ജലസേചന വകുപ്പിലെ ലാസ്റ്റ്‌ഗ്രേഡ് ജീവനക്കാരുടെ 01/01/2018ലെ ഏകീകരിച്ച അന്തിമ മുൻഗണനാപട്ടിക പ്രസിദ്ധീകരിച്ചിട്ടുണ്ട്. വകുപ്പിന്റെ ഔദ്യോഗിക വെബ്‌സൈറ്റായ  www.irrigation.kerala.gov.in ലും കേരളാ ഗസറ്റിലും ലഭ്യമാണ്.

പി.എൻ.എക്സ്. 734/19

സാധുക്കളായ വിധവകൾക്ക് സ്വയംതൊഴിൽ ചെയ്യുന്നതിനായി വനിതാശിശുവകുപ്പ് മുഖേന നടപ്പിലാക്കുന്ന സഹായഹസ്തം പദ്ധതിയുടെ സംസ്ഥാനതല ഉദ്ഘാടനം ഇന്ന് (27-02-2019) പബ്ലിക് ലൈബ്രറി ഹാളിൽ ആരോഗ്യ-സാമൂഹികനീതി, വനിതാ ശിശുവികസന മന്ത്രി കെ.കെ. ശൈലജ ടീച്ചർ നിർവഹിക്കും. പദ്ധതി പ്രകാരം ഒരു ഗുണഭോക്താവിന് 30,000 രൂപയാണ് ധനസഹായം ലഭിക്കുന്നത്.

പി.എൻ.എക്സ്. 733/19

തിരുവനന്തപുരം റീജിയണൽ ട്രാൻസ്‌പോർട്ട് ഓഫീസ് ആധുനിക സാങ്കേതിക വിദ്യകളോടു കൂടിയ പുതിയ മന്ദിരത്തിലേക്ക് മാറുന്നതിന്റെയും 'വാഹൻ സാരഥി' സോഫ്റ്റ്‌വെയറുകളുടെയും പ്രവർത്തനോദ്ഘാടനവും ഇന്ന് (ഫെബ്രു: 27) നടക്കും. രാവിലെ 11ന് തമ്പാനൂരിൽ ആധുനിക ആർ.ടി. ഓഫീസ് ഗതാഗതമന്ത്രി എ.കെ. ശശീന്ദ്രനും 'വാഹൻ സാരഥി' പദ്ധതി മന്ത്രി കടകംപള്ളി സുരേന്ദ്രനും ഉദ്ഘാടനം ചെയ്യും. 

സംസ്ഥാന വിദ്യാഭ്യാസ ഗവേഷണ പരിശീലന സ്ഥാപനത്തിൽ (എസ്.സി.ഇ.ആർ.ടി) വിവിധ റിസർച്ച് പ്രോജക്റ്റുകളിലേക്ക് ജൂനിയർ റിസർച്ച് ഫെല്ലോമാരുടെ ഒഴിവുകളിലേക്ക് അപേക്ഷിക്കാം. വിശദ വിവരങ്ങൾക്ക്: www.scert.kerala.gov.in

പി.എൻ.എക്സ്. 731/19

തിരുവനന്തപുരത്തെ സംസ്ഥാന തിരഞ്ഞെടുപ്പ് കമ്മീഷൻ ആസ്ഥാനത്ത് ഓഫീസ്  അറ്റൻഡന്റിന്റെ ഒരു ഒഴിവിലേക്ക് ഡെപ്യൂട്ടേഷൻ വ്യവസ്ഥയിൽ നിയമനം ലഭിക്കുന്നതിന് അപേക്ഷിക്കാം. സെക്രട്ടറിയേറ്റിലും മറ്റ് സർക്കാർ വകുപ്പുകളിലും സമാനതസ്തികകളിൽ ജോലി നോക്കുന്നവർ മാർച്ച് 20 നകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ് സമുച്ചയം, എൽ.എം. എസ് ജംഗ്ഷൻ, തിരുവനന്തപുരം-695633 എന്ന വിലാസത്തിൽ അപേക്ഷിക്കണം.

പി.എൻ.എക്സ്. 730/19

കെ.എസ്.ആർ.ടി.സി ലോ ഫ്‌ളോർ ബസുകളിൽ ഭിന്നശേഷിക്കാർക്ക് സൗകര്യം പുനഃസ്ഥാപിക്കാൻ കെ.എസ്.ആർ.ടി.സിക്ക് നിർദേശം നൽകിയതായി ഗതാഗതമന്ത്രി എ.കെ. ശശീന്ദ്രൻ അറിയിച്ചു. ലോ ഫ്‌ളോർ ബസുകളിൽ സീറ്റ് ക്രമീകരിച്ചപ്പോൾ ഭിന്നശേഷിക്കാർക്കുള്ള സൗകര്യങ്ങൾ നഷ്ടപ്പെട്ടതായി പരാതി ഉയർന്നിരുന്നു. ഈ സാഹചര്യത്തിലാണ് നേരത്തെ ഉണ്ടായിരുന്ന സൗകര്യം അതേപടി നിലനിർത്താൻ മന്ത്രി നിർദേ ശിച്ചത്. 

പി.എൻ.എക്സ്. 729/19

ബഹുജന പങ്കാളിത്തത്തോടെയുള്ള വന സംരക്ഷണമാണ് സര്‍ക്കാര്‍ ലക്ഷ്യമിടുന്നതെന്ന് വനം വകുപ്പ് മന്ത്രി കെ രാജു പറഞ്ഞു. പശുക്കടവ് ഫോറസ്റ്റ് സെക്ഷന്‍ ഓഫീസിന്റെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. ബഹുജനങ്ങള്‍ ഒരു ഭാഗത്തും വനംവകുപ്പ് ഒരു ഭാഗത്തും നിന്നുള്ള വന സംരക്ഷണമല്ല വേണ്ടത്. വന്യ ജീവി നാട്ടിലിറങ്ങിയാല്‍ അതിനെ കാട്ടിലേക്ക് വിടാന്‍ പരിചയസമ്പന്നരായവരുമായി ആലോചിച്ച് അവരോടൊപ്പം നിന്ന് അവര്‍ക്ക് ആത്മവിശ്വാസം നല്‍കി ആപത്തില്‍ നിന്ന് രക്ഷിക്കുന്ന സമീപനമാണ് ഉദ്യോഗസ്ഥര്‍ സ്വീകരിക്കേണ്ടത്.

ക്ഷേത്രപ്രവേശന വിളംബരത്തിന്റെയും വൈലോപ്പിള്ളി, കടമ്മനിട്ട എന്നീ വിഖ്യാത കവികളുടെ കാവ്യജീവിതത്തിന്റെയും നേര്‍ക്കാഴ്ചയായി അതിജീവനം ഡോക്യമെന്ററി ഫെസ്റ്റ്. സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി കടപ്പുറത്ത് പ്രത്യേകം ഒരുക്കിയ വേദിയില്‍ സംഘടിപ്പിച്ച ഡോക്യുമെന്ററി ഫെസ്റ്റിന്റെ രണ്ടാം ദിനത്തില്‍ ഡോ.വിനോദ് മങ്കര സംവിധാനം ചെയ്ത ക്ഷേത്രപ്രവേശന വിളംബരം -സമര വിജയവീഥികള്‍, ആര്‍.ജയരാജ് സംവിധാനം ചെയ്ത കടമ്മന്‍-പ്രകൃതിയുടെ പടയണിക്കാരന്‍, ടി.ആര്‍.പ്രിയനനന്ദന്‍ സംവിധാനം ചെയ്ത വൈലോപ്പിള്ളി ഒരു കാവ്യജീവിതം എന്നിവ പ്രദര്‍ശിപ്പിച്ചു.

 സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി കെ.പി.എ.സി അവതരിപ്പിക്കുന്ന  നാടകം മഹാകവി കാളിദാസന്‍  ഇന്ന് വൈകീട്ട് 6.45 ന് (26 ന്) കോഴിക്കോട് ടൗണ്‍ ഹാളില്‍ അരങ്ങേറും.

സംസ്ഥാന സര്‍ക്കാര്‍ ആയിരം ദിനാഘോഷത്തന്റെ ഭാഗമായി ഒരുക്കിയ ഉല്‍പന്ന പ്രദര്‍ശന വിപണന മേളയില്‍ ശ്രദ്ധേയമാവുകയാണ് കെ.എസ്.ഇ.ബി സ്റ്റാള്‍. വെറും കാഴ്ച്ചക്കപ്പുറം സ്റ്റാളിലെത്തുന്ന ജനങ്ങള്‍ക്ക് വിജ്ഞാനപ്രദമായ അറിവുകള്‍ കൂടി നല്‍കുകയാണ് കെ.എസ്.ഇ.ബി ജീവനക്കാര്‍ ഒരുക്കിയ പ്രദര്‍ശനം.