഫീസർ തസ്തികയിൽ ഡെപ്യൂട്ടേഷൻ വ്യവസ്ഥയിൽ സർക്കാർ സർവീസിൽ സമാന തസ്തികയിൽ സേവനമനുഷ്ഠിക്കുന്ന നിശ്ചിത യോഗ്യതയുള്ളവരിൽ നിന്നും അപേക്ഷ ക്ഷണിച്ചു.
നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം മേലധികാരി മുഖേന മെമ്പർ സെക്രട്ടറി, കേരള വനിതാ കമ്മീഷൻ, ലൂർദ്ദ് പള്ളിക്കു സമീപം, പി.എം.ജി, പട്ടം. പി.ഒ, തിരുവനന്തപുരം-695004 എന്ന വിലാസത്തിൽ ജൂൺ 20നകം ലഭിക്കണം.
പി.എൻ.എക്സ്. 1586/19

കോഴിക്കോട് വ്യാവസായിക ട്രൈബ്യൂണൽ കെ.വി. രാധാകൃഷ്ണൻ ജൂൺ നാലിനും, 11നും, 18നും കണ്ണൂർ ലേബർ കോടതിയിലും 25ന് തലശ്ശേരി ബാർ അസോസിയേഷൻ ബൈസെന്റിനറി ഹാളിലും 20നും 21നും വയനാട് കൽപ്പറ്റ ബാർ അസോസിയേഷൻ ഹാളിലും 28ന് കാസർകോട് ജില്ലാ ലേബർ ഓഫീസിലും ആറ്, ഏഴ്, 12, 13, 14, 19 തിയതികളിൽ ആസ്ഥാനത്തും തൊഴിൽതർക്ക കേസുകളും എംപ്ലോയീസ് കോമ്പൻസേഷൻ കേസുകളും എംപ്ലോയീസ് ഇൻഷൂറൻസ് കേസുകളും വിചാരണ ചെയ്യും.
പി.എൻ.എക്സ്. 1585/19

കേരള വനഗവേഷണ സ്ഥാപനത്തിൽ ഫെബ്രുവരി 2022 വരെ കാലാവധിയുള്ള ഒരു സമയബന്ധിത ഗവേഷണ പദ്ധതിയായ 'ജിനോം വൈഡ് & ജിയോസ്‌പെഷ്യൽ അപ്രോച്ചസ് ഫോർ എൻഹാൻഡിങ് ദി അഡാപ്റ്റീവ് പൊട്ടൻഷ്യൽ ഓഫ് ത്രട്ടൻഡ് റാട്ടൺ റിസോഴ്‌സ് ഇൻ ഇൻഡ്യ'യിൽ ഒരു പ്രോജക്ട് ഫെല്ലോയുടെയും ഒരു പ്രോജക്ട് അസിസ്റ്റന്റിന്റെയും താത്ക്കാലിക ഒഴിവുകളുണ്ട്. ജൂൺ 13ന് രാവിലെ 10ന് തൃശ്ശൂർ പീച്ചിയിലുള്ള ഓഫീസിൽ വാക്-ഇൻ-ഇന്റർവ്യൂ നടത്തും.

സംസ്ഥാന സഹകരണ യൂണിയന്റെ ആഭിമുഖ്യത്തിൽ വിവിധ സഹകരണ പരിശീലന കേന്ദ്രങ്ങളിലും കോളേജുകളിലും ജൂൺ മൂന്നിന് തുടങ്ങാൻ തീരുമാനിച്ചിരുന്ന ജെ.ഡി.സി കോഴ്‌സിന്റെ ക്ലാസ്സുകൾ ജൂൺ ആറിനാണ് ആരംഭിക്കുകയെന്ന് സഹകരണ യൂണിയൻ അഡീഷണൽ രജിസ്ട്രാർ-സെക്രട്ടറി അറിയിച്ചു.
പി.എൻ.എക്സ്. 1583/19

ആലപ്പുഴ വ്യാവസായിക ട്രൈബ്യൂണൽ എം.ബി.പ്രജിത്ത് ജൂൺ ആറ്, ഏഴ്, 13, 14, 20, 21, 27, 28 തിയതികളിൽ എറണാകുളം ലേബർ കോടതിയിലും 11ന് മൂവാറ്റുപുഴ കച്ചേരിത്താഴം കോർട്ട് കോംപ്ലക്‌സിലുളള ഓൾഡ് ഫാമിലി കോർട്ട് ഹാളിലും 25ന് പത്തനംതിട്ട ജില്ലാ മീഡിയേഷൻ സെന്ററിലും മറ്റ് പ്രവൃത്തി ദിവസങ്ങളിൽ ആസ്ഥാനത്തും തൊഴിൽ തർക്ക കേസുകളും, എംപ്ലോയീസ് ഇൻഷ്വറൻസ് കേസുകളും, എംപ്ലോയീസ് കോമ്പൻസേഷൻ കേസുകളും വിചാരണ ചെയ്യും.
പി.എൻ.എക്സ്. 1582/19

കേരള സർക്കാരിന്റെ നിയന്ത്രണത്തിലുളള എൽ.ബി.എസ് സെന്റർ ഫോർ സയൻസ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തിൽ ആരംഭിക്കുന്ന രണ്ടാമത്തെ ബാച്ച് അവധിക്കാല കോഴ്‌സുകൾക്ക് അപേക്ഷിക്കാം. ഇന്റർനെറ്റ് ആന്റ് വെബ് ടെക്‌നോളജി (പത്താം ക്ലാസ് പാസും മുകളിലും), ഡി.ഇ ആന്റ് ഒ.എ (പത്താം ക്ലാസ് പാസ്), ഡി.സി.എഫ്.എ (പ്ലസ് ടു കൊമേഴ്‌സ്/ബികോമും മുകളിലും), ഹാർഡ്‌വെയർ (പത്താം ക്ലാസ് പാസും മുകളിലും) കോഴ്‌സുകളാണുള്ളത്. കൂടുതൽ വിവരങ്ങൾക്ക് 8547141406, 0471-2560332.
പി.എൻ.എക്സ്. 1580/19

2019-2021 അധ്യയന വർഷം ബി.എഡ് ഡിപ്പാർട്ട്‌മെന്റ് ക്വാട്ടായിലേയ്ക്ക് പ്രവേശനത്തിന് പൊതു വിദ്യാഭ്യാസ വകുപ്പിലെ അധ്യാപക/അധ്യാപകേതര ജീവനക്കാരിൽ നിന്നും പൊതു വിദ്യാഭ്യാസ ഡയറക്ടർ അപേക്ഷകൾ ക്ഷണിച്ചു. അപേക്ഷാഫോറത്തിന്റെ മാതൃകയും വിശദവിവരങ്ങളും എല്ലാ വിദ്യാഭ്യാസ ഉപഡയറക്ടറാഫീസിലും  "www.education.kerala.gov.in"-Announcement എന്ന വെബ്‌സൈറ്റിലും ലഭ്യമാണ്. അപേക്ഷകൾ പൊതുവിദ്യാഭ്യാസ ഡയറക്ടറോഫീസിൽ ജൂൺ 21ന് വൈകുന്നേരം അഞ്ചു മണിക്കകം ലഭിക്കണം.
പി.എൻ.എക്സ്. 1579/19