രാമനാട്ടുകര മുന്‍സിപ്പാലിറ്റിയിലെ ചിറക്കാംകുന്ന് എസ്.സി കോളനി, ഡിവിഷന്‍ 7 -ല്‍ നാലര ഇഞ്ച് വ്യാസമുളള കുഴല്‍ക്കിണര്‍ നിര്‍മ്മിക്കുന്ന ജോലി നടപ്പിലാക്കുന്നതിനുളള പുനര്‍ ദര്‍ഘാസുകള്‍ ജൂണ്‍ 18  രാവിലെ 10 മണി മുതല്‍ 21 ന് ഒരു മണി വരെ ഭൂജലവകുപ്പ്, കോഴിക്കോട് ജില്ലാ ഓഫീസില്‍ നിന്നും ലഭ്യമാണ്. ഫോണ്‍ - 0495 2370016. 

വെള്ളിമാടുകുന്ന് ഗവ ചില്‍ഡ്രന്‍സ് ഹോം ഫോര്‍ ബോയ്‌സില്‍ നിന്നും ഹൈസ്‌കൂള്‍, ഹയര്‍സെക്കന്ററി ക്ലാസില്‍ പഠിക്കുന്ന കുട്ടികളെ എന്‍.ജി.ഒ ക്വാര്‍ട്ടേഴ്‌സ് സ്‌കൂള്‍, ജെ.ഡി.റ്റി ഇസ്ലാം സ്‌കൂള്‍ എന്നീ സ്ഥാപനങ്ങളില്‍ എത്തിക്കുന്നതിനും തിരികെ താമസസ്ഥലത്ത് എത്തിക്കുന്നതിനും വാഹനം വാടകയ്ക്ക് നല്‍കുന്നതിന് വാഹന ഉടമകളില്‍ നിന്ന് ക്വട്ടേഷന്‍ ക്ഷണിച്ചു. ടെണ്ടര്‍ സമര്‍പ്പിക്കേണ്ട അവസാന തീയതി 22 ന് ഉച്ചയ്ക്ക് മൂന്ന് മണി. ഫോണ്‍: 0495 2731907. 

എന്‍.വി.ബി.ഡി.സി.പിയ്ക്ക് കീഴില്‍ കോഴിക്കോട് കോര്‍പ്പറേഷന്‍ പരിധിയില്‍ ഡെങ്കി, ചിക്കന്‍ഗുനിയ നിയന്ത്രണ പരിപാടികളുമായി ബന്ധപ്പെട്ട പ്രവര്‍ത്തനങ്ങള്‍ക്ക് 90 ദിവസത്തേക്ക് കണ്ടിന്‍ജന്‍സി വര്‍ക്കര്‍മാരെ ദിവസവേതനാടിസ്ഥാനത്തില്‍ താല്‍ക്കാലികമായി നിയമിക്കും. പ്രായപരിധി 45 വയസ്സ്. യോഗ്യത - എട്ടാം ക്ലാസ് . താല്‍പ്പര്യമുള്ളവര്‍ ജൂണ്‍ ഒന്നിന് രാവിലെ 10 മണിക്ക് യോഗ്യതാ സര്‍ട്ടിഫിക്കറ്റുകളും തിരിച്ചറിയില്‍ രേഖയും സഹിതം കോഴിക്കോട് സിവില്‍സ്റ്റേഷനിലെ ഐ.ഡി.എസ്.പി ഹാളില്‍ ഹാജരാവണം. 

കോഴിക്കോട് ആരോഗ്യകേരളം പദ്ധതിയിലേക്ക് കരാര്‍ അടിസ്ഥാനത്തില്‍ ടാക്‌സി പെര്‍മിറ്റുളള എയര്‍ കണ്ടീഷന്‍ വാഹനങ്ങള്‍ ആവശ്യമുണ്ട്. വിശദ വിവരങ്ങള്‍ക്ക് 0495 2374990, വെബസൈറ്റ് - www.arogyakeralam.gov.in.

ഐ.എച്ച്.ആര്‍.ഡിയുടെ കീഴിലെ 8 മോഡല്‍ പോളിടെക്‌നിക് കോളേജുകളില്‍ 2019-20 അധ്യയനവര്‍ഷത്തില്‍ ഡിപ്ലോമ പ്രവേശനത്തിന് അപേക്ഷിക്കുവാനുള്ള അവസാന തീയതി നീട്ടി.  ജൂണ്‍ 8 ന്  വൈകിട്ട് 5 മണി വരെ www.ihrdmptc.org എന്ന അഡ്മിഷന്‍ പോര്‍ട്ടല്‍  വഴി അപേക്ഷ സമര്‍പ്പിക്കാം.  ഓണ്‍ലൈനായി സമര്‍പ്പിച്ച അപേക്ഷയുടെ പകര്‍പ്പ് മറ്റ് അനുബന്ധങ്ങള്‍ സഹിതം 2019 ജൂണ്‍ 10 ന്  5 മണിക്കകം പ്രവേശനം ആഗ്രഹിക്കുന്ന കോളേജ് പ്രിന്‍സിപ്പലിന് സമര്‍പ്പിക്കണം.   വിശദവിവരങ്ങള്‍ അഡ്മിഷന്‍ പോര്‍ട്ടലില്‍ ലഭ്യമാണ്.

കേരള സര്‍ക്കാര്‍ സ്ഥാപനമായ ഐ. എച്ച്. ആര്‍.ഡി യുടെ കീഴില്‍ കോഴിക്കോട് തിരുത്തിയാട് പ്രവര്‍ത്തിക്കുന്ന ടെക്‌നിക്കല്‍ ഹയര്‍ സെക്കന്ററി സ് കൂളില്‍ പ്ലസ് വണ്‍ ക്ലാസിലേക്കുള്ള  പ്രവേശനത്തിനായുള്ള രണ്ടാം ഘട്ട അലോട്ട്‌മെന്റിന് മെയ് 31  വരെ അപേഷിക്കാം.  അപേക്ഷഫോമും വിവരണവും www.ihrd.ac.in എന്ന വെബ്  സൈറ്റില്‍നിന്നും ഡൗണ്‍ലോഡ് ചെയ്‌തെടുക്കുകയോ സ്‌കൂള്‍ ഓഫീസില്‍ നിന്ന് നേരിട്ട് വാങ്ങുകയോ ചെയ്യാം. വിശദ വിവരങ്ങള്‍ക്ക്: 8547005031, 0495 2721070.  

ജില്ലയില്‍ സന്നദ്ധ രക്തദാനം വിവിധ സംഘടനകളുടെയും വകുപ്പുകളുടെയും സഹകരണത്തോടെ ശക്തമാക്കണമെന്നും എയ്ഡ്‌സ് ബോധവത്കരണ പ്രവര്‍ത്തനങ്ങള്‍ വിദ്യാര്‍ത്ഥികളിലും സമൂഹത്തിന്റെ വിവിധ തലങ്ങളിലും എത്തിക്കുവാന്‍ എല്ലാ വിദ്യാലയങ്ങളിലും റെഡ് റിബ്ബണ്‍ ക്ലബുകള്‍ ആരംഭിക്കണമെന്നും എ.ഡി.എം ഇ.പി മേഴ്‌സി പറഞ്ഞു. ജില്ലയിലെ എയ്ഡ്‌സ് നിയന്ത്രണ പ്രതിരോധ പ്രവര്‍ത്തനങ്ങളെക്കുറിച്ച് കലക്‌ട്രേറ്റില്‍ ചേര്‍ന്ന അവലോകനയോഗത്തില്‍ സംസാരിക്കുകയായിരുന്നു എ.ഡി.എം.

  വേനല്‍ അവധിക്കാലം കഴിഞ്ഞ് പുതിയ അദ്ധ്യയന വര്‍ഷത്തിനൊരുങ്ങുന്ന വിദ്യാര്‍ത്ഥികള്‍ക്ക് സുരക്ഷിതവും, ശുചിത്വവും ഉള്ള പഠന സാഹചര്യം ഒരുക്കുവാന്‍ അരിമ്പ്ര ജി.വി.എച്ച്.എസ് സ്‌കൂളില്‍ നാട്ടുകാരുടെയും പുര്‍വ വിദ്യാര്‍ത്ഥികളുടെയും നേതൃത്വത്തില്‍ ശുചീകരണം നടത്തി.  

അരിമ്പ്ര-മുസ്ലിയാരങ്ങാടി റോഡില്‍ നവീകരണ പ്രവൃത്തി നടക്കുന്നതിനാല്‍ മെയ് 22 മുതല്‍ പ്രവൃത്തി തീരുന്നതു വരെ ഗതാഗത നിയന്ത്രണം തടസ്സപ്പെടും. വാഹനങ്ങള്‍ ചോലമുക്ക് റോഡ് വഴി പോകണം.