കേരള സർക്കാർ സ്ഥാപനമായ മോഡൽ ഫിനിഷിംഗ് സ്‌കൂളിൽ ഫോറിൻ ലാംഗ്വേജ് കോഴ്‌സുകളിലേക്ക് അപേക്ഷിക്കാം. ഫ്രഞ്ച്, ജർമ്മൻ, റഷ്യൻ, മാൻഡാറിൻ (ചൈനീസ്) ഭാഷകളാണ് പഠിപ്പിക്കുന്നത്. 60 മണിക്കൂർ ദൈർഘ്യമുള്ള ഒരു കോഴ്‌സിന് 4500 + ജി.എസ്.റ്റി ആണ് ഫീസ്. താൽപര്യമുള്ളവർ 31ന് രാവിലെ പത്ത് മണിക്ക് മോഡൽ ഫിനിഷിംഗ് സ്‌കൂളിലെത്തി രജിസ്റ്റർ ചെയ്യണം. കൂടുതൽ വിവരങ്ങൾക്ക്: 0471-2307733, 9446511777.
പി.എൻ.എക്സ്. 1522/19

ഐ.എച്ച്.ആർ.ഡി. യുടെ തിരുവനന്തപുരം മോഡൽ ഫിനിഷിംഗ് സ്‌കൂളിൽ എം.ടെക് കമ്പ്യൂട്ടർ സയൻസ് ആന്റ് എൻജിനീയറിംഗ് ബിരുദധാരികളിൽ നിന്നും പ്രോജക്ട് ഫെല്ലോ തസ്തികയിൽ കരാർ അടിസ്ഥാനത്തിൽ നിയമിക്കുന്നതിന് അപേക്ഷ ക്ഷണിച്ചു. താൽപര്യമുള്ളവർ അസൽ സർട്ടിഫിക്കറ്റുകളുമായി ജൂൺ 7ന് രാവിലെ 11ന് തിരുവനന്തപുരം മോഡൽ ഫിനിഷിംഗ് സ്‌കൂളിൽ എത്തണം. കൂടുതൽ വിവരങ്ങൾക്ക്: 0471-2307733, 9446511777.
പി.എൻ.എക്സ്. 1521/19

തിരുവനന്തപുരം ഡ്രഗ്‌സ് ടെസ്റ്റിംഗ് ലബോറട്ടറിയിലെയും, എറണാകുളം റീജിയണൽ ഡ്രഗ്‌സ് ടെസ്റ്റിംഗ് ലബോറട്ടറിയിലെയും പരിശോധനയിൽ ഗുണനിലവാരമില്ലാത്തതെന്ന് കണ്ടെൺത്തിയ താഴെപ്പറയുന്ന ബാച്ച് മുരുന്നുകളുടെ വിൽപ്പനയും വിതരണവും സംസ്ഥാനത്ത് നിരോധിച്ചതായി ഡ്രഗ്‌സ് കൺട്രോൾ വകുപ്പ് അറിയിച്ചു.  ഈ ബാച്ചുകളുടെ സ്റ്റോക്ക് കൈവശമുളളവർ അവ വിതരണം ചെയ്തവർക്ക് തിരികെ അയച്ച് പൂർണ വിശദാംശങ്ങൾ അതത് ജില്ലയിലെ ഡ്രഗ്‌സ് കൺട്രോൾ ഓഫീസിൽ നൽകണം. മരുന്നിന്റെ പേര്, ഉത്പാദകർ, ബാച്ച് നം, കാലാവധി എന്നിവ ക്രമത്തിൽ:

സംസ്ഥാന സഹകരണ യൂണിയന്റെ ആഭിമുഖ്യത്തിൽ ആഗസ്റ്റിൽ ആരംഭിക്കുന്ന ഹയർ ഡിപ്ലോമ ഇൻ കോ ഓപ്പറേഷൻ ആന്റ് ബിസിനസ്സ് മാനേജ്‌മെന്റ് കോഴ്‌സിൽ അപേക്ഷ ക്ഷണിച്ചു.
അപേക്ഷാഫോറം ജൂൺ 1 മുതൽ തിരുവനന്തപുരം, കൊട്ടാരക്കര, ചേർത്തല, ആറ•ുള, കോട്ടയം, പാല, നോർത്ത് പറവൂർ, തൃശൂർ, പാലക്കാട്, തിരൂർ, കോഴിക്കോട്, തലശ്ശേരി, കാഞ്ഞങ്ങാട് സഹകരണ പരിശീലന കോളേജുകളിൽ ലഭിക്കും.

ലോക പുകയില വിരുദ്ധ ദിനാചരണത്തിന്റെ സംസ്ഥാനതല ഉദ്ഘാടനം 31ന് രാവിലെ 11ന് തൊഴിൽ എക്‌സൈസ് മന്ത്രി ടി.പി രാമകൃഷ്ണൻ വി.ജെ.ടി ഹാളിൽ നിർവഹിക്കും.  വി.എസ് ശിവകുമാർ എം.എൽ.എ അധ്യക്ഷത വഹിക്കും.
എക്‌സൈസ് കമ്മീഷണർ ഋഷിരാജ് സിംഗ് സ്വാഗതം പറയും.  വിമുക്തി ഷോർട്ട് ഫിലിം മത്സരവിജയികൾക്ക് സമ്മാനങ്ങൾ മന്ത്രി വിതരണം ചെയ്യും.  മേയർ വി.കെ പ്രശാന്ത് പുകയില വിരുദ്ധ സന്ദേശം നൽകും.  വിമുക്തി പരസ്യ ചിത്രത്തിന്റെ പ്രകാശനവും നിർവഹിക്കും.  വിമുക്തി ഔദ്യോഗിക വെബ്‌സൈറ്റ് അഡീഷണൽ ചീഫ് സെക്രട്ടറി ഡോ. ആശാ തോമസ് ഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡന്റ് വി.കെ മധു വിമുക്തി മൊബൈൽ ആപ്ലിക്കേഷൻ ഉദ്ഘാടനം ചെയ്യും.

പ്രളയാനന്തരകാലത്തെ കെ. എഫ്. സിയുടെ പ്രവർത്തനം മാതൃകാപരമാണെന്ന് മുഖ്യമന്ത്രി പിണറായി വിജയൻ പറഞ്ഞു. മാസ്‌കറ്റ് ഹോട്ടലിൽ സംഘടിപ്പിച്ച കെ. എഫ്. സി വാർഷിക കോൺക്‌ളേവ് ഉദ്ഘാടനം ചെയ്യുകയായിരുന്നു അദ്ദേഹം. 

ജില്ലയിൽ വിവിധ വകുപ്പുകളുടെ ഓഫീസുകളിൽ ജോലിയിൽ പ്രവേശിക്കുന്ന പാർട്ട് ടൈം കണ്ടിജന്റ് ജീവനക്കാരുടെ ജില്ലാതല താൽക്കാലിക സീനിയോറിറ്റി ലിസ്റ്റ് പ്രസിദ്ധീകരിച്ചു. ലിസ്റ്റ് എല്ലാ താലൂക്ക് ഓഫീസുകളിലും കളക്ടറേറ്റിലും പരിശോധനയ്ക്ക് ലഭ്യമാണ്. ആക്ഷേപമുളള പക്ഷം ബന്ധപ്പെട്ട ജീവനക്കാർ ലിസ്റ്റ് പ്രസിദ്ധപ്പെടുത്തി തീയതി മുതൽ 15 ദിവസത്തിനകം ആക്ഷേപം സാധൂകരിക്കുന്നതിനുളള രേഖകളുടെ സാക്ഷ്യപ്പെടുത്തിയ പകർപ്പ് സഹിതം ഓഫീസ് മേധാവി മുഖേന കളക്‌ടേറ്റിൽ അപേക്ഷ നൽകണം. 
 

ഔദ്യോഗിക ഭാഷയുമായി ബന്ധപ്പെട്ട് റിപ്പോർട്ട് എല്ലാ മാസവും അഞ്ചാം തീയതിക്കകം കളക്ടറേറ്റിൽ ഔദ്യോഗിക ഭാഷ സെല്ലിൽ നൽകണമെന്ന് എഡിഎം റെജി പി ജോസഫ് പറഞ്ഞു. കളക്ടറേറ്റ് കോൺഫറൻസ് ഹാളിൽ നടന്ന ഔദ്യോഗിക ഭാഷ അവലോകന യോഗത്തിലാണ് ഇക്കാര്യം അറിയിച്ചത്. മലയാളം യൂണികോഡ് ടൈപ്പിങ് അറിയാത്ത ഉദ്യോഗസ്ഥർക്ക് പരിശീലനം നൽകും. പരിശീലനം ലഭിക്കാത്ത വരും പേര് വിവരം മേധാവികൾ നൽകേണ്ടതാണ്. എല്ലാ ഓഫീസും ഇ-ഓഫീസായി മാറുന്നതിന്റെ ഭാഗമായിട്ടാണ് ഉദ്യോഗസ്ഥർക്ക് മലയാളം ടൈപ്പിങ് പരിശീലനം ആവശ്യമായി വന്നിരിക്കുന്നത്. യോഗത്തിൽ ജില്ലാതല ഉദ്യോഗസ്ഥർ പങ്കെടുത്തു.