അലങ്കാര മത്സ്യങ്ങളും വളര്‍ത്തു മത്സ്യങ്ങളുമായി ഫിഷറീസ് വകുപ്പിന്റെ സ്റ്റാള്‍ മേളയില്‍ ശ്രദ്ധയാകര്‍ഷിക്കുന്നു. സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് ശബരിമല ഇടത്താവളത്തില്‍ നടക്കുന്ന മേളയിലാണ് സ്റ്റാള്‍ കൗതുകമാകുന്നത്. കാര്‍പ്പ്, കട്‌ല, ഗപ്പി, പാരറ്റ് സിച്ചില്‍സ്, വൈറ്റ് ഷാര്‍ക്ക്, ആസാം വാള, കലാപ്പിയ, കരിമീന്‍, എയ്ഞ്ചല്‍ ഫിഷ്, മൃഗാള്‍, ഓസ്‌ക്കര്‍ തുടങ്ങിയ അലങ്കാര- വളര്‍ത്തു മത്സ്യങ്ങളുടെ പ്രദര്‍ശനമാണ് ഇവിടുത്തെ മുഖ്യ ആകര്‍ഷണം. അസിസ്റ്റന്റ് ഫിഷറീസ് ഡയറക്ടര്‍ എസ്.പ്രിന്‍സാണ് സ്റ്റാളിന്റെ പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്.

സമൂഹത്തെ കാര്‍ന്നു തിന്നുന്ന ലഹരിക്കെതിരെ ഓട്ടന്‍തുള്ളലിലൂടെ ബോധവത്കരണവുമായി സിവില്‍ എക്‌സൈസ് ഓഫീസറായ വി ജയരാജ്.  സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി ശബരിമല ഇടത്താവള ത്തിലൊരുക്കിയ പ്രദര്‍ശന വിപണന മേളയിലാണ് വേറിട്ട വിരുന്നുമായി ജയരാജ് എത്തിയത്. സംസ്ഥാന സര്‍ക്കാരിന്റെ വിമുക്തി മിഷന്റെ ഭാഗമായി ജീവിതം തന്നെ  ലഹരിയെന്ന സന്ദേശമാണ്  അദ്ദേഹം സമൂഹത്തിന് മുന്നില്‍ നൃത്തരൂപത്തിലൂടെ കാണിച്ചു കൊടുക്കുന്നത്. 

എറണാകുളം റേഞ്ച് ഓഫീസറായ ഈ നാല്‍പ്പത്തിനാലുകാരന്‍ കലയുടെ യാതൊരു പാരമ്പര്യവുമില്ലാതെയാണ് ഒരു വര്‍ഷം മുന്‍പ് കലാരംഗത്ത് ചുവടുറപ്പിച്ചത്. 

സംസ്ഥാന സര്‍ക്കാരിന്റെ കഴിഞ്ഞ ആയിരം ദിവസത്തെ ഭരണമികവിന്റെ നേര്‍സാക്ഷ്യം ജനങ്ങളില്‍ എത്തിക്കുന്നതിനായി പത്തനംതിട്ട നഗരസഭയുടെ ഇടത്താവള മൈതാനത്ത് നടത്തുന്ന ആഘോഷപരിപാടികളോടനുബന്ധിച്ച് ഇന്ന് (26) നടക്കുന്ന പരിപാടികള്‍ ചുവടെ. 

ഉച്ചയ്ക്ക് രണ്ട് മുതല്‍ ഉത്തരവാദിത്ത ടൂറിസം സാധ്യതകള്‍  എന്ന വിഷയത്തില്‍ ടൂറിസം വകുപ്പിന്റെ സെമിനാര്‍.

വൈകിട്ട് ആറ് മുതല്‍ മലപ്പുറം സംസ്‌കൃതിയുടെ പാവനാടകം. 

മാങ്ങ, ലിച്ചി, റംബൂട്ടാന്‍, മാങ്കോസ്റ്റിന്‍, ഇഞ്ചി, പൈനാപ്പിള്‍ തുടങ്ങി വിവിധ ഇനങ്ങളുടെ സ്‌ക്വാഷുകള്‍  മിതമായ നിരക്കില്‍ കല്‍പ്പറ്റ എസ്‌കെഎംജെ സ്‌കൂള്‍ ഗ്രൗണ്ടില്‍ ലഭിക്കും. സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി നടക്കുന്ന പ്രദര്‍ശനമേളയില്‍ അമ്പലവയല്‍ കാര്‍ഷിക ഗവേഷണ കേന്ദ്രമാണ് സ്‌ക്വാഷുകളുടെ സ്റ്റാള്‍ ഒരുക്കിയത്. വിവിധ തരം സ്‌ക്വാഷുകള്‍ ഇവിടെ ലഭ്യമാണ്. അമ്പലവയല്‍ കാര്‍ഷിക ഗവേഷണ കേന്ദ്രത്തില്‍ നിര്‍മിച്ചവയാണ് അവയെല്ലാം. കൂടാതെ വിവിധയിനം അച്ചാറുകള്‍, ചിപ്‌സ്, വിവിധയിനം പൊടികള്‍ തുടങ്ങിയ ഉല്‍പന്നങ്ങളും ഇവിടെയുണ്ട്. 

പൊഴുതന ഗ്രാമപ്പഞ്ചായത്ത് പരിധിയിലെ ജലസ്രോതസ്സുകളില്‍ നിന്നുള്ള ശുദ്ധജലം കൃഷി ആവശ്യത്തിന് ഉപയോഗിച്ചാല്‍ കര്‍ശന നടപടിയുണ്ടാവുമെന്നു സെക്രട്ടറി അറിയിച്ചു. രൂക്ഷമായ കുടിവെള്ള ക്ഷാമം ഉണ്ടാവാനിടയുള്ളതിനാല്‍ കൃഷി ആവശ്യത്തിന്  ജലസ്രോതസ്സുകളില്‍ നിന്നു വെള്ളമെടുക്കുന്നത് ഒഴിവാക്കണം.

    പ്രളയബാധിത മത്സ്യകര്‍ഷകര്‍ക്ക് ഫിഷറീസ് വകുപ്പിന്റെ ധനസഹായം കല്‍പ്പറ്റ ടൗണ്‍ഹാളില്‍ നടന്ന ചടങ്ങില്‍ സി.കെ. ശശീന്ദ്രന്‍ എം.എല്‍.എ. വിതരണം ചെയ്തു.