സംസ്ഥാന നഗരകാര്യ വകുപ്പ്, കുടുംബശ്രീ മിഷന്‍ വഴി നഗരസഭകളില്‍ നടപ്പിലാക്കുന്ന ദേശീയ നഗര ഉപജീവന മിഷന്‍ പദ്ധതിയുടെ ഭാഗമായി നടത്തുന്ന ബാങ്കിങ് ആന്‍ഡ്  അക്കൗണ്ടിങ്, ടാലി, ഡൊമസ്റ്റിക് ഇലക്ട്രിഷ്യന്‍, റിപ്പയര്‍ ആന്‍ഡ് മെയിന്റനന്‍സ് ഓഫ് ഡൊമസ്റ്റിക് ഇലക്‌ട്രോണിക് അപ്ലയന്‍സസ്, ടൂവീലര്‍,  ത്രീ വീലര്‍ മെക്കാനിക്, എ.സി മെക്കാനിക്, ആയുര്‍വേദ സ്പാ തെറാപ്പി, സി.സി.ടി.വി ഇന്‍സ്റ്റാളേഷന്‍ ടെക്‌നീഷ്യന്‍ തുടങ്ങിയ സൗജന്യ തൊഴില്‍ പരിശീലന കോഴ്‌സുകളിലേക്ക് നഗരസഭ, കുടുംബശ്രീ, സി.ഡി.എസ് ഓഫീസുകളില്‍ അപേക്ഷ ക്ഷണിച്ചു.  

കേരള സ്റ്റേറ്റ് ലൈബ്രറി കൗൺസിൽ തൃശൂർ വെളിയന്നൂരിലുള്ള കുട്ടികളുടെ ലൈബ്രറിയിൽ 15 വയസ്സിനു താഴെയുള്ള തെരഞ്ഞെടുക്കപ്പെട്ട കുട്ടികൾക്കായി സംഘടിപ്പിച്ച കഥാരചന ക്യാമ്പ് കഥാകൃത്ത് അശോകൻ ചരുവിൽ ഉദ്ഘാടനം ചെയ്തു. ലൈബ്രറി ജില്ലാ സെക്രട്ടറി കെ എൻ ഹരി അദ്ധ്യക്ഷത വഹിച്ചു. സി ആർ ദാസ്, കൃഷ്ണപ്രിയ എന്നിവർ ക്യാമ്പിൽ വിവിധ സെഷനുകൾക്ക് നേതൃത്വം നൽകി. ഖാദർ പട്ടേപ്പാടം സ്വാഗതവും ജില്ല ലൈബ്രറി ഓഫീസർ ഷൈലജ രാജേന്ദ്രൻ നന്ദിയും പറഞ്ഞു. മെയ് 29 ന് ബാലകൃഷ്ണൻ അഞ്ചത്ത,് പി കെ ഭരതൻ എന്നിവർ പങ്കെടുക്കും. വൈകീട്ട് 3 ന് നടക്കുന്ന സമാപന യോഗം കേരള സ്റ്റേറ്റ് എക്‌സി അംഗം ടി കെ വാസു ഉദ്ഘാടനം ചെയ്യും.
 

ഒല്ലൂർ വൈദ്യരത്‌നം ആയൂർവേദ കോളേജ് ശല്യതന്ത്ര വകുപ്പിന്റെ ആഭിമുഖ്യത്തിൽ മൂലവ്യാധികളായ ആർശസ്, ഫിസ്റ്റുല, ഫിഷർ എന്നീ അസുഖങ്ങൾക്ക് സൗജന്യ പരിശോധനയും മരുന്നുവിതരണവും തിരഞ്ഞെടുത്ത രോഗികൾക്ക് പ്രത്യേക ചികിത്സയും നടത്തുന്നു. ജൂലൈ രണ്ട് മുതൽ ആറ് വരെ ഒല്ലൂർ വൈദ്യരത്‌നം ആയൂർവേദ കോളേജ് ആശുപത്രിയിലാണ് ചികിത്സ. കൂടുതൽ വിവരങ്ങൾക്ക് ഫോൺ : 0487-2353066.

ഹരിത കേരളം മിഷന്‍ സംസ്ഥാനത്ത് നടത്തിയ പുഴ പുനരുജ്ജീവന- ജല സംരക്ഷണ പ്രവര്‍ത്തനങ്ങളെ ആധാരമാക്കി തിരുവനന്തപുരത്ത് നടക്കുന്ന ജലസംഗമത്തില്‍  പങ്കെടുക്കുന്ന വിദഗ്ധര്‍  കോട്ടയം ജില്ലയിലെ മീനച്ചിലാര്‍-മീനന്തറയാര്‍- കൊടൂരാര്‍ പുനര്‍ സംയോജന പദ്ധതി മേഖലകളില്‍ ഇന്ന്  (മെയ് 29) സന്ദര്‍ശനം നടത്തും.

മെയ് 25 വരെ കേരളത്തിലെ ചില ജില്ലകളിലെ  ഒറ്റപ്പെട്ട സ്ഥലങ്ങളില്‍ വൈകുന്നേരങ്ങളില്‍   ഇടിയോടുകൂടിയ ശക്തമായ  മഴയും, മണിക്കൂറില്‍ 30-40 കിമി  വേഗതയില്‍  കാറ്റും ഉണ്ടാകാന്‍ സാധ്യതയുള്ളതായി കാലാവസ്ഥ  നിരീക്ഷണ കേന്ദ്രം അറിയിച്ചു.  ഈ സാഹചര്യത്തില്‍ നേരത്തെ പുറപ്പെടുവിച്ചിട്ടുള്ള ഇടിമിന്നല്‍ ജാഗ്രത നിര്‍ദ്ദേശങ്ങള്‍ പാലിക്കണമെന്ന്  സംസ്ഥാന  ദുരന്ത നിവാരണ അതോറിറ്റി മുന്നറിയിപ്പ് നല്‍കി.

ജില്ലാതല വൈദ്യുതി അപകട നിവാരണ സമിതി യോഗം മെയ് 30 ഉച്ചയ്ക്ക് 12 ന് അഡീഷനല്‍ ജില്ലാ മജിസ്‌ട്രേറ്റിന്റെ ചേമ്പറില്‍ ചേരും.

മഞ്ചേരി സബ്ബ് സ്റ്റേഷനില്‍  എ ബി സ്വിച്ച്  എറക്ഷണ്‍ വര്‍ക്ക് നടക്കുന്നതിനാല്‍    മെയ് 26ന്  രാവിലെ എട്ട് മുതല്‍  വൈകീട്ട് മൂന്ന് വരെ മഞ്ചേരി സബ് സ്റ്റേഷനില്‍ നിന്നുള്ള കാവനൂര്‍, തൃക്കലങ്ങോട്, പാണ്ടിക്കാട്, 11 കെ.വി ഫീഡറുകളില്‍ ഭാഗികമായി വൈദ്യുതി വിതരണം മുടങ്ങും.

മഞ്ചേരി ഗവ: ടെക്‌നിക്കല്‍ ഹൈസ്‌കൂളില്‍ ഒഴിവുള്ള പാര്‍ട്ട്‌ടൈം മലയാളം അധ്യാപക തസ്തികയിലേക്ക്  ഗസ്റ്റ് അധ്യാപകരെ നിയമിക്കുന്നു. യോഗ്യരായ ഉദ്യോഗാര്‍ത്ഥികള്‍ മെയ് 29 രാവിലെ 10.30ന് നടക്കുന്ന  കൂടിക്കാഴ്ചയില്‍ അസ്സല്‍ സര്‍ട്ടിഫിക്കറ്റുകള്‍ സഹിതം  ഹാജരാകണം. ഫോണ്‍ :0483 2766185.

എറിയാട് ഗ്രാമപഞ്ചായത്തിലെ വിവിധ വാർഡുകളിലെ അംഗങ്ങൾക്കായുളള ആർ എസ് ബി വൈ കാർഡ് പുതുക്കൽ ആരംഭിച്ചു. വാർഡ് നാല് മുതൽ ഒമ്പത് വരെയുളള വാർഡുകളിലുളളവർക്ക് അത്താണി ജാമിയ അസീസിയ അറബിക് കോളേജിൽ മെയ് 30 വരെ പുതുക്കാം. 1, 2, 3, 10, 20, 21, 22, 23 വാർഡുകൾക്ക് മെയ് 31 മുതൽ ജൂൺ മൂന്ന് വരെ രാവിലെ 10 മുതൽ എറിയാട് അംബേദ്കർ കമ്മ്യൂണിറ്റി ഹാളിൽ പുതുക്കാം.