ഏപ്രില്‍ 23 ന് നടന്ന ലോക്‌സഭ തെരഞ്ഞെടുപ്പില്‍ ഏറെ പ്രശംസ പിടിച്ചുപറ്റിയ കാഞ്ഞിരക്കൊല്ലി മാതൃക പോളിംഗ് സ്റ്റേഷനെക്കുറിച്ച് തയ്യാറാക്കിയ ഡോക്യുമെന്ററി 'വോട്ട്-ജനാധിപത്യത്തിന്റെ ഉത്സവം' ജില്ലാ കലക്ടര്‍ മീര്‍ മുഹമ്മദ് അലി പ്രകാശനം ചെയ്തു. ഇരിക്കൂര്‍ നിയോജക മണ്ഡലത്തിലെ ഏക മാതൃകാ പോളിംഗ് ബൂത്തായിരുന്നു പയ്യാവൂര്‍ വില്ലേജിലെ കാഞ്ഞിരക്കൊല്ലി ഖാദര്‍ ഹാജി മെമ്മോറിയല്‍ സ്‌കൂളിലെ 148 ാം നമ്പര്‍ പോളിംഗ് സ്റ്റേഷന്‍. ഈ പോളിംഗ് സ്റ്റേഷനിലെ പ്രത്യേകതകളും വോട്ടര്‍മാര്‍ക്കായി ഒരുക്കിയ സൗകര്യങ്ങളും കോര്‍ത്തിണക്കിയാണ് ഡോക്യുമെന്ററി തയ്യാറാക്കിയിരിക്കുന്നത്.  

പൊതുതെരഞ്ഞെടുപ്പ് വോട്ടെണ്ണലിനോടനുബന്ധിച്ച് വോട്ടെണ്ണല്‍ കേന്ദ്രമായ മുണ്ടൂര്‍ ആര്യാനെറ്റ് ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ മെഡിക്കല്‍ ടീമിനെ നിയോഗിച്ചു. ഒരു ഡോക്ടര്‍, സ്റ്റാഫ് നഴ്സ്, നഴ്സിംഗ് അസിസ്റ്റന്റ്, ഡ്രൈവര്‍ എന്നിവരടങ്ങുന്ന ടീമിനെയാണ് രണ്ടു ദിവസങ്ങളിലായി (മെയ് 22, 23)നിയോഗിച്ചിരിക്കുന്നത്. ആംബുലന്‍സ് സൗകര്യവും ജീവന്‍രക്ഷാ മരുന്നുകളും തയ്യാറാക്കിയിട്ടുണ്ട്. 

മൃഗസംരക്ഷണ വകുപ്പിന്റെ അംഗീകൃത എഗ്ഗര്‍ നഴ്‌സറിയില്‍ നിന്നും 45 ദിവസം പ്രായമായ മുട്ടകോഴികള്‍ ഒറ്റപ്പാലം നഗരസഭയില്‍ വിതരണം ചെയ്യുന്നു. ഒന്നിന് നൂറ് രൂപ നിരക്കിലാണ് വിതരണം. ആവശ്യമുള്ളവര്‍ ഒറ്റപ്പാലം മൃഗാശുപത്രിയില്‍ മെയ് 28 ന് മുന്‍പ് ബുക്ക് ചെയ്യണമെന്ന് മലമ്പുഴ മേഖലാ കോഴി വളര്‍ത്തല്‍ കേന്ദ്രം അസിസ്റ്റന്റ് ഡയറക്ടര്‍ അറിയിച്ചു.

പാര്‍ട്ട് ടൈം കണ്ടിജന്റ് ജീവനക്കാരുടെ ജില്ലാതല താത്ക്കാലിക സീനിയോറിറ്റി ലിസ്റ്റ് പ്രസിദ്ധീകരിച്ചു. ആരോഗ്യം, ഭാരതീയ ചികിത്സ, ഹോമിയോ, എംപ്ലോയീസ്, സ്‌റ്റേറ്റ് ഇന്‍ഷുറന്‍സ്, മൃഗസംരക്ഷണം, നീതിന്യായം, പി.എസ്.സി എന്നിവ ഒഴികെയുള്ള വകുപ്പുകളില്‍ 2019 ജനുവരി 31 വരെ സര്‍വീസില്‍ പ്രവേശിച്ചിട്ടുള്ള ജീവനക്കാരുടെ ലിസ്റ്റാണ് പ്രസിദ്ധീകരിച്ചിരിക്കുന്നത്. കലക്ടറേറ്റിലും ജില്ലാതല ഓഫീസുകളിലും ലിസ്റ്റ് ലഭ്യമാണ്. പരാതികളുള്ളവര്‍ ആവശ്യമായ രേഖകള്‍ സഹിതം മെയ് 24നകം കലക്ടറേറ്റില്‍ സമര്‍പ്പിക്കണം.

മുണ്ടൂര്‍ ആര്യാനെറ്റ് ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ മെഡിക്കല്‍ ടീമിനെ നിയോഗിച്ചു. ഒരു ഡോക്ടര്‍, സ്റ്റാഫ് നഴ്സ്, നഴ്സിംഗ് അസിസ്റ്റന്റ്, ഡ്രൈവര്‍ എന്നിവരടങ്ങുന്ന ടീം, ആംബുലന്‍സ് സൗകര്യം, ജീവന്‍രക്ഷാ മരുന്നുകള്‍ എന്നിവ സജ്ജമാണ്