താന്നിക്കുഴി- തോന്ന്യാമല റോഡില്‍ കലുങ്കുകളുടെ പുനര്‍നിര്‍മാണം നടക്കുന്നതിനാല്‍ ഇതുവഴിയുള്ള ഗതാഗതം താല്‍ക്കാലികമായി നിരോധിച്ചിരിക്കുന്നതായി പൊതുമരാമത്ത് നിരത്ത് വിഭാഗം അസിസ്റ്റന്റ് എക്‌സിക്യുട്ടീവ് എഞ്ചിനിയര്‍ അറിയിച്ചു.

വാദ്യങ്ങളില്‍ സംഗീത സാന്ദ്രമായ സന്ധ്യ സമ്മാനിച്ചു കരുനാഗപ്പള്ളി ഗിരീഷും സംഘവും. സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ഭാഗമായി പത്തനംതിട്ട നഗരസഭ ഇടത്താവളത്തില്‍ നടക്കുന്ന പ്രദര്‍ശന വിപണന മേളയിലാണ് വാദ്യഗാനമേള അരങ്ങേറിയത്. കരുനാഗപ്പള്ളി സ്വരലയിലെ വാദ്യകലാകാരന്മാര്‍ അവതരിപ്പിച്ച വാദ്യഗാനമേള ആസ്വാദക ഹൃദയം കീഴടക്കി. വാദപിയില്‍ ആരംഭിച്ച് തു ചീസ് ബഡിഹേ മസ്ത എന്ന ബോളിവുഡ് സംഗീതത്തിന്റെ മാസ്മരികത കൂടി ആയപ്പോള്‍ ആസ്വാദകര്‍ക്ക് അതൊരു നവ്യാനുഭവമായി. 

പട്ടികജാതി വിഭാഗത്തിന്റെ വികസനത്തിനായി സംസ്ഥാന സര്‍ക്കാര്‍ നടത്തുന്ന പ്രവര്‍ത്തനങ്ങള്‍ അഭിനന്ദനാര്‍ഹമാണെന്ന് മല്ലപ്പള്ളി സാംസ്‌കാരിക പഠനകേന്ദ്രം ഡയറക്ടറും റിട്ട. ജില്ല ലേബര്‍ ഓഫീസറുമായ കെ. പി രാധാകൃഷ്ണന്‍ പറഞ്ഞു. സംസ്ഥാന സര്‍ക്കാരിന്റെ ആയിരം ദിനാഘോഷത്തോട് അനുബന്ധിച്ച് പത്തനംതിട്ട നഗരസഭ ഇടത്താവളത്തില്‍ പട്ടികജാതി സമൂഹവും നവോത്ഥാന മുന്നേറ്റങ്ങളും എന്ന വിഷയത്തില്‍ സംഘടിപ്പിച്ച സെമിനാറില്‍ വിഷയാവതരണം നടത്തി സംസാരിക്കുകയായിരുന്നു അദ്ദേഹം.

പൊതുവിദ്യാഭ്യാസ വകുപ്പിലെ സർക്കാർ ഹൈസ്‌ക്കൂൾ അധ്യാപകർ, പ്രൈമറി വിഭാഗം പ്രധാനാധ്യാപകർ/പ്രൈമറി അധ്യാപകർ എന്നിവരിൽ നിന്ന് 2019-20 അധ്യയന വർഷത്തേക്ക് റവന്യൂ ജില്ലാതലത്തിലെ ഓൺലൈൻ പൊതുസ്ഥലം മാറ്റത്തിന് അപേക്ഷ ക്ഷണിച്ചു.  മാർച്ച് ഒന്ന് മുതൽ 12ന് വൈകുന്നേരം 5 മണിവരെ സമർപ്പിക്കാം. വിശദാംശങ്ങൾ  www.transferandpostings.in ൽ ലഭിക്കും.

പി.എൻ.എക്സ്. 741/19