നാഗമ്പടം മൈതാനിയില്‍ ഇന്ന് (ഫെബ്രുവരി 26 ന് ) നീര്‍ത്തടാധിഷ്ഠിത മണ്ണ് ജല സംരക്ഷണവും നൂതന സങ്കേതങ്ങളും എന്ന വിഷയത്തില്‍ സെമിനാര്‍ 10 മണിക്കും വിദ്യാഭ്യാസവും കേരള നവോത്ഥാനവും എന്ന വിഷയത്തില്‍ സെമിനാര്‍ 2 മണിക്കും നടക്കും. വിദ്യാര്‍ത്ഥികളും മാതാപിതാക്കളും അവതരിപ്പിക്കുന്ന കലാമേള 4.30 നും വൈക്കം വിജയ ലക്ഷ്മി അവതരിപ്പിക്കുന്ന ഗാനമേള 6.30 നും നടക്കും. നാളെ (ഫെബ്രുവരി 26) 10 ന് ക്ഷീരമേഖല നേരിടുന്ന വെല്ലുവിളികള്‍ എന്ന വിഷയത്തില്‍ സെമിനാര്‍ നടക്കും. ക്ഷീര വികസന ഡെപ്യൂട്ടി ഡയറക്ടര്‍ ടി.കെ അനികുമാരി സെമിനാര്‍ നയിക്കും

സംസ്ഥാന സര്‍ക്കാരിന്റെ 1000 ദിനാഘോഷങ്ങളോടനുബന്ധിച്ച് നാഗമ്പടത്ത് നടക്കുന്ന പ്രദര്‍ശന മേളയില്‍ കാണികളുടെ ശ്രദ്ധ പിടിച്ചുപറ്റി പോലീസ് നായകളുടെ അഭ്യാസ പ്രകടനം. ജില്ലാ ഡോഗ് സ്‌ക്വാഡിലെ ജില്‍, ബെയ്‌ലി, റീന, ഡോണ്‍ എന്നീ നായ്ക്കളാണ് വേദിയില്‍ പ്രകടനം കാഴ്ച വെച്ചത്. സദസിനെ അഭിസംബോധന ചെയ്ത് പുല്‍വാമ ജവാന്മാര്‍ക്ക് ആദരാഞ്ജലി അര്‍പ്പിച്ചു കൊണ്ടാണ് നായ്ക്കള്‍ പ്രകടനം  ആരംഭിച്ചത്. പരിശീലകര്‍ നല്‍കുന്ന ശബ്ദം, ആംഗ്യം, എന്നിവ ശ്രദ്ധിച്ച് അവര്‍ മികച്ച പ്രകടനം അവതരിപ്പിച്ച് സദസിന്റെ കൈയടി നേടി. 

അഞ്ചു കസേരകളില്‍ ഒന്നിനടിയില്‍ വെച്ച ബോംബ് കൃത്യമായി കണ്ടെത്തിയും

സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ഭാഗമായി സര്‍ഗസന്ധ്യ സംഘടിപ്പിച്ചു. പോലീസ് വകുപ്പിന്റെ ആഭിമുഖ്യത്തില്‍ സംഘടിപ്പിച്ച  സര്‍ഗസന്ധ്യ സിനിമാ താരം ടിനി ടോം ഉദ്ഘാടനം ചെയ്തു. ലഹരി വിരുദ്ധ, ട്രാഫിക് ബോധവത്കരണ ചിത്രരചന മത്സര വിജയികള്‍ക്കുള്ള സമ്മാനദാനവും മുഖ്യ പ്രഭാഷണവും  ജില്ലാ പോലീസ് മേധാവി ഹരിശങ്കര്‍ നിര്‍വഹിച്ചു. ചടങ്ങില്‍ അഡീഷണല്‍ സൂപ്രണ്ട് ഓഫ് പോലീസ് നസീം എ അധ്യക്ഷത വഹിച്ചു. നാര്‍ക്കോട്ടിക് സെല്‍ ഡെപ്യൂട്ടി പോലീസ് സൂപ്രണ്ട് വിനോദ് പിള്ള സ്വാഗതവും സബ് ഇന്‍സ്‌പെക്ടര്‍ വേണുഗോപാല്‍ കെ.പി നന്ദിയും പറഞ്ഞു. 

സംസ്ഥാന സര്‍ക്കാരിന്റെ 1000 ദിനാഘോഷങ്ങളോടനുബന്ധിച്ച് നാഗമ്പടം മൈതാനിയില്‍ സംഘടിപ്പിച്ച പ്രദര്‍ശന മേളയില്‍ അരങ്ങേറിയ ചവിട്ടുനാടകം ശ്രദ്ധേയമായി. നടന്‍ സ്വയം പാട്ടു പാടി ചവിട്ടിക്കളിക്കുന്ന പരമ്പരാഗത ശൈലിയിലാണ് അവതരിപ്പിച്ചത്.കൊച്ചിന്‍ ചവിട്ടുനാടക കളരിയിലെ 13 കലാകാരന്മാര്‍ ചേര്‍ന്നാണ് ഷേക്‌സ്പിയറിന്റെ ജൂലിയസ് സീസര്‍ അരങ്ങിലെത്തിച്ചത്. കേരള സംഗീത നാടക അക്കാദമിയുടെയും, കേരള ഫോക്‌ലോര്‍ അക്കാദമിയുടെയും അംഗീകാരത്തോടെ പ്രവര്‍ത്തിക്കുന്ന കളരികളില്‍ ഒന്നാണിത്.

2013 - ലെ കേരള സംഗീത നാടക അക്കാദമി അവാര്‍ഡ് ജേതാവ് കലാശ്രീ ബ്രിട്ടോ വിന്‍സെന്റാണ് നാടക രചനയും സംവിധാനവും നിര്‍വ്വഹിച്ചത്.

കുടിവെള്ള ക്ഷാമമോ മാലിന്യപ്രശ്‌നങ്ങളോ ഇല്ല.  സാധനങ്ങള്‍ വാങ്ങാന്‍ തുണി സഞ്ചികള്‍, പൊതു പരിപാടികളില്‍ ഭക്ഷണം വിതരണം ചെയ്യാന്‍ സ്റ്റീല്‍ പ്ലേറ്റുകള്‍, ഗ്ലാസുകള്‍, കിണര്‍ ഫില്‍ട്ടറിങ്, കിണര്‍ റീച്ചാര്‍ജ്ജിംഗ്, പ്രദേശത്തെ പ്ലാസ്റ്റിക് കുപ്പികള്‍ ശേഖരിക്കുന്നതിന്  പ്രത്യേക ബോട്ടില്‍ ബൂത്ത് എന്നിങ്ങനെ പൂഞ്ഞാര്‍ ഗ്രാമപഞ്ചായത്ത് പറഞ്ഞത് ഒരു ശുചിത്വ സുന്ദര പൂഞ്ഞാറിന്റെ സംഭവകഥയായിരുന്നു. ~ഒരു ഗ്രാമം നന്മയിലേക്ക് ചുവടുവെയ്ക്കുന്നതിന്റെ കഥ. അങ്ങനെ ആ കഥയ്ക്ക് ശുചിത്വ മികവിന്റെ ഒന്നാംസ്ഥാനവും ലഭിച്ചു. 

      ജില്ലയില്‍ മത്സ്യത്തൊഴിലാളി കടാശ്വാസ കമ്മീഷന്‍ സിറ്റിംഗ്/അദാലത്ത് ഫെബ്രുവരി 27 രാവിലെ 10ന് കോട്ടയം, വൈക്കം സര്‍ക്കാര്‍ റസ്റ്റ് ഹൗസില്‍ നടക്കും. കമ്മീഷനില്‍ നിന്നും നോട്ടീസ് കൈപ്പറ്റിയ അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും അന്നേ ദിവസം രാവിലെ 10ന് കോട്ടയം, വൈക്കം സര്‍ക്കാര്‍ റെസ്റ്റ് ഹൗസില്‍ ഹാജരാകണം.