ഇടുക്കി ജില്ലാ ശിശു സംരക്ഷണ യൂണിറ്റിന്റെ ആഭിമുഖ്യത്തില്‍ 'കരുതല്‍ സ്പര്‍ശം-കൈകോര്‍ക്കാം കുട്ടികള്‍ക്കായി' എന്ന പദ്ധതിയുടെ ഭാഗമായി വിക്ടേഴ്സ് ചാനലിന്റെ സഹകരണത്തോടെ ഉത്തരവാദിത്വ പൂര്‍ണ്ണമായ രക്ഷാകര്‍തൃത്വം എന്ന വിഷയം സംബന്ധിച്ച തത്സമയ സംപ്രേഷണ ശില്പശാല സംഘടിപ്പിച്ചു. 

ടൂറിസം വകുപ്പിന്റെ കീഴില്‍ പ്രവര്‍ത്തിക്കുന്ന ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഒരു വര്‍ഷം ദൈര്‍ഘ്യമുള്ള പി.എസ്.സി അംഗീകൃത തൊഴിലധിഷ്ഠിത ഹോട്ടല്‍ മാനേജ്‌മെന്റ് കോഴ്‌സുകളിലേക്കുള്ള പ്രവേശനം ആരംഭിച്ചു. സര്‍ക്കാര്‍ ആനുകൂല്യങ്ങളുള്ള കോഴ്‌സുകളിലേക്ക് അപേക്ഷിക്കുവാനുള്ള അവസാന തിയതി  ജൂണ്‍ 10 വരെ നീട്ടി. കൂടുതല്‍ വിവരങ്ങള്‍ക്ക് 9495716465, 9446533205.
 

കാര്യവട്ടം സർക്കാർ കോളേജിൽ മാത്തമാറ്റിക്‌സ്, കമ്പ്യൂട്ടർ സയൻസ് വിഷയങ്ങളിൽ ഗസ്റ്റ് അധ്യാപക ഒഴിവുണ്ട്. ജൂൺ ഏഴിന് മാത്തമാറ്റിക്‌സിനും പത്തിന് കമ്പ്യൂട്ടർ സയൻസിനും അഭിമുഖം നടക്കും. കൊല്ലം കോളേജ് വിദ്യാഭ്യാസ ഡെപ്യൂട്ടി ഡയറക്ടർ തയ്യാറാക്കിയിട്ടുളള ഗസ്റ്റ് അധ്യാപക പാനലിൽ ഉൾപ്പെട്ട ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം രാവിലെ 11ന് പ്രിൻസിപ്പൽ മുൻപാകെ ഹാജരാകണം. വിശദവിവരങ്ങൾക്ക് 0471-2417112.
പി.എൻ.എക്സ്. 1542/19

വൊക്കേഷണൽ ഹയർ സെക്കൻഡറി വിദ്യാഭ്യാസ വകുപ്പ് മാർച്ചിൽ നടത്തിയ ഒന്നാം വർഷ പൊതുപരീക്ഷയുടെ സ്‌കോറുകൾ പ്രസിദ്ധീകരിച്ചു.  www.keralaresults.nic.in, www.kerala.results.gov.in എന്നിവയിൽ ലഭ്യമാണ്. 

 കട്ടപ്പന ഗവണ്‍മെന്റ്  ഐ.ടി.ഐ യില്‍ ഇലക്ട്രീഷ്യന്‍ ട്രേഡില്‍ ഗസ്റ്റ് ഇന്‍സ്ട്രക്ടറുടെ  ഒഴിവുണ്ട്. ഇലക്ട്രീഷ്യന്‍ ട്രേഡില്‍ എന്‍.റ്റി.സി അല്ലെങ്കില്‍ എന്‍.എ.സി.യും 3 വര്‍ഷത്തെ പ്രവര്‍ത്തിപരിചയവും  അല്ലെങ്കില്‍ ഇലക്ട്രിക്കലും ഇലക് ട്രോണിക്‌സ് എഞ്ചിനീയറിംഗില്‍  ഡിപ്ലോമയും 2 വര്‍ഷത്തെ പ്രവര്‍ത്തിപരിചയവും  അല്ലെങ്കില്‍ ഇലക്ട്രിക്കലും ഇലക്‌ട്രോണിക്‌സ് എഞ്ചിനീയറിംഗില്‍  ഡിഗ്രിയും ഒരു വര്‍ഷത്തെ പ്രവര്‍ത്തിപരിചയവും  ആണ് യോഗ്യത.