പ്രളയം തകര്‍ത്തെറിഞ്ഞ കേരളത്തിന് കൈത്താങ്ങായി സഹകരണ വകുപ്പ് ആരംഭിച്ച കെയര്‍ ഹോം പദ്ധതി പ്രകാരം ജില്ലയില്‍ പൂര്‍ത്തിയാക്കിയ മൂന്ന് വീടുകളുടെ താക്കോല്‍ ദാനം ഇന്ന്(26) ഉച്ചയ്ക്ക് രണ്ട് മണിക്ക് കാസര്‍കോട് ജില്ലാ സഹകരണ ബാങ്ക് ഓഡിറ്റോറിയത്തില്‍ നടക്കും. പരിപാടിയില്‍  റവന്യൂ - ഭവന നിര്‍മ്മാണ വകുപ്പ് മന്ത്രി ഇ.ചന്ദ്രശേഖരന്‍  ഭവനങ്ങളുടെ താക്കോല്‍ ദാനം നിര്‍വ്വഹിക്കും. സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് കെയര്‍ ഹോം പദ്ധതിയില്‍ പൂര്‍ത്തിയായ ഭവനങ്ങളുടെ സംസ്ഥാനതല ഉദ്ഘാടനത്തോടനുബന്ധിച്ചാണ് ജില്ലാതലത്തില്‍ പരിപാടി സംഘടിപ്പിക്കുന്നത്.

തദ്ദേശ ഭരണ സ്ഥാപനങ്ങളുടെ 2018-19 ലെ വാര്‍ഷി പദ്ധതിയുടെ ഭേദഗതികള്‍ക്ക് അംഗീകാരം നല്‍കുന്നതിന്  ജില്ലാ ആസൂത്രണ സമിതിയുടെ യോഗം മാര്‍ച്ച് ഒന്നിന് ഉച്ചക്ക് മൂന്നിന് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും.

ആരോഗ്യ ജാഗ്രത കര്‍മ്മ പരിപാടി പ്രഖ്യാപനവും ആരോഗ്യ സന്ദേശയാത്രയുടെ ജില്ലാതല ഉദ്ഘാടനവും ഇന്ന് രാവിലെ 10 മണിക്ക് മൊഗ്രാല്‍പുത്തൂര്‍ കുടുംബാരോഗ്യത്തില്‍ ജില്ലാ പഞ്ചായത്ത് പ്രസിഡണ്ട് എ.ജി.സി. ബഷീര്‍ നിര്‍വ്വഹിക്കും.  മൊഗ്രാല്‍പുത്തൂര്‍ ഗ്രാമപഞ്ചായത്ത് പ്രസിഡന്റ് എ.എ.ജലീല്‍ അധ്യക്ഷത വഹിക്കും. ജില്ലാ മെഡിക്കല്‍ ഓഫീസര്‍  ഡോ. എ.പി.ദിനേഷ്‌കുമാര്‍ പദ്ധതി വിശദീകരിക്കും. ആരോഗ്യ സന്ദേശയാത്ര ഇന്ന്  മൊഗ്രാല്‍പുത്തൂര്‍  എഫ് എച്ച് സി,മംഗല്‍പാടി,കുമ്പള,കാസര്‍കോട് പുതിയ ബസ് സ്റ്റാന്‍ഡ് എന്നിവിടങ്ങളില്‍ പര്യടനം നടത്തും

സംസ്ഥാന സര്‍ക്കരിന്റെ ആയിരം ദിനാഘോഷത്തിന്റെ ഭാഗമായി മഞ്ചേശ്വരം ഹൊസബെട്ടു ഗോവിന്ദ പൈ സ്മാരക മന്ദിരത്തില്‍ സെമിനാറും പന്തിഭോജനവും ഇന്ന് (26) നടത്തും.  മഞ്ചേശ്വരം ഗോവിന്ദപൈയുടെ മുത്തച്ഛന്‍ സാഹുകാര്‍ നാരയണ പൈ നടത്തിയ മംഗലാപുരം പന്തിഭോജനത്തിന്റെ 180 ാം വാര്‍ഷികത്തിന്റെ സ്മരണയ്ക്കാണ് സെമിനാറും പന്തിഭോജനവും നടത്തുന്നത്.  രാവിലെ 11ന് സെമിനാര്‍ ജില്ലാകള്കടര്‍ ഡോ.ഡി.സജിത്ത് ബാബു ഉദ്ഘാടനം ചെയ്യും.  മഞ്ചേശ്വരം തഹസില്‍ദാര്‍ ജോണ്‍ വര്‍ഗ്ഗീസ് അധ്യക്ഷത വഹിക്കും.  പ്രമുഖ ചരിത്രകാരന്‍ ഡോ.സി.ബാലന്‍, ബെല്‍ ത്തങ്ങാടി ഗവ. കോളേജ് കന്നടവിഭാഗം മേധാവി ഡോ.സുബ്രമണ്യ കെ.

നവോത്ഥാന സംഗമം നാളെ (ഫെബ്രുവരി 26) 

സംസ്ഥാന മന്ത്രിസഭയുടെ ആയിരം ദിനാഘോഷത്തിന്റെ ഭാഗമായുള്ള നവോത്ഥാന സംഗമം നാളെ (ഫെബ്രുവരി 26) നടക്കും. വൈകീട്ട് അഞ്ച് മണിക്ക് ടൗൺ സ്‌ക്വയറിൽ ജില്ലാ പഞ്ചായത്ത് വൈസ് പ്രസിഡണ്ട് പി പി ദിവ്യ ഉദ്ഘാടനം ചെയ്യും. കരിവെള്ളൂർ മുരളി അധ്യക്ഷനാകും. ആലങ്കോട് ലീലാകൃഷ്ണൻ മുഖ്യ പ്രഭാഷണം നടത്തും. തൂടർന്ന് ആറ് മണിക്ക് ഫോക്‌ലോർ അക്കാദമി ചെയർമാൻ സി ജെ കുട്ടപ്പനും സംഘവും അവതരിപ്പിക്കുന്ന നാടൻ പാട്ടും അരങ്ങേറും. 

മാരത്തോൺ  ഫിബ്രവരി 27 ന്

ജില്ലാ പഞ്ചായത്ത് 2017- 18 സാമ്പത്തിക വർഷത്തെ പദ്ധതിയിൽ ഉൾപ്പെടുത്തി കേരള സംസ്ഥാന സാക്ഷരതാ മിഷൻ മുഖാന്തിരം നടത്തിയ ഇതര ഭാഷാ സർട്ടിഫിക്കറ്റ് കോഴ്‌സ് പഠിതാക്കളുടെ സംഗമവും വിജയികളുടെ സർട്ടിഫിക്കറ്റ് വിതരണവും ജില്ലാ പഞ്ചായത്ത്  ഹാളിൽ പ്രസിഡണ്ട് കെ.വി. സുമേഷ് ഉദ്ഘാടനം ചെയ്തു. മാതൃഭാഷ മലയാളം പോലെ തന്നെ ദേശീയ ഭാഷ ഹിന്ദിയും ഇംഗ്ലീഷ് പോലുള്ള ഭാഷയും സായത്തമാക്കിയാൽ മാത്രമെ മാറുന്ന ലോകത്ത് മുന്നേറാൻ കഴിയൂ എന്ന് അദ്ദേഹം പറഞ്ഞു. ഭാഷാ സർട്ടിഫിക്കറ്റ് കോഴ്‌സിനും ഹയർസെക്കണ്ടറി തുല്യത കോഴ്‌സിനും  മികച്ച വിജയം കൈവരിച്ചവർക്ക് ജില്ലാ പഞ്ചായത്ത് വൈസ് പ്രസിഡണ്ട് പി.പി. ദിവ്യ ഉപഹാരം നൽകി.  

സംസ്ഥാന സർക്കാരിന്റെ ആയിരം ദിനാഘോത്തിന്റെ ഭാഗമായി വനിതാ ശാക്തീകരണം ലക്ഷ്യമാക്കി സംസ്ഥാന പട്ടികജാതി പട്ടികവർഗ വികസന കോർപ്പറേഷന്റെ ആഭിമുഖ്യത്തിൽ  നവീന വായ്പാ പദ്ധതികളുടെ ജില്ലാതല ഉദ്ഘാടനം പി കെ ശ്രീമതി ടീച്ചർ എം.പി നിർവഹിച്ചു. സാമ്പത്തികമായി പിന്നോക്കം നിൽക്കുന്ന പട്ടികജാതി, പട്ടികവർഗ വിഭാഗക്കാരെ സഹായിക്കാനാണ് സബ്‌സിഡിയോടെ വായ്പാ പദ്ധതികൾ കൊണ്ടുവന്നതെന്ന്് ശ്രീമതി ടീച്ചർ പറഞ്ഞു. ഒരു ദിവസം പോലും കേരളത്തിലെ ജനങ്ങൾ പട്ടിണി കിടക്കാൻ ഇടവരുത് എന്നാണ് സർക്കാർ ആഗ്രഹിക്കുന്നതെന്നും എം പി പറഞ്ഞു.

ലോകസഭാ തെരഞ്ഞെടുപ്പുമായി ബന്ധപ്പെട്ട് വിവിപാറ്റ്, ഇ വി എം മെഷീനുകളുടെ പ്രവർത്തനം സമ്മതിദായകർക്ക് പരിചയപ്പെടുത്തുന്നതിനായി നടത്തുന്ന ബോധവൽക്കരണ പരിപാടിയുടെ ഭാഗമായി സഞ്ചരിക്കുന്ന വിവിപാറ്റ് വാഹനം ജില്ലയിൽ പ്രയാണമാരംഭിച്ചു. വാഹനം ജില്ലാ കലക്ടർ മീർ മുഹമ്മദലി ഫ്‌ളാഗ് ഓഫ് ചെയ്തു.

15 ദിവസമാണ് വാഹനം ജില്ലയുടെ വിവിധ ഭാഗങ്ങളിൽ ബോധവൽക്കരണത്തിന്റെ ഭാഗമായി സഞ്ചരിക്കുന്നത്. ആവശ്യമെങ്കിൽ ഇത് തെരഞ്ഞെടുപ്പ് വരെ നീളും. വാഹനത്തിന്റെ അകത്ത് കയറി നമുക്ക് മെഷീനിനെ പരിചയപ്പെടാനുള്ള അവസരമൊരുക്കിയിട്ടുണ്ട്. വേണ്ട നിർദേശങ്ങൾ നൽകാൻ രണ്ടുപേർ വാഹനത്തിലുണ്ടാകും.

നവീകരണം പൂർത്തിയാക്കിയ ജില്ലാ സപ്ലൈ ഓഫീസ് ജില്ലാ കലക്ടർ മീർ മുഹമ്മദ് അലി ഉദ്ഘാടനം ചെയ്തു. സംസ്ഥാനത്തെ എല്ലാ സർക്കാർ ഓഫീസുകളും നവീകരിക്കുന്നതിന്റെ ഭാഗമായാണ് ജില്ലാ സപ്ലൈ ഓഫീസിന്റെ നവീകരണ പ്രവൃത്തികൾ നടത്തിയത്. ജില്ലാ പഞ്ചായത്ത് പ്രസിഡണ്ട് കെ വി സുമേഷ് മുഖ്യാതിഥിയായി. 

25 ലക്ഷത്തോളം രൂപ ഉപയോഗിച്ച് നാല് മാസം കൊണ്ടാണ് ഓഫീസിന്റെ നവീകരണ പ്രവൃത്തികൾ പൂർത്തിയാക്കിയിരിക്കുന്നത്. തങ്ങളുടെ ആവശ്യങ്ങൾക്കായി സപ്ലൈ ഓഫീസിലെത്തുന്നവർക്ക് മികച്ച സേവനം ലഭ്യമാക്കാൻ കഴിയുന്ന രീതിയിലാണ് ഓഫീസ് നിർമ്മാണം. ഇടുങ്ങിയ അന്തരീക്ഷത്തിൽ നിന്ന് മാറി വിശാലമായ സൗകര്യങ്ങളാണ് പുതുക്കിയ ഓഫീസിലുള്ളത്. 

ജില്ലയിൽ നടപ്പിലാക്കി വരുന്ന വിവിധ കേന്ദ്രാവിഷ്‌കൃത പദ്ധതികളിൽ മികച്ച മുന്നേറ്റം ഉണ്ടായതായി ദിശ യോഗം വിലയിരുത്തി. കഴിഞ്ഞ അഞ്ച് വർഷത്തിനിടെ മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയിൽ ഏറ്റവും കൂടുതൽ തൊഴിൽ നൽകിയത് 2018-19 വർഷമാണെന്ന് യോഗത്തിൽ അറിയിച്ചു. 39,87,766 തൊഴിൽ ദിനങ്ങൾ അനുവദിച്ചതിലൂടെ 78,662 കുടുംബങ്ങൾക്കാണ് ഈ വർഷം തൊഴിൽ ലഭിച്ചത്. രാജീവ് ഗാന്ധി കുടിവെള്ള പദ്ധതിയിൽ 4.63 കോടി രൂപയുടെ പ്രവൃത്തി പുരോഗമിച്ചു വരുന്നതായും ഡിസ്ട്രിക്ട് ഡെവലപ്‌മെന്റ് കോ-ഓർഡിനേഷൻ ആൻഡ് മോണിറ്ററിംഗ് കമ്മിറ്റിയുടെ നാലാംപാദ യോഗം വിലയിരുത്തി.