ആലപ്പുഴ: ജൂൺ 9 മുതൽ ജൂലൈ 31 വരെ 52 ദിവസത്തേക്ക് മൺസൂൺകാല ട്രോളിംഗ് നിരോധനത്തിന് സർക്കാർ പ്രത്യേക മാർഗ്ഗ നിർദ്ദേശങ്ങൾ പുറപ്പെടുവിച്ചു. മത്സ്യസമ്പത്ത് സുസ്ഥരിമായി നിലനിർത്തുന്നതിനും ശാസ്ത്രീയ മത്സ്യബന്ധനം ഉറപ്പാക്കുന്നതിനുമാണ് നിരോധനമെന്ന് ഇത് സംബന്ധിച്ച് കളക്ട്രേറ്റിൽ ചേർന്ന ചേർന്ന യോഗത്തിൽ അധ്യക്ഷത വഹിച്ച് എ.ഡി.എം. ഐ.അബ്ദുൾ സലാം പറഞ്ഞു. ട്രോളിങ് നിരോധന സമയത്ത് പരമ്പരാഗത മത്സ്യത്തൊഴിലാളികൾക്ക് ഉപരിതല മത്സ്യബന്ധനം നടത്താൻ തടസ്സമില്ല. അയൽ സംസ്ഥാന ബോട്ടുകൾ ട്രോളിംഗ് നിരോധനം നിലവിൽ വരുന്നതിനു മുൻപ് കേരളതീരം വിട്ടു പോകാൻ നിർദ്ദേശം നൽകിയിട്ടുണ്ട്.

ധര്‍മ്മടം ഗ്രാമപഞ്ചായത്തിലെ ഒമ്പതാം വാര്‍ഡായ കോളനി കിഴക്കെപാലയാട് നിയോജക മണ്ഡലത്തിലേക്ക് ജൂണ്‍ 27ന് നടക്കുന്ന ഉപതെരഞ്ഞടുപ്പിന്റെ വിജ്ഞാപനം നാളെ
(മെയ് 31) പ്രസിദ്ധീകരിക്കും. ജൂണ്‍ 7 വരെ നാമനിര്‍ദ്ദേശ പത്രിക സമര്‍പ്പിക്കാം. 10നാണ് സൂക്ഷ്മ പരിശോധന. 12 വരെ പത്രിക പിന്‍വലിക്കാം. 28നാണ് വോട്ടെണ്ണല്‍. 

  മലബാര്‍ ക്ഷേത്ര ജീവനക്കാരുടെയും എക്‌സിക്യൂട്ടീവ് ഓഫീസര്‍മാരുടെയും ക്ഷേമനിധി യില്‍ അംഗങ്ങളായവരുടെ മക്കളില്‍ എസ്.എല്‍.എസി പരീക്ഷയില്‍ എല്ലാ വിഷയങ്ങള്‍ക്കും എ പ്ലസും സി.ബി.എസ്.സി വിഭാഗത്തില്‍ എ വണ്ണും നേടിയവര്‍ക്ക് പാരിതോഷികം നല്‍കുന്നതിന് അപേക്ഷ ക്ഷണിച്ചു. അപേക്ഷ  ജൂണ്‍ 29 ന് വൈകീട്ട് 5 നകം ക്ഷേമനിധി സെക്രട്ടറി ഓഫീസില്‍ ലഭിക്കണം. അപേക്ഷ സെക്രട്ടറി ഓഫീസിലും അസിസ്റ്റന്റ് കമ്മീഷണര്‍,ഡിവിഷണ്‍ ഓഫീസര്‍മാരുടെ ഓഫീസിലും മലബാര്‍ ദേവസ്വം ബോര്‍ഡിന്റെ വെബ്‌സൈറ്റിലും ലഭിക്കും. 

* 'ജലസംഗമം' ഉദ്ഘാടനം ചെയ്തു
വെള്ളത്തിന്റെ വില തിരിച്ചറിയാനും അതു സംരക്ഷിക്കാനുമാകണമെന്ന് മുഖ്യമന്ത്രി പിണറായി വിജയൻ പറഞ്ഞു. ഹരിതകേരളം മിഷന്റെ നേതൃത്വത്തിൽ ടാഗോർ തീയറ്ററിൽ സംഘടിപ്പിക്കുന്ന 'ജലസംഗമ'ത്തിന്റെ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.

വിഴിഞ്ഞം ഫിഷറീസ് സ്റ്റേഷനിൽ 2019 ട്രോൾബാൻ കാലയളവിലേക്ക് ദിവസ വേതനാടിസ്ഥാനത്തിൽ ലൈഫ് ഗാർഡായി നിയമിക്കുന്നതിന് അപേക്ഷ നൽകിയ, ഇതുവരെ ഔദ്യോഗിക അറിയിപ്പ് ലഭിക്കാത്ത, മത്സ്യത്തൊഴിലാളി ക്ഷേമനിധി ബോർഡ് അംഗത്വമുള്ളവർ അസൽ സർട്ടിഫിക്കറ്റുകളുമായി വിഴിഞ്ഞം ഫിഷറീസ് സ്റ്റേഷനിൽ ജൂൺ ഒന്നിന് ഉച്ചയ്ക്ക് 2.30ന് മുമ്പ് അഭിമുഖത്തിനെത്തണമെന്ന് ഫിഷറീസ് അസിസ്റ്റന്റ് ഡയറക്ടർ അറിയിച്ചു.
പി.എൻ.എക്സ്. 1550/19