ഭവന രഹിതര്‍ക്ക് വീട് നിര്‍മ്മിക്കാന്‍ പദ്ധതി തയ്യാറാക്കിയ പൊന്നാനി നഗരസഭയുടെ പ്രവര്‍ത്തനം മാതൃകപരമാണെന്നും മുടങ്ങി കിടന്ന പല ഭവന പദ്ധതികളും ക്രോഡീകരിച്ച്  പൂര്‍ത്തിയാക്കാന്‍ കഴിയുമെന്നത് ലൈഫ് പദ്ധതിയുടെ പ്രത്യേകതയാണെന്നും നവകേരള പദ്ധതി സംസ്ഥാന കോര്‍ഡിനേറ്റര്‍ ചെറിയാന്‍ ഫിലിപ്പ്. സര്‍ക്കാരിന്റെ ആയിരം ദിനത്തില്‍ പൊന്നാനി നഗരസഭയില്‍  1000 വീടുകള്‍ നിര്‍മ്മിക്കുന്നതിന്റെ ഭാഗമായി 333 വീടുകളുടെ താക്കോല്‍ദാനവും ഗുണഭോക്തൃ വിഹിതം വിതരണവും മാലിന്യ സംസ്‌കരണ സംവിധാന വിതരണവും പൊന്നാനി ആര്‍.വി ഹാളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ഇ-പോസ് മെഷീനുകളുടെ പ്രവര്‍ത്തന രീതിയെക്കുറിച്ചും പൊതുരംഗത്തെ മാറ്റങ്ങളെക്കുറിച്ചും തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികള്‍ക്ക് അവബോധം നല്‍കുവാന്‍ പരിശീലനം നല്‍കി.   ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ പരിശീലനം ഉദ്ഘാടം ചെയ്തു.  ജില്ലാ സപ്ലൈ ഓഫീസര്‍  വിവി. സനില അധ്യക്ഷത വഹിച്ചു. 

ഭക്ഷ്യ സുരക്ഷയുടെ ഭാഗമായി ജില്ലയിലെ ജില്ലയില്‍ 107 ഹോട്ടലുകള്‍-റസ്റ്റോറന്റുകള്‍, ഫാസ്റ്റ്ഫുഡ് ഭക്ഷണശാലകള്‍, തട്ടുകടകള്‍ എന്നിവിടങ്ങില്‍ പരിശോധന നടത്തി. ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറായ കെ.സുഗുണന്റെ നേതൃത്വത്തില്‍ നടന്ന പരിശോധനയില്‍ വൃത്തിഹീനമായ സാഹചര്യത്തെ തുടര്‍ന്ന് 60 സ്ഥാപനങ്ങള്‍ക്ക് നോട്ടീസ് നല്‍കുകയും 60000 പിഴ ചുമത്തുകയും ചെയ്തു.

വട്ടംകുളം പഞ്ചായത്തില്‍  കോഴി വളര്‍ത്തലുമായി   ബന്ധപ്പെട്ട്  വിജയകരമായി നടപ്പിലാക്കിയ പദ്ധതികളെക്കുറിച്ച് അറിവ് പകരുകയാണ് മൃഗ സംരക്ഷണ വകുപ്പ്. സര്‍ക്കാരിന്റെ ആയിരം ദിനാഘോഷത്തിലാണ്  മൃഗസംരക്ഷണ വകുപ്പ് 'വട്ടംകുളം മാതൃക' കാണിച്ച് സ്റ്റാളൊരുക്കിയിരിക്കുന്നത്.

ജലസേചന വകുപ്പിലെ ലാസ്റ്റ്‌ഗ്രേഡ് ജീവനക്കാരുടെ 01/01/2018ലെ ഏകീകരിച്ച അന്തിമ മുൻഗണനാപട്ടിക പ്രസിദ്ധീകരിച്ചിട്ടുണ്ട്. വകുപ്പിന്റെ ഔദ്യോഗിക വെബ്‌സൈറ്റായ  www.irrigation.kerala.gov.in ലും കേരളാ ഗസറ്റിലും ലഭ്യമാണ്.

പി.എൻ.എക്സ്. 734/19

സാധുക്കളായ വിധവകൾക്ക് സ്വയംതൊഴിൽ ചെയ്യുന്നതിനായി വനിതാശിശുവകുപ്പ് മുഖേന നടപ്പിലാക്കുന്ന സഹായഹസ്തം പദ്ധതിയുടെ സംസ്ഥാനതല ഉദ്ഘാടനം ഇന്ന് (27-02-2019) പബ്ലിക് ലൈബ്രറി ഹാളിൽ ആരോഗ്യ-സാമൂഹികനീതി, വനിതാ ശിശുവികസന മന്ത്രി കെ.കെ. ശൈലജ ടീച്ചർ നിർവഹിക്കും. പദ്ധതി പ്രകാരം ഒരു ഗുണഭോക്താവിന് 30,000 രൂപയാണ് ധനസഹായം ലഭിക്കുന്നത്.

പി.എൻ.എക്സ്. 733/19

തിരുവനന്തപുരം റീജിയണൽ ട്രാൻസ്‌പോർട്ട് ഓഫീസ് ആധുനിക സാങ്കേതിക വിദ്യകളോടു കൂടിയ പുതിയ മന്ദിരത്തിലേക്ക് മാറുന്നതിന്റെയും 'വാഹൻ സാരഥി' സോഫ്റ്റ്‌വെയറുകളുടെയും പ്രവർത്തനോദ്ഘാടനവും ഇന്ന് (ഫെബ്രു: 27) നടക്കും. രാവിലെ 11ന് തമ്പാനൂരിൽ ആധുനിക ആർ.ടി. ഓഫീസ് ഗതാഗതമന്ത്രി എ.കെ. ശശീന്ദ്രനും 'വാഹൻ സാരഥി' പദ്ധതി മന്ത്രി കടകംപള്ളി സുരേന്ദ്രനും ഉദ്ഘാടനം ചെയ്യും.