കോളേജ് വിദ്യാഭ്യാസ വകുപ്പിന്റെ നേതൃത്വത്തിൽ മാർച്ച് ഏഴിന് രാവിലെ 10 മണി മുതൽ തിരുവനന്തപുരം സർക്കാർ വനിതാ കോളേജിൽ മെഗാഫയൽ അദാലത്ത് സംഘടിപ്പിക്കുന്നു. പൊതുജനങ്ങൾ/ജീവനക്കാരുടെ വിഭാഗത്തിൽ പരാതികൾ നൽകിയിരുന്നവർ പരാതിയുടെ പകർപ്പും മറ്റ് രേഖകൾ സഹിതം രാവിലെ ഒൻപതിന് എത്തണമെന്ന് കോളേജ് വിദ്യാഭ്യാസ ഡയറക്ടർ അറിയിച്ചു.

പി.എൻ.എക്സ്. 747/19

* സർവകലാശാല ഫയൽ അദാലത്ത് നടത്തി

* 717 കോടിയുടെ മാസ്റ്റർപ്ലാനിന് തുടക്കം

തിരുവനന്തപുരം സർക്കാർ മെഡിക്കൽ കോളേജിൽ നടപ്പിലാക്കുന്ന 717.29 കോടി രൂപയുടെ മാസ്റ്റർപ്ലാൻ, മറ്റ് ഒൻപത് പദ്ധതികൾ എന്നിവയുടെ ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു. ആരോഗ്യ, സാമൂഹ്യനീതി വനിതാ ശിശു വികസന മന്ത്രി കെ.കെ. ശൈലജ ടീച്ചർ അധ്യക്ഷത വഹിച്ച ചടങ്ങിൽ ദേവസ്വം സഹകരണ ടൂറിസം മന്ത്രി കടകംപള്ളി സുരേന്ദ്രൻ മുഖ്യാതിഥിയായിരുന്നു. 

കടലാക്രമണ ഭീഷണി നേരിടുന്ന പ്രദേശങ്ങളിലെ മത്സ്യത്തൊഴിലാളികളെ പുനരധിവസിപ്പിക്കാൻ ബീമാപ്പള്ളിയിലും വലിയതുറയിലും ഭവനസമുച്ചയങ്ങളുടെ നിർമാണോദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു. ബീമാപ്പള്ളിയിൽ റവന്യൂ വകുപ്പിന് കൈമാറിയ 32 സെൻറ് സ്ഥലത്തും, വലിയതുറയിൽ ഏറ്റെടുത്ത 294 സെൻറ് സ്ഥലത്തുമാണ് ഫ്‌ളാറ്റ് സമുച്ചയം നിർമിക്കുന്നത്. 

* ട്രഷറി ആസ്ഥാനമന്ദിരത്തിന്റെ ശിലാസ്ഥാപന കർമ്മം നിർവഹിച്ചു

ജില്ലാ പഞ്ചായത്തിലെ വാര്‍ഷിക ബജറ്റ് ഇന്ന് (27) പകല്‍ 11ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ അവതരിപ്പിക്കും. ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവിയുടെ അധ്യക്ഷതയില്‍ വൈസ് പ്രസിഡന്റും ധനകാര്യ സ്ഥിരം സമിതി അധ്യക്ഷനുമായ ജോര്‍ജ് മാമ്മന്‍ കൊണ്ടൂരാണ് ബജറ്റ് അവതരിപ്പിക്കുക. 

മെയിന്റനന്‍സ് ട്രൈബ്യൂണല്‍ (റവന്യൂ ഡിവിഷന്‍) തിരുവല്ലയും ജില്ലാ സാമൂഹ്യനീതി വകുപ്പും സംയുക്തമായി വയോജനങ്ങള്‍ക്കായി സംഘടിപ്പിക്കുന്ന സൗജന്യ മെഡിക്കല്‍ ക്യാമ്പും ബോധവല്‍ക്കരണക്ലാസും ഇന്ന് (27ന്) രാവിലെ ഒമ്പത് മുതല്‍ വൈകിട്ട് നാല് വരെ റാന്നി ഇട്ടിയപ്പാറ വൈഎംസിഎ ഹാളില്‍ നടക്കും. 

കേരളകര്‍ഷക തൊഴിലാളി ക്ഷേമനിധി ബോര്‍ഡ് പത്തനംതിട്ട ഡിവിഷണല്‍ ഓഫീസ് ഇപ്പോള്‍ പ്രവര്‍ത്തിക്കുന്ന നന്നുവക്കാട്ടുള്ള കെട്ടിടത്തില്‍ നിന്നും മാര്‍ച്ച് ഒന്ന് മുതല്‍ കളക്‌ട്രേറ്റിനു സമീപം മുന്‍പ് പ്രവര്‍ത്തിച്ചിരുന്ന കെട്ടിടത്തിലേയ്ക്ക് മാറി പ്രവര്‍ത്തനം നടത്തുമെന്ന് വെല്‍ഫെയര്‍ ഫണ്ട് ഓഫീസര്‍ അറിയിച്ചു.

പന്യാലി ഗവണ്‍മെന്റ് യു.പി സ്‌കൂളിന് സമഗ്രശിക്ഷ കേരള അനുവദിച്ച ശാസ്ത്രപാര്‍ക്ക് ഉപയോഗപ്പെടുത്തി ശാസ്ത്രാവബോധം വളര്‍ത്താനുള്ള പ്രവര്‍ത്തനങ്ങള്‍ ദേശീയ ശാസ്ത്രദിനമായ നാളെ (28ന്) സ്‌കൂളില്‍ ആരംഭിക്കും. 'ശാസ്ത്രം ജനതയ്ക്ക്, ജനത ശാസ്ത്രത്തിന്' എന്ന ആശയത്തിന് പ്രാധാന്യം കൊടുത്ത് ജനകീയ പങ്കാളിത്തതോടെ നടത്തുന്ന ശാസ്ത്രദിനാഘോഷത്തിന് ശാസ്ത്ര സാഹിത്യകാരന്‍ ഡോ. മോന്‍സി വി. ജോണ്‍ നേതൃത്വം നല്‍കും. സ്‌കൂളിലെ പൂര്‍വവിദ്യാര്‍ഥികള്‍ ഉള്‍പ്പെടെയുള്ളവര്‍ പങ്കെടുക്കും.