* 'ജലസംഗമം' ഉദ്ഘാടനം ചെയ്തു
വെള്ളത്തിന്റെ വില തിരിച്ചറിയാനും അതു സംരക്ഷിക്കാനുമാകണമെന്ന് മുഖ്യമന്ത്രി പിണറായി വിജയൻ പറഞ്ഞു. ഹരിതകേരളം മിഷന്റെ നേതൃത്വത്തിൽ ടാഗോർ തീയറ്ററിൽ സംഘടിപ്പിക്കുന്ന 'ജലസംഗമ'ത്തിന്റെ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.

വിഴിഞ്ഞം ഫിഷറീസ് സ്റ്റേഷനിൽ 2019 ട്രോൾബാൻ കാലയളവിലേക്ക് ദിവസ വേതനാടിസ്ഥാനത്തിൽ ലൈഫ് ഗാർഡായി നിയമിക്കുന്നതിന് അപേക്ഷ നൽകിയ, ഇതുവരെ ഔദ്യോഗിക അറിയിപ്പ് ലഭിക്കാത്ത, മത്സ്യത്തൊഴിലാളി ക്ഷേമനിധി ബോർഡ് അംഗത്വമുള്ളവർ അസൽ സർട്ടിഫിക്കറ്റുകളുമായി വിഴിഞ്ഞം ഫിഷറീസ് സ്റ്റേഷനിൽ ജൂൺ ഒന്നിന് ഉച്ചയ്ക്ക് 2.30ന് മുമ്പ് അഭിമുഖത്തിനെത്തണമെന്ന് ഫിഷറീസ് അസിസ്റ്റന്റ് ഡയറക്ടർ അറിയിച്ചു.
പി.എൻ.എക്സ്. 1550/19

സ്‌കോൾ-കേരള മുഖേനയുളള ഹയർ സെക്കൻഡറി ഓപ്പൺ റെഗുലർ, പ്രൈവറ്റ് വിഭാഗങ്ങളിൽ ഒന്നാം വർഷ പ്രവേശനത്തിന് അപേക്ഷ ക്ഷണിച്ചു. എസ്.എസ്.എൽ.സി അല്ലെങ്കിൽ സർക്കാർ അംഗീകൃത തത്തുല്യ യോഗ്യതയുളളവർക്ക് അപേക്ഷിക്കാം. ഉയർന്ന പ്രായപരിധി ഇല്ല. ജൂൺ ഒന്ന് മുതൽ www.scolekerala.org യിൽ ഓൺലൈനായി രജിസ്റ്റർ ചെയ്യാം.

കർണാടക സംഗീതം വായ്പ്പാട്ടിന് സംസ്ഥാന സർക്കാർ ഏർപ്പെടുത്തിയിട്ടുള്ള ചെമ്പൈ പുരസ്‌കാരം 2019ന് യുവസംഗീതജ്ഞരിൽ നിന്ന് അപേക്ഷ ക്ഷണിച്ചു.  അപേക്ഷാഫോമും നിയമാവലിയും ചെയർമാൻ, ചെമ്പൈ മെമ്മോറിയൽ ട്രസ്റ്റ്, അയോദ്ധ്യ നഗർ, ചെമ്പൈ റോഡ്, ശ്രീവരാഹം, തിരുവനന്തപുരം - 695009, (ഫോൺ - 0471 - 2472705, മൊബൈൽ - 9447754498) എന്ന വിലാസത്തിൽ നേരിട്ടോ തപാൽ മാർഗമോ ലഭിക്കും.  തപാലിൽ അപേക്ഷാഫോം അയക്കുന്നതിന് പത്തു രൂപാ സ്റ്റാമ്പൊട്ടിച്ച് സ്വന്തം മേൽവിലാസം എഴുതിയ വലിയ കവർ അയക്കണം.  അപേക്ഷ ലഭിക്കേൺ അവസാന തിയതി ജൂൺ 30 നകം ലഭിക്കണം.
പി.എൻ.എക്സ്. 1548/19

ലോക ഭക്ഷ്യസുരക്ഷാ ദിനമായി ആചരിക്കുന്നതിന്റെ ഭാഗമായി 'ഭക്ഷ്യസുരക്ഷ ആരോഗ്യരക്ഷയ്ക്ക്' എന്ന സന്ദേശം പ്രചരിപ്പിക്കുന്നതിന് ഭക്ഷ്യസുരക്ഷാ വകുപ്പ് സംസ്ഥാനതലത്തിൽ  'ഭക്ഷ്യസുരക്ഷ' എന്ന വിഷയത്തിൽ ട്രോൾ മത്സരം നടത്തുന്നു.  ജൂൺ ഒന്നു മുതൽ ഏഴു വരെ contestfoodsafety@gmail.com ൽ ട്രോളുകൾ അയക്കാം.  ഏറ്റവും കൂടുതൽ ലൈക്കും ഷെയറും കിട്ടുന്ന ട്രോളർക്ക് ഒന്നാം സമ്മാനമായ 5000 രൂപയും രണ്ടും മൂന്നും സ്ഥാനക്കാർക്ക് യഥാക്രമം 3000 രൂപയും 1500 രൂപയും സമ്മാനം ലഭിക്കും.  മികച്ച ക്രിയേറ്റീവായ ട്രോളിന് 5000 രൂപ സമ്മാനമുണ്ട്.

ലോക പരിസ്ഥിതി ദിനത്തോട് അനുബന്ധിച്ചു ജൂൺ ഏട്ടിന് മ്യൂസിയം മൃഗശാല വകുപ്പ് പോസ്റ്റർ രചനാമത്സരം നടത്തുന്നു. മത്സരാർത്ഥികൾ വകുപ്പിലെ എഡ്യൂക്കേഷൻ & പ്ലാനിംഗ് വിഭാഗത്തിൽ ഫോം പൂരിപ്പിച്ച് ജൂൺ അഞ്ചിന് മുൻപ് നൽകണം. അപ്പർ പ്രൈമറി മുതൽ കോളേജ് തലം വരെയുളള വിദ്യാർത്ഥികൾക്ക് മത്സരത്തിൽ പങ്കെടുക്കാം. അപേക്ഷയോടൊപ്പം സ്‌കൂൾ/കോളേജ് ഐഡി കാർഡ് (പകർപ്പ്) ഉളളടക്കം ചെയ്യണം. വിജയികൾക്ക് ക്യാഷ് പ്രൈസുകളും അനുമോദന പത്രവും നൽകും. കൂടുതൽ വിവരങ്ങൾക്ക്: 9895674774, 8921150487.
പി.എൻ.എക്സ്. 1546/19

 സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 300 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ജൂൺ മൂന്നിന് റിസർവ് ബാങ്കിന്റെ മുംബൈ ഫോർട്ട്് ഓഫീസിൽ ഇ-കുബേർ സംവിധാനം വഴി നടക്കും.
ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്-1/215/2019 ഫിൻ. തിയതി 30.05.2019) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ്  (www.finance.kerala.gov.in)  സന്ദർശിക്കുക.
പി.എൻ.എക്സ്. 1544/19

മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായവുമായി പ്രശസ്ത ഗായകൻ ഹരിഹരനെത്തി. ഇന്നലെ ക്‌ളിഫ് ഹൗസിലെത്തിയാണ് അദ്ദേഹം മുഖ്യമന്ത്രി പിണറായി വിജയന് പത്തു ലക്ഷം രൂപയുടെ ചെക്ക് കൈമാറിയത്. പ്രളയത്തിൽ തകർന്ന കേരളത്തെ സഹായിക്കുന്നതിന് ഹരിഹരന്റെ നേതൃത്വത്തിൽ സംഗീതം ചാരിറ്റബിൾ ട്രസ്റ്റ് റഹ്മത്തേൻ 6 എന്ന സംഗീത പരിപാടി നടത്തിയിരുന്നു. ഇതിൽ നിന്നുള്ള സഹായമാണ് ഹരിഹരൻ മുഖ്യമന്ത്രിയ്ക്ക് കൈമാറിയത്. ഹരിഹരനൊപ്പം സോനു നിഗമും സംഗീത പരിപാടിയിൽ പങ്കെടുത്തിരുന്നു. ഇൻഫർമേഷൻ പബ്‌ളിക് റിലേഷൻസ് വകുപ്പ് ഡയറക്ടർ സുഭാഷ് ടി. വി, മുഖ്യമന്ത്രിയുടെ ഭാര്യ കമല എന്നിവർ സന്നിഹിതരായിരുന്നു.
പി.എൻ.എക്സ്. 1543/19

മെയ് 31 ലോക പുകയില വിരുദ്ധ ദിനാചരണത്തോടനുബന്ധിച്ച് ആരോഗ്യവകുപ്പ്, ദേശീയആരോഗ്യദൗത്യം, എക്സൈസ്, പോലീസ്വകുപ്പുകള്‍, പ്രതീക്ഷ എന്നിവ സംയുക്തമായി ജില്ലയില്‍ വിവിധ പരിപാടികള്‍ സംഘടിപ്പിക്കും. 'പുകയിലയും ശ്വാസകോശ ആരോഗ്യവും' എന്നതാണ് ഈ വര്‍ഷത്തെ വിഷയം. പരിപാടിയുടെ ജില്ലാതല ഉദ്ഘാടനം രാവിലെ 10:30 ന് കെ.പികേശവമേനോന്‍ ഹാളില്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി നിര്‍വ്വഹിക്കും. ജില്ലാ കളക്ടര്‍ സാംബശിവറാവു ചടങ്ങില്‍ മുഖ്യാതിഥിയാകും. എ.ഡി.എം ജയശ്രീ വി അധ്യക്ഷത വഹിക്കും. ആരോഗ്യകേരളം ജില്ലാ പ്രോഗ്രാം മാനേജര്‍ ഡോ എ.നവീന്‍ വിജയികള്‍ക്കുള്ള സമ്മാനദാനം നിര്‍വഹിക്കും.